-
ឯកឧត្តម ហ៊ុន ម៉ានី៖ “ស.ស.យ.ក. បាននិងកំពុងពង្រឹងនូវតួនាទីរបស់ខ្លួនកាន់តែខ្លាំងក្លា ក្នុងការចូលរួមចំណែកអភិវឌ្ឍន៍សង្គមជាតិ
ប្រកបដោយស្មារតី ទទួលខុសត្រូវ ដោយបានផ្តួចផ្តើមគំនិតដឹកនាំ និងធ្វើសកម្មភាពវិជ្ជមានដល់សង្គម ដោយបន្តប្តេជ្ញាជំរុញការអនុវត្តការងារ និងសកម្មភាពនានាស្របតាម ផែនការយុទ្ធសាស្រ្តយុវជន ក្នុងបុព្វហេតុជាតិមាតុភូមិ២០២៣-២០២៨ ឱ្យសម្រេចបានជាប្រយោជន៍សម្រាប់យុវជន និងជាតិមាតុភូមិកម្ពុជា”។ ឯកឧត្តម ក៏បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់សមាជិកស.ស.យ.ក. ទាំងអស់ ក្នុងការបំពេញតួនាទីភារកិច្ចយ៉ាងសកម្ម ប្រកបដោយស្មារតីទទួលខុសត្រូវ និងទឹកចិត្តស្រឡាញ់ ជាតិមាតុភូមិ។ #ams1minute
-
សម្តេចធិបតី៖ “សហភាពសហព័ន្ធយុវជនកម្ពុជា (ស.ស.យ.ក) គឺជាអង្គការយុវជន
បម្រើកិច្ចការមហាជនធំជាងគេនៅកម្ពុជា ដែលបានរួមចំណែកបំពេញបេសកកម្ម និងភារកិច្ចរបស់ខ្លួនលើកិច្ចការសង្គម មនុស្សធម៌ និងដើម្បីបុព្វហេតុជាតិ មាតុភូមិ តាមរយៈការងារស្ម័គ្រចិត្ត ដោយមិនប្រកាន់និន្នាការនយោបាយ វណ្ណៈ សាសនា នោះឡើយ”។ នៅក្នុងកិច្ចប្រជុំគណៈកម្មាធិការកណ្តាលរបស់ខ្លួន ស.ស.យ.ក បានធ្វើការបោះឆ្នោតជ្រើសរើស សមាជិក គណៈកម្មាធិការកណ្តាលថ្មីចំនួន ១១៣ រូប បោះឆ្នោតបំពេញបន្ថែមសមាជិកគណៈអចិន្ត្រៃយ៍ចំនួន ៥ និងជ្រើសរើសអនុប្រធានចំនួន ១រូប។ #ams1minute
-
គោលដៅទេសចរណ៍សំខាន់ៗ ក្នុងប្រទេសកម្ពុជា
-
ក្រុងកំពត ខេត្តកំពតការរៀបចំក្រុង នគរូបនីយកម្ម កម្ពុជាមាតុភូមិខ្ញុំ
-
Volkswagen ចែកចាយរថយន្តចំនួន ៩.២លានគ្រឿងក្នុងឆ្នាំ២០២៣
ប៊ែរឡាំង៖ ក្រុមហ៊ុនផលិតរថយន្ត Volkswagen របស់ប្រទេសអាល្លឺម៉ង់ ក្នុងថ្ងៃពុធ បានរាយការណ៍ពីការកើនឡើងប្រាក់ចំណេញរបស់ខ្លួនក្នុងឆ្នាំ២០២៣ ដោយសារតែសន្ទុះនៃការលក់រថយន្តកើនឡើងខ្ពស់។ ក្រុមហ៊ុនផលិតរថយន្តយក្សអាល្លឺម៉ង់មួយនេះ ទទួលបានប្រាក់ចំណេញសុទ្ធកើនឡើង ១៣.១ភាគរយ ដល់ ១៧.៩ពាន់លានអឺរ៉ូ ឬប្រហែល១៩.៦ពាន់លានដុល្លារ បើធៀបនឹងឆ្នាំមុន។ ការលក់បានកើនឡើងច្រើនជាង ១៥ភាគរយ ដល់ ៣២២.៣ពាន់លានអឺរ៉ូ ឬប្រមាណ៣៥២.២ពាន់លានដុល្លារ។ ជារួម ក្រុមហ៊ុន Volkswagen បានចែកចាយរថយន្តប្រហែល ៩.២លានគ្រឿងដល់អតិថិជនក្នុងឆ្នាំ២០២៣ តួលេខនេះកើនឡើងចំនួន ១២ភាគរយ។ នេះគឺជាការចែកចាយរថយន្តកើនឡើងលើកដំបូង បន្ទាប់ពីបានធ្លាក់ចុះរយៈពេលបីឆ្នាំជាប់ៗគ្នា ក្រោយផលិតកម្មរបស់ Volkswagen ត្រូវរំខានដោយសារកង្វះធាតុផ្សំសំខាន់ៗ ចំពេលមានបញ្ហាខ្សែសង្វាក់ផ្គត់ផ្គង់។ ទោះបីជាយ៉ាងណា ការលក់រថយន្តរបស់ក្រុមហ៊ុន Volkswagen បានកើនឡើងចំនួន ២០ភាគរយនៅអឺរ៉ុប និងក្នុងតំបន់អាមេរិកខាងជើងចំនួន ១៨ភាគរយ។ ចំណែកនៅក្នុងទីផ្សារប្រទេសចិន ការលក់ក៏បានកើនឡើងផងដែរ ប៉ុន្តែក្នុងអត្រាតិចតួចប៉ុណ្ណោះ មានចំនួន ១.៦ភាគរយ។ កំណើននេះមានភាពយឺតយ៉ាវជាងឆ្នាំមុន ដោយវាបានសបញ្ជាក់ថា ក្រុមហ៊ុន Volkswagen កំពុងបាត់បង់មូលដ្ឋាននៅក្នុងទីផ្សារដ៏សំខាន់បំផុតរបស់ខ្លួន។ ក្រុមហ៊ុនផលិតរថយន្តយក្សអាល្លឺម៉ង់នេះរំពឹងថា ការចែកចាយរថយន្តរបស់ខ្លួន នឹងកើនឡើងនៅឆ្នាំ២០២៤ ប៉ុន្តែមានត្រឹមតែ ៣ភាគរយប៉ុណ្ណោះ ដោយសារតែការប្រកួតប្រជែងជាអន្តរជាតិកាន់តែតឹងតែង…
-
ក្រោយជួបពិភាក្សាជាមួយក្រសួងរៀបចំដែនដី នគរូបនីយកម្ម និងសំណង់ រួចមកក្រុមហ៊ុនបុរីពិភពថ្មី
បានសម្រេចចេញនូវគោលការណ៍សម្រួលដល់អតិថិជនដែលកំពុងបង់រំលស់មានការយឺតយ៉ាវ ដូចខាងក្រោម៖ ១. អតិថិជនអាចបង់តែការប្រាក់ រហូតដល់រយៈពេល ៣ឆ្នាំ ២. ការប្រាក់ដែលអតិថិជនបានជំពាក់កន្លងមក (មិនគិតពិន័យ) ទុកសម្រាប់ទូទាត់ក្រោយរយៈពេល ៣ឆ្នាំ ឬ អតិថិជនអាចរៀបចំឥណទានសារឡើងវិញ ៣. អតិថិជនអាចប្តូររយៈពេលបង់រំលស់ រហូតដល់ ៣០ឆ្នាំ 👉 សូមអតិថិជន អញ្ជើញទំនាក់ទំនងនៅការិយាល័យលក់ផ្ទះបុរីពិភពថ្មីគ្រប់ទីតាំង។ #ams1minute
-
សិក្ខាសាលាស្តីពី «ការប្រឆាំងព័ត៌មានក្លែងក្លាយក្នុងយុគសម័យបញ្ញាសិប្បនិម្មិត និង សន្តិសុខ សាយប័រ» ត្រូវបានបិទបញ្ចប់ប្រកបដោយជោគជ័យ
ភ្នំពេញ៖ នៅល្ងាចថ្ងៃទី១៣ ខែមីនា ឆ្នាំ២០២៤ នេះ ឯកឧត្តមបណ្ឌិត ជា វ៉ាន់ដេត រដ្ឋមន្ត្រី ក្រសួងប្រៃសណីយ៍និងទូរគមនាគមន៍ បានអញ្ជើញបិទសិក្ខាសាលាស្តីពី «ការប្រឆាំង ព័ត៌មាន ក្លែងក្លាយក្នុងយុគសម័យបញ្ញាសិប្បនិម្មិតនិងសន្តិសុខសាយប័រ» នៅទីស្តីការ គណៈរដ្ឋមន្ត្រី ដែលមានសិក្ខាកាមចូលរួមមកពីគ្រប់ក្រសួងស្ថាប័ន រាជធានីខេត្ត មានចំនួនប្រមាណ៣៥០នាក់ ដែលរៀបចំរយៈពេល១ថ្ងៃពេញ។ មានប្រសាសន៍ក្នុងឱកាសពិធីបិទសិក្ខាសាលានេះដែរ ឯកឧត្តមបណ្ឌិតរដ្ឋមន្ត្រី ជា វ៉ាន់ដេត បានលើកឡើងថា រាជរដ្ឋាភិបាលកម្ពុជាបានផ្តល់ការយកចិត្តទុកដាក់ខ្លាំងលើបច្ចេកវិទ្យា និងបានចាត់ទុកបច្ចេកវិទ្យា ជាកាតាលីករដ៏មានសារៈសំខាន់ថ្មីមួយក្នុងការជំរុញកំណើន ផលិតភាពសេដ្ឋកិច្ច និងសង្គម។ ឯកឧត្តមបណ្ឌិតរដ្ឋមន្ត្រី បានបន្តថា ដើម្បីឱ្យមាន ប្រសិទ្ធភាពក្នុងការអនុវត្តគោលនយោបាយ ស្របតាមយុគសម័យបច្ចេកវិទ្យាឌីជីថល សម្តេចមហាបវរធិបតីនាយករដ្ឋមន្ត្រី តែងតែងសង្កត់ធ្ងន់អំពីតម្រូវការក្នុងការរៀបចំបង្កើត និងពង្រឹងនូវយន្តការព័ត៌មានស្នូលនៅតាមបណ្តាក្រសួង-ស្ថាប័ន ទាំងថ្នាក់ជាតិ និងថ្នាក់ក្រោមជាតិ ដើម្បីឱ្យយន្តការនេះមានលក្ខណៈអចិន្ត្រៃយ៍ ដែលធ្វើឱ្យ ការងារ គ្រប់គ្រងព័ត៌មាននិងសាធារណមតិ ក្លាយជាស្នូលនៃចលនាជាតិមួយ ក្នុងកិច្ចការព័ត៌មាន និងសាធារណមតិ ជាពិសេសការអនុវត្តនូវអភិក្រមប្រតិកម្ម និងបុរេសកម្មដោយ ភាព ម្ចាស់ការ និងការទទួលខុសត្រូវកាន់តែខ្ពស់ថែមទៀត។ ឯកឧត្តមបណ្ឌិត ជា វ៉ាន់ដេត…
-
លោក Trump និង Biden មានប្រតិភូគ្រប់គ្រាន់ សម្រាប់ការតែងតាំង ជាបេក្ខភាពបោះឆ្នោត
វ៉ាស៊ីងតោនឌីស៊ី៖ លោក ប្រធានាធិបតីអាមេរិក Joe Biden និងគូប្រជែងដ៏ស្វិតស្វាញ គឺលោក Donald Trump បានឈ្នះតំណាងគ្រប់គ្រាន់ ឆ្ពោះទៅរកការបោះឆ្នោត ជ្រើសរើសប្រធានាធិបតីអាមេរិក នាឆ្នាំ២០២៤នេះ។ អំឡុងការបោះឆ្នោតបឋម រាប់ខែមកនេះ ជាពិសេស ក្រោយបញ្ចប់ព្រឹត្តិការណ៍ Super Tuesday កាលពីថ្ងៃអង្គារ ពួកលោកទទួលបានប្រតិភូគ្រប់គ្រាន់ សម្រាប់ការធ្វើជាបេក្ខភាពតំណាងគណបក្សរបស់ខ្លួន ឆ្ពោះទៅរកការបោះឆ្នោតអាមេរិក នៅថ្ងៃទី៥ ខែវិច្ឆិកា។ ការបោះឆ្នោតបឋម សំដៅលើការបោះឆ្នោតក្នុងបក្ស ដើម្បីឲ្យពួកគេលោកបានសម្លេងគ្រប់គ្រាន់ ឬ ការទទួលបានប្រតិភូ នៅតាមរដ្ឋគ្រប់គ្រាន់ មុននឹងក្លាយជាបេក្ខភាពផ្លូវការ។ រដ្ឋនីមួយៗ មានចំនួនប្រតិភូ ស្មើនឹងចំនួនសមាជិកសភាអាមេរិកទាំងពីរ។ ប្រតិភូជាច្រើន មានក្នុងព្រឹត្តិការណ៍ Super Tuesday ក្នុងនោះ រដ្ឋចំនួន ១៥ និងដែនដីមួយ។ លោក Biden ស្ថិតក្នុងដំណើរកៀកខ្លាំង ដើម្បីទទួលបានការតែងតាំង ពីគណបក្សប្រជាធិបតេយ្យ។ ចំណែកឯ លោក Trump វិញ ក៏មិនឆ្ងាយប៉ុន្មានដែរ ត្បិតអី លោកទទួលបានប្រតិភូច្រើន…
-
Xiaomi ត្រៀមចេញលក់រថយន្តអគ្គិសនីលើកដំបូង នៅចុងខែមីនានេះ
ប៉េកាំង៖ ក្រុមហ៊ុនអេឡិចត្រូនិចយក្សចិន Xiaomiនឹងចាប់ផ្តើមចែកចាយរថយន្តអគ្គិសនីរបស់ខ្លួនលើកដំបូង នៅចុងខែមីនាខាងមុខ ដែលនេះជាការបោះជំហានប្រឡូកក្នុងឧស្សាហកម្មរថយន្ត ដែលកំពុងមានការប្រកួតប្រជែងខ្លាំង។ លោក Lei Jun ស្ថានិក និងជានាយកប្រតិបត្តិក្រុមហ៊ុន Xiaomi បានបង្ហោះសារនៅលើបណ្តាញសង្គមចិន Weipo ថា Xiaomi នឹងចេញលក់រថយន្តអគ្គិសនីម៉ូដែល SU7 ជាផ្លូវការ នៅថ្ងៃទី២៨ ខែមីនាខាងមុខ។ រថយន្តអគ្គិសនី Speed Ultra 7 ឬ SU7 នឹងត្រូវផលិតដោយក្រុមហ៊ុនរថយន្តយក្សចិន BAIC Group។ រីឯអាគុយរបស់វា ដែលអាចបើកបរបានចម្ងាយរហូតដល់ ៨០០គីឡូម៉ែត្រ ផ្គត់ផ្គង់ដោយក្រុមហ៊ុនផលិតរថយន្តអគ្គិសនីដ៏ធំបំផុតរបស់ប្រទេសចិន BYD និងក្រុមហ៊ុនផលិតអាគុយយក្សក្នុងស្រុក CATL។ លោក Lei បានអះអាងថា SU7 បង្កើតឡើងជាមួយនឹងការបំពាក់បច្ចេកវិទ្យាទំនើប «Super Electric Motor» ដែលមានសមត្ថភាពបង្កើនល្បឿនលឿនជាងរថយន្ត Tesla និង Porsche របស់អាល្លឺម៉ង់ លើម៉ូដែលមួយចំនួន។ កាលពីខែធ្នូឆ្នាំមុន លោក Lei ក៏ធ្លាប់បានប្រកាសផងដែរថា…
-
ក្រុមហ៊ុនយក្សអាមេរិក Ford បន្លំពន្ធគយឡាន ១៦ម៉ឺនគ្រឿង
បរទេស៖ អាជ្ញាធរបានឲ្យដឹងថា ក្រុមហ៊ុនរថយន្តយក្សរបស់អាមេរិក Ford បានយល់ព្រមបង់ប្រាក់ចំនួន ៣៦៥លានដុល្លារ ដើម្បីដោះស្រាយបណ្តឹងរដ្ឋប្បវេណី ពាក់ព័ន្ធនឹងការក្លែងបន្លំពន្ធគយ ករណីចោទថា ប្រភេទរថយន្តដឹកទំនិញ តែនាំចូល បន្លំធ្វើជារថយន្តដឹកអ្នកដំណើរ ក្នុងគោលដៅបង់ពន្ធទាប។ នាយកដ្ឋានយុត្តិធម៌អាមេរិកបាននិយាយថា ក្រុមហ៊ុន Ford បានព្យាយាមជៀសវាងការបង់ពន្ធខ្ពស់ លើរថយន្ត ត្រេនស៊ីត ខនណេក យូធីលីធី (Transit Connect utility) ដែលនាំចូលពីប្រទេសទួកគីប្រហែល ១៦៣០០០គ្រឿង ចន្លោះពីឆ្នាំ២០០៩ ដល់ ឆ្នាំ២០១៣។ ក្រុមហ៊ុន ហ្វត (Ford) បានតតាំងនឹងករណីនេះ នៅក្នុងតុលាការ អស់ជាច្រើនឆ្នាំ ដោយលើកហេតុផលថា កៅអីខាងក្រោយ គឺជារថយន្តដឹកអ្នកដំណើរ ពិតមែន។ ប៉ុន្តែ នាយកដ្ឋានយុត្តិធម៌អាមេរិកចោទប្រកាន់ថា ក្រុមហ៊ុន Ford បានដំឡើងកៅអីខាងក្រោយ ក្លែងក្លាយ ដើម្បីធ្វើឱ្យរថយន្តនោះមើលទៅដូចជា រថយន្តដឹកអ្នកដំណើរ។ យ៉ាងណាមិញ កាលពីថ្ងៃចន្ទ ភាគីទាំងពីរបានឈានដល់កិច្ចព្រមព្រៀងជាមួយនឹងការបង់ប្រាក់ ៣៦៥ លានដុល្លារនេះ៕ ប្រភពពី AFP ប្រែសម្រួល៖…