-
ប្រេសិតពិសេសហាម៉ាស់ កាតា និងអាមេរិកជួបគ្នានៅអេហ្ស៊ីប ពិភាក្សាពីបទឈប់បាញ់
គែរ៖ ប្រតិភូមកពីក្រុមហាម៉ាស់ កាតា និងសហរដ្ឋអាមេរិក ធ្វើដំណើរទៅដល់ប្រទេសអេហ្ស៊ីបហើយ សម្រាប់ “ការចរចារថ្មី” ឆ្ពោះទៅរកបទឈប់បាញ់ក្នុងសង្គ្រាមហ្គាហ្សា នេះបើតាមការចេញផ្សាយដោយសារព័ត៌មានរដ្ឋ Al-Qahera នៅថ្ងៃអាទិត្យម្សិលមិញ។ អេហ្ស៊ី កាតា និងសហរដ្ឋអាមេរិក បានរួមគ្នាសម្រុះសម្រួលលើការចរចាជាច្រើនសប្តាហ៍ ក្នុងគោលបំណងផ្អាកការប្រយុទ្ធគ្នានៅក្នុងសង្គ្រាមជិត៥ខែ រវាងអ៊ីស្រាអែល និងក្រុមហាម៉ាស់ ដែលបង្កឡើងពីការវាយប្រហារនៅថ្ងៃទី៧ ខែតុលា។ គោលដៅរបស់ប្រទេសទាំងបី គឺឈានឆ្ពោះទៅរកបទឈប់បាញ់មួយនៅដើមខែដ៏ពិសិដ្ឋរបស់ជនជាតិមូស្លីម នៃបុណ្យរ៉ាម៉ាដននៅសប្តាហ៍ក្រោយ ប៉ុន្តែក្តីសង្ឃឹមនៃការចរចាបានបរាជ័យជាបន្តបន្ទាប់។ ការចរចានេះបានផ្តោតសំខាន់លើសំណើផ្អាកការប្រយុទ្ធគ្នារយៈពេល៦សប្តាហ៍ ហើយក្រុមហាម៉ាស់ត្រូវដោះលែងចំណាប់ខ្មាំង ជាថ្នូរនឹងការដោះលែងអ្នកទោសប៉ាឡេស្ទីនចេញពីពន្ធនាគាររបស់អ៊ីស្រាអែល ក៏ដូចជាការផ្តល់ជំនួយកាន់តែច្រើន។ គួរបញ្ជាក់ថា សង្គ្រាមនៅហ្គាហ្សាបានផ្ទុះឡើងនៅថ្ងៃទី៧ ខែតុលា ដោសារការវាយប្រហារមិនធ្លាប់មានពីមុនមករបស់ក្រុមហាម៉ាសើ នៅភាគខាងត្បូងអ៊ីស្រាអែល ដែលបានបណ្តាលឱ្យមនុស្សប្រហែល ១,១៦០នាក់បានស្លាប់ ដែលភាគច្រើនជាជនស៊ីវិល។ ក្រុមសកម្មប្រយុទ្ធនៅតំបន់ហ្គាហ្សា ក៏បានចាប់ចំណាប់ខ្មាំងចំនួន ២៥០នាក់ផងដែរ ក្នុងនោះ ១៣០នាក់នៅតែជាប់ជាឈ្លើយសឹក។ ចំណែកការវាយលុកសងសឹករបស់អ៊ីស្រាអែលលើទឹកដីប៉ាឡេស្ទីនវិញ បានសម្លាប់មនុស្សប្រមាណ ៣០,៤១០នាក់ ភាគច្រើនជាស្ត្រី និងកុមារ នេះបើតាមការបញ្ជាក់របស់ក្រសួងសុខាភិបាលហ្គាហ្សា នៅថ្ងៃអាទិត្យម្សិលមិញ៕ ប្រភព៖ AFP ប្រែសម្រួលដោយ៖ ឈឹម ទីណា
-
ស្វីសធ្វើប្រជាមាតិប្រាក់សោធននិវត្តន៍ និងអាយុចូលនិវត្តន៍
ហ្ស៊ឺណែវ៖ ប្រទេសស្វីស ដែលមានប្រជាជនវ័យចំណាស់ប្រឈមមុខនឹងការឡើងតម្លៃនៃការរស់នៅ នៅថ្ងៃអាទិត្យ កំពុងធ្វើប្រជាមតិលើគំនិតផ្តួចផ្តើមចំនួនពីរ ដែលនឹងផ្លាស់ប្តូរជីវិតរបស់សោធននិវត្តន៍ តាមរបៀបផ្សេងៗគ្នា។ សំណើរដើម្បីដំឡើងអាយុចូលនិវត្តន៍បន្តិចម្តងៗពី ៦៥ ទៅ ៦៦ឆ្នាំ មើលទៅហាក់ដូចជាបរាជ័យ ប៉ុន្តែសំណើទីពីរ ដែលស្វែងរកការជំរុញការបង់ប្រាក់សោធននិវត្តន៍អាចកើតឡើង។ សំណើនោះដាក់ចេញដោយសហជីពស្វីស ហើយមានចំណងជើងថា “ការរស់នៅកាន់តែប្រសើរឡើងក្នុងការចូលនិវត្តន៍” ដែលទាមទារឱ្យមានការបង់ប្រាក់សោធននិវត្តន៍ប្រចាំខែទី១៣ ជារៀងរាល់ឆ្នាំ ស្រដៀងទៅនឹងប្រាក់ខែខែទី១៣ ដែលនិយោជិតជាច្រើនទទួលបាននៅប្រទេសស្វីស និងបណ្តាប្រទេសនៅអឺរ៉ុបផ្សេងទៀត។ ការបង់ប្រាក់របបសន្តិសុខសង្គមប្រចាំខែនៅក្នុងប្រទេសស្វីស អាចកើនឡើងដល់ ២,៤៥០ហ្វ្រង់ស្វីស ឬប្រហែល ២,៧៨០ដុល្លារសម្រាប់បុគ្គល និង ៣,៦៧៥ហ្វ្រង់ស្វីស ឬប្រហែល ៤,១៥៦ដុល្លារសម្រាប់គូស្វាមីភរិយា។ លោក Pierre-Yves Maillard ប្រធានសហព័ន្ធសហជីពស្វីស (SGB) និងជាផ្នែកនៃយុទ្ធនាការ “Yes” និយាយថា មានវិបត្តិអំណាចបញ្ជាទិញ… អ្នកចូលនិវត្តន៍កំពុងមើលឃើញថា កម្រិតជីវភាពរបស់ពួកគេធ្លាក់ចុះ។ លោក Jakob Hauri អ្នកចូលនិវត្តន៍ដែលបានដកស្រង់សម្តីដោយយុទ្ធនាការនេះ បានយល់ស្របថា តម្លៃនៃការរស់នៅចេះតែកើនឡើង។ ទោះបីជាយ៉ាងណា រដ្ឋាភិបាលស្វីស បានបញ្ជាក់ថា សំណើដែលបានស្នើឡើងទាំងនេះ នឹងត្រូវចំណាយច្រើនជាង៤ពាន់លានហ្វ្រង់ស្វីសក្នុងមួយឆ្នាំ និងព្រមានថា វានឹងតម្រូវឱ្យមានការដំឡើងពន្ធ…
-
សម្តេចប៉ាប Francis អង្វរសុំបទឈប់បាញ់ នៅហ្គាហ្សា
បរទេស៖ សម្តេចសង្ឃកាតូលិក Francis បានអំពាវនាវឱ្យអ៊ីស្រាអែល និងក្រុមហាម៉ាសរួមគ្នាបង្កើតកិច្ចព្រមព្រៀងមួយសម្រាប់ «បទឈប់បាញ់ជាបន្ទាន់នៅហ្គាហ្សា» ជាអ្វីដែលសម្តេច ប៉ា លើកឡើងថា ល្មមដល់ពេលហើយ។ អំឡុងការថ្លែងសុន្ទរកថា ទៅកាន់ហ្វូងមនុស្សជាច្រើននាក់ នៅទីលាន St Peter’s សម្តេច ប៉ាប បាននិយាយពាក្យដដែលៗថា «គ្រប់គ្រាន់!» និង ពាក្យថា «សូមឈប់!» ។ សម្តេចប៉ាបបានអង្វរឲ្យមានកិច្ចព្រមព្រៀងមួយ ដែលនឹងដោះលែងចំណាប់ខ្មាំងជាបន្ទាន់ និងផ្តល់ជំនួយមនុស្សធម៌ ដល់ជនស៊ីវិល នៅតំបន់ហ្គាហ្សា។ សម្តេចប៉ាប ហ្វ្រង់ស៊ីស (Francis) លើកឡើងថា «ខ្ញុំយកចិត្តទុកដាក់ក្នុងចិត្ត ជារៀងរាល់ថ្ងៃ ដោយមានទុក្ខព្រួយ ទុក្ខលំបាករបស់ប្រជាជន នៅប៉ាឡេស្ទីន និងអ៊ីស្រាអែល ដោយសារតែអរិភាពដែលកំពុងកើតឡើង…មនុស្សរាប់ពាន់នាក់បានស្លាប់ រងរបួស បញ្ហាជនភៀសខ្លួន ការបំផ្លិចបំផ្លាញដ៏ធំធេង បណ្តាលឱ្យមានការឈឺចាប់ ហើយនេះគឺជាផលវិបាកយ៉ាងធំធេង លើកុមារតូច និងអ្នកគ្មានទីពឹងសម្រាប់អនាគតរបស់ពួកគេឡើយ»។ ទ្រង់បានបន្តថា «ខ្ញុំឆ្ងល់! តើអ្នកពិតជាគិតថា អ្នកនឹងកសាងពិភពលោកដ៏ប្រសើរ ជាងនេះមែនទេ? តើអ្នកពិតជាគិតថា អ្នកនឹងទទួលបានសន្តិភាពឬ? ល្មមហើយ! ចូរយើងទាំងអស់គ្នានិយាយថា…
-
ភ្នំភ្លើងក្នុងតំបន់ប្រជុំកោះដ៏ល្បី បានបញ្ចេញកម្អែ នៅអេក្វាឌ័រ
បរទេស៖ អាជ្ញាធរបាននិយាយថា ភ្នំភ្លើងមួយកន្លែងនៅលើកោះ ដែលគ្មានមនុស្សរស់នៅ និងល្បីល្បាញ នៃប្រទេសអេក្វាឌ័រ បានបញ្ចេញកម្អែរបស់ខ្លួន ជាការគំរាមកំហែងដល់ពពួកសត្វកម្រ ជាច្រើនប្រភេទ។ កាលពីថ្ងៃអាទិត្យ វិទ្យាស្ថានភូគព្ភសាស្ត្ររបស់ប្រទេសស្ថិតក្នុងតំបន់អាមេរិកខាងត្បូងមួយនេះ បាននិយាយថា ភ្នំភ្លើងនៅតំបន់ La Cumbre នៅលើកោះ Fernandina បានបញ្ចេញកម្អែ កាលពីថ្ងៃសៅរ៍។ ភ្នំភ្លើងមួយនេះមានកម្ពស់ ជិត១៥០០ម៉ែត្រ។ វាធ្លាប់បានផ្ទុះចំនួន ៣ដង ចាប់តាំងពីឆ្នាំ២០១៧មក។ ប្រជុំកោះ Galapagos ដែលមានចម្ងាយប្រហែល ១ពាន់គីឡូម៉ែត្រ ពីដីគោកនៃប្រទេសអេក្វាឌ័រ សម្បូរដោយរុក្ខជាតិ និងប្រភេទសត្វដែលកម្របំផុត នៅក្នុងពិភពលោក។ ទីនោះ គឺជាផ្ទះសម្រាប់ប្រភេទសត្វអណ្តើកលឿង នៅលើដី ហើយ នៅឆ្នាំ២០១៩ អណ្តើកមួយប្រភេទដែលគេជឿថា បានផុតពូជត្រូវបានគេរកឃើញ នៅទីនោះ។ តំបន់ La Cumbre មានអត្រាផ្ទុះភ្នំភ្លើងខ្ពស់បំផុតមួយ ប៉ុន្តែក៏ជាទីពេញចិត្តរបស់អ្នកទេសចរ បើទោះបីជាគ្មានសណ្ឋាគារ ឬ ភោជនីយដ្ឋាន ហើយសម្រាប់តែដំណើរកម្សាន្តខ្លីៗ តាមរយៈការជិះទូក យ៉ាងណាក្តី។ វិទ្យាស្ថានភូគព្ភសាស្ត្របានណែនាំអ្នកទេសចរ ឱ្យនៅឱ្យឆ្ងាយ ប្រសិនបើមានកម្អែភ្នំភ្លើង ហូរចូលសមុទ្រ៕…
-
សមាសភាពគណៈកម្មការសុរិយោដីថ្នាក់រាជធានី ខេត្ត
-
ខេត្ដព្រះសីហនុ គឺជាប៉ូលសំខាន់ដែលមានលក្ខណៈជាពហុវិស័យគាំទ្រដល់ខេត្ដផ្សេងៗ
-
សម្ដេចធិបតី៖ “ការបោះឆ្នោតគាំទ្ររាជរដ្ឋាភិបាល ដឹកនាំដោយគណបក្សប្រជាជនចំនួន ៦.៤០០.០០០នាក់ ស្មើនឹង៨២.៣% នៃអ្នកទៅបោះឆ្នោត
-
សម្ដេចធិបតី៖ “កត្តាសុខសន្ដិភាពរបស់កម្ពុជាបានបង្ហាញកាន់តែច្បាស់តាមរយៈការបោះឆ្នោតជ្រើសតាំងតំណាងរាស្ត្រនីតិកាលទី៧
-
កោះអំពិលស្រុកគិរីសាគរ ខេត្តកោះកុងទេសចរណ៍ផ្សារភ្ជាប់ទឹកដី កម្ពុជាមាតុភូមិខ្ញុំ
-
បងប្អូនខ្មែររស់នៅក្នុងប្រទេសអូស្រ្តាលី និងនូវែលហ្សេឡង់ យ៉ាងច្រើនកុះករ មកទទួលស្វាគមន៍ និងគាំទ្រ ចំពោះដំណើរអញ្ជើញរបស់សម្តេចធិបតីនាយករដ្ឋមន្ត្រី ហ៊ុន ម៉ាណែត និងលោកជំទាវបណ្ឌិត
