-
សម្តេចធិបតី ហ៊ុន ម៉ាណែត បានដឹកនាំគណៈប្រតិភូរាជរដ្ឋាភិបាលកម្ពុជា ធ្វើមាតុភូមិនិវត្តន៍ពីទីក្រុងតូក្យូ ប្រទេសជប៉ុន 💐🇰🇭🇯🇵
-
កម្ពុជាស្ថិតក្នុងចំណាត់ថ្នាក់ទី ៩ ជាប្រទេសដែលមានប្រជាជនចិនរស់នៅប្រមាណ ១៥២ ០០០ នាក់
ខណៈឥណ្ឌូណេស៊ីស្ថិតក្នុងលំដាប់ទី ១ ដែលមានប្រជាជនចិនទៅរស់នៅច្រើនជាងគេរហូតដល់ ១០ ៨៨០ ០០០ នាក់គិតត្រឹមឆ្នាំ ២០២១។ ថៃមានប្រជាជនចិនរស់នៅប្រមាណ ៧ ០១០ ០០០ នាក់ ច្រើនជាងប្រទេសម៉ាឡេស៊ី ដែលមានត្រឹម ៦ ៧៣០ ០០០ នាក់។ ក្រៅពីនេះ គេក៏ឃើញមានប្រជាជនចិនទៅរស់នៅឯប្រទេសផ្សេងៗទៀតក្នុងតំបន់អាស៊ីអាគ្នេយ៍រួមមាន សិង្ហបុរី មីយ៉ាន់ម៉ា ហ្វីលីពីន វៀតណាម ឡាវ ប្រុយណេ និងទីម័រខាងកើត – Seasia Stats #ams1minute
-
បណ្ណាគារអណ្តែតទឹកដ៏ធំបំផុតរបស់ពិភពលោក ឈ្មោះ Doulos Hope ចូលចតនៅខេត្តព្រះសីហនុ
នាវា Doulos Hope ផ្ទុកសៀវភៅរាប់ពាន់ក្បាល ដែលអ្នកអានគ្រប់គ្នាអាចទិញបាន។ Doulos Hope បង្កើតឡើងជាពិសេស ដើម្បីលើកកម្ពស់អក្ខរកម្ម ការអប់រំ និងកិច្ចសហប្រតិបត្តិការអន្តរវប្បធម៌នៅទូទាំងអាស៊ីអាគ្នេយ៍ នឹងបើកឱ្យចូលទស្សនាជាសាធារណៈ នៅកំពង់ផែព្រះសីហនុ ចាប់ពីថ្ងៃទី១៩ ធ្នូ ២០២៣ – ១១ មករា ២០២៤ ជារៀងរាល់ថ្ងៃអង្គារ៍-អាទិត្យ ពីម៉ោង ២រសៀល ដល់ ៩យប់ #ams1minute
-
ព្រឹកនេះ ព្រះករុណា ព្រះមហាក្សត្រនៃកម្ពុជា ស្តេចយាងបំពេញព្រះរាជទស្សនកិច្ចនៅខេត្ត Fujian
-
យុទ្ធសាស្ត្រអព្យាក្រឹតកាបូនរបស់កម្ពុជា ឈរលើសសរស្ដម្ភចំនួន ៣ រួមមាន៖
-
មនុស្សជិត ១០០នាក់ស្លាប់ ក្នុងគ្រោះរញ្ជួយដីនៅចិន
ប៉េកាំង៖ គ្រោះរញ្ជួយដីក្នុងកម្រិត ៦.២រ៉ិកទ័រ បានវាយប្រហារខេត្ត Gansu ភាគពាយព្យរបស់ប្រទេសចិន បណ្តាលអោយមនុស្សយ៉ាងហោចណាស់ ៨៦នាក់បាត់បង់ជីវិត នេះបើតាមទីភ្នាក់ងារសារព័ត៌មានចិនស៊ីនហួរ ចុះផ្សាយនៅថ្ងៃទី១៩ ខែធ្នូ ឆ្នាំ២០២៣។ យោងតាមក្រុមស្ទាបស្ទង់ភូមិសាស្រ្តអាមេរិក (USGS) បានឱ្យដឹងថា គ្រោះរញ្ជួយដីនេះ កើតឡើងនៅចម្ងាយប្រហែល១០០គីឡូម៉ែត្រ ភាគនិរតីទីក្រុង Lanzhou ខេត្ត Gansu។ គ្រោះរញ្ជួយដីនេះ មានជម្រៅ១០គីឡូម៉ែត្រ វាយប្រហារនៅថ្ងៃចន្ទវេលាម៉ោង១១:៥៩នាទីយប់ថ្ងៃចន្ទ (ម៉ោងក្នុងតំបន់) ហើយក្រោយមក ក្រុមមន្ត្រីបានចាប់ផ្តើមការឆ្លើយតបជាបន្ទាន់ និងបញ្ជូនបុគ្គលិកជួយសង្គ្រោះទៅកាន់តំបន់នោះ។ បើតាមសេចក្តីរាយការណ៍របស់ទីភ្នាក់ងារសារព័ត៌មានរដ្ឋចិនស៊ីនហួរ មនុស្ស ៩៦នាក់ផ្សេងទៀតក៏ត្រូវរបួសផងដែរក្នុងខេត្តនេះ។ ដោយឡែកមនុស្ស៩នាក់ក៏ស្លាប់ និង១២៤នាក់ទៀតរងរបួសផងដែរ ក្នុងទីក្រុង Haidong ខេត្ត Qinghai ដែលស្ថិតនៅជិតខាង។ ទន្ទឹមគ្នា បណ្តាញផ្គត់ផ្គង់ទឹក និងថាមពលត្រូវរងការរំខាននៅភូមិមួយចំនួនក្នុងតំបន់។ សូមរម្លឹកផងដែរថា គ្រោះរញ្ជួយដី មិនមែនជារឿងចម្លែកទេនៅក្នុងប្រទេសចិន។ តួយ៉ាង កាលពីខែសីហា គ្រោះរញ្ជួយដីកម្រិត៥.៤រ៉ិកទ័រ បានវាយប្រហារភាគខាងកើតប្រទេសចិន ធ្វើឱ្យមនុស្ស២៣នាក់រងរបួស និងបាក់អគាររាប់សិបខ្នង៕ ប្រភព៖ AFP ប្រែសម្រួលដោយ៖ ឈឹម ទីណា
-
រលកកម្តៅវាយប្រហារទីក្រុង Porto Alegre ប្រទេសប្រេស៊ីល
ប្រាស៊ីលីយ៉ា៖ ប្រជាជនរស់នៅទីក្រុង Porto Alegre រដ្ឋ Rio Grande do Sul កំពុងជួបប្រទះនឹងរលកកំដៅ ដែលកំពុងវាយប្រហារតំបន់ភាគច្រើនរបស់ប្រទេសប្រេស៊ីល។ វិទ្យាស្ថានជាតិឧតុនិយម (Inmet) បានចេញការប្រកាសអាសន្នពីរលក “កំដៅខ្លាំង” នៅក្នុងរដ្ឋយ៉ាងហោចណាស់ ១៥ របស់ប្រទេសប្រេស៊ីល។ អ្នកលក់ដូរតាមចញ្ចើមផ្លូវនៅទីក្រុង Porto Alegre លោក Luiz Claudio Souza បាននិយាយថា ខ្ញុំធ្លាប់ជួបប្រទះរលកកំដៅពីមុនមកដែរ តែរលកំដៅលើកនេះ វាពិតជាក្តៅខ្លាំងណាស់។ ខ្ញុំចង់ឈឺដោយសារវា… វាពិតជាពិបាកណាស់។ រីឯអ្នកជំនាញកុំព្យូទ័រ លោក Oscar Serrano បានបញ្ជាក់ថា ខ្ញុំជឿថា សព្វថ្ងៃនេះ យើងកំពុងរស់នៅជាមួយបញ្ហាការប្រែប្រួលអាកាសធាតុ ដោយសារទង្វើរបស់មនុស្ស មិនបានថែរក្សាភពផែនដី។ ដូច្នេះពួកយើងនឹងរងការឈឺចាប់ ដែលជាលទ្ធផលបង្កឡើងពីរលកកម្តៅ, អាកាសធាតុអាក្រក់ និងខ្យល់ព្យុះជាដើម។ សូមរម្លឹកថា នៅថ្ងៃទី១៣ ខែធ្នូនេះ តំណាងមកពីប្រទេសជិត២០០ បានព្រមព្រៀងគ្នាក្នុងកិច្ចប្រជុំកំពូលអាកាសធាតុ COP28 ចាប់ផ្តើមកាត់បន្ថយការប្រើប្រាស់ឥន្ធនៈហ្វូស៊ីលជាសកល ដើម្បីទប់ស្កាត់ផលប៉ះពាល់ដ៏អាក្រក់ ដែលបណ្តាលមកពីការប្រែប្រួលអាកាសធាតុ ហើយនេះជាកិច្ចព្រមព្រៀងដំបូងបង្អស់…
-
ប្រមុខការទូតចិន៖ មិត្តភាពជាប្រពៃណីរវាងចិន និងកូរ៉េខាងជើង គឺជាទ្រព្យសម្បត្តិដ៏មានតម្លៃ
ប៉េកាំង៖ ប្រមុខការទូតចិន និងមន្ត្រីកូរ៉េខាងជើង បានសម្តែងការគាំទ្រ និង ជឿជាក់យ៉ាងមុតមាំលើទំនាក់ទំនងរវាងប្រទេសទាំងពីរ ក្នុងអំឡុងកិច្ចប្រជុំមួយនៅថ្ងៃចន្ទសប្តាហ៍នេះ ខណៈប្រទេសផ្សេងទៀតបានថ្កោលទោស ការបាញ់សាកល្បងមីស៊ីលចុងក្រោយនេះ របស់ទីក្រុងព្យុងយ៉ាង។ Read. រដ្ឋមន្ត្រីការបរទេសចិន លោក វ៉ាង យី បានប្រាប់អនុរដ្ឋមន្ត្រីការបរទេសកូរ៉េខាងជើង លោក ផាក ម្យុងហូ ដែលកំពុងដឹកនាំគណៈប្រតិភូបំពេញនៅទីក្រុងប៉េកាំងថា មិត្តភាពជាប្រពៃណីរវាងចិន និងកូរ៉េខាងជើង គឺជាទ្រព្យសម្បត្តិដ៏មានតម្លៃ ដែលភាគីទាំងពីរបានចែករំលែក។ លោក វ៉ាង បន្តថា ចំពោះមុខស្ថានការណ៍អន្តរជាតិដ៏ចលាចល ចិន និងកូរ៉េខាងជើង តែងតែគាំទ្រ និងជឿជាក់គ្នាទៅវិញទៅមក ក៏ដូចជាបង្ហាញពីសារៈសំខាន់ជាយុទ្ធសាស្ត្រ នៃកិច្ចសហប្រតិបត្តិការទ្វេភាគីជាមិត្ត នេះបើយោងតាមការចុះផ្សាយរបស់ក្រសួងការបរទេសចិន។ បើតាមក្រសួងការបរទេសចិន ជំនួបរវាងលោក វ៉ាង និង លោក ផាក បានពិភាក្សាពីការផ្លាស់ប្តូរទស្សនៈគ្នាលើបញ្ហាក្តីកង្វល់រួម ប៉ុន្តែមិនបានបញ្ជាក់លម្អិតនោះទេ។ កិច្ចប្រជុំខាងលើនេះ កើតឡើងបន្ទាប់ពីកូរ៉េខាងត្បូង សហរដ្ឋអាមេរិក និងជប៉ុនបានចេញសេចក្ដីថ្លែងការណ៍ថ្កោលទោសការបាញ់សាកល្បងមីស៊ីលរបស់កូរ៉េខាងជើង រៀងៗខ្លួន ដោយចាត់ទុកថា នេះជាទង្វើបង្កការគំរាមកំហែងដល់ស្ថិរភាព និងសន្តិភាពក្នុងតំបន់។ តែជារឿយៗកូរ៉េខាងជើងក៏បានអះអាងដែរថា ការធ្វើតេស្តអាវុធគឺជាសិទ្ធិស្វ័យការពារខ្លួន៕ ប្រភព៖ AFP…
-
ចិន និងកូរ៉េខាងជើង បើកកិច្ចប្រជុំកម្រិតខ្ពស់ ស្របពេលក្រុងព្យុងយ៉ាងបាញ់មីស៊ីលផ្លោងអន្តរទ្វីប
ប៉េកាំង៖រដ្ឋមន្ត្រីការបរទេសចិនលោក វ៉ាង យី បានជួបពិភាក្សាគ្នាជាមួយអនុរដ្ឋមន្ត្រីការបរទេសកូរ៉េខាងជើងនៅទីក្រុងប៉េកាំងនាថ្ងៃចន្ទទី ១៨ ខែធ្នូឆ្នាំ២០២៣ នេះ ស្របពេលដែលទីក្រុងព្យុងយ៉ាងបាញ់មីស៊ីលផ្លោងអន្តរទ្វីបដែលមានសមត្ថភាពទៅដល់គ្រប់ទីកន្លែងនៃទឹកដីរបស់សហរដ្ឋអាមេរិក។នេះបើតាមការរាយការណ៍របស់ទីភ្នាក់ងារសារព័ត៌មានរ៉យទ័រ។ យោងតាមសេចក្ដីថ្លែងការណ៍របស់ក្រសួងការបរទេសចិន លោក វ៉ាង បាននិយាយនៅពេលជួបជាមួយអនុរដ្ឋមន្ត្រីក្រសួងការបរទេសកូរ៉េខាងជើង លោក Pak Myong Ho ថា ទីក្រុងប៉េកាំងមានឆន្ទៈក្នុងការពង្រឹងទំនាក់ទំនង និងការសម្របសម្រួលទ្វេភាគី និងធ្វើឱ្យការផ្លាស់ប្តូរ និងកិច្ចសហប្រតិបត្តិការកាន់តែស៊ីជម្រៅក្នុងវិស័យផ្សេងៗ។ លោក វ៉ាង និងលោក Pak បានផ្លាស់ប្តូរទស្សនៈលើបញ្ហានៃក្តីបារម្ភរួម ប៉ុន្តែសេចក្ដីថ្លែងការណ៍ពីក្រសួងការបរទេសចិនមិនបានរៀបរាប់លម្អិតស្ដីពីកិច្ចប្រជុំនោះទេ។ ចំណែកឯលោក Pak វិញ បាននិយាយថា កូរ៉េខាងជើងនឹងបន្តពង្រឹងកិច្ចសហប្រតិបត្តិការពហុភាគីជាមួយចិន ដើម្បីការពារផលប្រយោជន៍រួម និងរក្សាសន្តិភាព និងស្ថិរភាពក្នុងតំបន់។ នេះបើតាមសេចក្ដីថ្លែងការណ៍របស់ក្រសួងការបរទេសចិនដដែល។ គួរគូសបញ្ជាក់ថា កូរ៉េខាងជើងជាសម្ព័ន្ធមិត្តផ្លូវការតែមួយគត់របស់ចិន។ ក្រោមសន្ធិសញ្ញាឆ្នាំ ១៩៦១ ប្រទេសទាំង២ ត្រូវចាត់វិធានការចាំបាច់ទាំងអស់ រួមទាំងជំនួយផ្នែកយោធា ដើម្បីជួយគ្នាទៅវិញទៅមកក្នុងករណីមានការវាយប្រហារ ឬការប៉ុនប៉ងវាយប្រហារដោយប្រទេសទី៣។ ជំនួបចុងក្រោយ ដែលរ៉យទ័ររាយការណ៍ថាជាជំនួបថ្នាក់ខ្ពស់ នាថ្ងៃចន្ទនេះ ធ្វើឡើងស្របគ្នានៃការបាញ់សាកល្បងមីស៊ីលផ្លោងអន្តរទ្វីបរបស់កូរ៉េខាងជើង ដែលកើតឡើងបន្ទាប់ពីការបាញ់សាកល្បងមីស៊ីលផ្លោងរយៈចម្ងាយខ្លីកាលពីយប់ថ្ងៃអាទិត្យ។ កូរ៉េខាងជើងនិយាយថា ការបាញ់សាកល្បងរបស់ខ្លួនធ្វើឡើងដើម្បីប្រឆាំងទៅនឹងសកម្មភាពយោធាក្នុងតំបន់របស់អាមេរិក ដែលកាលពីថ្ងៃអាទិត្យបានបញ្ជូននាវាមុជទឹកដើរដោយថាមពលនុយក្លេអ៊ែរទៅកាន់កូរ៉េខាងត្បូង។ កូរ៉េខាងជើងថ្កោលទោសសកម្មភាពនេះថាជាការគៀងគរអាវុធដើម្បីធ្វើសង្រ្គាម។…
-
កម្ពុជា បានបញ្ជាក់ពីជំហរឹងមាំជាមួយនឹងសហគមន៍បំភាយឧស្ម័នសូន្យអាស៊ី (AZEC)
