ឡុងដ៍៖ មនុស្សរាប់ម៉ឺននាក់ នៅថ្ងៃសៅរ៍ទី១៤ ខែតុលា បានប្រមូលផ្តុំគ្នានៅក្នុងទីក្រុងឡុងដ៍ និងទីក្រុងផ្សេងទៀតរបស់ចក្រភពអង់គ្លេស ដើម្បីបង្ហាញការគាំទ្រប៉ាឡេស្ទីន បើទោះជាប៉ូលិសព្រមានថា នរណាម្នាក់ដែលបង្ហាញការគាំទ្រដល់ក្រុមហាម៉ាសអាចប្រឈមមុខនឹងការចាប់ខ្លួនក៏ដោយ។ Read. ក្រុមបាតុកររាប់ម៉ឺនបានដើរកាត់ទីក្រុងឡុងដ៍ ដែលជាបេះដូងនៃចក្រភពអង់គ្លេស ចំពេលមានការយាមកាមយ៉ាងតឹងរ៉ឹងពីមន្រ្តីប៉ូលិសជាង ១,០០០នាក់។ ការប្រមូលផ្តុំស្រដៀងគ្នានេះដែរ បានធ្វើឡើងនៅទីក្រុង Manchester និងទីក្រុងផ្សេងទៀតរបស់ចក្រភពអង់គ្លេស ក៏ដូចជាទីក្រុង Edinburgh និង Glasgow នៅក្នុងប្រទេសស្កុតឡែន។ នៅទីក្រុងឡុងដ៍ ក្រុមបាតុករបានប្រមូលផ្តុំគ្នានៅជិតទីស្នាក់ការរបស់សារព័ត៌មាន BBC News មុនពេលជួបជុំគ្នានាពេលរសៀលនៅជិតការិយាល័យ និងលំនៅដ្ឋានរបស់នាយករដ្ឋមន្ត្រីអង់គ្លេស លោក រីសស៊ី ស៊ូណាក់។ បាតុករខ្លះកាន់ទង់ជាតិប៉ាឡេស្ទីន និងស្លាកសញ្ញាដែលមានពាក្យស្លោកដូចជា “សេរីភាពសម្រាប់ប៉ាឡេស្ទីន” និង “បញ្ចប់ការសម្លាប់រង្គាល” ហើយនឹង “ទណ្ឌកម្មអ៊ីស្រាអែល”។ ទន្ទឹមគ្នា ក៏មានការប៉ះទង្គិចគ្នារវាងក្រុមបាតុករ និងប៉ូលិសផងដែរ។ លោក Ismail Patel ប្រធានយុទ្ធនាការ Friends of Al-Aqsa បានប្រាប់សារព័ត៌មាន AFP ថា ខ្ញុំគិតថា មនុស្សទាំងអស់នៅជុំវិញពិភពលោក មិនត្រឹមតែនៅក្នុងចក្រភពអង់គ្លេសនោះទេ…

ហ៊េ្សរុយសាឡឹម៖ មេដឹកនាំក្រុមហាម៉ាស់ នៅថ្ងៃសៅរ៍ទី១៤ ខែតុលានេះ បានចោទប្រកាន់អ៊ីស្រាអែល ពីបទ “ឧក្រិដ្ឋកម្មសង្គ្រាម” ខណៈដែលកងទ័ពអ៊ីស្រាអែលបានបន្តវាយលុកតំបន់ហ្គាហ្សា និងត្រៀមខ្លួនសម្រាប់ការវាយប្រហារតាមផ្លូវគោកដើម្បីបោសសម្អាតក្រុមនេះ។ Read. ប្រមុខក្រុមសកម្មប្រយុទ្ធប៉ាឡេស្ទីនហាម៉ាស់ លោក អ៊ីស្មែល ហានីយ៉េ បានចោទប្រកាន់អ៊ីស្រាអែល នៅក្នុងលិខិតមួយផ្ញើទៅកាន់អគ្គលេខាធិការអង្គការសហប្រជាជាតិ លោក អាន់តូនីញ៉ូ ហ្គូទែរេស ហើយត្រូវបានបង្ហោះនៅលើគេហទំព័ររបស់ក្រុមហាម៉ាសថា អំពើឃោរឃៅរបស់អ៊ីស្រាអែលស្មើនឹងឧក្រិដ្ឋកម្មសង្គ្រាម។ ជាមួយគ្នានេះ មេដឹកនាំក្រុមហាម៉ាស់បានថ្កោលទោសការឡោមព័ទ្ធរបស់អ៊ីស្រាអែល ដែលក្នុងនោះ ការត្រួតត្រារបស់អ៊ីស្រាអែលកំពុងបិទខ្ទប់ការផ្តល់ជំនួយមនុស្សធម៌ និងការផ្គត់ផ្គង់ផ្នែកវេជ្ជសាស្រ្តទៅកាន់តំបន់ហ្គាហ្សាស្ទ្រីប។ ការទម្លាក់គ្រាប់បែករបស់អ៊ីស្រាអែលយ៉ាងធ្ងន់ធ្ងរទៅលើតំបន់ហ្គាហ្សា គឺជាការសងសឹកចំពោះការវាយប្រហាររបស់ក្រុមហាម៉ាសនៅក្នុងទឹកដីអ៊ីស្រាអែល ដែលបានសម្លាប់មនុស្សច្រើនជាង ១,៣០០នាក់ ដែលភាគច្រើនជាជនស៊ីវិល។ ជាការសងសឹកវិញនោះ អ៊ីស្រាអែលបានប្តេជ្ញាថា នឹងបំផ្លាញក្រុមហាម៉ាស ហើយបានបើកការវាយប្រហារសម្លាប់មនុស្សជាង ២.២០០នាក់នៅតំបន់ហ្គាហ្សា ដែលភាគច្រើនជាជនស៊ីវិលផងដែរ។ បន្ថែមលើនេះ អ៊ីស្រាអែលក៏បានកាត់ផ្តាច់ការផ្គត់ផ្គង់ទឹក ស្បៀងអាហារ និងអគ្គិសនីទៅកាន់តំបន់ហ្គាហ្សាផងដែរ ហើយបានព្រមានថា ខ្លួននឹងរក្សាការឡោមព័ទ្ធរហូតដល់ចំណាប់ខ្មាំងទាំងអស់ត្រូវបានដោះលែង៕ ប្រភព៖ AFP ប្រែសម្រួលដោយ៖ ឈឹម ទីណា