អាជ្ញាធរបណ្ដោះអាសន្នរបស់អង្គការសហប្រជាជាតិនៅកម្ពុជា ហៅកាត់ UNTAC បានបញ្ចប់បេសសកម្មរបស់ខ្លួនជាផ្លូវការ នៅថ្ងៃទី២៤ ខែកញ្ញា ឆ្នាំ១៩៩៣។ ថ្វីត្បិតតែមានលទ្ធផលវិជ្ជមានជាច្រើន ត្រូវបានសម្រេច ក៏ប៉ុន្តែ UNTAC ពុំអាចសម្រេចនូវគោលដៅចម្បងបំផុតនៃកិច្ចព្រមព្រៀង គឺសន្តិភាពសម្រាប់កម្ពុជានោះទេ។ UNTAC បានចាកចេញពីកម្ពុជា ដោយបន្សល់ទុកនូវតំបន់ត្រួតត្រា ២ និងរដ្ឋាភិបាល ២ ដែលពេលនោះ កម្ពុជាបានស្ថិតនៅក្នុងតំបន់ស្បែកខ្លា នៃដំណាក់កាល សន្តិភាពផង និងជម្លោះប្រដាប់អាវុធផង បង្កឡើងដោយពួកខ្មែរក្រហម។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ប្រវត្ដិសាស្រ្ដខ្មែរ #UNTAC #ដំណើររបស់កម្ពុជា Facebook Page: Black-Crow Telegram Channel

#សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ប្រវត្ដិសាស្រ្ដខ្មែរ #យុវជន #បន្តវេន #ស្លាកស្នាម #មេរៀន Facebook Page: Black-Crow Telegram Channel

លោក ផូ ព្រឿង អតីតឯកអគ្គរាជទូតខ្មែរប្រចាំនៅប្រទេសអ៊ីតាលី និងប៉ារីស និងជាអតីតនាយករដ្ឋមន្ត្រីកម្ពុជា ( ១៩/មេសា/១៩៦០ដល់ ២៨/មករា/១៩៦១)។ ក្នុងកំឡុងពេលនៃការកាន់អំណាច និងដឹកនាំរាជរដ្ឋាភិបាល ក្រុមឆ្វេងនិយម ដែលមាននិន្នាការប្រឆាំងនឹងសង្គមរាស្រ្តនិយមត្រូវបានរាជរដ្ឋាភិបាលបង្ក្រាបយ៉ាងចាស់ដៃជាពិសេស ខៀវ សំផន និងចាងហ្វាងកាសែតឆ្វេងនិយមផ្សេងទៀតត្រូវបានចាប់ឃុំខ្លួន និងធ្វើទារុណកម្ម។ ក្រោមការដឹកនាំរបស់លោក សមិទ្ធផលធំៗមួយចំនួនត្រូវបានបង្កើតឡើងរួមមានដូចជា៖ ១. ការធ្វើវិសោធនកម្មតែងតាំង និងកំណត់តួនាទីព្រះប្រមុខរដ្ឋដែលមានឋានៈស្មើព្រះមហាក្សត្រ។ ២. ការសម្ពោធមន្ទីរពេទ្យមិត្តភាពខ្មែរសូវៀតដែលជាអំណោយរបស់សហភាពសូវៀត ដែលជាមន្ទីរពេទ្យធំជាងគេនៅអាស៊ីអាគ្នេយ៍ពេលនោះ។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #រដ្ឋាភិបាលផូព្រឿង #ដំណើរកម្ពុជា  Facebook Page: Black-Crow Telegram Channel

សម្តេច ប៉ែន នុត ត្រូវបានខ្មែរក្រហមបោះឆ្នោតជ្រើសតាំងជានាយករដ្ឋមន្ត្រី បន្ទាប់ពីក្តាប់អំណាចបានទាំងស្រុង នៅថ្ងៃទី១៧ខែមេសា ឆ្នាំ១៩៧៥។ ការបោះឆ្នោតឱ្យលោកធ្វើជានាយករដ្ឋមន្ត្រី គឺគ្រាន់តែជាការបំភាន់ភ្នែកអន្តរជាតិប៉ុណ្ណោះ ព្រោះគ្រប់យ៉ាងបនប៉ុល ពត ជាអ្នកបង្គាប់បញ្ជាមួយគត់។ ក្រុមកម្ពុជាប្រជាធិបតេយ្យ បានអនុវត្តការដឹកនាំប្រទេសដ៏ចម្លែកបំផុតក្នុងពិភពលោក និងប្រវត្តិសាស្ត្រកម្ពុជា ដោយបានជម្លៀសប្រជាជនក្រុងភ្នំពេញដោយបង្ខំចេញពីទីក្រុង ទីប្រជុំជននានា ឱ្យទៅរស់នៅវេទនាតោកយ៉ាកនៅទីជនបទចុងកាត់មាត់ញក ព្រៃភ្នំដាច់ស្រយាល។ ការជម្លៀសប្រជាជនដោយបង្ខំ ចេញពីលំនៅដ្ឋានដ៏សុខដុម ទីក្រុងដ៏ស៊ីវិល័យ ទៅនៅក្នុងព្រៃ ធ្វើការរួម ហូបរួម រស់នៅរួម ការរំលោភសិទ្ធិសេរីភាព ការធ្វើឱ្យក្លាយជាទាសករ និងការប្រព្រឹត្តឧក្រិដ្ឋកម្មដ៏ព្រៃផ្សៃផ្សេងៗទៀត ឆ្លុះបង្ហាញឱ្យឃើញពីភាពព្រៃផ្សៃ ភាពល្ងង់ខ្លៅ និងភាពអសមត្ថភាពរបស់ថ្នាក់ដឹកនាំ ជាពិសេសរដ្ឋាភិបាលជំនាន់នោះ។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ប្រជាពលរដ្ឋខ្មែរ #សម្ដេចប៉ែននុត Facebook Page: Black-Crow Telegram Channel