រដ្ឋាភិបាលកម្ពុជា និងរដ្ឋាភិបាលហ្វីលីពីន បានចុះហត្ថលេខាលើអនុស្សរណៈយោគយល់គ្នាមួយ សម្រាប់ភាពជាដៃគូ ក្នុងការអភិវឌ្ឍកសិកម្ម និងសហគ្រាសមីក្រូ-ធុនតូច និងមធ្យម កម្ពុជា-ហ្វីលីពីន។ ការចុះអនុស្សរណៈយោគយល់នេះ ធ្វើឡើងរវាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា ជាមួយនឹងលោក ហូសេ ម៉ា ខឹនសិបស្ហិន JOSE MA. A CONCEPCION ដែលជាប្រធានក្រុមបឹក្សាពិគ្រោះយោបល់ធុរកិច្ចអាស៊ាន នារសៀលថ្ងៃទី៥កញ្ញា។ អប្សរាណិតធ្វើសេចក្តីរាយការណ៍

សម្តេចមហាបវរធិបតី ហ៊ុន ម៉ាណែត និងព្រះមហាក្សត្រព្រុយណេ ដែលកាន់អំណាចក្នុងរដ្ឋាភិបាល បានជួបពិភាក្សាគ្នា ពង្រឹងកិច្ចសហប្រតិបត្តិការរវាងប្រទេសទាំង២។ ជំនួបរវាងសម្តេចធិបតីនាយករដ្ឋមន្ត្រីកម្ពុជាជាមួយនឹងព្រះចៅស៊ុលតង់ហាជី ហាសាណាល់ ប៊ុលគីយ៉ាស់ មុយ អ៊ីហ្សាឌីន វ៉ាឌូឡាហ៍ បានប្រព្រឹត្តទៅនៅថ្ងៃទី៦កញ្ញា ក្នុងក្រុងហ្សាកាតាប្រទេសឥណ្ឌូណេស៊ី ក្នុងឱកាសដែលថ្នាក់ដឹកនាំអាស៊ានទាំងអស់ កំពុងចួលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ។ មន្ត្រីកម្ពុជាបានថ្លែងថា កិច្ចពិភាក្សារវាងថ្នាក់ដឹកនាំ នៃប្រទេសទាំង២ បានផ្តោតលើ «ទិសដៅអនាគត នៃការបង្កើនកិច្ចសហប្រតិបត្តិការរវាងកម្ពុជា និងព្រុយណេ ជាពិសេសលើវិស័យការពារជាតិ, សន្តិសុខ, អប់រំ និងបណ្តុះបណ្តាលធនធានមនុស្ស, កសិកម្ម ក៏ដូចជាការផ្សារភ្ជាប់ទំនាក់ទំនងរវាងប្រជាជន និងប្រជាជន នៃប្រទេសទាំង២»។ ថ្នាក់ដឹកនាំនៃប្រទេសទាំង២ បានឯកភាពក្នុងការបង្កើនកិច្ចសហប្រតិបត្តិការលើការទប់ស្កាត់ ឧក្រិដ្ឋកម្មឆ្លងដែន, ការផ្សារភ្ជាប់វិស័យឯកជន តាមរយៈសភាពាណិជ្ជកម្ម និងការគាំទ្រអនុវត្តយន្តការសន្ទនាទ្វេភាគី រវាងរដ្ឋមន្ត្រីការបរទេស នៃប្រទេសទាំង២»។ ក្នុងជំនួបដដែលនោះដែរ, ព្រះចៅស៊ុលតង់ បានអញ្ជើញសម្តេចធិបតីកម្ពុជា មកបំពេញទស្សនកិច្ចជាផ្លូវការនៅព្រុយណេនាពេលខាងមុខ…និងសម្តេចធិបតីនាយករដ្ឋមន្ត្រីកម្ពុជា បានឆ្លើយតបដោយវិជ្ជមាន និងបានអញ្ជើញព្រះចៅស៊ុលតង់ មកបំពេញទស្សនកិច្ចនៅកម្ពុជាវិញផងដែរ។

នាយករដ្ឋមន្ត្រី នៃប្រទេសកម្ពុជា សម្តេចមហាបវរធិបតី ហ៊ុន ម៉ាណែត បានជួបសម្តែងការគួរសមចំពោះនាយករដ្ឋមន្ត្រីនៃប្រទេសចិនលោក លី ឈាង ដែលបានស្វាគមន៍យ៉ាងកក់ក្តៅ ចំពោះប្រមុខដឹកនាំថ្មីរបស់រាជរដ្ឋាភិបាលកម្ពុជា។ ជំនួបនេះបានធ្វើនារសៀលថ្ងៃទី៦កញ្ញា ក្នុងរដ្ឋធានីហ្សាកាតា ប្រទេសឥណ្ឌូណេស៊ី ដែលបានរៀបចំកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ។ លោកនាយករដ្ឋមន្ត្រីចិន បានសម្តែងនូវការអបអរសាទរយ៉ាងកក់ក្ដៅ ចំពោះសម្ដេចធិបតី ដែលត្រូវបានជ្រើសតាំងជានាយករដ្ឋមន្ត្រី នៃព្រះរាជាណាចក្រកម្ពុជា សម្រាប់នីតិកាលទី៧ នៃរដ្ឋសភា និងបានផ្តាំផ្ញើនូវការសួរសុខទុក្ខ និងក្ដីនឹករលឹកពីសំណាក់ប្រធានាធិបតីចិន លោក ស៊ី ជីនពីង និងរូបឯកឧត្តមផ្ទាល់ ជូនចំពោះសម្តេចតេជោ ហ៊ុន សែន ប្រធានឧត្តមក្រុមប្រឹក្សាផ្ទាល់ព្រះមហាក្សត្រ។ សម្តេចធិបតីជាមួយនឹងការថ្លែងអំណរគុណចំពោះការអបអរសាទរ, បានថ្លែងពាំនាំនូវការផ្តាំផ្ញើការសួរសុខទុក្ខ និងការនឹករលឹកពីសំណាក់សម្ដេចតេជោ ជូនចំពោះលោកប្រធានាធិបតី ស៊ី ជីនពីង និងប្រជាជនចិន ដែលជាមិត្តល្អរបស់ប្រជាជន និងប្រទេសកម្ពុជា។ ថ្នាក់ដឹកនាំទាំងពីរបានគូសបញ្ជាក់ពីគោលបំណងចង់បង្កើត និងបង្កើនឧត្តមប្រយោជន៍បន្ថែមទៀត សម្រាប់ប្រជាជាតិទាំងពីរ តាមរយៈយន្តការ នៃការពង្រឹង និងពង្រីកកិច្ចសហប្រតិបត្តិការរវាងគ្នា ដោយឈរលើចំណងមិត្តភាពដ៏រឹងមាំ និងស្អិតរមួត។ ថ្នាក់ដឹកនាំទាំងពីររំពឹងថា នឹងបន្តកិច្ចពិភាក្សាជាមួយគ្នាបន្ថែមទៀត នៅក្នុងដំណើរទស្សនកិច្ច របស់សម្ដេចធិបតី ទៅកាន់ប្រទេសចិន នាពេលខាងមុខដ៏ខ្លីនេះ។

នាយករដ្ឋមន្ត្រីនៃប្រទេសកម្ពុជាបានវាយតម្លៃខ្ពស់ ជុំវិញទំនាក់ទំនងល្អរវាងចិន និងអាស៊ាន ដែលបាននាំមកនូវផលប្រយោជន៍រួម ក្នុងអំឡុងពេលជិត៣ទសវត្សរ៍កន្លងមកនេះ។ ប្រសាសន៍វាយតម្លៃខ្ពស់របស់សម្តេចមហាបវរធិបតី ហ៊ុន ម៉ាណែត បានធ្វើឡើងក្នុងឱកាសអញ្ជើញចូលរួមូលអាស៊ាន-ចិន លើកទី២៦ ក្នុងក្រុងហ្សាកាតា នៃប្រទេសឥណ្ឌូណេស៊ី។ អប្សរាណិតធ្វើសេចក្តីរាយការណ៍

មានប្រទេសចំនួន ៤នៅអាស៊ាន ដែលមានករណីឆ្លងជំងឺកូវីដ១៩ ក្នុងរយៈពេល ៧៤ម៉ោងកន្លងមកនេះ។ ប្រទេសកម្ពុជាក្នុងរយៈពេល ៧២ម៉ោងចុងក្រោយនេះ មិនបានរកឃើញអ្នកឆ្លងថ្មីឡើយ។ តួលេខឆ្លងថ្មីកូវីដ១៩ ក្នុងប្រទេសអាស៊ានក្នុងរយៈពេល ៧២ម៉ោងចុងក្រោយនេះ មានចំនួន ២ពាន់ ៧៨ករណី កើនឡើងចំនួន ១ពាន់ ៤៣៥ បើប្រៀបធៀបនឹង ៧២ម៉ោងដូចគ្នា កាលពីសប្តាហ៍មុន។ ក្នុងចំណោមប្រទេសទាំង ៤ នៅអាស៊ាន ដែលរកឃើញមានឆ្លង រួមមានប្រទេសវៀតណាម, មីយ៉ាន់ម៉ា, សឹង្ហបុរី, និងប្រទេសឡាវ។ ប្រទេសសឹង្ហបុរី មានការឆ្លងចំនួន ១ពាន់ ៥២២ករណី ច្រើនជាងគេ ខណៈប្រទេសឡាវ មានការឆ្លងចំនួន ៧ករណី តិចជាងក្នុងចំណោមប្រទេសទាំង ៤។ ប្រទេសប្រុយណេ, ម៉ាឡេស៊ី, ឥណ្ឌូនេស៊ី, ហ្វីលីពីន, ថៃ និងប្រទេសកម្ពុជា គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ៧២ម៉ោងចុងក្រោយនេះ។ ប្រទេសអាស៊ានរយៈពេល ៧២ម៉ោងចុងក្រោយនេះ មិនមានអ្នកស្លាប់ដោយសារជំងឺកូវីដ១៩ ឡើយ។ គិតសរុបរួមនៃប្រទេសទាំង១០ អាស៊ាននាពេលនេះ ការឆ្លងសរុបមានចំនួន…

ភ្លៀងនៅតែបន្តធ្លាក់ថែមទៀតក្នុងមួយសប្តាហ៍ទៅមុខនេះ ដែលមានកម្រិតពីខ្សោយទៅមធ្យមនិងច្រើន។ កម្ពុជាក្នុងមួយសប្តាហ៍ខាងមុខទៀតនេះ ទទួលរងនូវឥទ្ធិពលពីប្រព័ន្ធ សម្ពាធទាប អូសបន្លាយលើភាគខាងជើងប្រទេសថៃ ឡាវ និងវៀតណាម ជាមួយនឹងខ្យល់មូសុងនិរតីមធ្យម។ អប្សរាណិតរាយការណ៍

កម្ពុជាបានស្នើសុំជំនួយពីជប៉ុនលើគម្រោង៣បន្ថែមទៀត ដើម្បីជំរុញឱ្យវិស័យធនធានទឹក និងឧតុនិយមនេះ កាន់តែមានការវិវឌ្ឍរីកចម្រើន។ ការស្នើនេះ បានធ្វើឡើងក្នុងជំនួបមួយរវាងរដ្ឋមន្ត្រីថ្មី នៃក្រសួងធនធានជាមួយនឹងឯកអគ្គរាជទូតជប៉ុន។ អប្សរាណិតរាយការណ៍

សម្តេចមហាបវរធិបតី ហ៊ុន ម៉ាណែត បានថ្លែងបញ្ជាក់នូវការប្តេជ្ញារបស់រាជរដ្ឋាភិបាលកម្ពុជា ក្នុងការបន្តដឹកនាំប្រទេសតាមប្រព័ន្ធពហុភាគី នៃសណ្តាប់ធ្នាប់អន្តរជាតិ និងគោរពគោលការណ៍មិនជ្រៀតជ្រែក ដើម្បីការពារ និងលើកកម្ពស់សន្តិភាព នៅក្នុងប្រទេស និងក្នុងពិភពលោក។ ប្រសាសន៍ថ្លែងបញ្ជាក់នេះ បានធ្វើឡើងក្នុងកិច្ចប្រជុំកំពូលធុរកិច្ច និងវិនិយោគអាស៊ាន នៅទីក្រុងហ្សាកាតា នៃប្រទេសឥណ្ឌូណេស៊ី វេលារសៀលថ្ងៃទី៤កញ្ញា។ សម្តេចមហាបវរធិបតី ហ៊ុន ម៉ាណែត កំពុងដឹកនាំគណៈប្រតិភូជាន់ខ្ពស់រាជរដ្ឋាភិបាលកម្ពុជា ដើម្បីចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធដែលនឹងចាប់ផ្តើមរវាងពីថ្ងៃទី៥ ដល់៧ កញ្ញា ឆ្នាំ២០២៣។ សម្តេចនាយករដ្ឋមន្ត្រី នៃប្រទេសកម្ពុជា បានថ្លែងថា ខណៈដែលកំពុងប្រឈមនឹងឧបសគ្គនានា របស់សកលលោក យើងទាំងអស់កំពុងរស់ក្នុងគ្រាដ៏លំបាក ជាមួយនឹងភាពមិនប្រាកដប្រជាដ៏ខ្លាំងក្លា។ សម្តេចធិបតី ហ៊ុន ម៉ាណែត បានបន្តថា «ការប្រកួតប្រជែងភូមិសាស្ត្រនយោបាយរវាងមហាអំណាចធំៗ កំពុងរឹតបន្តឹងដែលបណ្តាលឱ្យមានការផ្លាស់ប្តូរឥតឈប់ឈរ ចំពោះសេដ្ឋកិច្ច និងពាណិជ្ជកម្ម ក្នុងតំបន់ និងពិភពលោក ហើយដាក់សម្ពាធកាន់តែខ្លាំងលើសន្តិភាព សន្តិសុខ និងវិបុលភាព សម្រាប់អាស៊ានទាំងមូល… ជាពិសេសសង្រ្គាមអ៊ុយក្រែន ដែលកំពុងបន្តបានបង្កការបំផ្លិចបំផ្លាញយ៉ាងធំធេងដល់ប្រជាជនអ៊ុយក្រែន»។ លោកបានថ្លែងទៀតថា ប៉ុន្តែនៅឆ្ងាយហួសព្រំដែន នៃសង្រ្គាម ក៏មានមនុស្ស ដែលទទួលរងផលប៉ះពាល់ដោយផ្ទាល់ និងដោយប្រយោល…