សម្តេចនាយករដ្ឋមន្ត្រី នឹងអញ្ជើញពិនិត្យវឌ្ឍនភាពនៃការសាងសង់អគារមន្ទីរពេទ្យ «តេជោសន្ដិភាព» និងសំណេះសំណាលជាមួយកម្មករសំណង់ នៅថ្ងៃព្រហស្បតិ៍នេះ ។ សំណង់អគារមន្ទីរពេទ្យ «តេជោសន្ដិភាព» ដែលនឹងក្លាយជាមន្ទីរពេទ្យ ធំជាងគេបង្អស់ក្នុងប្រទេសកម្ពុជា មានទីតាំងស្ថិតនៅសង្កាត់គោករកា, ខណ្ឌព្រែកព្នៅជាយរាជធានីភ្នំពេញ។ សម្តេចតេជោត្រៀមនឹងជួបសំណេះសំណាលជាមួយកម្មករសំណង់ប្រមាណ១ពាន់ ២០០ នាក់ ដែលបានធ្វើការនៅក្នុងការដ្ឋានសំណង់របស់មន្ទីរពេទ្យនេះថែមទៀត។ សំណង់អគារមន្ទីរពេទ្យ «តេជោសន្ដិភាព» បន្ទាប់ពីសាងសង់រួចហើយ នឹងមានបន្ទាប់អគារ សម្រាកព្យាបាលនិងសង្គ្រោះបន្ទាន់, អគារសម្រាកព្យាបាលកម្រិតធ្ងន់ដែលមានគ្រែសរុប ចំនួន៥២៧គ្រែ។ អគារថ្មីនេះ ក៏រួមមានកន្លែងសម្រាកព្យាបាលកម្រិតស្រាលដែលមាន គ្រែ ចំនួន ៩ពាន់៤៩៦គ្រែ, គ្រែបុគ្គលិកពេទ្យប្រចាំការចំនួន៤៦គ្រែ និងគ្រែបុគ្គលិកស្នាក់នៅចំនួន ២០៦គ្រែ។ ក្នុងបរិវេណមន្ទីរពេទ្យនេះ នឹងមានចំណតរថយន្តទំហំ៧ពាន់២៦ម៉ែត្រការ៉េ ដែលអាចចតរថយន្តបានចំនួន២១០គ្រឿង, សួនច្បារទំហំ៤ពាន់៤៩០ម៉ែត្រការ៉, អគារផ្គត់ផ្គង់និង ព័ត៌មានទំហំ២ពាន់៨៣៥ ម៉ែត្រការ៉េ និងអគារស្នាក់នៅសម្រាប់បុគ្គលិកដែលមានគ្រែសរុប ចំនួន ២៣៤គ្រែ។ មន្ទីរពេទ្យជាតិដ៏ធំមួយនេះ គ្រោងនឹងបញ្ចប់ការសាងសង់រួចជាស្ថាពរ និង ដាក់ឲ្យដំណើរការជាផ្លូវការនៅខែមិថុនាឆ្នាំ២០២៣។

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ បានថយចុះចំនួន ៦៣៥ករណី បើប្រៀបធៀបនឹងតួលេខឆ្លងកាលពីម្សិលមិញ ។ តួលេខឆ្លងថ្មី កូវីដ១៩ នៅអាស៊ានរយៈពេល ២៤ម៉ោងចុងក្រោយនេះ មានចំនួនតែ ១ពាន់ ៣៤ករណី ។ ការឆ្លងថ្ងៃនេះ បានកើតលើប្រទេសចំនួន៨ នៅអាស៊ាន រួមមានប្រទេសឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, ឡាវ និងប្រទេសកម្ពុជា ។ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេ ដែលមានចំនួន ២៧៦ករណី ។ តួលេខឆ្លងតិចជាងគេ គឺប្រទេសកម្ពុជា ដែលមានចំនួនឆ្លងតែ ១ករណីប៉ុណ្ណោះ ។ ប្រទេសថៃ និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយក្នុងរយៈពេល ២៤ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ៤២នាក់ ក្នុងនោះប្រទេសហ្វីលីពីន មានមនុស្សស្លាប់ចំនួន ២៤នាក់ ដែលជាតួលេខស្លាប់ច្រើនជាងគេ ។ គិតសរុបរួមនៃប្រទេសទាំង១០ អាស៊ាននាពេលនេះ…

ការឆ្លងថ្មីកូវីដ១៩ ក្នុងរយៈពេល ២៤ម៉ោងចុងក្រោយនេះ មានតែ ១ករណីប៉ុណ្ណោះ ដែលបន្តថយចុះចំនួន១ករណីថែមទៀត បើប្រៀបធៀបនឹងការឆ្លងកាលពីម្សិលមិញ ។ យោងតាមក្រសួងសុខាភិបាល ការឆ្លងថ្មី ១ករណីថ្ងៃនេះ គឺបានកើតឡើងក្នុងរង្វង់សហគមន៍ ។ កម្ពុជាបានចាប់ផ្តើមចាក់ដូសជំរុញទី៦ កាលពីសប្តាហ៍មុន ដែលរហូតមកទល់ពេលនេះ មានពលរដ្ឋទៅចាក់បានចំនួន ៣ម៉ឺន ១ពាន់ ៣៨៦នាក់ហើយ ខណៈពិភពលោកកំពុងប្រុងប្រយ័ត្ននូវវីរុស បំបែ្លងថ្មីម្យ៉ាងឈ្មោះ XBB ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូល ដ្ឋានទូទាំងប្រទេសមានប្រមាណជាង ៩៥ភាគរយរួចមកនេះ។

គណបក្សភ្លើងទៀនបានចោទថាការឃាត់ខ្លួនលោក ថាច់ សេដ្ឋា គឺជារឿនយោបាយ ប៉ុន្តែមន្ត្រីតុលាការបានថ្លែងថាការឃាត់ខ្លួនលោក ថាច់ សេដ្ឋា គឹពាក់ព័ន្ធផ្លូវច្បាប់ក្នុងការចេញសែកគ្មានសាច់ប្រាក់។ ស្ថាប័នអយ្យការអមសាលាដំបូងរាជធានីភ្នំពេញបានចេញសេចក្តីប្រកាសព័ត៌មានបញ្ជាក់ថា ការឃាត់ខ្លួនលោក ថាច់ សេដ្ឋា បន្ទាប់ពីបុគ្គលរូបនោះ មិនបានចូលខ្លួនបំភ្លឺ តាមដីកាបង្គាប់ឲ្យចូលខ្លួនចំនួន២លើករបស់ចៅក្រមស៊ើបសួរជុំវិញបទចោទ មិនបំពេញ កាតព្វកិច្ចចំពោះឧបករណ៍អាចជួញដូរបាន។ លោក ថាច់ សេដ្ឋា បានរងការចោទថាបានចេញសែកដោយគ្មានសាច់ប្រាក់ចំនួន៥សន្លឹក ប្រព្រឹត្តនៅភ្នំពេញកាលពីខែវិច្ឆិកា ឆ្នាំ២០១៩។ ប្រធានគណបក្សភ្លើងទៀន លោក ទាវ វណ្ណុល បានថ្លែងក្នុងសន្និសីទកាសែតមួយថ្ងៃទី១៧ វិច្ឆិកា ទាមទារឲ្យមានដោះលែងលោក ថាច់ សេដ្ឋា ដោយឥតលក្ខខណ្ឌ។ មន្ត្រីនាំពាក្យគណបក្សប្រជាជនកម្ពុជាលោក សុខ ឥសាន បានសរសេរក្នុងបណ្តាញសង្គមបញ្ជាក់ថាការចេញសែក អត់លុយគឺជាបទល្មើសព្រហ្មទណ្ឌ និងវាមិនមែនជារឿងនយោបាយទេ។

ស្នងការនគរបាលរាជធានីភ្នំពេញ លោកឧត្តមសេនីយ៍ឯក ស ថេត បានទទួលជួបមន្ត្រីទីប្រឹក្សាស្ថានទូតចិនប្រចាំកម្ពុជា ដែលទទួលបន្ទុកកិច្ចការនគរបាលរបស់ប្រទេសចិន។ តើជំនួបរវាងស្នងការនគរបាលរាជធានីជាមួយនឹងលោក លី ស៊ាងមិញ នាថ្ងៃទី១៧ មករា ឆ្នាំ២០២៣ បានផ្តោតលើបញ្ហាអ្វីខ្លះ? អប្សរាណិតរាយការណ៍

សម្តេចក្រឡាហោម ស ខេង បានអំពាវនាវដល់អាជ្ញាធរបន្តការដោះស្រាយដោយភាពអត់ធ្មត់ ក្នុងកិច្ចការរៀបចំសណ្តាប់ធ្នាប់នៅតំបន់រមណីយដ្ឋានអង្គរ។ តំបន់រមណីយដ្ឋានអង្គរ គឺជាតំបន់ដែលអង្គការយូណេស្កូបានចុះជាសម្បត្តិបេតិកភណ្ឌពិភពលោកដែលក្នុងន័យនេះ តំបន់ការពារបេតិកភណ្ឌក្នុងបរិវេណអង្គរទំហំ៤០១គីឡូម៉ែត្រក្រឡា នឹងតម្រូវការការពារ យ៉ាងម៉ឺងម៉ាត់ ដោយមិនត្រូវមានការខ្វៀលដី ឬផ្ដល់ឱ្យប្រជាពលរដ្ឋធ្វើជាកម្មសិទ្ធិឡើយ។ ប៉ុន្តែអំពើ អនាធិបតេយ្យជាច្រើនបានកើតឡើងក្នុងតំបន់រមណីយដ្ឋាននោះ ដែលជំរុញឱ្យអាជ្ញាធរ ត្រូវចុះបំពេញកាតព្វកិច្ចដើម្បីចៀសវាងអង្គការយូណេស្កូ ដកតំបន់រមណីយដ្ឋានអង្គរចេញពីបញ្ជីបេតិកភណ្ឌពិភពលោក។ ការរៀបចំសណ្តាប់ធ្នាប់កន្លងមកនេះ ទោះជាយ៉ាងណាក៏ដោយ នៅតែមានមនុស្សញុះញង់បង្កមិនឱ្យមានការស្តាប់បង្គាប់ដល់អាជ្ញាធររៀបចំសណ្តាប់ ធ្នាប់នោះឡើយ។ សម្ដេចក្រឡាហោម ស ខេង នៅថ្ងៃទី១៧ មករា ឆ្នាំ២០២៣ ក្នុងពិធីសម្ពោធដាក់ឲ្យប្រើប្រាស់ជាផ្លូវការនូវអគារអង្គភាពនគរបាលការពារបេតិកភណ្ឌ ប្រចាំតំបន់អង្គរ នៅខេត្តសៀមរាប បានថ្លែងដាស់តឿនអាជ្ញាធរបន្តភាពអត់ធ្មត់ក្នុងការរៀបចំសណ្តាប់ធ្នាប់នៅទីនោះ។ រាជរដ្ឋាភិបាលកម្ពុជាដើម្បីដោះស្រាយបញ្ហានេះ បានរៀបចំតំបន់ថ្មីមួយដែលមានការរៀបចំនូវហេដ្ឋារចនាសម្ព័ន្ធទឹក ភ្លើង ផ្លូវ សាលារៀន មន្ទីរពេទ្យ ផ្សារ និងជួយឧបត្ថម្ភលើសម្ភារៈមួយ ចំនួនក្នុងការរៀបចំធ្វើសំណង់លំនៅដ្ឋាន ដើម្បីធានាថាពលរដ្ឋដែលស្ម័គ្រចិត្តទៅរស់នៅលើទីតាំងថ្មី នឹងមិនមានការព្រួយបារម្ភលើអនាគត កូនចៅរបស់គេ និងសុខមាលភាពរស់នៅឡើយ។

សម្តេចពិជ័យសេនា ទៀ បាញ់ បានអញ្ជើញសម្ពោធទីលានផ្នូរយុទ្ធជនពលីនាសម័យសង្គ្រាមស៊ីវិល និងសមិទ្ធផលនានា នៅក្នុងពិធីមួយប្រារព្ធនាខេត្តកោះកុងថ្ងៃទី១៧មករានេះ។ ទីលានផ្នូរយុទ្ធជនពលី បានចាប់ផ្តើមបើកការដ្ឋានសាង់សង់កាលពីថ្ងៃទី២៣ ខែកុម្ភៈ ឆ្នាំ ២០២១កន្លងទៅ ដែលពិធីបុកគ្រឹះនាពេលនោះ បានធ្វើឡើងក្រោមអធិបតីរបស់សម្តេចពិជ័យសេនា ទៀ បាញ់ ផងដែរ។ ទីលានផ្នូរយុទ្ធជនពលីជីវិតក្នុងសម័យសង្គ្រាម ទំហំដីជិត១ហិកតា ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ មន្ត្រីខេត្តបានថ្លែងថាការសាងសង់ផ្នូរនេះឡើង គឺដើម្បីឧទ្ទិសកុសល ជូនដល់ដួងវិញ្ញាណក្ខន្ធ កម្មាភិបាល យុទ្ធជន ដែលបានពលីជីវិតក្នុងសម័យសង្គ្រាម ក្នុងនោះមានសពសរុបមាន ចំនួន៤៤៧សព ដែលជាសពមកពីបណ្តាលរាជធានី-ខេត្តចំនួន១៨ ដែលមានឈ្មោះ ទីកន្លែង កំណើតត្រូវបានយក មកបញ្ចុះនៅទីនេះផងដែរ។ ក្នុងចំណោមសពទាំង ៤៤៧សព រួមមានមកពីខេត្តកោះកុង ចំនួន២៨៧សព, ខេត្តកំពត ៤៤ សព, ខេត្តកំពង់ស្ពឺ៣៤សព, ខេត្តកណ្តាល ២៥សព, ខេត្តតាកែវ ១៧សព, ខេត្តព្រះសីហនុ ៨សព, ក្រុងភ្នំពេញ ៤សព, ខេត្តពោធិ៍សាត់ ៤សព, ខេត្តព្រៃវែង ២សព,…

មន្ត្រីក្រសួងធនធានទឹកបានថ្លែងថាទឹកជំនន់ក្នុងពេលដែលឈានផុតរដូវវស្សានេះ អាចចាត់ទុកជាជំនន់ខុសរដូវមួយដែលគេមិនដែលជួបប្រទះឡើយ។ ផ្ទះពលរដ្ឋខ្លះ ត្រូវបានរសាត់តាមទឹកហូរ ដោយសារតែការធ្លាក់ភ្លៀងក្នុងតំបន់ឳរ៉ាល់ ខេត្តកំពង់ស្ពឺ រយៈពេល៣ថ្ងៃជាប់ៗគ្នា ដែលបង្កការលិចដល់ភូមិករអ្នកស្រុកដែលរស់នៅជាយរាជធានីភ្នំពេញ និងក្នុងខេត្តកណ្តាល ដោយសារតែការបង្ហូរទឹកមកពីខាងលើនោះមក។ អប្សរាណិតរាយការណ៍