ខេត្តព្រៃវែងបានរកឃើញអ្នកឆ្លងថ្មីចំនួន៤៧នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងថយចុះ ២នាក់បើប្រៀបធៀបនឹងការឆ្លងកាលពីម្សិលមិញ។

ខេត្តបាត់ដំបង បានបន្តរកឃើញអ្នកឆ្លងកូវីដ១៩ថ្មី ចំនួន ៥៧ នាក់ថែមទៀត ក្នុងរយៈពេល ២៤ម៉ោងចុង ក្រោយនេះ ដែលជាចំនួន កើនឡើងចំនួន ៩នាក់ ធៀបនឹងការរកឃើញកាលពីម្សិលម៉ិញ ។

ខេត្តសៀមរាប មានអ្នកឆ្លងកូវីដ-១៩ ថ្មីចំនួន៦០នាក់ និងស្លាប់ម្នាក់ ក្នុងរយៈពេល២៤ម៉ោងចុងក្រោយនេះ។ នេះ ជាតូលេខឆ្លងថយចុះ៣៥នាក់បើប្រៀបធៀបនឹងម្សិលមិញដែលមានការឆ្លងថ្មី៩៥នាក់។

ខេត្តស្វាយរៀងបានរកឃើញអ្នកឆ្លងជំងឺកូវីដ១៩ថ្មីចំនួន៩៣នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ៣១នាក់ប្រើប្រៀបធៀបនឹងម្សិលមិញដែលមានការឆ្លងខ្ពស់រហូតដល់១២៤ នាក់។ កាលពីម្សិលមិញចំនួនមនុស្សស្លាប់មានចំនួន២នាក់, ចំណែកនៅថ្ងៃនេះការស្លាប់ដោយសារកូវីដ១៩មាន ចំនួនម្នាក់ ដែលនាំឲ្យការស្លាប់សារុបមានចំនួន២៤នាក់នៅក្នុងខេត្តស្វាយរៀង។

ឯកអគ្គរាជទូតកម្ពុជាប្រចាំប្រទេសថៃ លោក អ៊ូក សោភ័ណ ត្រូវបានក្រុមប្រឹក្សាអង្គទូតពិភពលោកផ្ដល់ជូនជា សមាជិកភាពមួយជីវិត។ ក្រុមប្រឹក្សាអង្គទូតពិភពលោក គឺជាក្រុមឥស្សរជនឆ្នើម ដែលមានការទទួលស្គាល់ ពីក្រុមប្រឹក្សាសង្គមនិងសេដ្ឋកិច្ចនៃអង្គការសហប្រជាជាតិ ក្នុងឋានៈជាក្រុមពិគ្រោះយោបល់ពិសេស លើវិស័យ ការទូត និងធុរកិច្ច។

ក្រសួងមហាផ្ទៃ បានព្រមាននៅថ្ងៃនេះជុំវិញការធ្វើសកម្មភាពនយោបាយបំពានច្បាប់របស់គណបក្សកែទម្រង់កម្ពុជា។ គណបក្សកែទម្រង់កម្ពុជា ដែលគេរាយការណ៍មុននេះថាជារបស់អតីតអ្នកតំណាងរាស្ត្រគណបក្សប្រឆាំងលោក អ៊ូ ច័ន្ទរ័ត្ន បានដាក់ពាក្យស្នើសុំ បង្កើតគណបក្សនយោបាយកាលពីខែមីនាឆ្នាំ២០២១ ប៉ុន្តែការរៀបចំឯកសារបែបបទដើម្បីឲ្យគណ​បក្សនោះ អាចបានទទួលការចុះឈ្មោះស្របច្បាប់តាមបែបបទនៃច្បាប់របស់កម្ពុជានោះ នៅមិនទាន់បានធ្វើត្រឹមត្រូវនៅឡើយទេ។

ប្រធានថ្មីនៃគណៈកម្មាធិការជាតិរៀបចំការបោះឆ្នោតលោកប្រាជ្ញច័ន្ទ បានចូលកាន់តំណែងជាផ្លូវការនៅថ្ងៃពុធ នេះហើយ។ ពិធីប្រកាសចូលកាន់តំណែងនេះ បានធ្វើឡើងក្រោមអធិបតីភាពព្រះរាជតំណាងព្រះមហាក្សត្រ គឺ សម្តេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង។

យុទ្ធនាការចាក់វ៉ាក់សាំងនៅតែសម្រុកធ្វើទៅមុខ ទន្ទឹមនឹងការជូនដំណឹងរបស់ក្រសួងសុខាភិបាលឲ្យបង្កើនការ ប្រុងប្រយ័ត្នជុំវិញករណីឆ្លងដែលគេរាយការណ៍ថាបានធ្វើដំណើរឆ្លងកាត់ហួសចូលក្នុងក្នុងគំនូសក្រហមហាមឃាត់ហើយ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៣ម៉ឺន៩ពាន់ ៩៥១ករណី និងការស្លាប់ថ្មីមានចំនួន៧២៧នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លង ថ្មីសរុបចំនួន១ពាន់១៣០ ករណី ក្នុងនោះ៩៩១ករណីជាការឆ្លងក្នុងសហគមន៍, និង១៣៩ករណីទៀតជាការនាំ ចូលពីក្រៅប្រទេស។ ចំណែកការស្លាប់ថ្មីនៅក្នុងប្រទេសកម្ពុជាក្នុងរយ:ពេល២៤ម៉ោងកន្លងមកនេះមាន ចំនួន ២៧នាក់ និងការជា សះស្បើយមានចំនួន៦៧០នាក់។