ខេត្តកោះកុងបានរកឃើញអ្នកឆ្លងកូវីដ១៩ថ្មី ចំនួន ៤៧នាក់ និងមានអ្នកស្លាប់ថ្មីចំនួន ២នាក់ ថែមទៀត ក្នុងរយៈ ពេល ២៤ម៉ោងចុងក្រោយនេះ ។ តួលេខឆ្លងថ្ងៃនេះ គឹមានការថយចុះកើនខ្ពស់ ចំនួន ១៦នាក់ បើធៀបនឹងច័ន្ទ ម្សិលម៉ិញ ដែលបានរកឃើញអ្នកឆ្លងចំនួន ៣១នាក់ ។

ខេត្តមណ្ឌលគិរី បានរកឃើញអ្នកឆ្លងកូវីដ១៩ថ្មីចំនួន៤នាក់ និងស្ត្រីមានផ្ទៃពោះម្នាក់ស្លាប់ក្នុងរយៈពេល ២៤ ម៉ោង ចុងក្រោយនេះ ។ យោងតាមរដ្ឋបាលខេត្តអ្នកទើបរកឃើញឆ្លងថ្មីទាំង៤នាក់នោះ ជាករណីឆ្លងពីក្នុងសហគមន៍។ អ្នកឆ្លងថ្មីទាំង៤នាក់ នោះ គឺជាពលរដ្ឋនៅក្នុងក្រុងសែនមនោរម្យ, នៅស្រុកពេជ្រាដា, ស្រុកកែវសីមា និង ពលរដ្ឋ មកពីរាជាធានីភ្នំពេញ ។ ចំណែកអ្នកស្លាប់ម្នាក់ដោយសារជំងឺកូវីដ១៩ នោះវិញ ត្រូវបានរដ្ឋបាលខេត្ត បញ្ជាក់ថា ជាស្រ្តីអាយុ៤២ឆ្នាំដែលមានផ្ទៃពោះ៧ខែមានទីលំនៅក្នុងក្រុងសែនមនោរម្យ ៕

ខេត្តបន្ទាយមានជ័យបានរកឃើញអ្នកវិជ្ជមានជំងឺកូវីដថ្មី៩៩នាក់ ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នកស្រុកស្រុកស្វាយចេកម្នាក់, ស្រុកស្រុកមង្គលបូរី៤នាក់, ក្រុងសេរីសោភណ្ឌ៦២នាក់, ក្រុងប៉ោយប៉ែត២៧នាក់ ស្រុកថ្មពួក៤នាក់ និងស្រុកព្រះនេត្រព្រះម្នាក់។ ខេត្តបន្ទាយមានជ័យ នៅថ្ងៃនេះ បានព្យាបាលជាសះស្បើយមនុស្ស៦៤នាក់ផងដែរ។

ខេត្តកំពង់ធំ បានរកឃើញអ្នកឆ្លងកូវីដ១៩ថ្មី ចំនួន ២៤នាក់ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខស្រកចុះចំនួន ២នាក់ បើធៀបនឹងម្សិលម៉ិញ ។

ខេត្តសៀមរាប រកឃើញអ្នកវិជ្ជមានជំងឺកូវីដ-១៩ថ្មី ចំនួន៩៥នាក់ និងមានមនុស្សស្លាប់ម្នាក់ ក្នុងរយៈពេល២៤ ម៉ោងចុង ក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺជាអ្នកស្រុករស់នៅក្រុងសៀមរាប៥៧នាក់, ស្រុកប្រាសាទបាគង២នាក់, ស្រុកជីក្រែង៣នាក់, ស្រុកសូទ្រនិគម៦នាក់ ស្រុកបន្ទាយស្រីម្នាក់ ស្រុកអង្គរធំម្នាក់ ស្រុកស្រីស្នំម្នាក់, មកពីប្រទេសថៃ១៧នាក់, មកពីខេត្តពោធិ៍សាត់ម្នាក់, មកពីខេត្តបាត់ដំបង២នាក់, មកពីខេត្ត ព្រះវិហារម្នាក់ និងមកពីខេត្តកំពង់២នាក់។ ចំណែកករណីស្លាប់គឺជាបុរស អាយុ៦២ឆ្នាំ មៃភូមិរមៀត, ឃុំស្លែង ស្ពាន នៃស្រុកស្រីស្នំ។

ខេត្តព្រៃវែងបានរកឃើញអ្នកឆ្លងជំងឺកូវីដ១៩ថ្មីចំនួន៤៥នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយនេះ។ យោងតាមរដ្ឋបាលខេត្ត អ្នកឆ្លងថ្មីទាំង៤៥នាក់ រួមមាននៅស្រុកស្វាយអន្ទរ១៤នាក់, ស្រុកពាមរក៍ ៩នាក់, ស្រុកមេសាង៨នាក់, ស្រុកព្រះសេ្តច៥នាក់, ស្រុកកញ្ជ្រៀច៣នាក់, ស្រុកពារាំង២នាក់, ស្រុកកំពង់ ត្របែកម្នាក់, ស្រុកកំចាយមារម្នាក់, មកពីខេត្តស្វាយរៀងម្នាក់ និង មពីខេត្តកណ្ដាលម្នាក់។ ចំណែកអ្នកស្លាប់ថ្មីទាំង២នាក់នោះគឺបុរសអាយុ៨៣ឆ្នាំ នៃស្រុកព្រះសេ្តច, និងស្ត្រីអាយុ៥៦ឆ្នាំនៃស្រុកពាមជរ។

ការឆ្លងក្នុងខេត្តស្វាយរៀង មានតូលេខបានកើនដល់៣ខ្ទង់ក្នុងរយៈ២៤ម៉ោងចុងក្រោយនេះដែលជាលើកដំបូង កើតឡើងក្នុងខេត្តដែលជាប់នឹងព្រំដែននៃវៀតណាម។ ខេត្តស្វាយរៀងថ្ងៃនេះមានអ្នកឆ្លងកូវីដ-១៩ថ្មីចំនួន ១២៤ នាក់ និងមានករណីស្លាប់២នាក់ថែមទៀត។