សត្វតោមួយក្បាលដែលទើបបានរំដោះចេញពីការចិញ្ចឹមលាក់ទុកក្នុងវីឡាមួយនៃភូមិសាស្ត្រខណ្ឌបឹងកេងកង រាជធានីភ្នំពេញ ត្រូវបានព្រលែងនៅសួនសត្វភ្នំតៅម៉ៅ។ សត្វតោឈ្មោលទម្ងន់ជាង៧០គីឡូក្រាមនោះ ត្រូវបាន បុរសជាតិចិនម្នាក់ បានចិញ្ចឹមដោយលួចលាក់តាំងពីតូចនិងមានអាយុបច្ចុប្បន្នមួយឆ្នាំកន្លះក្នុងផ្ទះមួយ ស្ថិតក្នុង ភូមិ៧, សង្កាត់បឹងកេងកង១ នៃខណ្ឌបឹងកេងកង។

ខ្លាលឿងមាសជាប្រភេទសត្វជិតផុតពូជនៅលើពិភពលោក ត្រូវបានរកឃើញក្នុងតំបន់ការពារធម្មជាតិប្រទេស កម្ពុជា។ ខ្លាលឿងមាស ត្រូវបានចាត់ថ្នាក់ជាប្រភេទជិតផុតពូជនៅក្នុងបញ្ជីក្រហម IUCN និងចុះក្នុងបញ្ជីឧប សម្ព័ន្ធទី១នៃអនុសញ្ញាCITES។ សត្វខ្លាលឿងមាសដែលត្រូវគេរកឃើញក្នុងតំបន់ការពារធម្មជាតិប្រទេសកម្ពុជា នេះ គឺផ្អែកតាមទិន្នន័យរូបភាពនៃម៉ាស៊ីនថតស្វ័យប្រវត្តិពីឧទ្យានជាតិវីរៈជ័យក្នុងខេត្តរតនៈគិរី។

ដំណើរការចរចារួមបញ្ចូលគណបក្សខ្មែររួបរួមជាតិ ដើម្បីក្លាយទៅជាគណបក្ស ហ្វ៊ុនស៊ិនប៉ិចតែមួយបានប្រឈម នឹងការទ័លច្រកនៅថ្ងៃទី២៨មិថុនានេះ ដោយប្រធានគណបក្សខ្មែររួបរួមជាតិលោកញ៉ឺកប៊ុនឆៃ បានចោទថា ប្រធានក្រុមចរចាពីគណបក្សហ្វ៊ុនស៊ិនប៉ិចលោក ហេង ហាក់លីម បានរារាំងចំពោះដំណើរការបង្រួបបង្រួមគ្នានេះ ។

ប្រធានថ្មីនៃគណៈកម្មាធិការជាតិរៀបចំការបោះឆ្នោត លោក ប្រាជ្ញ ច័ន្ទ ត្រៀមនឹងចូលកាន់តំណែងចាប់ពីថ្ងៃទី ៣០មិថុនាខាងមុខនេះហើយ។

ផ្សារបឹងកេងកង បានបិទសាឡើងវិញនៅថ្ងៃនេះជាមួយនឹងសេចក្តីរាយការណ៍មានមនុស្សឆ្លងសាឡើងវិញ ក្រោយការបើកសាឡើងវិញកាលពីពាក់កណ្តាលខែមិថុនា។ សេចក្តីរាយការណ៍ពីបណ្តាញសង្គមដែលមិនទាន់ បានបញ្ជាក់ជាផ្លូវការពីអាជ្ញាធរ បានអះអាងថាការរកឃើញឆ្លងសាឡើងវិញក្នុងផ្សារបឹងកេងកងមានចំនួនជិត ១០០នាក់និងខ្លះអះអាងថាមានជាង១០០នាក់ នៅជាមួយនឹងរដ្ឋបាលខណ្ឌបឹងកេងកងដែលចេញសេចក្តីជូនដំណឹងថ្ងៃនេះ បញ្ជាក់ថាមានស្ថានភាពឆ្លងរាលដាល បានកើនឆាប់រហ័សគួរឲ្យព្រួយបារម្ភនិងចាំបាច់ត្រូវមាន វិធានការសុខាភិបាលទប់ស្កាត់ជាប​ន្ទាន់។

ខេត្តប៉ៃលិន រកឃើញការឆ្លងជំងឺកូវីដ១៩លើមនុស្សចំនួន ៣នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខកើនខ្ពស់ជាងម្សិលម៉ិញចំនួន២នាក់ ។

ខេត្តមណ្ឌលគិរី បានរកឃើញអ្នកឆ្លងកូវីដ១៩ ចំនួន ៣នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងថយចុះជាងពីម្សិលម៉ិញចំនួន ៤នាក់ ។

ខេត្តកំពង់ឆ្នាំង បានរកឃើញអ្នកឆ្លងជំងឺកូវីដ១៩ ចំនួន ៨នាក់ ក្នុងរយៈពេល ២៤ម៉ោង ចុងក្រោយនេះ។ យោងតាមរដ្ឋបាលខេត្តអ្នកទើបរកឃើញឆ្លងថ្មីនៅថ្ងៃនេះ គឺជាករណីឆ្លងនៅក្នុងសហគមន៍ទាំងអស់ ដែលបាន ឆ្លងលើពលរដ្ឋជាកម្មកររោងចក្រ និងលើបុគ្គលិកអង្គការ នោះជាដើម ។ អ្នកឆ្លងថ្មីទាំង ៨នាក់នោះ ជាពលរដ្ឋ នៅក្នុងស្រុកបរិបូរណ៍, ស្រុកសាមគ្គីមានជ័យ, ស្រុកកំពង់ត្រឡាច, ស្រុករលាប្អៀរ និងក្រុងកំពង់ឆ្នាំង ។

ខេត្តកំពង់ចាម បានរកឃើញអ្នកឆ្លងកូវីដ១៩ថ្មី ចំនួន ៥០នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងខ្ពស់ជាងម្សិលម៉ិញរហូតដល់ទៅ២០នាក់ ។