ក្រុមហ៊ុន Evercore កំពុងតែពិនិត្យរកលទ្ធភាពរបស់ខ្លួន ដើម្បីការពង្រីកសកម្មភាពធ្វើអាជីវកម្មនៅលើទឹកដីកម្ពុជា។ Evercore គឺជាក្រុមហ៊ុនមានទុនបណ្តាក់ច្រើនសិបពាន់លានដុល្លារ និងក្រុមហ៊ុននេះ មានទីស្នាក់កណ្តាលរបស់ខ្លួន ក្នុងរដ្ឋញូយ៉កសហរដ្ឋអាមេរិក។ អប្សរាណិតធ្វើសេចក្តីរាយការណ៍

កម្មវិធីបណ្តុះបណ្តាលជំនាញយុវជន ១លាន ៥សែននាក់នឹងបើកទទួលពាក្យចាប់ពីថ្ងៃទី១៥ ខែវិច្ឆិកាខាងមុខនេះហើយ។ កម្មវិធីបណ្តុះបណ្តាលជំនាញយុវជន ១លាន ៥សែននាក់ គឺជាកម្មវិធីជួយបង្កើនធនធានមនុស្សដល់ប្រទេសកម្ពុជា ដែលបានដាក់ចេញចក្ខុវិស័យឆ្នាំ២០៣០ និង២០៥០។ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោក កត្តា អ៊ន បានថ្លែងនៅថ្ងៃនេះថា មុខជំនាញសម្រាប់បណ្តុះបណ្តាល ក្នុងជំហានដំបូង មានចំនួន ៣៨មុខជំនាញ នៅក្នុងវិស័យអាទិភាពចំនួន ១០ សម្រាប់កម្មវិធីបណ្តុះបណ្តាលជំនាញបច្ចេកទេសនិងវិជ្ជាជីវៈ ក្នុងកម្រិតសញ្ញាបត្របច្ចេកទេស និងវិជ្ជាជីវៈ ជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យ។ វិស័យអាទិភាពទាំង១០ ដែលបានជ្រើសរើសនោះ រួមមាន៖ សំណង់ អគ្គិសនី និងថាមពលអេឡិចត្រូនិក, បរិក្ខារត្រជាក់និងកម្ដៅ, កម្មន្តសាល, មេកានិកទូទៅ/មេកានិករថយន្ត, ទេសចរណ៍, សេវាកម្ម, កសិកម្ម និងកសិ-ឧស្សាហកម្ម, និងធុរកិច្ចនិងព័ត៌មានវិទ្យា។ ដោយឡែកការបណ្តុះបណ្តាលជំនាញវិជ្ជាជីវៈដូនតា ត្រូវបានរៀបចំ និងអនុវត្តដោយក្រសួងវប្បធម៌ និងវិចិត្រសិល្បៈ ក្នុងគោលបំណងអភិរក្សចំណេះដឹង និងជំនាញដូនតាឲ្យបានគង់វង្ស និងអភិវឌ្ឍន៍ឧស្សាហកម្មវប្បធម៌ និងច្នៃប្រឌិតថ្មី។

កម្ពុជា-អាមេរិកបានប្តេជ្ញាបង្កើនកិច្ចសហប្រតិបត្តិការបន្ថែមទៀត ជាពិសេសការពង្រឹងកាន់តែខ្លាំងលើក្រុមការងារ Task Force លើការទប់ស្កាត់បទល្មើសបច្ចេកវិទ្យា និងឧក្រិដ្ឋកម្មឆ្លងដែន។ ក្រុមការងារ Task Force គឺជាក្រុមការងារដែលបានបង្កើតឡើងរួមគ្នារួចមកហើយ រវាងអគ្គស្នងការដ្ឋាននគរបាលជាតិ និងក្រុម FBI របស់សហរដ្ឋអាមេរិក។ អប្សរាណិតធ្វើសេចក្តីរាយការណ៍

មន្ត្រីជាន់ខ្ពស់ នៃប្រទេសកម្ពុជា និងប្រទេសចិន បានប្តេជ្ញាពង្រឹងបន្ថែមទៀត នូវក្របខ័ណ្ឌ “កិច្ចសហប្រតិបត្តិការត្បូងពេជ្រ” និងជំរុញការវិនិយោគរបស់ចិនឱ្យបានកាន់តែច្រើននៅកម្ពុជា។ កិច្ចសហប្រតិបត្តិការត្បូងពេជ្រ គឺជាកិច្ចសហប្រតិបត្តិការដែលពង្រឹងនូវចំណុចអាទិភាព ចំនួន៦ រួមមានកិច្ចសហប្រតិបត្តិការនយោបាយ, សមត្ថភាពផលិតកម្ម និងគុណភាព, កសិកម្ម, ថាមពល, សន្តិសុខ និងទំនាក់ទំនងប្តូរប្រជាជនទៅប្រជាជន។ អប្សរាណិតរាយការណ៍

សម្តេចធិបតី ហ៊ុន ម៉ាណែត បានថ្លែងគាំទ្រទិសដៅ នៃការបន្តពង្រឹង និងពង្រីកកិច្ចសហប្រតិបត្តិការរវាងកងទ័ពជើងគោកកម្ពុជា-ចិន ក្នុងផ្នែកហ្វឹកហ្វឺនបណ្តុះបណ្តាលធនធានមនុស្ស, ការរៀបចំសមយុទ្ធរួមគ្នា, ការភ្ជាប់ទំនាក់ទំនងរវាងអង្គភាព និងអង្គភាព ក៏ដូចជាការបោសសម្អាតមីននៅកម្ពុជា។ ប្រសាសន៍បញ្ជាក់ការគាំទ្រនេះ បានធ្វើនារសៀលថ្ងៃទី៨វិច្ឆិកា ក្នុងឱកាសអនុញ្ញាតឱ្យមេបញ្ជាការកងទ័ពជើងគោកចិន នាយឧត្តមសេនីយ៍ លី ឈីវមីង ចូលជួបសម្តែងការគួរសមនៅវិមានសន្តិភាព។ នាយឧត្តមសេនីយ៍ លី ឈីវមីង បានគូសបញ្ជាក់អំពីចំណងមិត្តភាពដែកថែបកម្ពុជា-ចិន ដែលជាទំនាក់ទំនងបែបប្រវត្តិសាស្ត្រ និងត្រូវបានថ្នាក់ដឹកនាំ នៃប្រទេសទាំងពីរ ខិតខំពូនជ្រំជាប់ជាប្រចាំ រហូតមានការអភិវឌ្ឍរីកចម្រើនគួរជាទីមោទនៈ។ នាយឧត្តមសេនីយ៍កងទ័ពជើងគោកចិន បានបង្ហាញនូវក្តីជឿជាក់ថា ទំនាក់ទំនងទ្វេភាគីរវាងប្រទេសទាំងពីរ នឹងត្រូវបានលើកកម្ពស់រឹងមាំបន្ថែមទៀត ក្រោមការដឹកនាំប្រកបដោយគតិបណ្ឌិតរបស់សម្តេចធិបតី ហើយប្រទេសកម្ពុជានឹងកាន់តែមានភាពរីកចម្រើនរុងរឿង និងជឿនលឿនទៅមុខទៀត។ សម្តេចធិបតី បានស្វាគមន៍ចំពោះដំណើរបំពេញទស្សនកិច្ច របស់មេបញ្ជាការកងទ័ពជើងគោកចិន និងបានថ្លែងផ្តាំផ្ញើសាកសួរសុខទុក្ខជូនចំពោះលោកប្រធានាធិបតី ស៊ី ជីនពីង, លោកនាយករដ្ឋមន្ត្រី លី ឈាំង និងនាយឧត្តមសេនីយ៍ ចាង យូសៀ អនុប្រធានទី១ នៃគណៈកម្មាធិការយោធាមជ្ឈិមបក្សកម្មុយនីស្តចិន។ សម្តេចធិបតី បានកត់សម្គាល់អំពីការរីកចម្រើន នៃទំនាក់ទំនងរវាងកងទ័ពជើងគោក នៃប្រទេសទាំងពីរ ក្នុងរយៈកាលកន្លងមកនេះ ជាពិសេសការសម្រេចបាននូវការចុះហត្ថលេខាលើ MOU…

មានប្រទេសនៅអាស៊ានតែ ២ប៉ុណ្ណោះ ដែលមានឆ្លងជំងឺកូវីដ១៩ ក្នុងរយៈពេល២៤ម៉ោងចុងក្រោយនេះ។ ការឆ្លងកូវីដ១៩ នៅអាស៊ាននៅថ្ងៃនេះ មាន ១៧៤ករណី ដែលថយចុះចំនួន ១៦ករណី បើប្រៀបធៀបការឆ្លងកាលពីថ្ងៃម្សិលមិញ។ ប្រទេសកម្ពុជាមិនមានរកឃើញអ្នកឆ្លងថ្មីឡើយនៅថ្ងៃនេះ។ ប្រទេសទាំង២ នៅអាស៊ាន ដែលរកឃើញមានឆ្លងថ្មីថ្ងៃនេះ រួមមានប្រទេសហ្វីលីពីន មានការឆ្លង ១៦៩ករណីច្រើនជាងគេ ខណៈប្រទេសមីយ៉ាន់ម៉ា មានការឆ្លងតែ ៥ករណីប៉ុណ្ណោះ។ ប្រទេសអាស៊ាននារយៈពេល ២៤ម៉ោងចុងក្រោយនេះ មិនមានអ្នកស្លាប់ដោយសារជំងឺកូវីដ១៩ឡើយ៕

ខេត្តកំពង់ឆ្នាំងបានជួយប្រជាជន ៩២៣គ្រូសារឱ្យមានសិទ្ធិកាន់កាប់ស្របច្បាប់ នៅលើដីរបស់ពួកគេ ដែលជំរុញគោលនយោបាយបញ្ចកោណដំណាក់កាលទី១ របស់រាជរដ្ឋាភិបាល។ អប្សរាណិតធ្វើសេចក្តីរាយការណ៍

កម្ពុជានឹងរៀបចំព្រឹត្តិការណ៍រត់ប្រណាំងចម្ងាយឆ្ងាយលើកទី៧ “នៅតំបន់ប្រាសាទអង្គរ។ ព្រឹត្តិការណ៍រត់ប្រណាំង Ultra-Trail Angkor ត្រៀមនឹងធ្វើឡើងក្នុងសប្តាហ៍ទី៤ ខែមករា ក្នុងគោលបំណងជំរុញ និងបង្កើនការអភិវឌ្ឍសេដ្ឋកិច្ចក្រៅប្រព័ន្ធ, ផ្សព្វផ្សាយ និងលើកកម្ពស់បរិស្ថានតំបន់បេតិកភណ្ឌ, ជំរុញការផ្សព្វផ្សាយ និងទាក់ទាញភ្ញៀវទេសចរ និងរួមចំណែកអភិវឌ្ឍវិស័យកីឡាជាតិ។ ប្រធានគណៈកម្មាធិការជាតិអូឡាំពិកកម្ពុជា ទេសរដ្ឋមន្តី្រ ថោង ខុន បានបញ្ជាក់ថា ព្រឹត្តិការណ៍រត់ប្រណាំង Ultra-Trail Angkor ក្នុងតំបន់ប្រាសាទអង្គរ គ្រោងនឹងធ្វើនៅថ្ងៃទី២៧ ខែមករា ឆ្នាំ២០២៤ ក្រោមកិច្ចសហការជាមួយរដ្ឋបាលខេត្តសៀមរាប និងអាជ្ញាធរជាតិអប្សរា។ ព្រឹត្តិការណ៍នេះ ត្រូវគេរំពឹងថានឹងមានអ្នកចូលរួមរត់សរុបប្រមាណ ១ម៉ឺន ២ពាន់នាក់ មកពី៤៤ប្រទេស ដែលរួមមានមកពីប្រទេសបារាំង កម្ពុជា និងវៀតណាមផងដែរ។ ព្រឹត្តិការណ៍រត់ប្រណាំងចម្ងាយឆ្ងាយ Ultra-Trail Angkor លើកទី៧ មានវិញ្ញាសារត់ចម្ងាយ ប្រវែង១០០ គីឡូម៉ែត្រ, ប្រវែង៦៤គីឡូម៉ែត្រ, ប្រវែង៤២គីឡូម៉ែត្រ, ប្រវែង៣២គីឡូម៉ែត្រ, ប្រវែង១៨គីឡូម៉ែត្រ និង ៨គីឡូម៉ែត្រ៕

កម្ពុជានិងចិន បានបង្ហើបនូវគំរោងសាងសង់សមិទ្ធផលដទៃទៀត ដែលស្ថិតក្នុងគំរោងខ្សែក្រវាត់ និងផ្លូវ នៃគំនិតផ្តួចផ្តើមរបស់ប្រធានាធិបតីចិនលោក ស៊ី ជីនពីង។ ការបង្ហាញនូវគំរោងកសាងសមិទ្ធផលថ្មី ក្រោមគំរោងកិច្ចសហប្រតិបត្តិការរវាងប្រទេសចិន និងកម្ពុជានេះ បានធ្វើឡើងក្នុងពិធីមួយនាថ្ងៃទី៧វិច្ឆិកា ដែលអបអរខួបមួយឆ្នាំ នៃការដាក់ឱ្យដំណើរការផ្លូវល្បឿនលឿន ភ្នំពេញ-ខេត្តព្រះសីហនុ ដោយមានការអញ្ជើញចូលរួមដោយឧបនាយករដ្ឋមន្ត្រី ស៊ុន ចាន់ថុល និងឯកអគ្គរដ្ឋទូតចិនលោក វ៉ាង វិនធាន។ អប្សរាណិតធ្វើសេចក្តីរាយការណ៍

សម្តេចធិបតី ហ៊ុន ម៉ាណែត បានថ្លែងជំរុញឱ្យក្រសួងដែនដីនគរូបនីយកម្ម និងសំណង់ ត្រូវវាស់វែងដីធ្លី ដើម្បីប្រគល់ជាកម្មសិទ្ធិដល់ប្រជាពលរដ្ឋ សម្រាប់ការប្រើប្រាស់ជាប្រយោជន៍ផ្ទាល់ខ្លួន។ ការថ្លែងជំរុញនេះ បានធ្វើនៅថ្ងៃទី៧ វិច្ឆិកា ឆ្នាំ២០២៣ ក្នុងខេត្តព្រះសីហនុ ដែលជាខេត្តតែងមានសេចក្តីរាយការណ៍ ជុំវិញទំនាស់ដីកន្លងមករវាងប្រជាពលរដ្ឋ និងឧកញ៉ា ដែលមានទ្រព្យសម្បត្តិស្តុកស្តម្ភ។ ថ្លែងក្នុងពិធីជួបសំណេះសំណាលជាមួយកម្មកររោងចក្រជាងមួយម៉ឺននាក់ នៅតំបន់សេដ្ឋកិច្ចពិសេសខេមបូឌា ចេជាង ហ្គ័រជី ស្ថិតក្នុងស្រុកព្រៃនប់ ខេត្តព្រះសីហនុ, សម្តេចធិបតីបានថ្លែងជំរុញក្រសួងដែនដីនគរូបនីយកម្ម និងសំណង់ ធ្វើការវាស់វែងដីធ្លីដល់ប្រជាជនដើម្បីការអាចប្រើប្រាស់ជាប្រយោជន៍ក្នុងសង្គម។