មានប្រទេសចំនួនតែ ៣ប្រទេសប៉ុណ្ណោះនៅអាស៊ាន ដែលមានអ្នកឆ្លងថ្មីកូវីដ១៩ ក្នុងរយៈពេល ២៤ម៉ោងកន្លងមកនេះ។ កម្ពុជាក្នុងរយៈពេល ២៤ម៉ោងកន្លងមកនេះក៏ពុំមានរកឃើញអ្នកឆ្លង និងស្លាប់ថ្មីដោយសារជំងឺកូវីដ១៩នោះផងដែរ។ តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ មានចំនួនតែ ២៣៦ករណីប៉ុណ្ណោះ ដែលជាតួលេខឆ្លងបន្តថយចុះបន្ថែមទៀតចំនួន ២៥២ករណី ធៀបនឹងការឆ្លងកាលពីម្សិលមិញ។ ការឆ្លងក្នុងរយៈពេល ២៤ម៉ោងកន្លងមកនេះ បានកើតលើប្រទេសចំនួន ៣នៅអាស៊ាន រួមមានប្រទេសហ្វីលីពីន, វៀតណាម និងប្រទេសឡាវ។ ប្រទេសហ្វីលីពីន គឺជាប្រទេសដែលមានតួលេខឆ្លងច្រើនជាងគេ ដែលមានការឆ្លងចំនួន ១៧០ករណី។ តួលេខឆ្លងតិចជាងគេក្នុងចំណោមប្រទេសទាំង៤នោះ គឺប្រទេសឡាវ ដែលមានការឆ្លងចំនួន ១៩ករណី។ ប្រទេសចំនួន៧ គឺប្រទេសសឹង្ហបុរី, ម៉ាឡេស៊ី, កម្ពុជា, ឥណ្ឌូនេស៊ី, ថៃ, មីយ៉ាន់ម៉ា និងប្រទេសប្រុយណេ គឺជាប្រទេសដែលគ្មានសេចក្តីរាយការណ៍ជុំវិញ តួលេខឆ្លង និងស្លាប់ឡើយ ក្នុងរយៈពេល ២៤ម៉ោងចុងក្រោយនេះ។ តួលេខស្លាប់ដោយសារកូវីដ១៩ ក្នុងរយៈពេល២៤ម៉ោងកន្លងមកនេះ នៅអាស៊ាន មានចំនួន ១០នាក់ ដែលជាពលរដ្ឋនៃប្រទេសម៉ាឡេស៊ី។ គិតសរុបរួមនៃប្រទេសទាំង១០ អាស៊ាននា ពេលនេះ ការឆ្លងសរុបមានចំនួន ៣៦លាន…

មេបញ្ជាការតំបន់ប្រតិបត្តិការសឹករងព្រះវិហារ ក្រើនរំលឹកដល់យោធិនដែលឈរេជើង នៅជាប់តំបន់ព្រំដែនកម្ពុជា-ថៃ និងឡាវ ត្រូវបង្កើនការយកចិត្តទុកដាក់ទប់ស្កាត់បទល្មើសឆ្លងដែន ជាពិសេសបទល្មើសគ្រឿងញៀន។ ការដាស់តឿនប្រុងប្រយ័ត្ននេះធ្វើឡើង ក្នុងពេលដែលកម្ពុជាកំពុងជាប់រវល់មមាញឹក ក្នុងសកម្មភាពរក្សាសណ្តាប់ធ្នាប់ក្នុងស្រុក គ្រាដែលដំណើរការបោះឆ្នោតសកលថ្ងៃទី២៣កក្កដា នឹងឈានមកដល់ក្នុងពេលខាងមុខនេះ។ អប្សរាណិតធ្វើសេចក្តីរាយការណ៍

រាជធានីភ្នំពេញបានថ្លែងកោតសរសើរមន្ត្រីរដ្ឋបាលក្រោមបង្គាប់ ដែលទប់ស្កាត់បទល្មើស ដោយជោគជ័យ ជាពិសេសនៅមុនដំណាក់កាលរៀបចំបោះឆ្នោតឈានមកដល់។ ក្នុងកិច្ចប្រជុំសាមញ្ញលើកទី៥០ របស់ក្រុមប្រឹក្សារាជធានីភ្នំពេញអាណត្តិទី៣, ប្រធានក្រុមប្រឹក្សារាជធានីភ្នំពេញ លោក ម៉ប់ សារិន បានថ្លែងកោតសរសើរការទប់ស្កាត់ចរាចរណ៍ចែកចាយគ្រឿងញៀនក្នុងទីលានចាក់សំរាម, ការធ្វើឱ្យបទល្មើសព្រហ្មទណ្ឌមានការថយចុះ ជាពិសេសក្នុងមួយត្រីមាសដើមឆ្នាំនេះ បទល្មើសព្រហ្មទណ្ឌមាន៩លើក ដោយសមត្ថកិច្ចបង្ក្រាបបាន ២២០ ករណី និងឃាត់ខ្លួនបាន៣៥៦នាក់។ លោកបានថ្លែងកោតសរសើរផងដែរលើកិច្ចការគ្រប់គ្រង សំណល់អនាម័យបរិស្ថាន។ លោកបានថ្លែងថានៅក្នុងឆមាសទី១ ឆ្នាំ២០២៣នេះ ការប្រមូលសំរាមជាមធ្យមមួយថ្ងៃស្មើនឹង៣ពាន់៥៥៦តោន បានធ្វើដោយល្អ និងជាពិសេសទៀតនោះ គឺការទប់ស្កាត់ចរាចរចែកចាយ និងសេពគ្រឿងញៀន ក្នុងទីលានចាក់សំរាមបាន១០០%។ ប្រធានក្រុមប្រឹក្សារាជធានីភ្នំពេញ បានថ្លែងកោតសរសើរផងដែរ ចំពោះកិច្ចការរៀបចំការពារ សន្តិសុខ សណ្តាប់ធ្នាប់ សម្រួលចរាចរណ៍ ជាពិសេសក្នុងអម្លុងកាលដែលមានការឃោសនាបោះឆ្នោត ទាំងក្នុងពេលបើក និងដង្ហែក្បួនយុទ្ធនាការឃោសនា ដែលបានប្រព្រឹត្តក្នុងបរិយាកាសស្ងប់ស្ងាត់ល្អ, មានសន្តិសុខ សុវត្ថិភាព សណ្ដាប់ធ្នាប់ល្អ គ្មានអំពើហឹង្សា និងគ្មានការគំរាមគំហែងឡើយ។

ក្រសួងវប្បធម៌ និងវិចិត្រសិល្បៈកម្ពុជា បានចុះហត្ថលេខាលើអនុស្សារណៈ ជាមួយនឹងសមាគមជំរុញឧស្សាហកម្មវប្បធម៌ និងទេសចរណ៍កម្ពុជា-ចិន ដើម្បីបង្កើនប្រសិទ្ធភាពឧស្សាហកម្ម វប្បធម៌ និងទេសចរណ៍របស់កម្ពុជា។ ការចុះហត្ថលេខានេះ បានធ្វើនៅថ្ងៃទី១២កក្កដា ជាមួយការដាក់គោលដៅកិច្ចសហប្រតិបត្តិការជាច្រើន សម្រាប់ភាគីទាំងពីរ លើវិស័យវប្បធម៌ និងទេសចរណ៍ ក្នុងរយៈពេលបីឆ្នាំខាងមុខ។ ការចុះហត្ថលេខានេះ បានធ្វើឡើងក្រោមវត្តមាន ចូលរួមពីរដ្ឋមន្ត្រីក្រសួងវប្បធម៌ លោកជំទាវ ភឿង សកុណា និងប្រធានសមាគមជំរុញឧស្សាហកម្មវប្បធម៌ និងទេសចរណ៍កម្ពុជា-ចិន គឺលោកឧកញ៉ា តឹង ភីពីង។ ការចុះហត្ថលេខា នេះត្រូវគេចាត់ទុកថាជាការបញ្ចូលថាមពលថ្មី និងកំណើនសេដ្ឋកិច្ចថ្មី ទៅក្នុងឧស្សាហកម្ម វប្បធម៌ និងទេសចរណ៍របស់កម្ពុជា ដោយមានរៀបចំការសម្តែងវប្បធម៌ និងសិល្បៈផ្សេងៗ វេទិកាធុរកិច្ច និងសកម្មភាពផ្លាស់ប្តូរវប្បធម៌ប្រជាប្រិយជាដើម។ សមាគមជំរុញឧស្សាហកម្មវប្បធម៌ និងទេសចរណ៍កម្ពុជា-ចិន បានប្តេជ្ញាការចូលរួមយ៉ាងសកម្ម ក្នុងការរៀបចំនិងការលើកកម្ពស់ សកម្មភាពទេសចរណ៍វប្បធម៌កម្ពុជានាពេលអនាគត ដោយប្រើប្រាស់ជំនួយទុនបម្រុងដ៏រឹងមាំ និងបទពិសោធន៍វិជ្ជាជីវៈដ៏សម្បូរបែប។

ការផ្សាយព័ត៌មានមិនពិតរបស់សារព័ត៌មានខេមបូឌាដេលី បានជំរុញឱ្យអគ្គស្នងការដ្ឋាននគរបាលជាតិ ធ្វើការថ្កោលទោស និងបានបដិសេធចោលភ្លាមៗ។ អគ្គស្នងការដ្ឋាននគរបាលជាតិបានថ្លែងនៅថ្ងៃទី១២កក្កដានេះថា សារព័ត៌មានខេមបូឌាដេលី កន្លងមកនេះ បានផ្សព្វផ្សាយតាមប្រព័ន្ធហ្វេសប៊ុកនូវព័ត៌មានមិនពិត, មានចរិតនយោបាយ, ប្រឌិត, មួលបង្កាច់អំពីស្ថានការណ៍កម្ពុជា, មួលបង្កាច់មកលើថ្នាក់ដឹកនាំរាជរដ្ឋាភិបាលកម្ពុជា ជាពិសេសលើសម្ដេចតេជោ ហ៊ុន សែន និងសម្ដេចកិត្តិបណ្ឌិត ប៊ុន រ៉ានី ហ៊ុនសែន ព្រមទាំងក្រុមគ្រួសាររបស់សម្ដេច។ អគ្គស្នងការដ្ឋាននគរបាលជាតិ បានថ្កោលទោសថាកាសែតនេះ បានមួលបង្កាច់បំភ័ន្ត អំពីស្ថានភាពគ្រឿងញៀននៅកម្ពុជា ដោយធ្វើមិនឃើញ, មិនដឹង, មិនឮអំពីការខិតខំប្រឹងប្រែង របស់រាជរដ្ឋាភិបាល និងប្រជាពលរដ្ឋកម្ពុជា, កិច្ចសហប្រតិបត្តិអន្តរជាតិយ៉ាងជិតស្និទ្ធ ពីបណ្ដាប្រទេសនានាក្នុងការបង្ការទប់ស្កាត់, ប្រយុទ្ធប្រឆាំងគ្រឿងញៀន ក្រោមផែនការយុទ្ធនាការ របស់រាជរដ្ឋាភិបាល ដែលតែងទទួលបានជោគជ័យ និងទទួលបានការអបអរសាទរគាំទ្រ ពីគ្រប់មជ្ឈដ្ឋានជាតិ និងអន្តរជាតិ។ អគ្គស្នងការដ្ឋាននគរបាលជាតិបានចាត់ទុកការផ្សាយរបស់កាសែតខេមបូឌាដេលីថា មាន«ចរិតថោកទាប អសីលធម៌ គំនុំគុំគួន កញ្ជះដាច់ថ្លៃរបស់ពួកអមិត្ត»។ អគ្គស្នងការដ្ឋាននគរបាលជាតិបានបន្តថា «ឧបាយកលខ្មៅកខ្វក់របស់កាសែតខេមបូឌាដេលីនេះ មិនអាចបំភ័ន្ត បិទបាំងការពិត បន្ថយជំនឿជឿជាក់ គោរពស្រឡាញ់ចំពោះ សម្ដេចតេជោ និងគ្រួសាររបស់សម្ដេច ពីសំណាក់ប្រជាពលរដ្ឋកម្ពុជា មន្ត្រីរាជការ កងកម្លាំងប្រដាប់ អាវុធបានឡើយ»។…

កម្ពុជាបានធ្វើដំណើរទៅប្រទេសប៉ូឡូញ ដើម្បីបង្វឹកជំនាញបោសសំអាតមីនដល់មន្ត្រីអ៊ុយក្រែន។ អគ្គនាយកមជ្ឈមណ្ឌលសកម្មភាពកំចាត់មីនកម្ពុជាលោក ហេង រតនា បានប្រាប់អ្នកសារព័ត៌មានថាថ្នាក់ដឹកនាំ និងក្រុមគ្រូបច្ចេកទេសរបស់អង្គភាពស៊ីម៉ាក់ទើបបញ្ចប់ដោយជោគជ័យនូវ បេសកកម្មផ្តល់ការហ្វឹកហ្វឺនបោសសម្អាតមីនមនុស្សធម៌ ដោយប្រើប្រាស់បច្ចេកវិទ្យាជំនាន់ថ្មីរបស់ជប៉ុន ជូនដល់មន្ត្រីជំនាញសកម្មភាពមីន នៃអង្គភាពផ្តល់សេវាកម្មរដ្ឋក្នុងគ្រាអាសន្នសម្រាប់ប្រទេសអ៊ុយក្រែន។ លោកបញ្ជាក់ថាវគ្គហ្វឹកហ្វឺននោះបានរៀបចំធ្វើនៅក្នុងប្រទេសប៉ូឡូញ រយៈពេល១សប្តាហ៍រវាងពីថ្ងៃទី៥ ដល់៩ខែកក្កដា ឆ្នាំ២០២៣។ ការជួយបណ្តុះបណ្តាលរបៀបបោសសំអាតគ្រាប់មីនដល់អ៊ុយក្រែននេះ គឺជាផ្នែកមួយ នៃការសន្យារបស់មេដឹកនាំកម្ពុជាសម្តេចតេជោ ហ៊ុន សែន ដែលបានជជែកតាមទូរស័ព្ទកាលពីដើមខែវិច្ឆិកា ឆ្នាំ២០២២ ជាមួយនឹងមេដឹកនាំអ៊ុយក្រែនលោកហ្សេឡិនស្គី ដោយប្រមុខរាជរដ្ឋាភិបាលបានសន្យាការត្រៀមជួយរបស់កម្ពុជា ជាមួយកិច្ចសហការនឹងប្រទេសជប៉ុន ក្នុងការបញ្ជូនអ្នកដោះមីន ដើម្បីបណ្តុះបណ្តាលជំនាញដោះមីនរបស់អ៊ុយក្រែន តាមពេលវេលាដ៏សមស្រប។ លោក ហេង រតនា បានបញ្ជាក់បន្ថែមថា វគ្គហ្វឹកហ្វឺនជូនអ្នកជំនាញសកម្មភាពមីន នៃប្រទេសអ៊ុយក្រែន ធ្វើឡើងនៅប្រទេសប៉ូឡូញនោះ គឺជាកម្មវិធីត្រួតពិនិត្យលើការហ្វឹកហ្វឺន ដែលកម្ពុជាធ្លាប់បណ្តុះបណ្តាលក្រុមជំនាញអ៊ុយក្រែន លើទឹកដីកម្ពុជាកាលពីខែមករាឆ្នាំ២០២៣។