សមត្ថកិច្ចកំពុងស្វែងរកជនបង្កដែលបានបាញ់ចំនួន៨គ្រាប់នៅក្នុងជម្លោះវង់ផឹកស៊ីមួយកន្លែងនៅក្នុងខេត្តកណ្តាល។ ហេតុការណ៍នេះបានកើតឡើងនៅយប់ថ្ងៃទី២៩ ខែមករា ឆ្នាំ២០២៣ នៅសង្កាត់កំពង់សំណាញ់ ក្រុងតាខ្មៅ ខេត្តកណ្តាល។ ស្នងការនគរបាលខេត្តកណ្ដាល លោកឧត្តមសេនីយ៍ទោ ឈឿន សុចិត្ត ត្រូវបានគេដកស្រង់សម្តីដែលបានបញ្ជាក់នៅថ្ងៃនេះ ថាកម្លាំងនគរបាល បានចុះទៅដល់ទីតាំងផឹកស៊ីមួយកន្លែងដែលបង្កការផ្ទុះអាវុធ៨គ្រាប់នោះ ។ លោកបានបន្តថា កម្លាំងនគរបាលជំនាញកំពុងតែស្វែងរកចាប់មុខសញ្ញា ដោយកំពុងវិភាគ តាមរយៈវីដេអូ ដែលថតបាន។ មិនមានអ្នកណាម្នាក់បានរងគ្រោះថ្នាក់នោះទេ ប៉ុន្តែការប្រើប្រាស់អាវុធតាមទីសាធារណៈ គឺជាអំពើខុសច្បាប់ដែលសមត្ថកិច្ចកំពុងស្វែងរកមុខសញ្ញា ដើម្បីធ្វើការឃាត់ខ្លួន បញ្ជូនទៅតុលាការ ដើម្បីធ្វើការដាក់ទោសតាមច្បាប់។

ក្រសួងមហាផ្ទៃ បានព្រមានថានឹងប្តឹងទៅតុលាការ បើសមាគមគ្រូបង្រៀនកម្ពុជាឯករាជ្យ មិនបញ្ជូនរបាយការណ៍ហិរញ្ញវត្ថុជូនមកក្រសួងមុនដំណាច់ខែកុម្ភៈ ឆ្នាំ២០២៣នោះទេ។ ក្រសួងមហាផ្ទៃកាលពីសប្តាហ៍មុន បានដាស់តឿនសមាគមគ្រូបង្រៀនកម្ពុជាឯករាជ្យ ត្រូវធ្វើសកម្មភាពឱ្យបានត្រឹមត្រូវតាមការកំណត់ក្នុងលក្ខន្តិកៈដែលរក្សាទុកក្នុងក្រសួងមហាផ្ទៃ ព្រមទាំងបទប្បញ្ញត្តិនៃច្បាប់ និងលិខិតបទដ្ឋានគតិយុទ្ធនានាជាធរមាន។ លិខិតនៅបានប្រាប់ សមាគមគ្រូបង្រៀនកម្ពុជាឯករាជ្យ ត្រូវជូនដំណឹងជាលាយលក្ខណ៍អក្សរអំពីព័ត៌មាន រាល់គណនី ដែលត្រូវបើកសម្រាប់កិច្ចប្រតិបត្តិការរបស់ខ្លួននៅធនាគារ និងផ្តល់នូវរបាយការណ៍ បូកសរុបសកម្មភាពការងារ និងរបាយការណ៍ហិរញ្ញវត្ថុប្រចាំឆ្នាំ២០២២ ជូនមកក្រសួងមហាផ្ទៃឱ្យបានមុនដំណាច់ខែកុម្ភៈឆ្នាំ២០២៣ជាកំណត់។ ប៉ុន្តែប្រធានសមាគមគ្រូបង្រៀនឯករាជ្យ លោកស្រី អ៊ុក ឆាយ៉ាវី នៅជាមួយនឹងការដាស់តឿនរបស់ក្រសួងមហាផ្ទៃនោះ បែរជាបានថ្លែងចោទមកវិញថា ក្រសួងមហាផ្ទៃបានប្រើប្រាស់លេស ដើម្បីដាក់បន្ទុកគម្រាមកំហែង និងបំបិទសិទ្ធិសេរីភាពរបស់សមាគម ដែលមាននិន្នាការមិនស្របតាមរដ្ឋាភិបាលតែប៉ុណ្ណោះ។ អ្នកនាំពាក្យក្រសួងមហាផ្ទៃ នាយឧត្តមសេនីយ៍ ខៀវ សុភ័គ បានថ្លែងនៅថ្ងៃទី៣០ ខែមករា បញ្ជាក់ថាក្រសួងមហាផ្ទៃ បានរកឃើញភាពមិនប្រក្រតីមួយចំនួន របស់សមាគមគ្រូបង្រៀនឯករាជ្យ ដែលបានអនុវត្តផ្ទុយពីច្បាប់កំណត់។ អ្នកនាំពាក្យក្រសួងមហាផ្ទៃ បានព្រមានថា នឹងប្តឹងទៅតុលាការក្នុងករណីសមាគមគ្រូបង្រៀនឯករាជ្យមិនបញ្ជូនរបាយការណ៍ហិរញ្ញវត្ថុរបស់ខ្លួនមុនដំណាច់ខែកុម្ភៈខាងមុខនេះ មកឱ្យក្រសួងនោះទេ។

ក្រុមសិល្បៈករកម្ពុជាបានត្រៀមខ្លួន ដើម្បីការចូលរួមសម្តែងក្នុងព្រឹត្តិការណ៍ ឈីងហ្គេ នៅប្រទេសសឹង្ហបុរីនាពេលខាងនេះ។ ព្រឹត្តិការណ៍ឈីងហ្គេ គឺជាព្រឹត្តិការណ៍សម្តែងសិល្បៈ និងវប្បធម៌ចម្រុះរួមគ្នាពីបណ្តាប្រទេសនៅអាស៊ី ដែលតែងមានមួយឆ្នាំម្តងក្នុងប្រទេសសឹង្ហបុរី។ កម្មវិធីនេះ បានផ្អាករយៈពេល៣ឆ្នាំមកហើយ ដោយសារតែការឆ្លងនៃជម្ងឹកូវីដ១៩។ ឆ្នាំនេះព្រឹត្តិការណ៍ឈីងហ្គេ នឹងមកដល់ថ្ងៃទី៣ និង៤កុម្ភៈ។ តើកម្ពុជាបានត្រៀមអ្វីខ្លះ ដើម្បីចូលរួមក្នុងព្រឹត្តិការណ៍ឈីងហ្គេនាពេលខាងមុខនេះ។

សេចក្តីព្រាងច្បាប់ថ្មីស្តីពីសុវត្ថិភាពចរាចរណ៍ផ្លូវគោក កំពុងរង់ចាំការកែសម្រូលអក្ខរាវិរុទ្ធ នៃក្រុមអក្សរសាស្ត្រជាតិនៅមុនការដាក់ឆ្លងគណរដ្ឋមន្ត្រី ដើម្បីបញ្ជូនរកការអនុម័តពីរដ្ឋសភា។ គ្រោះថ្នាក់ចរាចរណ៍ បានធ្វើឱ្យមានមនុស្សស្លាប់ និងរបួសជារៀងរាល់ថ្ងៃដោយគិតជាមធ្យម មានមនុស្ស៥នាក់ បានស្លាប់ និងជាង១០នាក់រងរបួស។ ប៉ុន្តែរាជរដ្ឋាភិបាលកំពុងរកមធ្យោបាយ ដើម្បីជួយកាត់បន្ថយទំហំ នៃតួលេខគ្រោះថ្នាក់តាមដងផ្លូវនោះជាបន្ថែមទៀត។ រាជរដ្ឋាភិបាល បានរៀបចំសាឡើងវិញ នូវការតាក់តែងច្បាប់ ស្តីពីសុវត្ថិភាពចរាចរណ៍ផ្លូវគោក ដើម្បីស្របតាមភាពជឿនលឿន នៃការអភិវឌ្ឍន៍បច្ចុប្បន្ន។ សម្តេចក្រឡាហោម ស ខេង ដែលជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានធ្វើបច្ចុប្បន្នភាពនូវសេចក្តីព្រាងច្បាប់ថ្មីនោះ និងបានប្រាប់បណ្តាញសារព័ត៌មានក្នុងឱកាសដែលបានដឹកនាំកិច្ចប្រជុំបូកសរុប លទ្ធផលការងារសុវត្ថិភាពចរាចរណ៍ផ្លូវគោកឆ្នាំ២០២២ និងទិសដៅការងារឆ្នាំ២០២៣ នាព្រឹក ថ្ងៃទី៣០ ខែមករា ឆ្នាំ២០២៣។ គ្រោះថ្នាក់ចរាចរណ៍នៅទូទាំងប្រទេសក្នុងឆ្នាំ២០២២ មានមនុស្សស្លាប់ចំនួន១ពាន់ ៧០៩ នាកបើធៀបនឹងឆ្នាំ២០២១ គឺបានកើនឡើងដល់១៤ភាគរយ…ចំណែកអ្នករងរបួសមានជាង ៤ពាន់នាក់។ សម្តេចក្រឡាហោម ស ខេង បានថ្លែងរំពឹងថាច្បាប់ថ្មីដែលកំពុងតាក់តែងនេះ នឹងជួយកាត់បន្ថយគ្រោះថ្នាក់ជីវិតមនុស្សស្លាប់ និងរបួសឱ្យកាន់តែមានតួលេខទាបទៅៗ ជាលំដាប់។ សេចក្ដីព្រាងច្បាប់ថ្មីនេះ បានតាក់តែងឡើងដោយកែសម្រួលខ្លឹមសារមាត្រាច្បាប់ចាស់ចំនួន ៤៨មាត្រា និងបន្ថែមមាត្រាថ្មីៗមួយចំនួនទៀត ដើម្បីឱ្យស្របតាមការអភិវឌ្ឍរបស់កម្ពុជា ជាពិសេសលើការអភិវឌ្ឍ ផ្លូវថ្នល់ រួមដូចជាការពង្រីកផ្លូវ និងការកសាងផ្លូវល្បឿនលឿនជាដើម។ សម្ដេចក្រឡាហោមបានថ្លែងថា ច្បាប់ស្ដីពីចរាចរណ៍ផ្លូវគោកថ្មី…

តួលេខឆ្លងថ្មីកូវីដ១៩ ក្នុងប្រទេសអាស៊ាននៃរយៈពេល ២៤ម៉ោងចុងក្រោយនេះ បានបន្តកើនឡើងចំនួន ៦៥ករណី បើប្រៀបធៀបនឹងតួលេខឆ្លងកាលពីម្សិលមិញ។ តួលេខឆ្លងថ្មី កូវីដ១៩ នៅអាស៊ាននៅថ្ងៃនេះមានចំនួន ១ពាន់ ២០៥ករណី ។ ការឆ្លងថ្ងៃនេះ បានកើតលើប្រទេសចំនួន៨ នៅអាស៊ាន រួមមានប្រទេស ឥណ្ឌូនេស៊ី, ម៉ាឡេស៊ី, វៀតណាម, មីយ៉ាន់ម៉ា, សឹង្ហបុរី, ហ្វីលីពីន, កម្ពុជា, និងប្រទេសឡាវ ។ ប្រទេសសឹង្ហបុរី គឺជាប្រទេសដែលមានតួលេខ ឆ្លងច្រើនជាងគេ ដែលមានចំនួន ៥០៨ករណី ។ តួលេខឆ្លងតិចជាងគេ គឺប្រទេសមីយ៉ាន់ម៉ា ដែលមានចំនួនឆ្លងតែ ១ករណីប៉ុណ្ណោះ ។ ប្រទេសថៃ និងប្រទេសប្រុយណេ គឺជាប្រទេស ដែលគ្មានសេចក្តីរាយការណ៍ជុំវិញតួលេខឆ្លង និងស្លាប់ឡើយ ក្នុងរយៈពេល ២៤ ម៉ោងចុងក្រោយនេះ ។ តួលេខស្លាប់ដោយសារកូវីដ១៩ ក្នុងប្រទេសអាស៊ានរយៈពេល ២៤ម៉ោងចុងក្រោយនេះ មានចំនួន ១២នាក់ ដែលកើតឡើងចំពោះតែប្រទេសចំនួន៣ប៉ុណ្ណោះ រួមមានប្រទេសហ្វីលីពីន ដែលមានអ្នកស្លាប់ ៥នាក់, ប្រទេសឥណ្ឌូនេស៊ីស្លាប់…

កម្ពុជាក្នុងរយៈពេល ២៤ម៉ោងចុងក្រោយនេះ មានការឆ្លងចំនួន២ករណីដែលជាករណី កើតឡើងនៅក្នុងរង្វង់សហគមន៍។ កម្ពុជាបានចាប់ផ្តើមចាក់ដូសជំរុញទី៦ ក្នុងខែមករានេះដើម្បីបង្កើនភាពស៊ាំ ក្នុងសហគមន៍ ខណៈដែលមានសេចក្តីរាយការណ៍របស់ពិភពលោកអំពីការឆ្លងនូវវីរុសបំប្លែងថ្មីម្យ៉ាងឈ្មោះ XBB ។ ពលរដ្ឋដែលបានទៅចាក់ដូសជំរុញទី៦ បានចំនួន ១០ម៉ឺន ៩៨១នាក់ ហើយ។ កម្ពុជាបច្ចុប្បន្នកំពុងរៀនរស់នៅជាមួយនឹងជម្ងឺកូវីដ១៩ ខណៈដែលការចាក់វ៉ាក់សាំងដូសមូលដ្ឋានទូទាំងប្រទេសមានប្រមាណជាង ៩៥ភាគរយ រួចមកនេះ។

UFO គឺជាពាក្យពេញនៃអក្សរ Unidentified Flying Object មានន័យថាវត្ថុហោះហើរ ដែលគេមិនស្គាល់អត្តសញ្ញាណ។ ពលរដ្ឋខ្មែរជាទូទៅស្គាល់ថា «ថាសហោះ»។ រឿង «ថាសហោះ» គឺជារឿងអាថ៌កំបាំង ដែលមិនទាន់មានការបកស្រាយណាមួយច្បាស់លាស់ពីក្រុមអ្នកវិទ្យាសាស្ត្រអាចបញ្ជាក់ថា តើមានប្រភពមកពីណា និងអ្នកណាជាអ្នកបង្កើតវានោះទេ។ រឿង UFO ថាសហោះនេះ នៅតែស្ថិតក្នុងការចង់ដឹងជានិច្ចពីប្រជាជនទូទៅ ដែលថ្ងៃនេះ កម្មវិធីអប្សរាណិត សូមធ្វើសេចក្តីរាយការណ៍ខ្លះពាក់ព័ន្ធនឹងរឿង UFO ថាសហោះ ដែលមានខ្លឹមសារដូចតទៅនេះ