តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានថយចុះចំនួន ១១ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ១៥នាក់ សុទ្ធជាករណី ឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៦៣ថ្ងៃ ដែលបានរកឃើញការឆ្លង សាជាថ្មីនេះ មានអ្នកឆ្លងសរុបចំនួន ១ពាន់ ១៩៦នាក់ ហើយ ។

បាតុភូតភ្លៀង ផ្គរ រន្ទះ នៅតែបន្ដមានថែមទៀតក្នុងសប្តាហ៍នេះ ខណៈកម្ពុជាបានទទួលរង នូវឥទ្ធិពលខ្សោយពីជ្រលងសម្ពាធទាបឥណ្ឌា និងខ្យល់មូសុងនិរតីបក់ក្នុងកម្រិត ពីខ្សោយ ទៅមធ្យម និងទទួលរងនូវឥទ្ធិពលពីជ្រលងនៃប្រព័ន្ធសម្ពាធទាប (ITCZ) ដែលអូសបន្លាយ លើភាគខាងជើងថៃ ឡាវ និងវៀតណាម ។

សមាគមអតីតយុទ្ធជនកម្ពុជា គ្រោងនឹងប្រគល់ផ្ទះ ចំនួន៤០០ ខ្នងបន្ថែមទៀត ជូនអតីតយុទ្ធ ជននៅក្នុងឆ្នាំ២០២២នេះ។

ប្រធានសហព័ន្ធស្រូវអង្ករកម្ពុជាបានថ្លែងថា កម្ពុជាមិនអាចខ្វះនូវទីផ្សាររបស់ចិនបានឡើយ ជាពិសេសក្នុងគំរោងដែលកម្ពុជានឹងត្រូវឈានសម្រេចនាំចេញអង្ករឱ្យបានមួយលាន តោន ក្នុងមួយឆ្នាំនោះ។ កម្ពុជាបានដាក់ផែនការនាំអង្ករមួយលានតោននាំចេញទៅលក់នៅទីផ្សារ បរទេសតាំងពីឆ្នាំ២០១៥ ប៉ុន្តែ៧ឆ្នាំមកហើយ នៅមិនទាន់បានសម្រេចតាមផែនការដាក់ចេញ នៅឡើយទេ។

សហរដ្ឋអាមេរិកបានបង្ហាញបំណងចង់វិនិយោគលើវិស័យហ្គាសថាមពល (LPNG) និងវិស័យកំពង់ផែជាមួយកម្ពុជា។ ការបង្ហាញបំណងចង់បណ្តាក់ទុនលើវិស័យទាំងនេះ ត្រូវបានលើក ឡើងដោយគណៈប្រតិភូសមាជិកសភាអាមេរិក ដឹកនាំដោយលោកស្រី Carol Miller ក្នុងឱកាសជួបពិភាក្សាជាមួយនឹងទេសរដ្ឋមន្ត្រីស៊ុនចាន់ថុលនៅទីស្តីការក្រសួងសាធារណការ និង ដឹកជញ្ជូនកាលពីថ្ងៃទី២៩សីហាឆ្នាំ២០២២។

យុទ្ធនាការរៀបចំសណ្តាប់ធ្នាប់នៅតំបន់ជុំវិញអង្គរ គ្រោងនឹងបញ្ចប់ក្នុងរយៈពេល៣ថ្ងៃទៅ មុខទៀតនេះ ខណៈការប្រព្រឹត្តទៅមានលក្ខណៈល្អទៅមុខដោយគ្មានឧបសគ្គ។ អប្សរាណិតធ្វើសេចក្ដីរាយការណ៍

មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯក ហ៊ុន ម៉ាណែត កំពុងបំពេញទស្សនកិច្ចការងារក្នុងប្រទេសឡាវ ដែលជាប្រទេសជាប់ភូមិផងរបងជាមួយនឹងកម្ពុជា។

ខេត្តតាកែវបានធ្វើពិធីផ្លាស់ប្តូរមេបញ្ជាការកងរាជអាវុធហត្ថនៅថ្ងៃទី២៩ សីហា ឆ្នាំ២០២២។ មេបញ្ជាការកងរាជអាវុធហត្ថលើផ្ទៃប្រទេសនាយឧត្តមសេនីយ៍ សៅ សុខា បានប្រាប់មន្ត្រីក្រោមបង្គាប់ត្រូវអនុវត្តច្បាប់ត្រឹមត្រូវ និងធ្វើជាគម្រូល្អ និងព្រមានដាក់ទោសតាមច្បាប់ចំពោះ មន្ត្រីអាវុធហត្ថណាដែលបំពានច្បាប់។ អប្សរាណិតធ្វើសេចក្ដីរាយការណ៍

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ ជាបន្តដោយ ក្នុងរយៈពេល ៧២ម៉ោងចុងក្រោយនេះមានចំនួន ៥ម៉ឺន ១៦ករណី និងការស្លាប់ថ្មីមានចំនួន ២៩២នាក់ ។ ប្រទេសឥណ្ឌូនេស៊ី គឺប្រទេសដែលមានតួលេខឆ្លងច្រើនជាងគេបង្អស់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ៧២ម៉ោងចុងក្រោយ

រដ្ឋបាលរាជធានីភ្នំពេញ បានប្រកាសផ្អាកការធ្វើដំណើរបណ្តោះអាសន្នលើកំណាត់ផ្លូវ ៦០ម៉ែត្រ រយៈពេល ៣ថ្ងៃ ដើម្បីរៀបចំពិធីបើកការដ្ឋានសាងសង់ស្ពានអាកាសចំនួនពីរ ទីតាំងទៀតនៅក្នុងរាជធានីភ្នំពេញ។