យុទ្ធនាការរៀបចំការពារតំបន់រមណីយដ្ឋានអង្គរ បានប្រព្រឹត្តទៅរយៈពេល១១ថ្ងៃហើយ។ យុទ្ធនាការនេះ បានកំណត់រយៈពេល១៥ ដែលនឹងចប់នៅថ្ងៃទី២កញ្ញាឆ្នាំ២០២២។ យោង មន្ត្រីក្រសួងរៀបចំដែនដី នគរូបនីយកម្ម និងសំណង់ គិតត្រឹមថ្ងៃទី២៨ សីហា ទីតាំងដែលបាន រៀបចំសំអាតសម្រាប់ពលរដ្ឋត្រៀមទៅរស់នៅលើដីថ្មីក្នុងស្រុកបន្ទាយស្រី មានទំហំដល់៩៥ ហិកតាហើយ។ ខណៈការស្ថាបនាផ្លូវជូនពលរដ្ឋក្នុងតំបន់ថ្មីនោះ បានជាង១៦ភាគរយ។

សម្តេចនាយករដ្ឋមន្ត្រីនៃប្រទេសកម្ពុជា បានជួបជាមួយក្រុមសមាជិកសភាអាមរិក ដោយ បញ្ជាក់ការប្តេជ្ញាជំរុញទំនាក់ទំនងទ្វេភាគី និងកិច្ចសហប្រតិបត្តិការ ដើម្បីផលប្រយោជន៍ទៅ វិញទៅមក។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ ជាបន្ត ដោយក្នុងរយៈពេល ២៤ម៉ោងចុងក្រោយនេះ មានការឆ្លងចំនួន ១ម៉ឺន ៩ពាន់ ១៣៤ករណី និងការស្លាប់ថ្មីមានចំនួន ១០១នាក់។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើន ជាងគេបង្អស់ដដែលនៅថ្ងៃនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

កម្ពុជានឹងគ្រោងបើកការដ្ឋានសាងសង់រោងចក្រច្រក និងវេចខ្ចប់វ៉ាក់សាំងលើកដំបូង នៅខែវិច្ឆិកា ខាងមុខនេះ ជាមួយទុនដំបូងប្រមាណ ១០០លានដុល្លារ។ រដ្ឋមន្ត្រីក្រសួងសុខាភិបាលលោកសាស្ត្រាចារ្យ ម៉ម ប៊ុនហេង បានបញ្ជាក់នៅថ្ងៃទី២៦សីហានេះ ជុំវិញការបង្កើតរោងចក្រ ក្នុងឱកាសចុះពិនិត្យដំណើរការបូមខ្សាច់បំពេញដី និងការសាងសង់ហេដ្ឋារចនាសម្ព័ន្ធ នានា ដើម្បីត្រៀមការបើកការដ្ឋានសាងសង់រោងចក្រនោះជាផ្លូវការ។

វ៉ាក់សាំងបង្ការជំងឺកូវីដ១៩ប្រភេទ Pfizer សម្រាប់កូនក្មេងជិត ៣០ម៉ឺនដូស ដែលជាជំនួយ របស់ប្រទេសអូស្ត្រាលីបានដឹកមកដល់កម្ពុជាហើយនៅថ្ងៃទី២៦សីហានេះ។ រដ្ឋលេខាធិការក្រសួងសុខាភិបាល លោកស្រី យក់ សម្បត្តិ ក្នុងឱកាសទទួលវ៉ាក់សាំងជំនួយនេះ បានប្រាប់អ្នកសារព័ត៌មានជុំវិញជំនួញវ៉ាក់សាំងរបស់អូស្រ្តាលី។

យុទ្ធនាការរុះរើសំណង់ខុសច្បាប់ក្នុងតំបន់រមណីយដ្ឋានអង្គរបានឈានចូលដល់ថ្ងៃទី៨ ហើយ គ្រាដែលប្រជាពលរដ្ឋបានបន្តបង្ហាញកិច្ចសហការជាមួយនឹងអាជ្ញាធរដែលចុះរៀបចំ។ យោងតាមរបាយការណ៍លទ្ធផល គិតត្រឹមថ្ងៃទី២៥សីហាឆ្នាំ២០២២ យុទ្ធនាការចុះវាស់វែង កំណត់និយាមកាក្បាលដី និងកំណត់អត្តសញ្ញាណអ្នកកាន់កាប់ដី និងសំណង់ខុសច្បាប់ ក្នុង តំបន់រមណីយដ្ឋានអង្គរ បានសរុបចំនួន៣ម៉ឺន៥០៨ក្បាលដីហើយ។ អប្សរាណិតធ្វើសេចក្ដីរាយការណ៍

បេក្ខភាពអនាគតនាយករដ្ឋមន្ត្រីរបស់គណបក្សប្រជាជនកម្ពុជាបណ្ឌិត ហ៊ុន ម៉ាណែត បានបញ្ជាក់នូវជំហរប្រកាន់ខ្ជាប់នូវគោលនយោបាយចិនតែមួយ ក្នុងឱកាសដែលទទួលជួប ពិភាក្សាការងារជាមួយរដ្ឋមន្រ្តីក្រសួងទំនាក់ទំនងអន្តរជាតិ នៃគណៈកម្មាធិការមជ្ឈឹមបក្សកុម្មុយនីស្តចិនលោក លីវ ជាឆាវ ។ ជំនួបនេះ បានធ្វើនារសៀលថ្ងៃព្រហស្បតិ៍ ទី២៥ ខែសីហា ឆ្នាំ២០២២ក្នុងឱកាសដែលលោក លីវ ជាឆាវ កំពុងបំពេញទស្សនកិច្ចក្នុងរាជធានីភ្នំពេញ។

សមត្ថកិច្ចបានបង្ក្រាបអំពើជួញដូរមនុស្សបានច្រើនជាបន្តបន្ទាប់ ខណៈដែលក្រុមឧក្រិដ្ឋជន បានប្រើប្រាស់បណ្តាញទាក់ទងរបស់ខ្លួនធ្វើការបោកបញ្ជោតជនបរទេសឱ្យចូលមកធ្វើការ នៅក្នុងប្រទេសកម្ពុជា។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ ជាបន្តដោយ ក្នុងរយៈពេល ២៤ម៉ោងចុងក្រោយនេះ មានការឆ្លងចំនួន ១ម៉ឺន ៩ពាន់ ៩៨៦ករណី និងការស្លាប់ថ្មីមានចំនួន ១១២នាក់ ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើន ជាងគេបង្អស់ដដែលនៅថ្ងៃនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល២៤ម៉ោងចុងក្រោយ