តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានកើនឡើងចំនួន ៩ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ១៥នាក់ សុទ្ធជាករណីឆ្លងនៅក្នុងសហគមន៍ទាំងអស់។ កម្ពុជាក្នុងរយៈពេល ៥៨ថ្ងៃ ដែលបានរកឃើញការ ឆ្លងសាជាថ្មីនេះ មានអ្នកឆ្លងសរុបចំនួន ១ពាន់ ១០៧នាក់ ហើយ ។

ក្រុមហ៊ុន Minebea របស់ប្រទេសជប៉ុន គ្រោងបោះទុនវិនិយោគចំនួន៤៥លានដុល្លារអាមេរិក ក្នុងការបង្កើតថាមពលពីព្រះអាទិត្យក្នុងអនុភាព៥០មេហ្គាវ៉ាត់។ មន្ត្រីក្រសួងរ៉ែ និងឋាមពល បានថ្លែងថា គំរោងបោះទុនវិនិយោគនោះ ត្រូវបានលើកឡើងក្នុងកិច្ចពិភាក្សាមួយរវាងលោក រដ្ឋមន្រ្តី ស៊ុយ សែម នៃក្រសួងរ៉ែ និងថាមពល ជាមួយនឹងនាយកគ្រប់គ្រងក្រុមហ៊ុន Minebea ជប៉ុន លោក យ៉ូស៊ីហ៊ីរ៉ូ សាកានុស៊ី ។

មន្ដ្រីជំនាញរបស់ក្រសួងធនធានទឹក និងឧតុនិយម បានថ្លែងថាឆ្នាំ២០២២នេះ ទឹកជំនន់ស្ទឹងព្រែកត្នោត ទំនងនឹងមិនគំរាមកំហែងរាជធានីភ្នំពេញ និងផ្នែកខ្លះនៃខេត្តកណ្ដាលឡើយ ខណៈដែលក្រសួងបាននឹងកំពុងរៀបចំការបង្ការការពារយ៉ាងសកម្ម។

ខេត្តស្វាយរៀង នឹងត្រូវប្រកាសជាខេត្តអស់មីនក្នុងឆ្នាំ២០២៣ ក្រោមគម្រោងសម្តេចតេជោ សម្រាប់សកម្មភាពមីន «ផ្តល់ដីសុវត្ថិភាព និងបង្កើតស្នាមញញឹម”។

រាជរដ្ឋាភិបាលកម្ពុជានឹងចាប់ផ្តើមបោះផ្សាយលក់មូលបត្ររដ្ឋតម្លៃ ៣០០លានដុល្លារលើក ដំបូងជាផ្លូវការ ចាប់ពីខែកញ្ញា ឆ្នាំ២០២២។ សេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ ដែលបណ្តាញព័ត៌មានទទួលបាននៅថ្ងៃទី២៥ ខែសីហា ឆ្នាំ២០២២នេះ បានបញ្ជាក់ថា «ក្រសួងសេដ្ឋកិច្ច និងហិរញ្ញវត្ថុតាមរយៈធនាគារជាតិនៃកម្ពុជា… នឹងធ្វើការបោះផ្សាយលក់មូលបត្ររដ្ឋជាលើកដំបូងក្នុងទំហំ១ពាន់២១៩ ប៊ីលានរៀល ឬប្រមាណ៣០០ លានដុល្លារអាមេរិក ចាប់ពីខែកញ្ញា ឆ្នាំ២០២២តទៅ»។

អង្គការយូណេស្កូ បានថ្លែងការកោតសរសើរដល់រាជរដ្ឋាភិបាលកម្ពុជា ក្នុងកិច្ចខិតខំប្រឹង ប្រែងទប់ស្កាត់សំណង់បំពានខុសច្បាប់ និងការពារតំបន់បេតិកភណ្ឌអង្គរ។ ការកោតសរសើរ បានធ្វើឡើងតាមរយៈលោកសាដា អ៊ូម៉ា អាឡាំ Sardar Umar Alam តំណាងអង្គការយូណេស្កូប្រចាំព្រះរាជាណាចក្រកម្ពុជា ក្នុងជំនួបពិភាក្សាការងារជាមួយរដ្ឋមន្ត្រីក្រសួងវប្បធម៌ និងវិចិត្រសិល្បៈ លោកស្រីបណ្ឌិតសភាចារ្យ ភឿង សកុណា នៅថ្ងៃទី២៤ ខែសីហាឆ្នាំ២០២២។

ឯកអគ្គរដ្ឋទូតតួកគីប្រចាំកម្ពុជា បានប្តេជ្ញាពង្រីកកិច្ចសហប្រតិបត្តិការជាមួយកម្ពុជា ជាពិសេសវិស័យទំនាក់ទំនងពាណិជ្ជកម្ម។ ការប្តេជ្ញានេះ បានធ្វើឡើងក្នុងឱកាសដែលឯកអគ្គរដ្ឋទូតថ្មីតួកគីប្រចាំកម្ពុជា លោកជំទាវអ៊ុលគី ខូកាហ្វ៊ី Ulku Kocaefe ត្រូវបានអនុញ្ញាតចូលជួប សម្តែងការគួរសមចំពោះសម្តេចតេជោ ហ៊ុន សែន នាវិមានសន្តិភាព។ អប្សរាណិតធ្វើសេចក្ដីរាយការណ៍

ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលិនស្គី បានប្ដេជ្ញាថានឹងដណ្ដើមយកតំបន់ ឧបទ្វីបគ្រីមៀ ពីរុស្ស៊ីមកវិញ និងបានចាត់ទុកថាការដណ្ដើមយកតំបន់គ្រីមៀរមកវិញគឺស្មើនឹងការកសាងសណ្ដាប់ធ្នាប់ និងច្បាប់ពិភពលោកឡើងវិញ។ ការប្តេជ្ញានេះ បានធ្វើក្នុងសន្និសីទអន្តរជាតិមួយស្ដីពីគ្រីមៀកាលពីថ្ងៃអង្គារ៍ទី២៣សីហាក្នុងរដ្ឋធានីគៀវ ដោយមានការចូលរួមពីបណ្តាមេដឹកនាំ ប្រទេសជាច្រើនក្នុងទ្វីបអឺរ៉ុប។ លោក ម៉ារ យ៉ារិទ្ធិ មានសេចក្តីរាយការណ៍ផ្តោតលើព័ត៌មានអន្តរជាតិនេះ

ការព្យាករណ៍អាកាសធាតុតែងមានកំហុសភ្លាត់ខ្លះមិនដែលខានឡើយ។ ប៉ុន្តែនៅក្នុងប្រទេសហុងគ្រី ការព្យាករណ៍ខុសដែលនិយាយថា នឹងមានព្យុះ និងភ្លៀងនៅចំថ្ងៃបុណ្យជាតិ របស់ខ្លួន ត្រូវបានគេបណ្តេញប្រធាន និងអនុប្រធានឧតុនិយមជាតិចេញពីដំណែង។ កញ្ញា ណេង កាណាន់ មានសេចក្តីរាយការណ៍ព័ត៌មានអន្តរជាតិនេះ