ក្រុមកីឡាប្រដាល់គុនខ្មែរជម្រើសជាតិកម្ពុជា បានឈ្នះមេដាយមាសចំនួន៧គ្រឿង ក្នុងព្រឹត្តិការណ៍ Grand Slam Tournament រៀបចំនៅក្នុងប្រទេសម៉ាឡេស៊ី។

កម្ពុជានឹងធ្វើម្ចាស់ផ្ទះកម្មវិធីប្រកួតរ៉ូបូតអន្តរជាតិធំបំផុតនៅអាស៊ីដែលជាលើកដំបូងហើយ ក្នុងប្រវត្តិសាស្ត្ររបស់កម្ពុជា។ កម្មវិធីប្រកួតរ៉ូបត ABU Robocon គឺជាកម្មវិធីប្រកួតប្រជែង មនុស្សយន្តរបស់ប្រទេសក្នុងតំបន់អាស៊ីប៉ាស៊ីហ្វិក ដែលកម្មវិធីនេះ បានបង្កើតឡើង តាំងពី ឆ្នាំ២០០២នោះមក។

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) កាន់តែរីកធំធាត់ក្នុងរយៈពេល១០ ឆ្នាំកន្លងមកនេះ។ ប្រធានក្រុមប្រឹក្សាភិបាលបណ្ឌិត ហ៊ុន ម៉ាណែត បានថ្លែងថា «សមាគម TYDA មិនមែនជាយន្តការជំនួសអោយយន្តការរបស់រាជរដ្ឋាភិបាលនោះទេ ប៉ុន្តែជាយន្តការ រួម ចំណែកជាមួយរាជរដ្ឋាភិបាលក្នុងការផ្តល់សេវាសុខាភិបាលជូនដល់ប្រជាពលរដ្ឋ»។ ប្រសាសន៍បញ្ជាក់នេះ បានធ្វើឡើងនៅថ្ងៃទី២១សីហាឆ្នាំ២០២២ ក្នុងពិធីមួយដែលមានការ បញ្ចូលសមាជិកបន្ថែមទៀតក្នុងសមាគម TYDA។

សម្តេចតេជោ ហ៊ុន សែន បានទទួលជួបរដ្ឋមន្ត្រីការបរទេសម៉ាល់ឌីវ ដែលជាប្រធានមហាសន្និបាតអង្គការសហប្រជាជាតិសម្រាប់ឆ្នាំ២០២២នេះ។ ជំនួបរវាងសម្តេចតេជោ និងលោក អាប់ ឌូឡា សាហ៊ីដ បានផ្តោតលើកិច្ចសហប្រតិបត្តិការទ្វេភាគីផង និងការកោតស្ញប់ស្ញែងនៃស្នាដៃ របស់កម្ពុជាផងលើឆាកអន្តរជាតិ។ អប្សរាណិតធ្វើសេចក្ដីរាយការណ៍

ស្ពានអាកាសថ្មីចំនួន ២ទីតាំងទៀតនឹងត្រូវគ្រោងសាងសង់ក្នុងរាជធានីភ្នំពេញ ដើម្បី សម្រួលការកកស្ទះចរាចរណ៍។ កម្ពុជាមានស្ពានអាកាសកំពុងដំណើរការចំនួន៦រួចមក ហើយ។

សម្ដេចតេជោ ហ៊ុន សែន បានអនុញ្ញាតមន្ត្រីជាន់ខ្ពស់នៃបក្សកុម្មុយនីស្តវៀតណាម ចូលជួបសម្ដែងការគួរសម និងពិភាក្សាការងារ នៅថ្ងៃច័ន្ទទី២២សីហានាវិមានសន្តិភាព។

ព្រះមហាក្សត្រខ្មែរ និងសម្តេចម៉ែ កំពុងគង់ប្រថាប់នៅក្នុងប្រទេសចិនដើម្បី ពិនិត្យព្រះរាជ សុខភាពតាមទម្លាប់។ ព្រះអង្គទាំងទ្វេបានយាងចាកចេញពីកម្ពុជាកាលពីថ្ងៃទី២១សីហាឆ្នាំ ២០២២ ជាមួយនឹងព្រះរាជសារបញ្ជាក់ថាក្នុងអម្លុងព្រះអវត្តមានរបស់ព្រះមហាក្សត្រ សម្តេច វិបុលសេនាភក្តី សាយ ឈុំ ប្រធានព្រឹទ្ធសភា នឹងបំពេញភារកិច្ចថ្វាយព្រះអង្គក្នុងឋានៈ ជា ប្រមុខរដ្ឋស្តីទី។