មន្ត្រីក្រសួងសង្គមកិច្ច និងអតីតយុទ្ធជន បានថ្លែងនៅថ្ងៃនេះថាជំនួយជួយអ្នកក្រីក្រដែល រងផលប៉ះទង្គិចនឹងវិបត្តិកូវីដ១៩ នៅតែបន្តបើទោះបីជារាជរដ្ឋាភិបាលបានជួយអស់រយៈ ពេលជាង២៥ខែកន្លងមកនេះក៏ដោយ។ លោក ឈួរ សុបញ្ញា ប្រតិភូរាជរដ្ឋាភិបាលនៃក្រសួង សង្គមកិច្ចនិងអតីតយុទ្ធជន ក្នុងសន្និសីទកាសែតថ្ងៃទី១៨សីហានេះ បានថ្លែងថាគិតចាប់តាំង ពីការជួយថ្ងៃដំបូងនោះមក រាជរដ្ឋាភិបាលបានចំណាយថវិកាជួយពលរដ្ឋក្រីក្រអស់ជាង៧៤៤ លានដុល្លារហើយ។

ផ្លូវល្បឿនលឿនភ្នំពេញ ព្រះសីហនុ នឹងត្រូវដាក់ឱ្យប្រើប្រាស់មិនគិតថ្លៃរយៈពេលមួយខែក្នុង ខែតុលា ប៉ុន្តែក្តីព្រួយបារម្ភមួយចំពោះឧបសគ្គប្រឈម គឺពលរដ្ឋខ្លះនៅមិនទាន់យល់អំពីគ្រោះ ថ្នាក់ដែលអាចកើតឡើងនៅតាមដងផ្លូវដោយសារតែសកម្មភាពរបស់ខ្លួន។

មេបញ្ជាការកងទ័ពជើងគោកលោកឧត្តមសេនីយ៍ឯក ហ៊ុន ម៉ាណែត បានចូលរួមក្នុងពិធី សម្ពោធដាក់ឱ្យប្រើប្រាស់អគារទីបញ្ជាការ, អគារស្នាក់នៅ និងសមិទ្ធផលនានា នៅថ្ងៃទី១៨ សីហានេះក្នុងខេត្តស្ទឹងត្រែង។ អប្សរាណិតធ្វើសេចក្ដីរាយការណ៍

គ្រោះថ្នាក់ចរាចរណ៍ នៅតែជាការគំរាមដល់អាយុជីវិតប្រជាពលរដ្ឋជារៀងរាល់ថ្ងៃ។ យោង តាមប្រសាសន៍របស់សម្តេចក្រឡាហោម ស ខេង ឧបនាយករដ្ឋមន្ត្រីនិងជារដ្ឋមន្ត្រីក្រសួង មហាផ្ទៃ, គ្រោះថ្នាក់ចរាចរណ៍បានធ្វើឱ្យមនុស្សស្លាប់ក្នុងមួយថ្ងៃយ៉ាងហោច៥នាក់ និងរងរបួស១០នាក់ ដែលជាតួលេខមួយគួរឱ្យបារម្ភ។

ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី បានស្នើអ្នករាយការណ៍ពិសេស ទទួលបន្ទុក ស្ថានភាពសិទ្ធិមនុស្សក្នុងប្រទេសកម្ពុជា រក្សាឱ្យបាននូវតុល្យភាពព័ត៌មានរបាយ ការណ៍អំពីសិទ្ធិមនុស្ស និងការផ្តល់អនុសាសន៍របស់ខ្លួន ដើម្បីផ្ដល់ភាពយុត្តិធម៌ដល់កិច្ច ខិត ខំប្រឹង ប្រែងរបស់រាជរដ្ឋាភិបាលកម្ពុជាលើវិស័យសិទ្ធិមនុស្ស។ ការស្នើនេះ បានធ្វើឡើងក្នុង ឱកាសដែលលោក កែវ រ៉េមី បានជួបពិភាក្សាជាមួយនឹងលោក វិទិត មុនតាប៊ន ដែលជាអ្នក រាយការណ៍ពិសេសរបស់អង្គការសហប្រជាជាតិទទួលបន្ទុកស្ថានភាពសិទ្ធិមនុស្សក្នុងប្រទេសកម្ពុជា។ អប្សរាណិតធ្វើសេចក្ដីរាយការណ៍

សម្តេចតេជោ ហ៊ុន សែន បានមានប្រសាសន៍បញ្ជាក់នូវគុណតម្លៃរបស់វ៉ាក់សាំងដែលបានធ្វើ ឱ្យកម្ពុជាចៀសផុតរួចពីសេចក្តីស្លាប់ចាប់តាំងពីខែមេសាឆ្នាំ២០២២នោះមក។ ប្រសាសន៍ របស់សម្តេចតេជោ ហ៊ុន សែន បានធ្វើក្នុងឱកាសដែលមានពិធីនិងប្រគល់នូវជំនួយវ៉ាក់សាំង កូវីដ១៩ប្រភេទ Pfizer របស់រដ្ឋាភិបាលប្រទេសអេស្ប៉ាញចំនួន៣០ម៉ឺនដូសនៅថ្ងៃទី១៨សីហា ឆ្នាំ២០២២។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ ជាបន្ត ដោយក្នុងរយៈពេល ២៤ម៉ោងចុងក្រោយនេះមានការឆ្លងចំនួន ២២ម៉ឺន ៨៦០ករណី និងការស្លាប់ថ្មី មានចំនួន ១១៨នាក់ ។ តួលេខឆ្លងថ្ងៃនេះ មានការកើនឡើងចំនួន ៧ពាន់ ៣១៩ករណី និង ការស្លាប់ក៏មានការកើនឡើងចំនួន ១៧នាក់ផងដែរ បើប្រៀបធៀបការឆ្លងកាលពីម្សិលមិញ ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេបង្អស់នៅថ្ងៃនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

សម្តេចតេជោ ហ៊ុន សែន បានអំពាវនាវពលរដ្ឋត្រូវបន្តការចាកវ៉ាក់សាំងដូសជម្រុញ និងការបង្ការការពារ៣កុំនិង៣ការពារខណៈការឆ្លងកូវីដ១៩ បានវិលត្រឡប់មកវិញក្នុងរយៈពេល៥០ កន្លងមកនេះ។ តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ មាន២៦ ករណី ដែលថយចុះ១០ករណីប្រៀបធៀបនឹងម្សិលមិញ។ ប៉ុន្តែទោះមានភាពវិវត្តន៍ចុះឡើង យ៉ាងនេះក្តី, សម្តេចតេជោ ហ៊ុន សែន បានអំពាវនាវពលរដ្ឋត្រូវទទួលយកការចាក់វ៉ាក់ដូស ជម្រុញដូចតាមគ្រូពេទ្យបានកំណត់។

សម្តេចតេជោ ហ៊ុន សែន បានអំពាវនាវឱ្យបុរសម្នាក់ដែលបានសម្ភាសន៍ជាមួយបណ្តាញ សង្គម GN Times នៅក្នុងស្រុក ត្រូវបង្ហាញមុខចំពោះអាជ្ញាធរខេត្តព្រះសីហនុ ពាក់ព័ន្ធនឹង ការផ្សាយរឿងមិនពិតមួយនៃជម្លោះដីក្នុងខេត្តព្រះសីហនុ។

សម្តេចតេជោ ហ៊ុន សែន បានបញ្ជាក់នូវការមិនតម្លៃថ្លៃអគ្គិសនីឡើយ ដែលការបញ្ជាក់សាជា ថ្មីនេះគឺជាការប្តេជ្ញារបស់រាជរដ្ឋាភិបាល ដើម្បីជួយសម្រូលលើជីវភាពប្រជាពលរដ្ឋ។