សម្តេចតេជោ ហ៊ុន សែន បានបញ្ជាក់នៅថ្ងៃទី១៧ សីហាឆ្នាំ២០២២នេះ ដាក់តំបន់ភ្នំតាម៉ៅ ដើម្បីឲ្យក្លាយជាតំបន់អភិរក្សនៃសួនដាំដើមឈើ និងការការពារជារៀងរហូត ។ តំបន់ភ្នំតាម៉ៅដែលមានទំហំជាង ៥០០ហិកតា បានរងនឹងភាពចម្រូងចម្រាស់រវាងការអភិ វឌ្ឍន៍ និងការរក្សាជាតំបន់អភិរក្ស។

សម្តេចនាយករដ្ឋមន្ត្រីបានថ្លែងថា ការផ្តាច់មុខសេវាប្រព័ន្ធ Internet តាមបុរីនីមួយៗកន្លងមក គឺជាកិច្ចសន្យាខុសឆ្គងស្តីពីការប្រកួតប្រជែងដោយសុចរិត។ គួរបញ្ជាក់ថាសិទ្ធិផ្តាច់មុខដល់ ក្រុមហ៊ុនផ្តល់សេវាទូរស័ព្ទនិងអ៊ីធឺណិតតាមបុរី ត្រូវបានរំលាយចោលចាប់តាំងពីថ្ងៃទី៥ សីហានោះមក។

សម្តេចពិជ័យសេនា ទៀ បាញ់ បានវិលត្រឡប់មកកម្ពុជាវិញហើយ ក្រោយដំណើរទស្សនកិច្ច ៣ថ្ងៃក្នុងប្រទេសចិន ដែលមានការជជែកពិភាក្សាលើបញ្ហាតំបន់ និងការពង្រឹងកិច្ចសហប្រតិបត្តិការយោធា។

សម្តេចតេជោ ហ៊ុន សែន បានសម្តេចក្តីរីករាយ និងមានមោទនភាពចំពោះឧត្តមមន្ត្រីកម្ពុជា និង កងកម្លាំងរៀបចំសន្តិសុខទាំងអស់ ដែលបានធ្វើឱ្យកិច្ចប្រជុំរដ្ឋមន្ត្រីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធនានាបានប្រព្រឹត្តទៅដោយជោគជ័យ។

កម្ពុជាបាននាំទំនិញចេញទៅសហរដ្ឋអាមេរិក ក្នុងរយៈពេល៧ខែដើមឆ្នាំនេះ មានតម្លៃទឹក ប្រាក់ជិត៦ពាន់លានដុល្លារ។ របាយការណ៍អគ្គនាយកដ្ឋានគយ និងរដ្ឋាករកម្ពុជា បញ្ជា្កក់ថា ការនាំចេញនេះ កើនជាង៤៧ភាគរយប្រៀបធៀបនឹងរយៈពេលដូចគ្នាកាលពីឆ្នាំមុន។

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានកើនឡើងចំនួន ៨ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ៣៦នាក់ដែល សុទ្ធជាករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៤៩ថ្ងៃ ដែលបានរក ឃើញការឆ្លងសាជាថ្មីនេះ មានអ្នកឆ្លងសរុបចំនួន ៩១០នាក់ ហើយ ។

វ៉ាក់សាំងបង្ការជំងឺកូវីដ១៩ ចំនួន ៣០ម៉ឺនដូស ជាជំនួយរបស់អេស្ប៉ាញ នឹងដឹកមកដល់ កម្ពុជាយប់នេះរំលងអាធ្រាត្រ។ រដ្ឋលេខាធិការក្រសួងសុខាភិបាលលោកស្រី យក់ សម្បត្តិ បានថ្លែងថាថាវ៉ាក់សាំងប្រភេទ Pfizer ដែលនឹងមកដល់នារំលងអាធ្រាត្រឈានចូលថ្ងៃទី១៧ សីហានេះ គឺចំនួន៣០ម៉ឺនដូសសម្រាប់ចាក់ជូនកុមារ។

កំពស់ទឹកស្ទឹងសែន និងតាមដងទន្លេមេគង្គនៅក្នុងខេត្តព្រះវិហារបានហក់ឡើងខ្លាំង ខណៈ ដែលអភិបាលខេត្តលោក គីម រិទ្ធី បានអំពាវនាវដល់ពលរដ្ឋ ត្រូវបង្កើនការប្រុងប្រយ័ត្នខ្ពស់។ គិតត្រឹមថ្ងៃទី១៥ខែសីហា ឆ្នាំ២០២២, ទឹកស្ទឹងសែនក្នុងក្រុងព្រះវិហារមានកម្ពស់ ១១ម៉ែត្រ ០៨ ដែលកម្ពស់ទឹកប្រកាសអាសន្ន គឺ ១១ម៉ែត្រ៥០ ។

តំបន់ទំនាបមួយចំនួនក្នុងស្រុកម៉ាឡៃនៃខេត្តបន្ទាយមានជ័យ បានរងនឹងជំនន់ទឹកភ្លៀង ។ ប្រធានមន្ទីរធនធានទឹក និងឧតុនិយម ខេត្តបន្ទាយមានជ័យ លោក យឹម ប៊ុនរ៉ុម បានឱ្យដឹងថា គិតត្រឹមព្រឹកថ្ងៃទី១៦ ខែសីហា ទឹកភ្លៀងបានបង្ករឱ្យតំបន់ទំនាបមួយចំនួន នៅស្រុកម៉ាឡៃ បានរងការលិចលង់ ជាពិសេសស្ថិតនៅត្រង់ចំណុចអូរស្ពានដែក ។

បាតុភូត ផ្គរ រន្ទះ និងខ្យល់កន្ត្រាក់ នៅតែបន្ដកើតមានថែមទៀតក្នុងសប្ដាហ៍ទៅមុខនេះ ខណៈ កម្ពុជាបានទទួលរងនូវឥទ្ធិពលពីជ្រលងនៃប្រព័ន្ធសម្ពាធទាប ( ITCZ) អូសបន្លាយកាត់ លើភាគខាងជើងប្រទេសថៃឡាវ, វៀតណាម ភ្ជាប់ទៅនឹងសម្ពាធទាបសកម្មមួយនៅភាគខាងលើ សមុទ្ទចិនខាងត្បូង រួមជាមួយនឹងខ្យល់មូសុងនិរតីបក់ពីមធ្យមទៅបង្គួរ ។