អគ្គមេបញ្ជាការកងយោធពលខេមរភូមិន្ទនាយឧត្តមសេនីយ៍ វង្ស ពិសេន បានអនុញ្ញាតឱ្យ មន្ត្រីអនុព័ន្ធយោធាឡាវ លោកវរសេនីយ៍ឯក ភីមម៉ាក់ចាន់ វង្សបញ្ញា ដែលបញ្ចប់អាណ្ណត្តិ ការងាររបស់ខ្លួនចូលជួបសម្ដែងការគួរសម និងជំរាបលា។

សម្តេចពិជ័យសេនា ទៀ បាញ់ កំពុងបំពេញទស្សនកិច្ច៣ថ្ងៃក្នុងប្រទេសចិនដែលមានការ ជជែកពិភាក្សាលើបញ្ហាតំបន់និងការពង្រឹងកិច្ចសហប្រតិបត្តិការយោធា។ ដំណើរទស្សនកិច្ច ដែលតបតាមការអញ្ជើញរបស់រដ្ឋមន្ត្រីក្រសួងការពារជាតិចិន លោក វ៉េ ហ្វេង ហឺ នឹងបញ្ចប់ នៅថ្ងៃអង្គារ៍ទី១៦សីហានេះ។

កម្ពុជាទទួលចំណូលជាង២៥៧លានដុល្លារ ពីការនាំចេញជ័រកៅស៊ូ និងឈើកៅស៊ូ ក្នុងរយ: ពេល៧ខែឆ្នាំនេះ។ យោងតាមរបាយការណ៍ របស់អគ្គនាយកដ្ឋានកៅស៊ូថ្ងៃទី១២សីហា ចាប់ ពីខែមករាដល់ខែកក្កដា កម្ពុជាទទួលបាន ចំណូលសរុបគិតត្រឹមខែកក្កដា ឆ្នាំ២០២២ ពីការនាំ ចេញជ័រកៅស៊ូ និងឈើកៅស៊ូ មានចំនួន២៥៧លាន៤៤ម៉ឺន៩ពាន់៥៩៤ដុល្លារ ក្នុងនោះចំ ណូលពីការនាំចេញជ័រកៅស៊ូចំនួន ២៥៤លាន៨៣ម៉ឺន៨ពាន់៤៧៦ដុល្លារ និងចំណូលពីការ នាំចេញឈើកៅស៊ូ ចំនួន២លាន៦១ម៉ឺន១ពាន់១១៨ដុល្លារ។

ប្រទេសសឹង្ហបុរី គឺជាប្រទេសដែលមានការឆ្លងច្រើនជាងគេបង្អស់នៅអាស៊ានក្នុងរយៈ ពេល២៤ម៉ោងកន្លងមកនេះ ។ ករណីឆ្លងថ្មីដោយសារកូវីដ១៩ ក្នុងប្រទេសទាំង១០អាស៊ាន ថ្ងៃនេះមានចំនួន ២ម៉ឺន ៧ពាន់ ៩១៦ករណី និងការស្លាប់ថ្មីមានចំនួន ៩៥នាក់ ។ កាលពី ម្សិលមិញ ប្រទេសឥណ្ឌូនេស៊ី គឺជាប្រទេសដែលមានការឆ្លងច្រើនជាងគេ, ប៉ុន្តែនៅថ្ងៃទី១២ សីហានេះ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ ដែលការឆ្លង មានជិត ៨ពាន់ករណី។ អប្សរាណិតរាយការណ៍ជុំវិញការឆ្លងថ្មីកូវីដ១៩ ក្នុងប្រទេសអាស៊ាន ទាំង១០

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានកើនឡើងចំនួន ២០ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន៤១នាក់ ដែលជាករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៤៥ថ្ងៃ ដែលបាន រកឃើញការឆ្លងសាជាថ្មីនេះ មានអ្នកឆ្លងសរុបចំនួន ៧៨៩នាក់ ហើយ ។

ខេត្តស្ទឹងត្រែងបានត្រៀមវិធានការណ៍កម្លាំងដើម្បីជួយសង្គ្រោះពលរដ្ឋក្នុងករណីទឹកជំនន់ ខណៈដែលជំនន់ទឹកភ្លៀងបានលិចភូមិអ្នកស្រុកតាមកន្លែងខ្លះប៉ុន្តែក្នុងលក្ខណៈមិនទាន់ ធ្ងន់ធ្ងរ។ យោងតាមការព្យាករណ៍ឧតុនិយមកម្ពុជាក្នុងសប្តាហ៍នេះ នឹងប្រឈមឥទ្ធិពលពីប្រព័ន្ធសម្ពាធទាបនិងវិសម្ពាធ ដែលនឹងកា្លយទៅជាព្យុះទី៧ ឈ្មោះ មូឡាន។ អប្សរាណិតធ្វើសេចក្ដីរាយការណ៍

សម្តេចតេជោ ហ៊ុន សែន បានប្រកាសឱ្យពលរដ្ឋដឹងថា មានជនខិលខូច បានយកឈ្មោះ សម្តេចទៅបង្កើតជាបណ្តាញសង្គមតេឡេក្រាម (Telegram)។ សម្តេចតេជោ ក្នុងប្រសាសន៍ តាមបណ្តាញហ្វេសប៊ុកជាផ្លូវការ បានអំពាវនាវពលរដ្ឋត្រូវប្រុងប្រយ័ត្នកុំឱ្យចាញ់ល្បិចកល ណាមួយរបស់ជនដែលប្រើប្រាស់ឈ្មោះសម្តេចទៅបង្កើតតេឡេក្រាមនោះ។

កម្ពុជាបានត្រៀមជាង៥០០វិញ្ញាសាសម្រាប់ការប្រកួតកីឡាស៊ីហ្គេមឆ្នាំ២០២៣។ អគ្គលេខាធិការគណៈកម្មាធិការជាតិអូឡាំពិកកម្ពុជាលោក វ៉ាត់ ចំរើន បានបញ្ជាក់នូវការត្រៀមរៀបចំវិញ្ញាសាប្រកួតនេះបន្ទាប់ពីមានការជួបប្រជុំជាមួយសហព័ន្ធកីឡាជាតិនៅថ្ងៃទី១១សីហា។

ស្នងការដ្ឋាននគរបាលរាជធានី បានរៀបចំកម្លាំងចំនួន៩០០នាក់ ដើម្បីត្រៀមចេញជួយ សង្គ្រោះពលរដ្ឋក្នុងករណីមានជំនន់ទឹកភ្លៀងណាមួយបានកើតឡើង។ យោងតាមការព្យាករណ៍ឧតុនិយមកម្ពុជាក្នុងសប្តាហ៍នេះ នឹងប្រឈមឥទ្ធិពលពី ប្រព័ន្ធសម្ពាធទាបនិងវិសម្ពាធ ដែលនឹងកា្លយទៅជាព្យុះទី៧ ឈ្មោះ មូឡាន។ អប្សរាណិតធ្វើសេចក្ដីរាយការណ៍

កម្ពុជាបានបញ្ជាក់នូវការតាំងចិត្តរបស់ខ្លួនក្នុងការបន្តបង្ក្រាបអំពើជួញដូរមនុស្ស បើទោះបីជា បានស្ថិតក្នុងចំណាត់ថ្នាក់ទី៣នៃការវាយតម្លៃដោយសហរដ្ឋអាមេរិកក៏ដោយ។ សហរដ្ឋអាមេ រិកកាលពីខែកក្កដាឆ្នាំ២០២២ បានចេញរបាយការណ៍វាយតម្លៃបន្ទាបចំណាត់ថ្នាក់របស់ កម្ពុជាពី Tier2 Watch List មកចំណាត់ Tier3 ដែលជាចំណាត់ថ្នាក់មិនបានបំពេញតាម ស្តង់ដារកម្រិតអប្បរមាសម្រាប់ការលុបបំបាត់ការជួញដូរ និងមិនបានខិត ខំប្រឹងប្រែង យ៉ាង ខ្លាំងដើម្បីធ្វើកិច្ចការនោះឡើយ។ អប្សរាណិតរាយការណ៍ជុំវិញប្រតិកម្មរបស់កម្ពុជា