តុលាការបានធ្វើសវនាការជុំវិញសំណុំរឿងសមរង្ស៊ីដែលបានចុះហត្ថលេខាលើកិច្ចព្រម ព្រៀងមួយកាត់ទឹកដីខេត្តចំនួន៤ប្រគល់ឱ្យជនជាតិភាគតិច។ មន្ត្រីតុលាការបានឱ្យដឹងថា សវនាការកំបាំងមុខនេះ បានធ្វើកាលពីថ្ងៃទី១១សីហាឆ្នាំ២០២២ពាក់ព័ន្ធក្នុងសំណុំរឿង « ប៉ុនប៉ងប្រគល់ឱ្យរដ្ឋបរទេសនូវទឹកដីខេត្តខ្មែរចំនួន៤ គឺខេត្តរតនគិរី, ខេត្តមណ្ឌលគិរី, ខេត្តស្ទឹងត្រែង និងខេត្តក្រចេះ។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងថ្មីដោយសារកូវីដ១៩ ក្នុងប្រទេសទាំង១០អាស៊ាន ថ្ងៃនេះមានចំនួន ២ម៉ឺន ៤ពាន់ ៧៧២ករណី និងការស្លាប់ថ្មីមានចំនួន ៩០នាក់ ។ កាលពី ម្សិលមិញ ប្រទេសឥណ្ឌូនេស៊ី គឺជាប្រទេសដែលមានការឆ្លងច្រើនជាងគេ, ប៉ុន្តែនៅថ្ងៃទី១០ សីហានេះ ប្រទេសសឹង្ហបុរី គឺជាប្រទេសដែលមានតួលេខឆ្លងច្រើនជាងគេបង្អស់ ក្នុងរយៈ ពេល ២៤ម៉ោងចុងក្រោយនេះ។ អប្សរាណិតរាយការណ៍ជុំវិញការឆ្លងថ្មីកូវីដ១៩ ក្នុងប្រទេស ទាំង១០ អាស៊ាន

កម្ពុជាក្នុងរយៈពេល ២៤ម៉ោងកន្លងមកនេះ មានតួលេខឆ្លងថ្មីនៃជម្ងឺកូវីដ១៩ បានកើនឡើង ចំនួន ១១ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ៣៦ នាក់ សុទ្ធជាករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៤៣ថ្ងៃ ដែលបាន រកឃើញការឆ្លងសាជាថ្មីនេះ មានអ្នកឆ្លងសរុបចំនួន ៧២៧នាក់ ហើយ ។

ខេត្តកំពង់ឆ្នាំង បានទទួលថវិកាពីសប្បុរសជនជាង២១ម៉ឺនដុល្លារ ដែលបានចូលរួមបរិច្ចាក ដល់កាកបាទក្រហមកម្ពុជា។ ពិធីរៃប្រមូលថវិកាពីសប្បុរសជននេះ បានធ្វើឡើងនៅថ្ងៃទី១០ សីហានេះក្រោមការចូលរួមពីអភិបាលខេត្ត និងមន្ត្រីជាន់ខ្ពស់នៃកាកបាទក្រហមកម្ពុជា។ អប្សរាណិតធ្វើសេចក្ដីរាយការណ៍

ជំនន់ទឹកកាន់តែកើនឡើងខ្ពស់ក្នុងខេត្តរតនគិរី។ មនុស្សម្នាក់បានបាត់ខ្លួន ក្រោយពេល លិចទូកដរ ក្នុងហេតុការណ៍មួយកើតឡើងនៅក្នុងស្រុកកូនមុំ នៃខេត្តរតនគិរី។ អាជ្ញាធរខេត្ត បានអំពាវនាវឲ្យប្រជាពលរដ្ឋ ត្រូវបង្កើនការប្រុងប្រយ័ត្នឱ្យខ្ពស់។ អប្សរាណិតធ្វើសេចក្ដីរាយការណ៍

កម្ពុជាបានរៀបចំនូវទិសដៅដ៏ច្បាស់លាស់របស់ខ្លួនលើកិច្ចការបោសសម្អាតគ្រាប់មិនទាន់ ផ្ទុះក្រោមផ្ទៃទឹក ខណៈដែលទិសដៅបោសសំអាតមីននិងគ្រាប់មិនទាន់ផ្ទុះលើដីគោកបាន បង្ហាញនូវគោលដៅជាក់លាក់ដែលនឹងបញ្ចប់ក្នុងឆ្នាំ២០២៥។ តើការបោសសម្អាតគ្រាប់មិន ទាន់ផ្ទុះមានភាពវិវត្តន៍យ៉ាងណាទៅហើយ? អប្សរាណិតធ្វើសេចក្ដីរាយការណ៍

កម្ពុជាបានប្តេជ្ញាចិត្តយ៉ាងម៉ុតមាំប្រកបដោយឆន្ទៈក្នុងការប្រយុទ្ធប្រឆាំងអំពើជួញដូរមនុស្ស ទោះបីជាសហរដ្ឋអាមេរិកបានដាក់កម្ពុជាចូលក្នុងបញ្ជីខ្មៅនៃអំពើប្រឆាំងការជួញដូរមនុស្សក្តី។

ប្រមុខរដ្ឋនៃប្រទេសវៀតណាមលោក ង្វៀន សួនហ្វ៊ុក បានជួបជាមួយមេបញ្ជាការកងទ័ព ជើងគោកកម្ពុជា និងបានវាយតម្លៃខ្ពស់ចំពោះកិច្ចសហប្រតិបត្តិការកងទ័ពកម្ពុជា និងវៀតណាម។

អាជ្ញាធរស្រុកកោះញែក នៅខេត្តមណ្ឌលគិរី កំពុងចាត់វិធានការត្រៀមទូក សំរាប់ជួយ សម្រួលដល់ពលរដ្ឋ ខណៈពេលដែលស្ថានភាពទឹកជំនន់នៅទន្លេស្រែពក មានការហក់ឡើង ខ្លាំងគិតត្រឹមរសៀលថ្ងៃទី៩កក្កដានេះ។

ក្រសួងធនធានទឹក និងឧតុនិយម បានដាស់តឿនឱ្យប្រជាពលរដ្ឋ ត្រូវបង្កើនការប្រុងប្រយ័ត្ន ខ្ពស់ខណៈកម្ពស់ទឹកទន្លេមេគង្គ នឹងមានការហក់ឡើងខ្ពស់ ពិសេសលើដៃទន្លេបី នៅភូមិភាគ ឦសាន អាចប្រឈមនឹងទឹកជំនន់ ។ ការហក់ឡើងនៃកម្ពស់ទឹកទន្លេមេគង្គនេះ គឺដោយសារ កម្ពុជារងនឹងឥទ្ធិពលពីប្រព័ន្ធសម្ពាធទាបនិងវិសម្ពាធ ដែលនឹងកា្លយទៅជាព្យុះទី៧ ឈ្មោះ មូឡាន (MULAN) ដែលនឹងបណ្ដាលឲ្យមានភ្លៀងធ្លាក់ច្រើន នៅក្នុងអាងទន្លេមេគង្គ ។