កម្ពុជាក្នុងសប្តាហ៍ទៅមុខទៀតនេះ នឹងទទួលរងឥទ្ធិពលព្យុះទី៧ផង និងឥទ្ធិពលពីជ្រលង នៃប្រព័ន្ធសម្ពាធទាប ITCZ ថែមទៀត។ យោងតាមការព្យាករណ៍របស់ក្រសួងធនធានទឹក និងឧតុនិយម រវាងពីថ្ងៃទី១០ រហូតដល់ថ្ងៃទី១៦ ខែសីហា តំបន់ទំនាមកណ្តាល នឹងអាច មានភ្លៀងធ្លាក់នៅក្នុងកម្រិតពីខ្សោយទៅមធ្យម ក្នុងនោះអាចភ្លៀងធ្លាក់បង្គួរដោយអន្លើ និង លាយឡំទៅដោយផ្គរ រន្ទះ និងខ្យល់កន្ត្រាក់ ។

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ជាបន្តក្នុងរយៈ ពេល២៤ម៉ោងចុងក្រោយនេះ។ ករណីឆ្លងថ្មីដោយសារកូវីដ១៩ ក្នុងប្រទេសទាំង១០អាស៊ាន ថ្ងៃនេះមានចំនួន ១ម៉ឺន ៨ពាន់ ៨៣២ករណី និងការស្លាប់ថ្មីមានចំនួន ៨៩នាក់ ។ កាលពី ម្សិលមិញ ប្រទេសវៀតណាមគឺជាប្រទេសដែលមានការឆ្លងច្រើនជាងគេ, ប៉ុន្តែនៅថ្ងៃទី៩ សីហានេះ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើនជាងគេបង្អស់ ក្នុងរយៈ ពេល ២៤ម៉ោងចុងក្រោយនេះ។ អប្សរាណិតរាយការណ៍ជុំវិញការឆ្លងថ្មីកូវីដ១៩ ក្នុងប្រទេសទាំង១០ អាស៊ាន

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានធ្លាក់ចុះចំនួន ១០ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ២៥នាក់ ដែលសុទ្ធជា ករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៤២ថ្ងៃ ដែលបានរកឃើញការ ឆ្លងសាជាថ្មីនេះ មានអ្នកឆ្លងសរុបចំនួន ៦៩១នាក់ ហើយ ។ 

កូនសិស្សខ្មែរចំនួន៤៨រូបដែលដណ្តើមបានមេដាយមាស ប្រាក់ និងសំរឹទ្ធ ពីការប្រកួតភាសាអង់គ្លេស នៅចក្រភពអង់គ្លេស បានវិលត្រឡប់មកដល់ប្រទេសវិញជាមួយនឹងមោទនភាព។

ប្រតិបត្តិការបង្ក្រាបបទល្មើសរបស់សមត្ថកិច្ចកងរាជអាវុធហត្ថក្នុងខេត្តកំពង់ធំដែលបានធ្វើ ឱ្យជនស៊ីវិលស្លាប់ម្នាក់ បានប្រញាប់ឱ្យមេបញ្ជាការកងរាជអាវុធហត្ថលើផ្ទៃប្រទេសនាយឧត្តមសេនីយ៍ សៅ សុខា បានដាក់បទបញ្ជាធ្វើការស្រាវជ្រាវជាបន្ទាន់។

សម្បត្តិវប្បធម៌ខ្មែរចំនួន៣០រូប នឹងត្រូវបញ្ជូនពីអាមេរិកមកកម្ពុជាវិញ ក្នុងពេលខាងមុខនេះ។ ឯកអគ្គរាជទូតកម្ពុជាប្រចាំសហរដ្ឋអាមេរិក លោក កែវ ឈា និងអគ្គរដ្ឋអាជ្ញាសហរដ្ឋអាមេរិក នៃសង្កាត់ភាគខាងត្បូងក្រុងញូវយ៉ក លោកដេមៀន វីលាម Damien Williams បានចូលរួមនៅ ក្នុងពិធីប្រគល់-ទទួលសម្បត្តិវប្បធម៌ខ្មែរចំនួន៣០រូបនោះ នៅទីក្រុងញូវយ៉កកាលពីថ្ងៃទី៨ ខែ សីហា ឆ្នាំ២០២២ ។

ករណីរឿងចំរូងចំរាស់ពាក់ព័ន្ធប្រេងឆៅរបស់កម្ពុជាដែលគេលួចដឹកចេញតាមកប៉ាល់ នឹង អាចត្រូវបញ្ចប់នាខែក្រោយនេះ, និងបន្ទាប់ពីនោះ កម្ពុជានឹងអាចឈានដល់ការលក់ប្រេងទាំង នោះវិញ។

កម្ពុជាចម្រាញ់រ៉ែមាសបាន ៣ពាន់៥៤៣គីឡូក្រាម និងចំណូលបានពីសួយសារមានជាង ៥លានដុល្លារ គិតត្រឹមដើមខែសីហាឆ្នាំនេះ ។ កម្ពុជាបានប្រកាសលើកដំបូងក្នុងប្រវត្តិ សាស្ត្ររបស់ខ្លួននូវការបើកការដ្ឋានអាជីវកម្មនិងរោងចក្ររ៉ែមាសជាលក្ខណៈ ឧស្សាហកម្ម កាលក្នុងខែមិថុនាឆ្នាំ២០២១ នៅក្នុងខេត្តមណ្ឌលគិរីដែលរំពឹងនូវលទ្ធភាពផលិតមាស សុទ្ធ បានចំនួន៣ តោនក្នុងមួយឆ្នាំ។

មន្ត្រីក្រសួងរ៉ែនិងឋាមពល បានប្តេជ្ញាបន្តរក្សាតម្លៃអគ្គិសនីឲ្យនៅថេរ, មិនដំឡើងថ្លៃ និងបន្ត ពិនិត្យលទ្ធភាពបញ្ចុះថ្លៃបន្ថែមទៀតនាពេលខាងមុខបើទោះបីជារដ្ឋត្រូវបង់ខាតច្រើនក៏ដោយ។

អគ្គមេបញ្ជាការរងកងយោធពលខេមរភូមិន្ទលោកឧត្តមសេនីយ៍ឯក ហ៊ុន ម៉ាណែត ដែលជាមេបញ្ជាការកងទ័ពជើងគោកកម្ពុជា បានជួបពិភាក្សាជាមួយអនុរដ្ឋមន្ត្រីការពារជាតិនៃប្រទេសវៀតណាម ដែលកិច្ចពិភាក្សា បានផ្តោតលើការពង្រឹងកិច្ចសហប្រតិបត្តិការយោធា និងការ​ធានារក្សាព្រំដែននៃប្រទេសទាំង២ជាព្រំដែនសន្តិភាព។