ការឆ្លងចូលដោយវីរុសអូមីក្រុងក្នុងប្រទេសកម្ពុជាបានកើនឡើងដល់៩៤ករណីហើយ បន្ទាប់ពីការឆ្លង២៤ម៉ោង ចុងក្រោយនេះ មានចំនួន៩ករណីបន្ថែមទៀតនោះ។ យោងតាមក្រសួងសុខាភិបាល វីរុសបំប្លែងថ្មី អូមីក្រុងទាំង ៩នោះ គឺជាករណីនាំចូលមកពីក្រៅប្រទេស។ កម្ពុជាក្នុងរយៈពេល២៤ម៉ោងចុងក្រោយនេះ មិនមានករណី ស្លាប់នោះទេ។

សម្តេចនាយករដ្ឋមន្ត្រី បានដាក់ចេញនូវបទបញ្ជាដាច់ណាត់ដោយមិនអនុញ្ញាតអ្នកឆ្លងវីរុសបំប្លែងថ្មីអូមីក្រុង ព្យាបាលនៅតាមផ្ទះនោះទេ។ បទបញ្ជាដាច់ណាត់នេះ បានធ្វើឡើងខណៈពិភពលោកកំពុងមានភាពរំជើបរំជួល ដោយសារតែការឆ្លងលឿនខ្លាំងពេកនៃវីរុសអូមីក្រុងនេះ បើទោះបីជាវីរុសនេះ មិនកាចសាហាវដូចវីរុស Delta ឬ វីរុស Alpha នោះក៏ដោយ។ សម្តេចបានបញ្ជាក់ថាអ្នកឆ្លងត្រូវបញ្ជួនទៅមន្ទីរពេទ្យដើម្បីចៀសវាងការឆ្លងចូលក្នុង សហគមន៍។

សម្តេចនាយករដ្ឋមន្ត្រី បានបន្តចិត្តសាស្ត្រយោបាយដោយការថ្លែងបញ្ឈឺចិត្តដាក់មេខ្លោងក្រុមប្រឆាំងបន្ថែម ទៀត ជាមួយពាក្យសម្តីបង្ហាញថា សែស្រឡាយរបស់សម្តេច នឹងព្យាយាមបន្តធ្វើជាបេក្ខភាពនាយករដ្ឋមន្ត្រីនៃប្រ ទេសកម្ពុជា។

នាយករដ្ឋមន្ត្រីនៃប្រទេសកម្ពុជា ដែលជាប្រមុខដឹកនាំអាស៊ានឆ្នាំ២០២២ គ្រោងនឹងយកថ្ងៃទី៧មករា ជាថ្ងៃ ចាប់ផ្តើមបំពេញទស្សនកិច្ចនៅប្រទេសមីយ៉ាន់ម៉ាដើម្បីស្វែងរកភាពផ្សះផ្សារទំនាស់ផ្ទៃក្នុង ប្រយោជន៍ដើម្បី នាំសម្លេងអាស៊ានមកជាសម្លេងកុងសង់ស៊ុស១០ដូចដើមវិញ។ យោងតាមក្រសួងការបរទេស ដំណើរទស្សន កិច្ចនៅមីយ៉ាន់ម៉ា នឹងមាន២ថ្ងៃគឺថ្ងៃទី៧និង៨មករាឆ្នាំ២០២២។

សម្តេចនាយករដ្ឋមន្ត្រីបានថ្លែងអំពាវនាវគួស្រករលែងលះគ្នា គួរបញ្ឈប់ទង្វើអសីលធម៌ហែកកេរ្តិ៍គ្នាបង្ហោះ លើបណ្តាញសង្គម។ ប្រសាសន៍អំពាវនាវថ្ងៃទី៥មករានេះ បានទន្ទឹមនឹងខួបរំលឹកអាពាហ៍ពិពាហ៍៤៦ឆ្នាំរបស់ សម្តេច និងភរិយាផ្សំផ្គុំតាំងពីអតីតជំនាន់របបកម្ពុជាប្រជាធិបតេយ្យដែលជារបបកាប់សម្លាប់មនុស្សដ៏ព្រៃផ្សៃ ឃោរឃៅ។

កម្ពុជានឹងកើនសីតុណ្ហភាពកម្តៅតិចតួចក្នុងមួយសប្តាហ៍ទៅមុខថែមទៀតដោយសារតែការទទួលរងឥទ្ធិពល ទ្រនុងសម្ពាធខ្ពស់ចិន ក្នុងកម្រិតពីខ្សោយទៅមធ្យម។

មនុស្សជាង១០នាក់ត្រូវបានជួយសង្គ្រោះក្នុងហេតុការណ៍លិចទូកនិងផ្ទុះឆេះម៉ូតូទឹក ក្នុងលំហសមុទ្ទនៃខេត្តព្រះ សីហនុ។ សមត្ថកិច្ចបានថ្លែងថាហេតុការណ៍នេះ បានកើតឡើងកាលពីថ្ងៃទី៣មករាឆ្នាំ២០២២ក្នុងករណី២ផ្សេង គ្នា។

សកម្មភាពជួញគ្រឿងញៀនកាន់តែកើនឡើងក្នុងរាជធានីភ្នំពេញ។ ថ្នាំញៀនជិត២០០គីឡូក្រាម ជាមួយនឹង ជនសង្ស័យជាតិវៀតណាមម្នាក់ ត្រូវបានចាប់ខ្លួននៅខណ្ឌបឹងកេងកង និងខណ្ឌមានជ័យ។ ប្រតិបត្តិការដែលធ្វើ ឡើងតាំងពីយប់ថ្ងៃទី៣០ធ្នូ ឆ្នាំ២០២១ ទើបត្រូវបានបញ្ជាក់ប្រាប់សារព័ត៌មានក្នុងស្រុក ។

សម្ដេចនាយករដ្ឋមន្ត្រី គ្រោងនឹងអញ្ជើញប្រគល់រង្វាន់លើកទឹកចិត្តម្ចាស់ជ័យលាភីមេដាយមាស កីឡាប៉េតង់ ជើងឯកពិភពលោកនៅថ្ងៃពុធនេះ។ វីរកីឡាការីនី អ៊ុក ស្រីមុំ នៃប្រទេសកម្ពុជាទើបបានដណ្តើមមេដាយ មាសផ្នែកនារី ក្នុងការប្រកួតកីឡាប៉េតង់ជើងឯកពិភពលោក ថ្ងៃទី១២ដល់១៤វិច្ឆិកា ឆ្នាំ២០២១ នៅក្នុងប្រទេស អេស្ប៉ាញ។ ពិធីប្រគល់ ពានរង្វាន់លើកទឹកចិត្តដល់វីរកីឡាការីនីអ៊ុកស្រីមុំ គ្រោងនឹងប្រព្រឹត្តទៅនាវិមានសន្តិភាព ព្រឹកថ្ងៃទី៥ធ្នូឆ្នាំ២០២២ ។

កម្ពុជាដែលជាប្រធានអាស៊ានប្តូរវេនឆ្នាំ២០២២ បានអញ្ជើញអគ្គមេបញ្ជាការកងទ័ពសិង្ហបុរី ដើម្បីចូលរួម ក្នុង កិច្ចប្រជុំដោយផ្ទាល់មួយទៅនៅរាជធានីភ្នំពេញ។ ការអញ្ជើញលោកអញ្ជើញឧត្តមសេនីយ៍ឯក មែល វីនអុង នៃ ប្រទេសសិង្ហបុរីនេះ បាន ធ្វើឡើងដោយអគ្គមេបញ្ជាការកងយោធពលខេមរភូមិន្ទ នាយឧត្តមសេនីយ៍វង្ស ពិសេន ក្នុងជំនួបទ្វេភាគីមួយ រវាងអគ្គមេបញ្ជាការកងទ័ពនៃប្រទេសទាំង២ តាមប្រព័ន្ធវីដេអូ ថ្ងៃទី៤មករានេះ។