តួលេខឆ្លងវីរុសកូវីដ១៩ ថ្ងៃនេះ បានកើនឡើងដែលសុទ្ធតែជារីរុសបំប្លែងថ្មីអូមីក្រុង នាំចូលមកពីក្រៅប្រទេស។ យោងតាមក្រសួងសុខាភិបាល, ការឆ្លងវីរុសរាតត្បាតកូវីដ១៩ថ្ងៃនេះ មាន១៨ករណីដែលកើនឡើងទ្វេដងបើ ប្រៀបធៀបនឹងម្សិលមិញ។ ការឆ្លងវីរុសបំប្លែងថ្មីទាំង១៨ករណីចុងក្រោយនេះ បាននាំឱ្យតួលេខឆ្លងនៃវីរុសអូមី ក្រុងក្នុងប្រទេសកម្ពុជាបានកើនឡើង១១២ករណីហើយ។

ស្នងការដ្ឋាននគរបាលរាជធានីភ្នំពេញ បានធ្វើការផ្លាស់ប្តូរនិងតែងតាំងមន្ត្រីនគរបាលមួយចំនួនក្នុងពិធីមួយថ្ងៃ ទី៦មករាឆ្នាំ២០២២នេះ។ តើមន្ត្រីនគរបាលផ្លាស់ប្តូរនិងតែងតាំងថ្ងៃនេះ មានអ្នកណាខ្លះ?

៤៣ឆ្នាំមុននេះ ប្រជាជនកម្ពុជាដែលរស់ដោយក្តីអស់សង្ឃឹមក្នុងរបបកម្ពុជាប្រជាធិបតេយ្យដែលគេស្គាល់ថា ជា របបខ្មែរក្រហម ត្រូវបានកងកម្លាំងរណសិរ្សសាមគ្គីសង្គ្រោះជាតិសហការជាមួយកងទ័ពស្ម័គ្រចិត្តវៀតណាម ចូលមករំដោះទាន់ពេលវេលា។ បើគ្មានទិវា៧មករា៤៣ឆ្នាំមុននោះទេ, កម្ពុជាក៏គ្មានអ្វីៗដូចបច្ចុប្បន្ននេះដែរ។ នេះគឺជាសច្ចភាព នៃប្រវត្តិសាស្ត្រ។ បណ្តាញខ្មែរតែមួយ មានបទវិចារណកថាមួយក្រោមចំណងជើងថា «៧ មករាគឺ ជានិមិត្តរូបនៃសន្តិភាព វិបុលភាព និងការអភិវឌ្ឍន៍»។

រដ្ឋមន្រ្តីការបរទេសម៉ាឡេស៊ីមានគម្រោងធ្វើទស្សនកិច្ចនៅក្នុងក្រុងអង្គរខេត្តសៀមរាប ក្នុងឱកាសអញ្ជើញចូល រួមកិច្ចប្រជុំរដ្ឋមន្ត្រីការបរទេសអាស៊ាននៅក្នុងខែមករានេះ។ ឯកអគ្គរាជទូតម៉ាឡេស៊ីប្រចាំកម្ពុជា លោកអែលឌីន ហ៊ូសៃនី ហាស៊្ហីម បង្ហើបជុំវិញគម្រោងដំណើរទស្សនកិច្ចនៅតំបន់អង្គរនេះ ក្នុងឱកាសជួបពិភាក្សាជាមួយអគ្គនា យករងអាជ្ញាធរជាតិអប្សរា លោក​ ឡុង កុសល កាលពីថ្ងៃទី៥មករា។

រដ្ឋមន្ត្រីកម្ពុជា-ឡាវ-វៀតណាមដែលទទួលបន្ទុកសន្តិសុខសាធារណៈ បានជួបប្រជុំគ្នាតាមប្រព័ន្ធវីដេអូអន ឡាញនៅថ្ងៃទី៥មករាឆ្នាំ២០២២ដែលជាកិច្ចប្រជុំរយៈពេល២ឆ្នាំម្តងក្នុងការផ្លាស់ប្តូរវេនគ្នាដើម្បីការពង្រឹងកិច្ច សហប្រតិបត្តិការសន្តិសុខរវាងប្រទេសទាំង៣។

រលកនៃការតវ៉ាថ្កោលទោស និងទាមទារការបំភ្លឺពីអ្នកនយោបាយចាស់វស្សា សម រង្ស៊ី បានបន្តថែមទៀតនៅថ្ងៃ ទី ៦មករានេះ។ និស្សិតខ្មែរថ្នាក់អនុបណ្ឌិត១៨នាក់នៅកូរ៉េខាងត្បូង បានធ្វើលិខិតចំហររួមគ្នាមួយនៅថ្ងៃព្រហស្បតិ៍នេះ តម្រូវឱ្យ សម រង្ស៊ី ធ្វើការកែតម្រូវជាបន្ទាន់ និងត្រូវធ្វើការសុំទោសជាសាធារណៈចំពោះសម្តីប្រមាថរបស់ខ្លួន លើសញ្ញាបត្ររបស់លោក ហ៊ុន ម៉ាណែត។ ក្រុមនិស្សិតខ្មែរដែលធ្វើញ្ញត្តិតវ៉ាថ្ងៃទី៦មករានេះ បានចាត់ទុកសម្តីរបស់ សម រង្ស៊ី ជាសម្តី ធ្វើឱ្យប៉ះពាល់ដល់និស្សិតខ្មែរនានា ដែលបានបញ្ចប់និងកំពុងសិក្សានៅបរទេសទៀត ផងដែរ។

ស្ថានទូតអាមេរិកប្រចាំកម្ពុជា បានបញ្ជាក់នៅថ្ងៃទី៦មករាឆ្នាំ២០២២ ជុំវិញសំណួរដែលចង់ដឹងថាតើ ស្ដង់ ដារសញ្ញាបត្ររបស់សាលាអាមេរិកជាពិសេសបណ្ឌិតសភាយោធាអាមេរិក West Point មានការបែងចែកស្ដង់ ដារកម្រិត២ ឬសញ្ញាបត្រយោគយល់នោះដែរឬទេ? ចម្លើយរបស់មន្ត្រីស្ថានទូតអាមេរិក លោក ឆាត រ៉ូដឺម៉ាយអឹ Chad Roedemeier បានប្រាប់សារព័ត៌មានក្នុងស្រុកនៅថ្ងៃព្រហស្បតិ៍ទី៦មករាឆ្នាំ២០២២ថា សាលាបណ្ឌិត សភាយោធាអាមេរិក West Point ធ្លាប់បានបំភ្លឺបញ្ហានេះម្តងរួចមកហើយ។ តើការបំភ្លឺនាពេលនោះ បានបញ្ជាក់ អ្វីខ្លះ?

ជំនួយជាម៉ាសចំនួន៣លាន២សែនម៉ាស និងសម្ភារៈវេជ្ជសាស្ត្រមួយចំនួន គ្រោងនឹងផ្តល់ចំពោះប្រទេសមីយ៉ាន់ ម៉ាក្នុងដំណើរទស្សនកិច្ចការងាររបស់ប្រធានអាស៊ានសម្តេចតេជោហ៊ុនសែននៅថ្ងៃទី៧មករាឆ្នាំ២០២២។