រដ្ឋបាលជលផល បានប្រកាសជុំវិញរដូវត្រីចុះជាលើកទី២សម្រាប់ភូមិសាស្ត្រខេត្តកណ្តាលនិងរាជធានីភ្នំពេញ ។ គួរបញ្ជាក់ថារដូវត្រីចុះសម្រាប់ចុងឆ្នាំ២០២១ និងដើមឆ្នាំ២០២២ លើកទីមួយគឺនៅរវាងពីថ្ងៃទី១២ដល់១៦ធ្នូ កន្លងមក, ចំណែករដូវត្រីចុះជាលើកទី២ នឹងមកដល់នៅថ្ងៃទី៩ ដល់ថ្ងៃទី១៤ ខែមករា ឆ្នាំ២០២២បើសិនជា មេឃ ស្រឡះល្អ, គ្មានភ្លៀងកក់ខែ ឬនឹងទទួលរងឥទ្ធិពលព្យុះភ្លៀងណាមួយនោះទេ។

មន្ត្រីសាលាបណ្ឌិតសភាយោធា West Point របស់សហរដ្ឋអាមេរិក បានបញ្ជាក់បន្ថែមទៀតនៅថ្ងៃនេះជុំវិញ បញ្ហាចម្រូងចម្រាសនៃតម្លៃសញ្ញាបត្ររបស់សាលា West Point ក្រោយបុគ្គល សម រង្ស៊ី បានប្រើសម្តីវាយបន្ថោក។

ប្រធានគណបក្សប្រជាជនកម្ពុជា សម្តេចតេជោ ហ៊ុន សែន បានជំរុញប្រជាពលរដ្ឋត្រូវបន្តធ្វើដំណើរទៅមុខក្រោម ដំបូលរដ្ឋធម្មនុញ្ញ និងម្លប់ត្រជាក់របស់ព្រះមហាក្សត្រ ដោយរួមគ្នាប្តូរផ្តាច់ថែរក្សាសន្តិភាពដោយមិនឱ្យបុគ្គលណា បឬបរទេសណាមកបំផ្លាញបានឡើយ។

សម្តេចតេជោ ហ៊ុន សែន កំពុងបំពេញទស្សនកិច្ច២ថ្ងៃក្នុងប្រទេសមីយ៉ាន់ម៉ា ដើម្បីស្វែងរកភាពផ្សះផ្សារទំនាស់ ផ្ទៃក្នុង ប្រយោជន៍នាំមកវិញនូវការរកសម្លេងអាស៊ាន ឱ្យក្លាយមកជាសម្លេងកុងសង់ស៊ុស១០ដូចដើមវិញ។

សម្តេចតេជោ ហ៊ុន សែន បានអញ្ជើញជួបពិភាក្សាជាមួយមេដឹកនាំប្រទេសមីយ៉ាន់ម៉ា នាយឧត្តមសេនីយ៍ មីន អោង ឡាំង ក្រោមក្រសែភ្នែកចង់ដឹងពីតំបន់ និងពិភពលោកនូវលទ្ធផលអំពីជំនួបនេះ។ ការជួបពិភាក្សាគ្នានេះ បានធ្វើនាវេលារសៀលថ្ងៃទី៧មករា ដោយមានការចូលរួមពីមន្ត្រីគន្លឹះរបស់កម្ពុជាក្នុងការស្វែងរកសន្តិភាពពិត ប្រាកដចំពោះប្រទេសមីយ៉ាន់ម៉ា។

ខេត្តក្រចេះ បានប្រទះឃើញកូនត្រីផ្សោតមួយដែលកំពុងហែលជាមួយមេរបស់វា ដែលគេជឿថាជាកូនត្រីផ្សោត ទី៦ដែលបានកើតនៅក្នុងទន្លេមេគង្គក្នុងឆ្នាំ២០២១កន្លងមក។ សត្វត្រីផ្សោតក្នុងទន្លេមេគង្គគឺ ជាពូជកម្រ និងជា ប្រភេទត្រីផ្សោតអ៊ីរ៉ាវ៉ាឌី ដែលទាក់ទាញការចាប់អារម្មណ៍ពីភ្ញៀវទេសចរបរទេស។ សត្វត្រីផ្សោតអ៊ីរ៉ាវ៉ាឌី ញី តែងពរពោះរយៈពេលម្តងៗ១៤ខែ និងសត្វត្រីផ្សោតនេះ មានកូនតែមួយទេក្នុងរយៈពេល២ទៅ៣ឆ្នាំម្តង។

តួលេខឆ្លងក្នុងប្រទេសអាស៊ានទាំង១០រយៈពេល២៤ម៉ោងចុងក្រោយនេះ មិនទាន់មានភាពធូរស្បើយនៅ ឡើយទេ។ តួលេខឆ្លងថ្ងៃព្រហស្បតិ៍នេះ មានចំនួន៤ម៉ឺន៥ពាន់៤៥៦ករណីដែល កើនឡើងចំនួន៤ពាន់៥៤៨ករណីបើ ប្រៀបធៀប នឹងម្សិលមិញ។ ក្នុងចំណោមការឆ្លងថ្មីសរុបនៅក្នុងរយ:ពេល២៤ម៉ោងកន្លងមកនេះ ប្រទេសដែលមាន ការឆ្លងច្រើនជាងគេនៅក្នុងប្រទេសអាស៊ានទាំង១០ គឺមាន២ប្រទេសដែលមានការឆ្លងថ្មីដល់ចំនួនជាង ១ម៉ឺនករណី ។ ប្រទេសទាំង២ គឺប្រទេសហ្វីលីពីន និងប្រទេសវៀតណាម។

តួលេខអ្នកចាក់វ៉ាក់សាំងដូសទី៣ រយៈពេល២៤ម៉ោងចុងក្រោយនេះ មានចំនួន ៥ម៉ឺន ៤ពាន់ ៤៧៧នាក់ ។  រាជរដ្ឋាភិបាល បានជម្រុញពលរដ្ឋក្នុងការចាក់ដូសវ៉ាក់សាំងដូសទីបី និងការអនុវត្តខ្ជាប់ខ្ជួននូវវិធានការ៣កុំ និង ៣ការពារ ខណៈពិភពលោកកំពុងតែរងនឹងការឆ្លងខ្លាំងនូវវីរុសបំប្លែងថ្មីអូមីក្រុង ។