រដ្ឋបាលរាជធានី បានចុះរៀបចំសណ្តាប់ធ្នាប់សន្តិសុខតាមដងថ្នល់នៅលើកំណាត់ផ្លូវ២៧១ ក្នុងខណ្ឌមានជ័យ ខណៈពលរដ្ឋមួយចំនួនបានបន្តយកចិញ្ចើមថ្នល់ធ្វើអាជីវកម្មបង្កប៉ះពាល់ដល់សណ្តាប់ធ្នាប់សាធារណៈ។ អាជ្ញា ធរបានទុករយៈពេល៣ថ្ងៃដល់ក្រុមអាជីរករក្នុងការរុះរើភាពអនាធិបតេយ្យ លើចិញ្ចើមថ្នល់នោះដោយខ្លួនឯង បើពុំដូច្នោះទេ នឹងមានវិធានការចុះរុះរើដោយកម្លាំងសមត្ថកិច្ចផ្ទាល់៕

ក្រសួងសេដ្ឋកិច្ច ក្នុងរយៈពេល៩ខែដើមឆ្នាំនេះ បានប្រមូលចំណូលចរន្តបានជិត ៤ពាន់លានដុល្លារអាមេរិក។ យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ចនិងហិរញ្ញវត្ថុ ការប្រមូលចំណូលចរន្តគិតត្រឹមខែកញ្ញា មានចំនួន១ម៉ឺន៥ពាន់៨៩៥បីលានរៀល ដែលស្មើនឹងប្រមាណ៣ពាន់៨០០លានដុល្លារ។សេចក្តីប្រកាសព័ត៌មាន ដដែលបញ្ជាក់ថា ក្នុងរយៈពេល៩ខែ ដើមឆ្នាំនេះ, ការប្រមូលចំណូលចរន្ត សម្រេចបាន៧៥% ច្រើនជាងការប្រ មូលចំណូល នៅក្នុងរយៈពេលដូចគ្នានៅឆ្នាំ ២០២០ ដែលសម្រេចបានត្រឹម៦៣%៕

ខេត្តចំនួន ៤ នាភាគឥសាន្តកម្ពុជា បានរៀបចំសិក្ខាសាលាពង្រឹងសមត្ថភាពមន្ត្រីរដ្ឋបាលខេត្ត ស្តីការគ្រប់គ្រង ព័ត៌មាន។ សិក្ខាសាលារយៈពេល២ថ្ងៃរវាងពីថ្ងៃទី២៤ដល់២៥វិច្ឆិកា បានអញ្ជើញចួលរួមដោយមន្ត្រីនាំពាក្យរដ្ឋា ភិបាលលោកផៃ ស៊ីផាន៕

ខេត្តតាកែវ បានធ្វើពិធីប្រកាសផ្លាស់ប្តូរស្នងការនគរបាលខេត្តថ្មីនៅថ្ងៃទី២៤វិច្ឆិកានេះ។ អតីតស្នងការចាស់ លោកឧត្តមសេនី យ៍ទោ សុខ សំណាង ដែលត្រូវបានផ្ទេរភារកិច្ចទៅជាអគ្គនាយករងនៃអគ្គនាយកដ្ឋានអត្ត សញ្ញាណកម្ម, ចំណែកស្នងការនគរបាលថ្មីខេត្តតាកែវ គឺលោកឧត្តមសេនីយ៍ទោ ឈាង ផាន់ណារ៉ា ដែលជា អតីតស្នងការរងនគរបាលរាជធានីភ្នំពេញ។

សម្តេចនាយករដ្ឋមន្ត្រីហ៊ុនសែន បានទទួលជួបឯកអគ្គរដ្ឋទូតថ្មីប្រទេសបារាំងដែលបានមានប្រសាសន៍ជម្រុញ កិច្ចសហប្រតិបត្តិការទ្វេភាគីរវាងប្រទេសទាំង២។ លោក ហ្សាក់ ប៉ឺឡេ (Jacques Pellet) ត្រូវបានតែងតាំងជា ឯកអគ្គ រដ្ឋទូតថ្មីបារាំងជំនួសលោកអេវ៉ា ង្វៀន ប៊ិញ៕

កម្ពុជា ត្រៀមនឹងមានសារមន្ទីរអូឡាំពិកសម្រាប់ផ្ទុកនូវឯកសារប្រវត្តិនៃចលនាអូឡាំពិកជាតិកម្ពុជានិងពិភព លោក។ អគ្គលេខាធិការគណៈកម្មាធិការជាតិអូឡាំពិកកម្ពុជា លោកវ៉ាត់ ចំរើន បានថ្លែងប្រាប់អ្នកសារព័ត៌មានថា សារមន្ទីរអូឡាំពិកនោះ គឺជាជំនួយរបស់ ក្រុមប្រឹក្សាកីឡាអូឡាំពិកអាស៊ី ដែល​នឹងរៀបចំឡើងនៅពហុកីឡដ្ឋាន ជាតិមរតកតេជោ ។

មន្ត្រីនគរបាលទទួលផែនការងារអត្តសញ្ញាណកម្មរាជធានី បានថ្លែងព្រមានមន្ត្រីក្រោមបង្គាប់ដែលស្ពឹកស្រពន់ ជុំវិញកិច្ចការផ្តល់សេវាអត្តសញ្ញាណកម្មដល់ប្រជាពលរដ្ឋ។ លោកឧត្តមសេនីយ៍ទោ ហម វ៉ាន់ថា ស្នងការរងនគរ បាលរាជធានី ក្នុងកិច្ចប្រជុំមួយនៅថ្ងៃទី២៤វិច្ឆិកាបានព្រមានការចាត់វិធានការលើមន្ត្រីក្រោមបង្គាប់ណាដែល ស្ពឹកស្រពន់ទាំងនោះ៕

ការប្រឡងសញ្ញាប័ត្រឌីប្លូមឆ្នាំ២០២១នេះ មានអ្នកជាប់ច្រើនច្រើនដល់៩៥,៩៧% ក្នុងចំណោមអ្នកមកប្រឡង សរុប១៤ម៉ឺន៥ពាន់៦៦៨ នាក់។ យោងតាមសេចក្តីប្រកាសរបស់ក្រសួងអប់រំ សិស្សដែលប្រឡងជាប់ មានចំនួន ១៤ម៉ឺន១ពាន់៥៦នាក់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៧ពាន់៧០៨ ករណីនិងការស្លាប់ថ្មីមានចំនួន៤៩៩នាក់។ បើប្រៀបធៀបនឹងម្សិលមិញការឆ្លងថ្មីមានកើនឡើងចំនួន២ពាន់ ៩៥០ករណី, និងការស្លាប់ថ្មីថយចុះ២៣នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយ នេះនៅអាស៊ានមាន១០ប្រទេស។ ចំណែកការស្លាប់ថ្មីមាន៩ប្រទេស៕