សម្តេចតេជោហ៊ុនសែន បានថ្លែងចាត់ទុកកិច្ចប្រជុំភាពជាដៃគូសភាអាស៊ីអឺរ៉ុប គឺជាយន្តការស្នូលដ៏សំខាន់ សម្រាប់តភ្ជាប់ប្រជាជននិងប្រជាជនរវាងទ្វីបទាំង២ និងសម្តេចនាយករដ្ឋមន្ត្រីកម្ពុជា បានចាត់ទុកកិច្ចសហប្រ តិបត្តិការដ៏រឹងមាំនៃភាពជាដៃគូអាស៊ីអឺរ៉ុប នឹងធ្វើឲ្យអាស៊ីនិងអឺរ៉ុបចាកចេញពីវិបត្តិសកលដែលពិភពលោកកំពុង ប្រឈម។

កាំភ្លើងជាច្រើនដើមទៀត ត្រូវបានបន្តរកឃើញនៅតំបន់ស្រុកភ្នំព្រឹកខេត្តបាត់ដំបងក្បែរព្រំដែនថៃដែលនាំឲ្យ សមត្ថកិច្ចបានប្រញាប់ស្វែងរកតម្រុយជាប់ពាក់ព័ន្ធសង្ស័យ។ កាលពីថ្ងៃទី១២វិច្ឆិកា កាំភ្លើងអាកាស្វ័យប្រវត្តិ ៣០ដើមនិងកាំភ្លើង M79 ៣ដើម រួមជាមួយបង់គ្រាប់ថ្មីៗជាច្រើនត្រូវបានគេប្រទះឃើញលាក់ទុកក្នុងចំការមៀន មួយកន្លែងក្នុងក្រុមទី២, ភូមិអូររំដួល, ឃុំអូររំដួល នៃស្រុកភ្នំព្រឹក, និងកាំភ្លើងអាកាប្រមាណ២០ដើមទៀតត្រូវ បានគេរកឃើញបន្ថែមនៅក្នុងចំការមៀនដដែល ដោយនាំឳ្យចំនួនកាំភ្លើងដែលបានរកឃើញសរុបកើនដល់ ៥៣ដើមហើយ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៤ពាន់៤៤១ ករណី និងការស្លាប់ថ្មីមានចំនួន៣៦០នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយ នេះនៅអាស៊ានមាន១០ប្រទេស។ ចំណែកការស្លាប់ថ្មីមាន៩ប្រទេស៕

តួលេខឆ្លងកូវីដ១៩ក្នុងប្រទេសកម្ពុជា កាន់តែបន្តធ្លាក់ចុះក្នុងរយៈពេល២៤ម៉ោងចុងក្រោយនេះទៀតដោយ តួលេខនៅសល់៤៨ករណីតែប៉ុណ្ណោះ។ បើប្រៀបធៀបនឹងម្សិលមិញ, តួលេខឆ្លងនេះ បានថយចុះ៤ករណីនិង ជាតួលេខឆ្លងក្រោម៥០ករណីលើកដំបូងបំផុតក្រោយចំណាត់ការចាក់វ៉ាក់សាំងទូទាំងប្រទេសកាន់តែកើនឡើង ស្ទើរពាសពេញប្រទេស។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន៤៨ករណីនោះ ការឆ្លង ក្នុងសហគមន៍មានចំនួន៣៧ករណី និងការឆ្លងមកពីក្រៅប្រទេសមានចំនួន១១ករណីផងដែរ។

កិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ ក្រោមប្រធានបទ «ការលើកកម្ពស់ភាពជាដៃគូសភាដើម្បីសន្តិ ភាពនិងការអភិវឌ្ឍន៍ប្រកបដោយចិរភាពទាំងក្នុងសម័យនិងក្រោយវិបត្តិកូវីដ១៩» បានប្រព្រឹត្តទៅដោយរដ្ឋសភា នៃប្រទេសកម្ពុជាបានធ្វើជាម្ចាស់ផ្ទះ។

រដ្ឋសភា នឹងបើកកិច្ចប្រជុំគណៈកម្មាធិការអចិន្ត្រៃយ៍សប្តាហ៍ក្រោយ ដើម្បីពិនិត្យសំណើដាក់បេក្ខភាពកិត្តិសេដ្ឋា បណ្ឌិត ជាមយៀប ជាអនុប្រធានទី១ថ្មីរដ្ឋសភា។ គួរបញ្ជាក់ថាកិត្តិនីតិកោសលបណ្ឌិត ងួន ញ៉ិល អនុប្រធានទី១ រដ្ឋសភា បានទទួលមរណភាពកាលពីសប្តាហ៍មុនដោយជរាពាធ។

ចំនួនប្រជាពលរដ្ឋដែលបានទទួលការចាក់វ៉ាក់សាំងក្នុងរយៈពេល២៤ម៉ោងកន្លងមកនេះ មានចំនួន១ម៉ឺន ២ពាន់ ៨៧០នាក់ ដែលនាំឲ្យតួលេខនៃចំនួនសរុបចាក់លើប្រជាពលរដ្ឋទូទាំងប្រទេសគិតត្រឹមថ្ងៃទី១៦ ខែវិច្ឆិកា បាន កើនដល់១៤លាន ៦ម៉ឺន៨ពាន់៨២៨នាក់។

សម្តេចតេជោហ៊ុន សែន នឹងអញ្ជើញទទួលវ៉ាក់សាំងចំនួន២លានដូស ដែលជាជំនួយរបស់ប្រទេសចិន ចំពោះ រាជរដ្ឋាភិបាលកម្ពុជានៅថ្ងៃទី១៧វិច្ឆិកាស្អែកនេះ។ ក្នុងជំនួបមួយកាលពីថ្ងៃទី១៥វិច្ឆិកាម្សិលមិញតាមប្រព័ន្ធវីដេអូ, នាយករដ្ឋមន្ត្រីចិនលោកលីខឺឈាំង បានបញ្ជាក់ប្រាប់សម្តេចនាយករដ្ឋមន្ត្រីហ៊ុនសែនជុំវិញប្រទេសចិននៅតែ បន្តគាំទ្រការផ្តល់វ៉ាក់សាំងដល់ប្រទេសកម្ពុជា​។ នាយករដ្ឋមន្ត្រីចិនលោកលឺខឺឈាំង បានថ្លែងរំលឹកជុំវិញដំណើរ ទស្សនកិច្ចបញ្ច្រាសទិសរបស់សម្តេចទៅកាន់ប្រទេសចិនកាលពីដើមឆ្នាំ២០២០ដែលពេលនោះ ការផ្ទុះខ្លាំងជាង គេបានកើតឡើងនៅប្រទេសចិន ។

សម្តេចវិបុលសេនាភក្តីសាយឈុំ ប្រធានព្រឹទ្ធសភានៃប្រទេសកម្ពុជា បានធ្វើសុន្ទរកថាស្វាគមន៍ភ្ញៀវចូលរួម ក្នុង កិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ ដែលរដ្ឋសភានៃប្រទេសកម្ពុជា បានធ្វើជាម្ចាស់ផ្ទះនៅថ្ងៃទី ១៦ វិច្ឆិកានេះ។ កិច្ចប្រជុំកំពូលថ្ងៃទី១៦វិច្ឆិកា តាមប្រព័ន្ធនិម្មិត Virtual Meeting បានអញ្ជើញចូលរួមពី ថ្នាក់ ដឹកនាំនិង តំណាងសភាក្នុងតំបន់អាស៊ីនិងអឺរ៉ុប រួមនិងដៃគូពីអង្គការនិងស្ថាប័នជាង៣០ប្រទេស៕