គ្រឿងញៀនជាង ៥៤គីឡូក្រាម និងជនសង្ស័យ២នាក់ត្រូវបានសមត្ថកិច្ចបង្ក្រាបនិងចាប់ខ្លួននៅក្នុងរាជធានី ភ្នំពេញ។ ការចាប់ឃាត់ខ្លួននោះគឺបានធ្វើឡើងកាលពីថ្ងៃទី ៣១ ខែតុលា ឆ្នាំ២០២១ នៅ២ទីតាំងផ្សេងពីគ្នា ក្នុងសង្កាត់បឹងកេងកង១ នៃខណ្ឌបឹងកេងកង។

សហព័ន្ធខ្មែរកីឡាហែលទឹកគ្រោងនឹងរៀបចំការប្រកួតកីឡាហែលទឹកទីឆ្ងាយក្នុងការជ្រើសរើសជើងឯក Open Water។ ការរៀបចំប្រកួតហែលទឹកជ្រើសរើសជើងឯក Open Water នេះ នឹងគ្រោងធ្វើនៅថ្ងៃទី៧ ខែវិច្ឆិកា ខាង មុខនេះ នៅមណ្ឌលកីឡាហែលទឹកនៃពហុកីឡដ្ឋានជាតិមរតកតេជោរាជធានីភ្នំពេញ។ ការរៀបចំការប្រកួត កីឡាហែលទឹកទីឆ្ងាយជ្រើសរើសជើងឯកOpen Water បានធ្វើឡើងនៅទន្ទឹមនឹងការប្រកាសបើកប្រទេសសា ឡើងវិញចាប់តាំងពីថ្ងៃទី១វិច្ឆិកាកន្លងមកនេះ។

សត្វពស់កន្ទុយក្រហមដ៏កម្រ ត្រូវបានគេប្រទះឃើញ នៅខេត្តមណ្ឌលគិរី ។ ពស់កន្ទុយក្រហម ដែល មាន ឈ្មោះថា ៖COLUBRIDAE ខូលូប្រាយឌី ដែលជាប្រភេទសត្វល្មូនកម្រលើពិភពលោក ត្រូវបានគេប្រ ទះឃើញ លើកដំបូងក្នុងខេត្តភាគឥសានកម្ពុជានេះ។ ប្រភេទសត្វពស់ខូលូប្រាយឌី គឺជាប្រភេទសត្វពស់ដែល ពិភព លោកចាត់ទុកថា ស្ថិតក្នុងចង្កោមក្រុមសត្វពស់ធំជាងគេបង្អស់៕

អង្គព្រះកឋិនទានមួយដែលរួមមានអំណោយព្រះរាជទ្រព្យរបស់ព្រះមហាក្សត្រនិងសម្តេចម៉ែ និងការចូលរួម ពី ថ្នាក់ដឹកនាំកំពូលស្ថាប័នដទៃទៀត ត្រូវបានដង្ហែរទៅវត្តជនបទមួយនៃខេត្តកំពង់ឆ្នាំង។ ពិធីដង្ហែអង្គព្រះកឋិន ទានថ្ងៃទី៣វិច្ឆិកាត្រូវបានសម្ដេចចៅហ្វាវាំង គង់ សំអុល និងមន្ត្រីពាក់ព័ន្ធបានដង្ហែទៅប្រគេនព្រះសង្ឃគង់ចាំព្រះ​វស្សានៅវត្តគម្រាបរុក្ខារាម ដែលស្ថិតនៅក្នុងភូមិត្រពាំងចាន់ ឃុំត្រពាំងចាន់ នៃស្រុកបរិបូណ៌  ។ ពិធីបុណ្យកឋិន ទានគឺជាពិធីមួយដែលប្រជាពលរដ្ឋ កម្ពុជាតែងតែប្រារព្ធធ្វើនូវបន្ទាប់ពីបុណ្យចេញវស្សា ។

ផ្សារទំនើប សិនជូរីផ្លាហ្សា គ្រោងនឹងបើកដំណើរការ នៅមុនពេលបុណ្យចូលឆ្នាំខ្មែរ ក្នុងឆ្នាំ២០២២ ខាងមុខ នេះក្រោយការសាងសង់រយៈពេលប្រមាណជិត២ឆ្នាំមកនេះ។ សំណង់ផ្សារទំនើប សិនជូរីផ្លាហ្សា មានទីតាំង ស្ថិតក្នុង សង្កាត់កាកាបទី១ ខណ្ឌពោធិ៍សែនជ័យ។ ការប្រការនូវគំរោងត្រៀមបើកផ្សារទំនើបនេះ បានបញ្ជាក់ ឲ្យដឹងក្នុងពេលដែលកម្ពុជាបានប្រកាសការបើកប្រទេសសាឡើងវិញនាដើមខែវិច្ឆិកានេះ បន្ទាប់ពីយុទ្ធនាការ ចាក់វ៉ាក់សាំងលើពលរដ្ឋបានសម្រេចជិត៩០ភាគរយនៅទូទាំងប្រទេស។

ខេត្តព្រះសីហនុអាចមានសមត្ថភាពផលិតខ្យល់អុកស៊ីហ្សែនសម្រាប់ផ្គត់ផ្គង់អ្នកជម្ងឺឆ្លងកូវីដ១៩បានគ្រប់ គ្រាន់ដោយខ្លួនឯងហើយចាប់ពីពេលនេះទៅ។ ទីតាំងផលិតខ្យល់អុកស៊ីហ្សែនក្នុងខេត្តព្រះសីហនុ គឺជាទីតាំង មួយដែលស្ថិតក្នុងបរិវេណសំណង់អគារតេជោព្យាបាលជម្ងឺកូវីដ១៩ក្នុងក្រុងព្រះសីហនុ។