គណៈកម្មាធិការជាតិរៀបចំការបោះឆ្នោត គជប នឹងចាប់ផ្តើមពិនិត្យបញ្ជីការចុះឈ្មោះបោះឆ្នោត ឆ្នាំ២០២១ នៅ ថ្ងៃទី១២ ខែតុលាស្អែកនេះហើយ។ ការពិនិត្យបញ្ជីឈ្មោះ និងការចុះឈ្មោះបោះឆ្នោត នឹងមានរយៈពេល ៥០ថ្ងៃ ដែលនឹងបញ្ចប់នៅថ្ងៃទី៣០ ខែវិច្ឆិកា ឆ្នាំ២០២១ នៅតាមសាលាឃុំសង្កាត់ និងទីតាំងមួយចំនួននៅក្នុងឃុំសង្កាត់ ។

ជំនួយរបស់រដ្ឋាភិបាលជប៉ុនជាង៧២លានដុល្លារដល់ប្រទេសកម្ពុជា លើគម្រោងពង្រីកសមត្ថភាពផ្គត់ផ្គង់ទឹក ស្អាតខេត្តសៀមរាបនិងគម្រោងគាំទ្រដំណើរការកសាងផែនការបោសសម្អាតមីន និងត្រួតពិនិត្យគុណភាព លើ ផ្ទៃដីបោសសម្អាត បានចុះហត្ថលេខាប្រគល់នៅថ្ងៃទី១១តុលានេះហើយ។

កម្ពុជាត្រូវវ៉េបសាយអន្តរជាតិឈ្មោះ «Rough Guides» បានផ្សាយផ្តល់ចំណាត់លេខ១ ជាប្រទេសមានភាពរួស រាយរាក់ទាក់ជាងគេនៅលើពិភពលោក។ «Rough Guides» គឺជាទីភ្នាក់ងារទេសចរណ៍ និងជាក្រុមហ៊ុនបោះពុម្ព ផ្សាយសៀវភៅមគ្គុទេសក៍ដ៏ល្បីល្បាញលើសកលលោក។  ក្រៅពីកម្ពុជា ប្រទេសចំនួន ៩ទៀត ត្រូវបានសៀវ ភៅទេសចរអន្តរជាតិនេះចាត់ទុកថាជាប្រទេសមានភាពរួសរាយរាក់ទាក់ផងដែរ ដែលភាគច្រើនជាប្រទេសនៅ ក្នុងតំបន់អាស៊ាន។

ប្រទេសអូស្ត្រាលី បានបញ្ជាក់ប្រាប់កម្ពុជាសាជាថ្មីនូវគោលជំហររបស់សន្ធិសញ្ញា AUKUS ដោយការសន្យាថា កិច្ចព្រមព្រៀងត្រីភាគីអូស្ត្រាលី, សហរដ្ឋអាមេរិកនិងចក្រភពអង់គ្លេសនេះ នឹងមិននាំឲ្យមានការរត់ប្រណាំង ប្រជែងគ្រឿងសព្វាវុធ។ ការបញ្ជាក់ប្រាប់នេះ បានធ្វើដោយរដ្ឋមន្ត្រីការបរទេសអូស្ត្រាលីលោកស្រី ម៉ារីស ផេន តាមរយៈជំនួបទូរស័ព្ទជាមួយនឹងរដ្ឋមន្ត្រីការបរទេសកម្ពុជាលោកប្រាក់សុខុន កាលពីថ្ងៃ ទី៨តុលាកន្លងមកនេះ ៕

មន្ត្រីកម្ពុជានិងមន្ត្រីស៊ែប៊ី បានឯកភាពគ្នាជំរុញកិច្ចសហប្រតិបត្តិការលើវិស័យការទូត,សេដ្ឋកិច្ច និងសន្យាបន្ត គាំទ្រគ្នាទៅវិញទៅមកលើឆាកអន្តរជាតិ។ ការឯកភាពគ្នាបន្តកិច្ចជម្រុញសហប្រតិបត្តិការនេះ បានធ្វើឡើងក្នុង កិច្ចពិភាក្សាគ្នាកាលពីថ្ងៃទី១០តុលា រវាងរដ្ឋមន្ត្រីការបរទេសស៊ែប៊ី លោកនីកូឡា សេឡាកូវិច ជាមួយនឹងរដ្ឋមន្រ្តី

តួលេខនៃចំនួនភ្ញៀវទេសចរណ៍ បានកើនឡើងជាលើកដំបូងក្នុងមួយសប្តាហ៍កន្លងមកនេះ ក្រោយការធ្លាក់ចុះ ចាប់តាំងពីមានព្រឹត្តិការណ៍សហគមន៍២០កុម្ភៈនោះមក។ រដ្ឋមន្ត្រីក្រសួងទេសចរណ៍លោកថោងខុន បានថ្លែងថា ចំនួនភ្ញៀវទេសចរណ៍ក្នុងរយៈពេលមួយសប្តាហ៍នេះ មាន៩១ម៉ឺន១ពាន់១៤៧នាក់ដែលជាចំនួនច្រើនធ្វើដំណើរ លេងកម្សាន្តនៅតាមគោលដៅទេសចរណ៍នានា។

ប្រធានគណៈកម្មការទទួលបន្ទុកការចាក់វ៉ាក់សាំងទូទាំងប្រទេស លោកស្រី ឱ វណ្ណឌីន បានថ្លែងថា ការយកប្រាក់ បូជាសពអ្នកបាត់បង់ជីវិតដោយសារការឆ្លងជម្ងឺកូវីដ១៩ គឺជាអំពើមិនត្រឹមត្រូវឡើយ។

ក្រសួងការងារបានស្នើរោងចក្រ សហគ្រាសដើម្បីអនុញ្ញាតឱ្យកម្មករនិយោជិតឈប់សម្រាក១ថ្ងៃដើម្បីការចេញ ទៅចាក់វ៉ាក់សាំងដូសជម្រុញក្នុងពេលដែលយុទ្ធនាការចាក់វ់ាក់សាំងដូសទី៣ បានចាប់ផ្តើមតាំងពីថ្ងៃទី១១តុលា នេះហើយ។

មនុស្សចំនួន៤០នាក់ ត្រូវបានឃាត់ខ្លួនរយៈពេល២៤ម៉ោងនេះ ដែលនាំឱ្យការឃាត់ខ្លួនមនុស្សក្នុងរយៈពេល ៧២ម៉ោង បានកើនឡើងដល់់៧៤នាក់ ក្នុងអំពើល្មើសបំពានវិធានរដ្ឋបាលនិងវិធានសុខាភិបាល ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន១២ម៉ឺន២ពាន់៧៧២ ករណី និងការ ស្លាប់ថ្មីមានចំនួន១ពាន់៥៤៨នាក់។ ប្រទេសដែលមានការឆ្លងថ្មី និងការស្លាប់ថ្មីក្នុងរយៈ ពេល៧២ ម៉ោងចុង ក្រោយនេះនៅអាស៊ាន រួមមាន១០ប្រទេស៕