ប្រជាពលរដ្ឋចំនួន៩ម៉ឺន៣ពាន់១០៤នាក់ ក្នុងរយៈពេល២៤ម៉ោងកន្លងមកនេះ បានទទួលការចាក់វ៉ាក់សាំង បង្ការជម្ងឺកូវីដ១៩។

តួលេខអ្នកឆ្លងកូវីដ១៩ដែលកំពុងសម្រាកព្យាបាលក្នុងមន្ទីរពេទ្យមានចំនួនសេសសល់៤ពាន់៤២៦នាក់ក្រោយ ការព្យាបាលជាសះស្បើយចំនួន៣៨៦នាក់ក្នុងរយៈពេល២៤ម៉ោងចុងក្រោយនេះ។ តួលេខដែលបង្ហាញការថយចុះនេះ ត្រូវគេចាត់ទុកថាដោយសារតែចំណាត់ការមានប្រសិទ្ធភាពរបស់រាជរដ្ឋាភិបាលក្នុងការទប់ស្កាត់ការឆ្លង កូវីដ១៩ក្នុងសហគមន៍ជាពិសេសយុទ្ធនាការសម្រុកចាក់វ៉ាក់សាំងនៅទូទាំងប្រទេស។ 

អាវុធវែងស្វ័យប្រវត្តិមួយដើម ត្រូវសមត្ថកិច្ចកងរាជអាវុធហត្ថក្នុងខេត្តព្រះសីហនុ បានឆែកឆេររកឃើញក្នុងពេលលាក់ទុកក្នុងរថយន្តដឹកទំនិញមួយគ្រឿងនាំចូលទៅក្នុងក្រុងព្រះសីហនុ។ 

ស្ត្រីទេសចរជាតិចិនម្នាក់អាយុ២១ឆ្នាំ បានបាត់បង់ជីវិតក្នុងហេតុការណ៍មួយដែលសមត្ថកិច្ចបានបញ្ជាក់ ថាជាអំពើលង់ទឹកនាឆ្នេរអូរឈើទាល ក្រុងព្រះសីហនុ។ សាក្សីជាស្ត្រីជាតិចិនដូចគ្នាបានថ្លែងថាស្ត្រីជាតិចិន ឈ្មោះស៊ី គីយីង បានលង់ទឹកស្លាប់ក្នុងពេលកំពុងលេងទឹកនៅឆ្នេរសមុទ្ទអូរឈើទាលកាលពីថ្ងៃទី១កញ្ញា។ 

ការជួបជុំគ្នាផឹកស្រាក្រឡុកនៅក្នុងបន្ទប់រវាងស្ត្រីវ័យក្មេង៣រូបអាយុរវាងពី១៨ដល់២០ឆ្នាំ ត្រូវគេរាយការណ៍ថា បាននាំឲ្យស្ត្រីទាំង៣នាក់នោះបាត់បង់ជីវិត។ ស្ត្រីម្នាក់បានស្លាប់ពេលធ្វើដំណើរទៅដល់ស្រុកកំណើតក្នុងខេត្តកណ្តាល និង២នាក់ទៀតបានស្លាប់ក្នុងបន្ទប់ជួលក្នុងសង្កាត់ទន្លេបាសាក់ខណ្ឌចំការមននៅថ្ងៃទី២កញ្ញានេះ។ 

មេខ្លោងក្រុមឧទ្ទាមក្រៅស្រុកលោក សម រង្ស៊ី ត្រូវគេរាយការណ៍ថាកាន់តែរងសម្តីរិះគន់ខ្លាំងក្លាពីរង្វង់មជ្ឈដ្ឋាន ខ្មែរនៅក្រៅស្រុកដោយតែនយោបាយប្រជាភិថុត «កឹម សុខា និង សម រង្ស៊ី ជាមនុស្សតែមួយ» និងនយោបាយ ប្រជាភិថុតលើដំណើរទស្សនកិច្ចសម្តេចក្រឡាហោមសខេងក្នុងប្រទេសបារាំង។ 

រដ្ឋមន្ត្រីក្រសួងការបរទេស លោក ប្រាក់ សុខុន គ្រោងនឹងធ្វើទស្សនកិច្ចជាផ្លូវការនៅក្នុងប្រទេសកូរ៉េខាងត្បូង នាសប្តាហ៍ក្រោយនេះ។ ក្រសួងការបទេសនៅថ្ងៃព្រហស្បតិ៍នេះបញ្ជាក់ថា លោកប្រាក់សុខុនដែលជាឧបនាយករដ្ឋ មន្ត្រីផងដែរនោះ នឹងបំពេញទស្សនកិច្ចផ្លូវការនៅកូរ៉េខាងត្បូង រវាងពីថ្ងៃទី០៦ ដល់ថ្ងៃទី ០៨ ខែកញ្ញា ដែលនៅ ទីនោះ លោកនឹងជួបសមភាគីកូរេខាងត្បូង លោកឆុងអើយយ៉ុង។

សម្តេចនាយករដមន្រ្តីកម្ពុជាបានទាត់ចោលនូវសំណើចង់ទិញដីបឹងទំហំ១ពាន់ហិកតា នៅស្រុកល្វាឯមខេត្ត កណ្តាល។ ក្រុម ហ៊ុនសំណង់ «ឈ្នះ ឈ្នះ» តាមរយៈក្រសួងកសិកម្ម និងរដ្ឋបាលខេត្តកណ្តាល បានដាក់សំណើ ចង់ទិញបឹង១ពាន់ហិកតា នៅក្នុងឃុំបារុង នៃស្រុកល្វាឯម ដើម្បីអភិវឌ្ឍជាទីក្រុងរណបបែបទំនើប និងហេដ្ឋា រចនាសម្ព័ន្ធសំខាន់ៗ ប៉ុន្តែយោងតាមលិខិតរបស់ទីស្តីការគណ:រដ្ឋមន្ត្រីថ្ងៃទី២៧សីហា សំណើនោះ ត្រូវបាន សម្តេចនាយក ឮរដ្ឋមន្ត្រីបានបដិសេធ។