ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ ចំនួន ៣៥នាក់ ថ្មីទៀតក្នុងរយៈពេល២៤ម៉ោងចុងក្រោយ នេះ។ យោងតាមរដ្ឋបាលខេត្តការឆ្លងនៅថ្ងៃនេះ បានកើតលើពលរដ្ឋដែលមានទីលំនៅក្នុង ស្រុកជាំក្សាន្តចំនួន ១៤នាក់, ស្រុករវៀង១២នាក់, ស្រុកគូលែន៣នាក់, ស្រុកត្បែងមានជ័យ ៣នាក់, ស្រុកកំពង់ស្វាយម្នាក់, ស្រុកជី ក្រែងម្នាក់ និងស្រុកសូនិគមម្នាក់។

ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ៣៥នាក់ បន្ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងថយចុះជាងម្សិលមិញចំនួន ១៤នាក់ ។

ខេត្តសៀមរាបរកឃើញឆ្លងជំងឺកូវីដ-១៩ ចំនួន៧៤នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយ។ យោង តាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុង ស្រុកពួក៣៥នាក់,ក្រុងសៀមរាប១៩នាក់, ស្រុកអង្គរ ធំ៧នាក់, ស្រុកសូទ្រនិគមម្នាក់, ស្រុកបន្ទាយស្រី៩នាក់, មកពីខេត្តបន្ទាយមានជ័យ២នាក់ និងមកពីខេត្តឧត្តរ មានជ័យម្នាក់។ ចំណែកអ្នកស្លាប់ជាស្ត្រីអាយុ៨៥ឆ្នាំ នៃស្រុកពួក។ 

ខេត្តបន្ទាយមានជ័យ បានរកឃើញអ្នកឆ្លងជំងឺកូវីដ១៩ ចំនួន ១០៨នាក់ ថែមទៀត នៅថ្ងៃនេះ ដែលជាតួលេខ ឆ្លងថយចុះចំនួន ៥នាក់ បើប្រៀបធៀបនឹងថ្ងៃម្សិលមិញ ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន២៤ម៉ឺន៩ពាន់ ៣៣២ករណី និងការ ស្លាប់ថ្មីមានចំនួន៥ពាន់២៩៨នាក់។ ប្រទេសដែលមានការឆ្លងថ្មីក្នុងរយៈ ពេល៧២ម៉ោង ចុង ក្រោយនេះនៅអាស៊ាន រួមមាន១០ប្រទេស និងការស្លាប់ថ្មីក៏មាន ១០ប្រទេសផងដែរ។

មនុស្សចំនួន៦៤៧នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និងវិធានសុខាភិបាល ក្នុងស្ថានការណ៍ដែលរាជរដ្ឋាភិបាលកំពុងបន្តឹងការអនុវត្តច្បាប់ប្រឆាំងនឹងការឆ្លង កូវីដ ១៩។

វ៉ាក់សាំងស៊ីណូវ៉ាក់ចំនួន២លានដូស នឹងត្រូវបញ្ជូនមកដល់កម្ពុជានៅថ្ងៃអង្គារស្អែកនេះ ដែលនាំឲ្យតួលេខ វ៉ាក់សាំងកម្ពុជាទទួលនិងមានសរុបទាំងអស់២៦លាន៤សែន៩ម៉ឺន៩ពាន់១០០ដូស។ វ់ាក់សាំង២លានដូស ដែលនឹងមកដល់ថ្ងៃអង្គារទី៣១សីហា គឺជាវ៉ាក់សាំងបញ្ជាទិញពីប្រទេសចិន។ 

កម្ពុជាបានបន្ធូរបន្ថយឲ្យមានពេទ្យឯកជន អាចព្យាបាលអ្នកជម្ងឺកូវីដ១៩កម្រិតស្រាលបាននៅតាមផ្ទះក្រោយ ការឆ្លងកាត់ដកបទពិសោធន៍រយៈពេលជាងមួយឆ្នាំនៃការព្យាបាលជម្ងឺឆ្លងទាំងនេះ។