ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន២៣នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយ។ នេះជាតូលេខឆ្លងកើន៨នាក់និងការស្លាប់ថយចុះម្នាក់ប្រៀបធៀបនឹងម្សិលមិញ។ យោងតាមរដ្ឋបាល ខេត្តការឆ្លងថ្មីទាំង២៣នាក់ថ្ងៃនេះ រួមមាននៅក្រុងកំពង់ចាម៦នាក់, ស្រុកកងមាស៤នាក់, ស្រុកចំការលើ៤នាក់, ស្រុកព្រៃឈរ២នាក់, ស្រុកស្ទឹងត្រង់២នាក់, ស្រុកស្រីសន្ធរ២នាក់, មកពីខេត្តត្បូងឃ្មុំ២នាក់ និងមកពីខេត្តកំពង់ធំ ម្នាក់។ ចំណែកអ្នកស្លាប់ជាបុរសអាយុ ៦៧ឆ្នាំ នៃស្រុកចំការលើ។ ខេត្តកំពង់ចាមគិតមកដល់បច្ចុប្បន្ននេះ មាន ករណីឆ្លងសរុបចំនួន៤ពាន់៦៨២ករណី ក្នុងនោះករណីឆ្លងដោយវីរុសបំប្លែងថ្មីDeltaចំនួន១៦ករណី, ព្យាបាលជា សះស្បើយចំនួន៣ពាន់៩៨០នាក់ និងមានអ្នកស្លាប់ចំនួន១១២នាក់។

ខេត្តសៀមរាបរកឃើញឆ្លងជំងឺកូវីដ-១៩ ចំនួន៩៧នាក់ ដែលជាតួលេខឆ្លងកើន៤នាក់ប្រៀបធៀបនឹងម្សិលមិញ ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងស្រុកជីក្រែង១០នាក់,ក្រុងសៀមរាប៤៥នាក់, ស្រុកសូទ្រនិគម១៤នាក់, ស្រុកពួក១២នាក់, ស្រុកប្រាសាទបាគង៧នាក់ និងស្រុកក្រឡាញ់៩នាក់។ ខេត្តសៀមរាប ក្នុងរយៈពេល២៤ម៉ោងចុងក្រោយនេះ នៅបានព្យាបាលជាសះស្បើយអ្នកឆ្លង១៧៧នាក់ផងដែរ។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន៦ពាន់៣៩២នាក់, ព្យាបាលជាសះ ស្បើយចំនួន៤ពាន់៨១៤ នាក់និងចំនួនមនុស្សស្លាប់មាន៧៥នាក់ជាដដែល។

ខេត្តបន្ទាយមានជ័យ បានប្រកាសនៅថ្ងៃនេះជុំវិញការរកឃើញអ្នកឆ្លងជំងឺកូវីដ១៩ ច្រើនរហូតដល់៦៨៩ នាក់ ដែលជាតួលេខឆ្លងកាន់តែខ្ពស់ក្នុងខេត្តដែលជាប់នឹងព្រំដែនថៃមួយនេះ។ ការឆ្លងនៅក្នុងខេត្តបន្ទាយមានជ័យ នេះត្រូវគេឃើញថាមានតួលេខខ្ពស់ជាងម្សិលមិញដល់ទៅចំនួន៣០២នាក់។   យោងតាមរដ្ឋបាលខេត្ត ការឆ្លង ថ្មីនៅក្នុងខេត្តបន្ទាយមានជ័យនៅថ្ងៃនេះ គឺជាករណីឆ្លងនៅក្នុងសហគមន៍ចំនួន ៨២នាក់, ឆ្លងលើពលករដែល ទើបត្រលប់មកពីប្រទេសថៃចំនួន ១០៦នាក់ និងឆ្លងលើមនុស្សនៅក្នុងមណ្ឌលកែប្រែគ្រឿងញៀនឈ្មោះ «ជីវិត ថ្មីភ្នំបាក់នៃក្រុងសិរីសោភ័ណ» មានចំនួន ៥០១នាក់ ។ ការឆ្លងនៅថ្ងៃនេះបានកើតឡើងលើពលរដ្ឋនៃស្រុកព្រះ នេត្រព្រះ, ស្រុកមង្គលបុរី, ស្រុកស្វាយចេក ស្រុកថ្មពួក ក្រុងសិរីសោភណ័ ក្រុងប៉ោយប៉ែត ស្រុកអូរជ្រៅ ស្រុក ភ្នំស្រុក និងពលរដ្ឋមកពីខេត្តផ្សេងរួមមានខេត្តសៀមរាប ខេត្តកំពង់ចាម ខេត្តតាកែវ ខេត្តបាត់ដំបង ខេត្តព្រៃវែង ខេត្តឧត្តមានជ័យ ខេត្តកំពត ខេត្តកំពង់ធំ ខេត្តស្វាយរៀង និងខេត្តកំពង់ឆ្នាំង ។ ខេត្តបន្ទាយមានជ័យ នៅថ្ងៃនេះ បានព្យាបាលអ្នកជំងឺកូវីដ១៩ ឲ្យជាសះស្បើយឡើងវិញចំនួន ១៩៤នាក់ ៕

ផ្លែមៀន២១តោនដែលសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានទិញពីម្ចាស់ចំការដែលមិនអាចលក់ចេញ ទៅកាន់ប្រទេសថៃបានដោយសារតែវិបត្តិកូវីដ១៩បណ្តាលឲ្យបិទព្រំដែននោះ នឹងត្រូវចែកចាយដល់ក្រុមគ្រូ ពេទ្យនិងអ្នកជម្ងឺកូវីដ១៩ដែលកំពុងសម្រាកព្យាបាលតាមមន្ទីរពេទ្យនៅរាជធានីភ្នំពេញ។ ផ្លែមៀន២១តោនក្នុង ចំណោម៥ម៉ឺនតោនដែលនឹងត្រូវទិញពីម្ចាស់ចំការទាំងឡាយពីខេត្តប៉ៃលិននោះ នឹងត្រូវចែកចាយដល់ក្រុម គ្រូពេទ្យស័្មគ្រចិត្តសម្តេចតេជោ TYDAនិងអ្នកជំងឺចំនួន ៦តោន, មន្ទីរពេទ្យរុស្ស៉ីទាំងគ្រូពេទ្យ និងអ្នកជំងឺចំនួន ៥តោន, មន្ទីរពេទ្យជ័យជំនះចំនួន ៥តោន និងមណ្ឌលព្យាបាលនៅស្តាតអូឡាំពិកចំនួន៥តោន។ ប្រទេសថៃបាន បិទការចេញចូលព្រំដែនក្នុងស្ថានភាពដែលកំពុងមានការឆ្លងរាតត្បាតខ្លាំងនៃជម្ងឺកូវីដ១៩ ដែលការបិទនោះ ហើយបាននាំឲ្យផ្លែមៀនប៉ៃលិននៅខេត្តភាគខាងលិចប្រទេសកម្ពុជា ប្រមាណជាង៥ម៉ឺនតោន បានជួបប្រ ទះនឹងកង្វះទីផ្សារនាំចេញ, ប៉ុន្តែដើម្បីការជួយដល់ម្ចាស់ចំការទាំងឡាយនោះ សម្តេចនាយករដ្ឋមន្ត្រីនិងសម្តេច កិត្តិព្រឹទ្ធបណ្ឌិតប៊ុនរ៉ានីហ៊ុនសែន បានធានាទិញនូវផ្លែមៀននោះទាំងអស់ដើម្បីការផ្តល់ចែកជួនក្រុមគ្រូពេទ្យ, អ្នកជម្ងឺកូវីដ១៩ និងកម្លាំងកងទ័ពជួរមុខនោះជាដើម។

គ្រប់វត្តនៅទូទាំងប្រទេសកម្ពុជាត្រូវបានក្រសួងធម្មការណែនាំនូវការទូងស្គរនិងវាយជួងកងរំពង នាល្ងាចថ្ងៃទី ២០សីហាឆ្នាំ២០២១។ យោងតាមក្រសួងធម្មការនិងសាសនា ការទូងស្គរនិងវាយជួងកងរំពង នាល្ងាចថ្ងៃទី ២០សីហាគឺដើម្បីបួងសួងឲ្យពិភពលោក រួចចាកផុតពីជំងឺរាតត្បាតកូវីដ-១៩ និងអំពើជួញដូរមនុស្ស។ កម្ពុជាចាប់ តាំងពីឆ្នាំ២០១៧នោះមក, គណៈកម្មាការធិការជាតិប្រយុទ្ធប្រឆាំងការជួញដូរមនុស្សតែងសហការជាមួយក្រសួង ធម្មការនិងជាមួយមេដឹកនាំសាសនាធំៗ ក្នុងប្រទេសកម្ពុជា ដើម្បីរៀបចំកម្មវិធីអន្តរសាសនាប្រឆាំងការជួញដូរ មនុស្សក្នុងគោលបំណងបួងសួងឲ្យប្រជាជនកម្ពុជា ក៏ដូចជាប្រជាជនពិភពលោកទទួលបានសេចក្ដីសុខ, ជៀស ផុតពីការរំលោភបំពាន និងអំពើជួញដូរមនុស្សដែលជាទាសភាពសម័យទំនើប។ សម្រាប់កម្មវិធីអន្តរសាសនាប្រឆាំងការជួញដូរមនុស្សនៅថ្ងៃទី២០កញ្ញាឆ្នាំ២០២១នេះ, ក្រសួងធម្មការនិងសាស នាបញ្ជាក់ថាគឺសម្ដេចតេជោនាយករដ្ឋមន្ត្រីហ៊ុនសែន នឹងផ្ដល់កិត្តិយស អានសុន្ទកថាបើកកម្មវិធីក្រោមប្រធាន បទ “សូមពិភពលោក រួចផុតពីជំងឺរាតត្បាតកូវីដ-១៩ និងអំពើជួញដូរមនុស្ស” ដែលនឹងចាក់ផ្សាយតាមស្ថានីយ៍ ទូរទស្សន៍រដ្ឋនិងឯកជននិងតាមបណ្តាញព័ត៌មានក្នុងសង្គមទាំងអស់ផងដែរ។  ក្រសួងបានបន្តទៀតថា ដើម្បី ញ៉ាំងឲ្យកម្មវិធីនោះ បានជ្រួតជ្រាបដល់គ្រប់ស្រទាប់មហាជនទាំងក្នុងនិងក្រៅប្រទេស ក្រសួងធម្មការ បានណែ នាំឲ្យ គ្រប់ វត្តអារាម និងព្រះវិហារនៃគ្រប់សាសនា ត្រូវបន្លឺសម្លេងស្គរ ជួងកងរំពង នៅវេលាម៉ោង៦ល្ងាចថ្ងៃ ទី ២០សីហា ឆ្នាំ២០២១។

កាកបាទក្រហមកម្ពុជាបានផ្តល់ថវិកា១០ម៉ឺនដុល្លារជូនកាកបាទក្រហមមីយ៉ាន់ម៉ាដើម្បីប្រយុទ្ធនឹងជំងឺកូវីដ-១៩។ ថវិកាកាកបាទក្រហមកម្ពុជា ត្រូវបានបញ្ជាក់នូវការការផ្តល់ថ្ងៃនេះតាមរយៈជំនួបសវនាការមួយរវាងអគ្គលេខាធិ ការកាកបាទ ក្រហមកម្ពុជាលោកស្រី ពុំ ចន្ទីនី ជាមួយនឹងឯកអគ្គរដ្ឋទូតមីយ៉ាន់ម៉ាប្រចាំកម្ពុជាលោកធិត លីន អូញ។ លោកស្រីអគ្គលេខាធិការ កាកបាទក្រហមកម្ពុជា បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលបានថ្លែងចូលរួមសម្តែងក្តីព្រួយបារម្ភជាមួយនឹងប្រជាជនមី យ៉ាន់ម៉ាដែលកំពុងជួបប្រទះនឹងការឆ្លងរីករាលដាលធ្ងន់ធ្ងរនៃជំងឺកូវីដ-១៩ ក្នុងពេលនេះ។ ឯកអគ្គរដ្ឋទូត មីយ៉ាន់ ម៉ា បានថ្លែងអំណរគុណចំពោះកាកបាទក្រហមកម្ពុជានិងចាត់ទុកថវិកាកាកបាទក្រហមកម្ពុជាគឺជាការបង្ហាញ ចំណងមិត្តភាព, សាមគ្គីភាព, ក្តីស្រឡាញ់ និងជួយគ្នាទៅវិញទៅមកក្នុងគ្រប់កាលៈទេសៈ។ កាកបាទក្រហមកម្ពុជា ក្នុងរយៈពេល២ខែចុងក្រោយ ត្រូវគេឃើញបានផ្តល់ថវិកាជួយទៅប្រទេសចំនួន៣ ហើយ, ក្នុងនោះកាលពីថ្ងៃទី៩កក្កដាបានផ្តល់ថវិកា៥ម៉ឺនដុល្លារជូនកាកបាទក្រហមនេប៉ាល់ និងនៅថ្ងៃទី១៩ កក្កដា បានផ្តល់ថវិកា១០ម៉ឺនដុល្លារ ជូនកាកបាទក្រហមវៀតណាម។

គ្រឿងបរិក្ខាពេទ្យដែលសន្យាប្រគល់ដល់ប្រទេសមីយ៉ាន់ម៉ា នឹងត្រូវដឹកជញ្ជូនទៅកាន់ព្រលានយន្តហោះក្នុង ប្រទេសមីយ៉ាន់ម៉ានៅវេលាថ្ងៃព្រហស្បតិ៍ទី១៩សីហាស្អែកនេះហើយ។ រាជរដ្ឋាភិបាលកម្ពុជាបានប្រកាសផ្តល់ អំណោយម៉ាស់ចំនួន ៣លានម៉ាស់, ឧបករណ៍តេស្ដរហ័សចំនួន៥០ម៉ឺនគ្រឿង, សំលៀកបំពាក់សុវត្ថិភាព PPE ចំនួន ២ពាន់ឈុត, ម៉ាស៊ីនផលិតអុកស៊ីហ្សែនស្វ័យប្រវត្តិចំនួន ១០០គ្រឿង, ម៉ាស៊ីនជំនួយ ដកដង្ហើមចំនួន២០ គ្រឿង, ម៉ាស៊ីនតាម ដានសញ្ញាជីវិតចំនួន ២០គ្រឿងដល់ប្រទេសមីយ៉ាន់ម៉ាដែលរងនឹងវិបត្តិឆ្លងកូវីដ១៩ធ្ងន់ធ្ងរ ជាងប្រទេសកម្ពុជា។ ក្រៅពីការសន្យាផ្តល់បរិក្ខាពេទ្យ, រាជរដ្ឋាភិបាលកម្ពុជានៅបានផ្តល់ជំនួយថវិកាឧបត្ថម្ភ ២០ម៉ឺនដុល្លារអាមេរិក ថែមទៀតដើម្បីចូលរួមប្រយុទ្ធប្រឆាំងនឹងជំងឺកូវីដ១៩ក្នុងប្រទេសមីយ៉ាន់ម៉ា ។ ប្រទេសមីយ៉ាន់ម៉ា ក្នុងរយៈពេល ២៤ម៉ោងចុងក្រោយនេះ ការឆ្លងមានចំនួន៣ពាន់៣០៦ករណីនិងការស្លាប់ មានចំនួន១៧៨នាក់ ដែលនាំឲ្យការ ឆ្លងកូវីដ១៩ មានសរុប ៣៦ម៉ឺន២៩១ករណី និងមានមនុស្សសា្លប់ចំនួន ១ម៉ឺន៣ពាន់៦២៣នាក់។ គ្រឿងបរិក្ខាពេទ្យនិងថវិកាជួយប្រទេសមីយ៉ាន់ម៉ាប្រឆាំងកូវីដ១៩នាពេលនេះ គឺជា ជំនួយជាលើកទី២ហើយរបស់រាជរដ្ឋាភិបាលកម្ពុជាចំពោះប្រទេសមីយ៉ាន់ម៉ានោះ។

មនុស្សបំពាននឹងវិធានការរដ្ឋបាលចំនួន១ពាន់៨៦៧ នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងនោះម្នាក់បានបញ្ជួនទៅតុលាការ។ មន្ត្រីគណៈកម្ម ការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោក ឧត្តមសេនីយ៍ឯក ម៉ៅ ពៅ បាន ថ្លែងថានៅថ្ងៃពុធនេះថា ក្រៅពីការឃាត់ខ្លួននិងបញ្ជួនទៅតុលាការ, សមត្ថកិច្ច នៅបានឃាត់យានយន្តចំនួន ៩៨៧ គ្រឿង និងផាកពិន័យជា ប្រាក់បានចំនួន ១៧លាន ៥សែនរៀល ក្នុងការ អនុវត្តវិធានការច្បាប់ចំនួន៨៩៣ ករណី។ បទល្មើសមិនគោរពវិធានការដ្ឋបាល ត្រូវផាកពិន័យអន្តរការណ៍ពី ១លានទៅ ៥លានរៀល, ត្រូវ ផ្ដន្ទាទោស ដាក់ ពន្ធនាគារពី៦ខែទៅ៣ឆ្នាំ និងពិន័យជាប្រាក់ពី ២លាន ទៅ ១០លានរៀល បើអំពើនោះបាន បណ្ដាលឲ្យមានការ ចម្លង ជំងឺ កូវីដ-១៩ដល់អ្នកដទៃ និងត្រូវផ្ដន្ទាទោសដាក់ពន្ធនាគារពី២ឆ្នាំទៅ៥ឆ្នាំ និងពិ ន័យ ជាប្រាក់ពី៥លាន ទៅ ២០ លានរៀលបើអំពើនោះបានបណ្ដាលឲ្យប៉ះពាល់ធ្ងន់ធ្ងរដល់សុខភាពសាធារណៈ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៨ម៉ឺន៣ពាន់៦៤២ ករណី និងការស្លាប់ថ្មីមានចំនួន២ពាន់៣៤៨នាក់។ នេះជាតួលេខឆ្លងកើនជាងម្សិលចំនួន៨៦៦ករណី, ចំណែក តួលេខស្លាប់បានថយចុះ២៣នាក់។ ប្រទេស ដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៨ប្រទេស ។