ធនាគារប្រៃសណីយ៍កម្ពុជា ដែលមានទីតាំងនៅ ផ្លូវជាតិលេខ ៦A ភូមិដើមគរ សង្កាត់ជ្រោយចង្វារ ខណ្ឌ ជ្រោយចង្វារ រាជធានីភ្នំពេញ បានរកឃើញករណីវិជ្ជមានមេរោគកូវីដ១៩ បំប្លែងថ្មី Delta នៅទីតាំងនោះ។ អនុគណៈកម្មការស្រាវជ្រាវជំងឺកូវីដ-១៩ បានជូនដំណឹងថា មានអ្នកឆ្លងវីរុសបំប្លែងថ្មី Delta នោះ បានចូលទៅ ធនាគារប្រៃសណីយ៍កម្ពុជា កាលពីថ្ងៃទី ១៣ ខែសីហា ។ អនុគណៈកម្មការស្រាវជ្រាវជំងឺកូវីដ-១៩  បានអំពាវ នាវដល់ប្រជាពលរដ្ឋ ដែលបានទៅប្រើប្រាស់សេវាកម្ម នៅថ្ងៃទី ១៣ សីហា ឆ្នាំ២០២១ នៅធនាគារប្រៃសណីយ៍ កម្ពុជានេះ សូមដាក់ខ្លួននៅដាច់ដោយឡែក, ប្រញាប់ទៅធ្វើតេស្តជាបន្ទាន់ និងសូមយកចិត្តទុកដាក់ តាមដាន សុខភាពរបស់ខ្លួនរយៈពេល ២១ ថ្ងៃ។

កម្ពុជាអាចនឹងទទួលរងនៃការកើនឡើងកម្រិតខ្ពស់នៃកាំរស្មីព្រះអាទិត្យ UV Ultraviolet Rays ក្នុងរយៈពេល ៧ថ្ងៃ។ ការសិក្សាផ្នែកវិទ្យាសាស្ត្របានបញ្ជាក់ថា ការកើនឡើងកាំរស្មីព្រះអាទិត្យ UV ខ្ពស់ អាចធ្វើឲ្យរលាក ស្បែក, កើតជំងឺមហារីកស្បែក, ជំងឺចាស់មុនអាយុ, ជំងឺភ្នែកឡើងបាយ ឬខូចភ្នែក ជាដើម។ ក្រសួងធនធានទឹក និងឧតុនិយម បានជូនដំណឹងស្ដីពីការកើនឡើងសន្ទស្សន៍នៃកាំរស្មីព្រះអាទិត្យ UV ដល់កម្រិត១០ ក្នុងរយៈពេល ១សប្ដាហ៏ ចាប់ពីថ្ងៃទី ១៨ ដល់ថ្ងៃទី២៤ ខែសីហា ឆ្នាំ ២០២១ នាចន្លោះពីម៉ោង ១០ ព្រឹក ដល់ម៉ោង២ រសៀល។ ក្រសួងធនធានទឹកបានអំពាវនាវឲ្យប្រជាពលរដ្ឋបង្កើនការយកចិត្តទុកដាក់ប្រុងប្រយ័ត្នខ្ពស់ចំពោះបាតុភូតនៃ ការកើនឡើងកម្រិតខ្ពស់នៃកាំរស្មីព្រះអាទិត្យ UV នោះ។

អាជីវកម្មរ៉ែមាសរបស់ក្រុមហ៊ុនវិនិយោគ Renaissance Minerals (Cambodia) Ltd ក្នុងខេត្តមណ្ឌលគីរីបាន ចម្រាញ់មាសជាង២១០គីឡូក្រាមហើយ។ កម្ពុជាបានប្រកាសដាក់ដំណើរអាជីវកម្មរ៉ែមាសជាលក្ខណៈឧស្សា ហកម្មកាលពីថ្ងៃទី២១មិថុនាឆ្នាំ២០២១។ អនុរដ្ឋលេខាធិការ នៃក្រសួងរ៉ែ និងថាមពល លោក យស មុនីរ៉ាត់ ត្រូវបណ្តាញព័ត៌មានក្នុងស្រុកដកស្រង់សម្តី ដែលបញ្ជាក់នៅថ្ងៃទី១៨សីហាថា គិតមកទល់ពេលនេះ ការស្ល មាសបានជាង២១០គីឡូក្រាម ដែលក្នុងនោះ ភាពសុទ្ធមានប្រមាណពី៨៥ទៅ៩៥ភាគរយ។ មន្ត្រីក្រសួងរ៉ែនិង ថាមពលដដែលបានបញ្ជាក់ថាកម្ពុជាទើបតែ នាំចេញបានមួយជើងនូវមាសប្រមាណជាង៥៩គីឡូក្រាម ដើម្បី យកទៅបន្សុទ្ធនៅប្រទេសអូស្ត្រាលីដែលរំពឹងថា នឹងទទួលបានគុណភាព ៩៩.៩៩% ។ មន្ត្រីដដែលបានបន្តថា ចំណែកមាសប្រមាណជាង១០០គីឡូក្រាមដទៃ ទៀតនឹងត្រូវនាំចេញយកទៅបន្សុទ្ធក្នុងប្រទេសអូស្ត្រាលីបន្ថែម ទៀតក្នុងពេលខាងមុខនេះ។ តម្លៃមាសលើទីផ្សារអន្តរជាតិ ត្រូវគេរាយការណ៍ថាបានស្ថិតក្នុងតម្លៃ៥ម៉ឺន ៨ពាន់ ដុល្លារក្នុងមួយគីឡូក្រាមមាស។ កម្ពុជារំពឹងនឹង ទទួលចំណូលពីសួយសារ ៣% នៃចំណូលលក់ដុលបានសរុប ទាំងនោះ។ ក្រុមហ៊ុន Renaissance Minerals (Cambodia) Ltd មានផែនការអាចផលិតមាសបានប្រមាណ ៣តោន ក្នុងមួយ ឆ្នាំៗ សម្រាប់រយៈពេល៨ឆ្នាំ ដំបូង។ សម្ដេចតេជោ…

ពហុកីឡាដ្ឋានជាតិមរតកតេជោនៃជំនួយឥតសំណងរបស់ប្រទេសចិនតម្លៃ១៦០លានដុល្លារ នឹងអាចប្រើប្រាស់ ជាផ្លូវការបានហើយ ចាប់ពីពេលនេះទៅក្រោយការត្រួត ពិនិត្យចុងក្រោយពីភាគីសំណង់នៃប្រទេសចិន។ ស្ថានទូតចិនប្រចាំកម្ពុជាបានថ្លែងនៅថ្ងៃពុធនេះថា ពហុកីឡា ដ្ឋានជាតិមរតកតេជោ បានឆ្លងកាត់ការត្រួតពិនិត្យ ដោយជោគជ័យកាលពីថ្ងៃទី១៦សីហាឆ្នាំ២០២១។ ស្ថានទូតចិន បានចាត់ទុកថាពហុកីឡាដ្ឋាននោះ បានបង្ហាញ ពីអត្ថន័យសំខាន់នៃ “នាវាមិត្តភាព” រវាងចិននិងកម្ពុជា និងការផ្សារភ្ជាប់រវាងបេះដូងនៃប្រជាជនទាំងពីរ។ ពហុកីឡាដ្ឋានជាតិមរតកតេជោ ជាសំណង់ស្ថិតលើផ្ទៃដីទំហំ១៦ហិចតានិង២២អា ដែលអាចផ្ទុកអ្នកទស្សនា បានរហូតដល់៦ម៉ឺននាក់។ ពហុកីឡាដ្ឋានជាតិមរតកតេជោនឹងក្លាយជាពហុកីឡាដ្ឋានដ៏សំខាន់សម្រាប់ ការប្រ កួតកីឡាអាស៊ីអាគ្នេយ៍ឆ្នាំ ២០២៣ខាងមុខនេះ។ ស្ថានទូតចិនបានសរសេរបញ្ជាក់ថា ពហុកីឡាដ្ឋាននោះគឺជា ពហុកីឡដ្ឋានទំហំធំបំផុត និងកម្រិតខ្ពស់បំផុតដែលជាជំនួយរបស់រដ្ឋាភិបាលចិននាបច្ចុប្បន្ននេះ និងជាសមិទ្ធ ផលផ្លែផ្កានៃកិច្ចសហប្រតិ បត្តិការក្រោមក្របខណ្ឌការកសាងគំនិតផ្តួចផ្តើម“ខ្សែក្រវ៉ាត់និងផ្លូវ” រវាងចិននឹងកម្ពុជា ។ ពហុកីឡដ្ឋានជាតិមរតកតេជោ ដែលមានទីតាំងស្ថិតនៅសង្កាត់ព្រែកតាសេក ខណ្ឌជ្រោយចង្វារ រាជធានីភ្នំ ពេញ បានចាប់ផ្តើមសាងសង់ដំបូងកាលពីឆ្នាំ២០១៣ ៕

ឯកអគ្គរដ្ឋទូតអាមេរិកប្រចាំកម្ពុជា បានសរសេរក្នុងបណ្តាញសង្គមថ្ងៃនេះដោយការដាក់សំណួរសង្ស័យថាតុលា ការកម្ពុជាបានកាត់ទោសដាក់គុកលើលោករ៉ុងឈុនដោយសារតែសេរីភាពបញ្ចេញមតិ។

តុលាការបានប្រកាសសាលក្រមថ្ងៃទី១៨សីហានេះ កាត់ទោសលោក រ៉ុង ឈុន ឱ្យជាប់ពន្ធនាគារ២ឆ្នាំពីបទ «ញុះញង់បង្កឲ្យមានភាពវឹកវរដល់សន្តិសុខសង្គម» ។ លោក រ៉ុង ឈុន ត្រូវបានសមត្ថកិច្ច ចាប់ខ្លួនកាលពីចុងខែ កក្កដាឆ្នាំ២០២០ បន្ទាប់ពីបានថ្លែងការណ៍ញុះញង់ពាក់ព័ន្ធនឹងបញ្ហាព្រំដែននៅក្នុងខេត្តត្បូងឃ្មុំ។ លោករ៉ុងឈុន បាននិយាយចោទនាពេលនោះថា ការបោះបង្គោលព្រំដែនកម្ពុជាវៀតណាមក្នុងខេត្តត្បូងឃ្មុំ បានផ្តល់ប្រយោជន៍ ដល់ភាគីវៀតណាមនិងបានរំកិលចូលក្នុងទឹកដីកម្ពុជា៥០០ម៉ែត្រ ដែលការចោទប្រកាន់នោះ បានធ្វើឲ្យគណៈ កម្មាធិការកិច្ចការព្រំដែនរបស់រាជរដ្ឋាភិបាលបានចេញសេចក្តីតវ៉ាប្រឆាំងជំទាស់និងទាមទារស្វែងរកយុត្តិធម៌។ អ្នកនាំពាក្យតំណាងអយ្យការអមសាលាដំបូងរាជធានីភ្នំពេញ លោក ប្លង់ សុផល នៅថ្ងៃពុធនេះ បានប្រកាស សាលក្រមផ្តន្ទាទសលោក រ៉ុង ឈុន ឱ្យជាប់ពន្ធនាគារ២ឆ្នាំពីបទ «ញុះញង់បង្កឲ្យមានភាពវឹកវរដល់សន្តិសុខ សង្គម» និងបង្គាប់ការសងជម្ងឺចិត្តទៅគណៈកម្មាធិការព្រំដែនកម្ពុជាដែលជាដើមបណ្តឹងចំនួន៤០០លានរៀល។ នៅក្នុងការប្រកាសសាលក្រមកាត់ទោសថ្ងៃពុធនេះទៀតផងដែរ មនុស្ស២នាក់ទៀតដែលជាបក្ខពួកឈ្មោះ តុល និមល និង ស កណិកា ត្រូវតុលាការផ្តន្ទាទោសឲ្យជាប់ពន្ធនាគាររយៈពេល២០ខែផងដែរ។

ខេត្តកោះកុងបានរកឃើញអ្នកឆ្លងថ្មីចំនួន៩នាក់នៅថ្ងៃនេះដែលជាតួលេខឆ្លងថយចុះ២នាក់ប្រៀបធៀបនឹង ម្សិលមិញ។ យោងតាមរដ្ឋបាលខេត្តការឆ្លងរយៈពេល២៤ ម៉ោងកន្លងមកនេះ បានកើតលើពលរដ្ឋក្នុង ក្រុង ខេមរភូមិន្ទ៣នាក់, មណ្ឌលសីមាម្នាក់ និងស្រុកស្រែអំបិល៥នាក់ ។ ខេត្តកោះកុងនៅថ្ងៃនេះ បានព្យាបាល អ្នក ឆ្លង កូវីដ ១៩ ជាសះស្បើយ ចំនួន១០នាក់។

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ ចំនួន ១០នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខកើនឡើងចំនួន ពាក់កណ្តាល បើប្រៀបធៀបនឹងម្សិលមិញ ។ យោងតាមរដ្ឋបាល ខេត្ត ការឆ្លងថ្មីនៅថ្ងៃនេះ បានកើតឡើងលើពលរដ្ឋនៅក្នុងស្រុកជាំក្សាន្តចំនួន ៩នាក់ និងក្រុងព្រះវិហារម្នាក់ ។ ខេត្តព្រះវិហារគិតរហូតមកទល់នឹងពេលនេះ បានរកឃើញអ្នកឆ្លងជំងឺកូវីដ១៩ ចំនួន ៨៥២នាក់ ព្យាបាលជា សះស្បើយចំនួន ៥០២នាក់ និងមានអ្នកស្លាប់ចំនួន ៣នាក់ ៕

ខេត្តឧត្តរមានជ័យ បានរកឃើញអ្នកឆ្លងជំងឺកូវីដ១៩ ចំនួន ៥៨នាក់ ថែមទៀតនៅក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងទាបជាងម្សិលមិញចំនួន ៣៣នាក់ ។ យោងតាមរដ្ឋបាលខេត្ត ការឆ្លងថ្មីក្នុងខេត្ត ឧត្តរមានជ័យនៅថ្ងៃនេះ ជាករណីឆ្លងនៅក្នុងសហគមន៍ចំនួន ៩នាក់, ឆ្លងលើពលករដែលកំពុងធ្វើចត្តាឡីស័ក ម្នាក់ និងលើពលករដែលទើបត្រឡប់មកពីប្រទេសថៃចំនួន ៤៨នាក់ ។  ការឆ្លងនៅក្នុងសហគមន៍នៅថ្ងៃនេះ បានកើតលើពលរដ្ឋនៅក្នុងក្រុងសំរោង៦នាក់, ស្រុកត្រពាំងប្រាសាទម្នាក់ និងស្រុកអន្លង់វែង ២នាក់ ។ ខេត្តឧត្តរមានជ័យបច្ចប្បន្ន មានអ្នកឆ្លងជំងឺកូវីដ១៩ ចំនួន៥ពាន់ ៨៤៦នាក់ ក្នុងនោះមានអ្នកជាសះស្បើយចំនួន ២ពាន់ ៣៦៩នាក់ និងមានអ្នកស្លាប់១០នាក់ ៕

ខេត្តកំពង់ធំ បានបន្តរកឃើញអ្នកឆ្លងជំងឺកូវីដ១៩ ចំនួន ៣៥នាក់ ថែមទៀត ក្នុងរយៈពេល២៤ម៉ោង ចុងក្រោយ នេះ ដែលជាតួលេខឆ្លងទាបជាងម្សិលមិញចំនួន ១៤នាក់ ។ យោងតាមរដ្ឋបាលខេត្ត ការឆ្លងថ្មីនៅថ្ងៃនេះ បាន កើតឡើងលើពលរដ្ឋនៅក្នុងក្រុងស្ទឹងសែន ១៦នាក់ ស្រុកបារាយណ៍ ៣នាក់, ស្រុកតាំងគោក ១២នាក់, ស្រុក ស្ទោង៣នាក់ និងស្រុកកំពង់ស្វាយម្នាក់ ។ ខេត្តកំពង់ធំគិតរហូតមកទល់នឹងពេលនេះ បានរកឃើញអ្នកឆ្លងជំងឺ កូវីដ១៩ ចំនួន ២ពាន់ ៩៥២នាក់ អ្នកជាសះស្បើយមានចំនួន ១ពាន់ ៩១៤នាក់ និងមានអ្នកស្លាប់ ៨៩នាក់ ជា ដដែល ៕