ខេត្តប៉ៃលិន បានរកឃើញអ្នកឆ្លងជំងឺកូវីដ១៩ចំនួន ១២នាក់ ថែមទៀតក្នុងរយៈពេល ២៤ម៉ោង ចុងក្រោយ នេះដែលជាតួលេខឆ្លងកើនឡើង៦នាក់ប្រៀបធៀបនឹងម្សិលមិញ។ យោងតាមរដ្ឋបាលខេត្ត អ្នកទើបរកឃើញ ឆ្លងថ្មីទាំង១២នាក់នេះ បានឆ្លងលើពលរដ្ឋនៅក្នុងខេត្តចំនួន២នាក់ , ឆ្លងលើពលរដ្ឋមកពីខេត្តបន្ទាយមានជ័យ ៤នាក់ , មកពីខេត្តបាត់ដំបង ៤នាក់ , សៀមរាប ម្នាក់និងខេត្ដពោធិ៍សាត់ម្នាក់។ ខេត្តប៉ៃលិនថ្ងៃនេះ បានព្យាបាល ជាសះ ស្បើយមនុស្ស ចំនួន ២៤៣នាក់ ផងដែរ។

ខេត្តត្បូងឃ្មុំ បានរកឃើញអ្នកឆ្លងជំងឺកូវីដ១៩ ចំនួន ៣៣នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងកើនខ្ពស់ជាងម្សិលមិញចំនួន១៦នាក់ ។ យោងតាមរដ្ឋបាលខេត្ត ការរកឃើញឆ្លងថ្មីក្នុង ខេត្តត្បូងឃ្មុំនៅថ្ងៃនេះ បានកើតឡើងលើពលរដ្ឋនៅក្នុងស្រុកពញាក្រែក ៣នាក់,ស្រុកតំបែរ៦នាក់,ស្រុកត្បូងឃ្មុំ ២៣នាក់ និងឆ្លងលើអ្នកដំណើរដែលមកពីខេត្តកំពង់ចាមម្នាក់ ។ ខេត្តត្បូងឃ្មុំ នៅថ្ងៃនេះ មានការឆ្លងសរុប ចំនួន ២ ពាន់៨០៥នាក់, ជាសះស្បើយចំនួន២ពាន់១០៨នាក់និងចំនួនអ្នកស្លាប់៣៩នាក់។

ខេត្តស្វាយរៀងបានរកឃើញអ្នកឆ្លងជំងឺកូវីដ-១៩ថ្មីចំនួន១៨នាក់ និងស្លាប់ម្នាក់ក្នុងសេចក្តីរាយការណ៍២ជាបន្ត បន្ទាប់ក្នុងរយៈពេល២៤ម៉ោងចុង ក្រោយ។ នេះជាតូលេខឆ្លងកើនឡើង២នាក់និងកើនចំនួនស្លាប់ម្នាក់ផងដែរ បើ ប្រៀបធៀបនឹងម្សិលមិញ។ យោងតាមរដ្ឋបាលខេត្ត, ការឆ្លងថ្មីទាំង១៨នាក់ជាបន្តបន្ទាប់នោះ រួមមានកម្មកររោង ចក្រ៧នាក់, អ្នកប៉ះពាល់នឹងអ្នកជំងឺកូវីដ-១៩ចំនួន ៩នាក់, ឆ្លងលើពលករមកពីប្រទេសវៀតណាមម្នាក់ និងពល ករមកពីប្រទេសថៃម្នាក់។ ចំណែកអ្នកស្លាប់គឺ ជាបុរស អាយុ៦៩ឆ្នាំ នៅស្រុករមាសហែក។ ខេត្តស្វាយរៀង មាន អ្នកឆ្លងជំងឺកូវីដ-១៩សរុបចំនួន៥ពាន់៤០១នាក់, ព្យាបាលជាសះស្បើយចំនួន៥ពាន់១៦នាក់ និងចំនួនមនុស្ស ស្លាប់កើនដល់១២៥នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៦៤នាក់និងស្លាប់៤នាក់ក្នុងរយៈពេល២៤ម៉ោងចុងក្រោយ ។ នេះជាតួលេខឆ្លងកើនខ្ពស់៣៤នាក់ប្រៀបធៀបនឹងការឆ្លងម្សិលមិញ។ យោងតាមរដ្ឋបាលខេត្តការឆ្លងថ្មី ទាំង៦៤នាក់ថ្ងៃនេះ រួមមាននៅក្រុងព្រៃវែង៤នាក់, ស្រុកព្រះសេ្ដច១៤នាក់, ស្រុកស្វាយអន្ទរ៨នាក់, ស្រុកកំចាយ មារ៦នាក់, ស្រុកពោធិ៍រៀង៦នាក់, ស្រុកកំពង់ត្របែក៥នាក់, ស្រុកមេសាង៥នាក់, ស្រុកពារាំង៥នាក់, ស្រុក ពាមរក៍៥នាក់, ស្រុកបាភ្នំ៣នាក់, ស្រុកពាមជរម្នាក់, ស្រុកស៊ីធរកណ្ដាលម្នាក់ និងមកពីខេត្តកណ្តាលម្នាក់។ ចំណែកអ្នកស្លាប់ទាំង៤នាក់រួមមាន២នាក់ជាបុរសអាយុ៧០ឆ្នាំនិងបុរសអាយុ៥២ឆ្នាំនៃស្រុកកំពង់ត្របែក, ចំណែក២នាក់ទៀតជាស្ត្រីអាយុ៦៣ឆ្នាំនៅស្រុកពារាំងនិងអាយុ៥៧ឆ្នាំនៅស្រុកពាមរក៍។ ខេត្តព្រៃវែងមានអ្នក ឆ្លងជំងឺកូវីដ-១៩សរុប៥ពាន់៣៣៩នាក់, ព្យាបាលជាសះស្បើយចំនួន៤ពាន់៦០៦នាក់ និងចំនួនមនុស្ស ស្លាប់ បានកើនដល់១០០នាក់។

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន២៣នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយ។ នេះជាតូលេខឆ្លងកើន៨នាក់និងការស្លាប់ថយចុះម្នាក់ប្រៀបធៀបនឹងម្សិលមិញ។ យោងតាមរដ្ឋបាល ខេត្តការឆ្លងថ្មីទាំង២៣នាក់ថ្ងៃនេះ រួមមាននៅក្រុងកំពង់ចាម៦នាក់, ស្រុកកងមាស៤នាក់, ស្រុកចំការលើ៤នាក់, ស្រុកព្រៃឈរ២នាក់, ស្រុកស្ទឹងត្រង់២នាក់, ស្រុកស្រីសន្ធរ២នាក់, មកពីខេត្តត្បូងឃ្មុំ២នាក់ និងមកពីខេត្តកំពង់ធំ ម្នាក់។ ចំណែកអ្នកស្លាប់ជាបុរសអាយុ ៦៧ឆ្នាំ នៃស្រុកចំការលើ។ ខេត្តកំពង់ចាមគិតមកដល់បច្ចុប្បន្ននេះ មាន ករណីឆ្លងសរុបចំនួន៤ពាន់៦៨២ករណី ក្នុងនោះករណីឆ្លងដោយវីរុសបំប្លែងថ្មីDeltaចំនួន១៦ករណី, ព្យាបាលជា សះស្បើយចំនួន៣ពាន់៩៨០នាក់ និងមានអ្នកស្លាប់ចំនួន១១២នាក់។

ខេត្តសៀមរាបរកឃើញឆ្លងជំងឺកូវីដ-១៩ ចំនួន៩៧នាក់ ដែលជាតួលេខឆ្លងកើន៤នាក់ប្រៀបធៀបនឹងម្សិលមិញ ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពលរដ្ឋក្នុងស្រុកជីក្រែង១០នាក់,ក្រុងសៀមរាប៤៥នាក់, ស្រុកសូទ្រនិគម១៤នាក់, ស្រុកពួក១២នាក់, ស្រុកប្រាសាទបាគង៧នាក់ និងស្រុកក្រឡាញ់៩នាក់។ ខេត្តសៀមរាប ក្នុងរយៈពេល២៤ម៉ោងចុងក្រោយនេះ នៅបានព្យាបាលជាសះស្បើយអ្នកឆ្លង១៧៧នាក់ផងដែរ។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន៦ពាន់៣៩២នាក់, ព្យាបាលជាសះ ស្បើយចំនួន៤ពាន់៨១៤ នាក់និងចំនួនមនុស្សស្លាប់មាន៧៥នាក់ជាដដែល។

ខេត្តបន្ទាយមានជ័យ បានប្រកាសនៅថ្ងៃនេះជុំវិញការរកឃើញអ្នកឆ្លងជំងឺកូវីដ១៩ ច្រើនរហូតដល់៦៨៩ នាក់ ដែលជាតួលេខឆ្លងកាន់តែខ្ពស់ក្នុងខេត្តដែលជាប់នឹងព្រំដែនថៃមួយនេះ។ ការឆ្លងនៅក្នុងខេត្តបន្ទាយមានជ័យ នេះត្រូវគេឃើញថាមានតួលេខខ្ពស់ជាងម្សិលមិញដល់ទៅចំនួន៣០២នាក់។   យោងតាមរដ្ឋបាលខេត្ត ការឆ្លង ថ្មីនៅក្នុងខេត្តបន្ទាយមានជ័យនៅថ្ងៃនេះ គឺជាករណីឆ្លងនៅក្នុងសហគមន៍ចំនួន ៨២នាក់, ឆ្លងលើពលករដែល ទើបត្រលប់មកពីប្រទេសថៃចំនួន ១០៦នាក់ និងឆ្លងលើមនុស្សនៅក្នុងមណ្ឌលកែប្រែគ្រឿងញៀនឈ្មោះ «ជីវិត ថ្មីភ្នំបាក់នៃក្រុងសិរីសោភ័ណ» មានចំនួន ៥០១នាក់ ។ ការឆ្លងនៅថ្ងៃនេះបានកើតឡើងលើពលរដ្ឋនៃស្រុកព្រះ នេត្រព្រះ, ស្រុកមង្គលបុរី, ស្រុកស្វាយចេក ស្រុកថ្មពួក ក្រុងសិរីសោភណ័ ក្រុងប៉ោយប៉ែត ស្រុកអូរជ្រៅ ស្រុក ភ្នំស្រុក និងពលរដ្ឋមកពីខេត្តផ្សេងរួមមានខេត្តសៀមរាប ខេត្តកំពង់ចាម ខេត្តតាកែវ ខេត្តបាត់ដំបង ខេត្តព្រៃវែង ខេត្តឧត្តមានជ័យ ខេត្តកំពត ខេត្តកំពង់ធំ ខេត្តស្វាយរៀង និងខេត្តកំពង់ឆ្នាំង ។ ខេត្តបន្ទាយមានជ័យ នៅថ្ងៃនេះ បានព្យាបាលអ្នកជំងឺកូវីដ១៩ ឲ្យជាសះស្បើយឡើងវិញចំនួន ១៩៤នាក់ ៕

ផ្លែមៀន២១តោនដែលសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានទិញពីម្ចាស់ចំការដែលមិនអាចលក់ចេញ ទៅកាន់ប្រទេសថៃបានដោយសារតែវិបត្តិកូវីដ១៩បណ្តាលឲ្យបិទព្រំដែននោះ នឹងត្រូវចែកចាយដល់ក្រុមគ្រូ ពេទ្យនិងអ្នកជម្ងឺកូវីដ១៩ដែលកំពុងសម្រាកព្យាបាលតាមមន្ទីរពេទ្យនៅរាជធានីភ្នំពេញ។ ផ្លែមៀន២១តោនក្នុង ចំណោម៥ម៉ឺនតោនដែលនឹងត្រូវទិញពីម្ចាស់ចំការទាំងឡាយពីខេត្តប៉ៃលិននោះ នឹងត្រូវចែកចាយដល់ក្រុម គ្រូពេទ្យស័្មគ្រចិត្តសម្តេចតេជោ TYDAនិងអ្នកជំងឺចំនួន ៦តោន, មន្ទីរពេទ្យរុស្ស៉ីទាំងគ្រូពេទ្យ និងអ្នកជំងឺចំនួន ៥តោន, មន្ទីរពេទ្យជ័យជំនះចំនួន ៥តោន និងមណ្ឌលព្យាបាលនៅស្តាតអូឡាំពិកចំនួន៥តោន។ ប្រទេសថៃបាន បិទការចេញចូលព្រំដែនក្នុងស្ថានភាពដែលកំពុងមានការឆ្លងរាតត្បាតខ្លាំងនៃជម្ងឺកូវីដ១៩ ដែលការបិទនោះ ហើយបាននាំឲ្យផ្លែមៀនប៉ៃលិននៅខេត្តភាគខាងលិចប្រទេសកម្ពុជា ប្រមាណជាង៥ម៉ឺនតោន បានជួបប្រ ទះនឹងកង្វះទីផ្សារនាំចេញ, ប៉ុន្តែដើម្បីការជួយដល់ម្ចាស់ចំការទាំងឡាយនោះ សម្តេចនាយករដ្ឋមន្ត្រីនិងសម្តេច កិត្តិព្រឹទ្ធបណ្ឌិតប៊ុនរ៉ានីហ៊ុនសែន បានធានាទិញនូវផ្លែមៀននោះទាំងអស់ដើម្បីការផ្តល់ចែកជួនក្រុមគ្រូពេទ្យ, អ្នកជម្ងឺកូវីដ១៩ និងកម្លាំងកងទ័ពជួរមុខនោះជាដើម។