ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន៣០នាក់ ក្នុងរយៈពេល២៤ម៉ោងចុងក្រោយនេះ។ នេះជា តួលេខឆ្លងកើនឡើង៣នាក់ប្រៀបធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មីទាំង៣០នាក់ថ្ងៃនេះ រួមមាននៅក្រុងព្រៃវែងម្នាក់, ស្រុកពាមជរ៨នាក់, ស្រុកស្វាយអន្ទរ៤នាក់, ស្រុកព្រះសេ្ដច៤នាក់, ស្រុកបាភ្នំ៤ នាក់, ស្រុកមេសាង២នាក់, ស្រុកកំចាយមារ២នាក់, ស្រុកពាមរក៍ម្នាក់, មកពីរាជធានីភ្នំពេញម្នាក់, មកពីខេត្ត សៀមរាបម្នាក់, មកពីខេត្តកំពង់ចាមម្នាក់ និងមកពីខេត្តស្វាយរៀង ម្នាក់។ ខេត្តព្រៃវែងមានអ្នកឆ្លងជំងឺកូវីដ-១៩សរុប៥ពាន់២៧៥នាក់, ព្យាបាលជាសះស្បើយចំនួន៤ពាន់៥២៩នាក់ និងចំនួនអ្នកស្លាប់មាន៩៥នាក់ជា ដដែល។

ខេត្តក្រចេះ បានរកឃើញការឆ្លងថ្មីចំនួន១០នាក់ក្នុងរយៈពេល២៤ម៉ោងចុងក្រោយនេះដែលជាតួលេខកើន ឡើង២នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្មីថ្ងៃនេះ បានកើតលើពលរដ្ឋនៅ ស្រុកចិត្របុរីម្នាក់, នៅក្រុងក្រចេះ៣នាក់, នៅស្រុកស្នួល៣នាក់និងស្រុកឆ្លូង៣នាក់។ ខេត្តក្រចេះ មានការឆ្លង សរុប៥២១នាក់, ជាសះស្បើយ៣៤៣នាក់និងមានមនុស្សស្លាប់៩នាក់។

ខេត្តត្បូងឃ្មុំ បានរកឃើញអ្នកឆ្លងជំងឺកូវីដ១៩ ចំនួន ១៧នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងកើនខ្ពស់ជាងម្សិលមិញចំនួន ៨នាក់ ។ យោងតាមរដ្ឋបាលខេត្ត ការរកឃើញឆ្លងថ្មីក្នុង ខេត្តត្បូងឃ្មុំនៅថ្ងៃនេះ  បានកើតឡើងលើពលរដ្ឋនៅក្នុងស្រុកពញាក្រែក ៣នាក់, ស្រុកក្រូចឆ្មា ម្នាក់, ស្រុកអូរ រាំងឪ ២នាក់, ស្រុកត្បូងឃ្មុំ ៩នាក់ និងឆ្លងលើអ្នកដំណើរដែលមកពីខេត្តក្រចេះចំនួន ៣នាក់ ។ ខេត្តត្បូងឃ្មុំ នៅថ្ងៃនេះ បានព្យាបាលអ្នកជំងឺកូវីដ១៩ ឲ្យជាសះស្បើយចំនួន ៤៤នាក់ ៕

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន១៥នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ៥១នាក់ប៉ុន្តែតួលេខស្លា​ប់កើនឡើងម្នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្មីទាំង២៥នាក់ថ្ងៃនេះ រួមមាននៅក្រុងកំពង់ចាម៦នាក់, ស្រុកបាធាយម្នាក់, ស្រុកស្ទឹង ត្រង់៤នាក់, ស្រុកព្រៃឈរ៣នាក់ និងមកពីខេត្តកំពង់ធំម្នាក់។  ចំណែកអ្នកស្លាប់ទាំង២នាក់រួមមាន ស្ត្រី អាយុ៨៦ ឆ្នាំ នៅ ស្រុកកោះសូទិន និងស្ត្រីអាយុ៨៣ឆ្នាំនៃស្រុកចំការលើ។   ខេត្តកំពង់ចាម គិតមកដល់បច្ចុប្បន្ននេះ មាន ករណីឆ្លងជំងឺកូវីដ-១៩សរុប ចំនួន៤ពាន់៦៥៩ករណី ក្នុងនោះបានជាសះស្បើយចំនួន៣ពាន់៩២៤នាក់ និងចំនួនអ្នកស្លាប់ បានកើនដល់១១១នាក់។

ខេត្តកំពង់ឆ្នាំងបានបន្តរកឃើញអ្នកឆ្លងជំងឺកូវីដ១៩ ចំនួន ៦០នាក់ ថែមទៀត ក្នុងរយៈពេល ២៤ម៉ោងចុង ក្រោយនេះ ។ នេះជាតួលេខឆ្លងកើនជាងពីម្សិលមិញចំនួន ៤៥នាក់។ យោងតាមរដ្ឋបាលខេត្តអ្នកឆ្លង ថ្មីនៅ ក្នុងខេត្តកំពង់ឆ្នាំងនៅថ្ងៃនេះ គឺជាពលរដ្ឋមានទីលំនៅក្នុងក្រុងកំពង់ឆ្នាំង៦នាក់ ,ស្រុកំពង់ត្រឡាច៣នាក់, ស្រុកកំពង់លែង៣៣នាក់ , ស្រុកជលគីរី២នាក់, ស្រុកបរិបូណ៍៣នាក់ និងស្រុករលៀប្អៀរ១៣នាក់។ ខេត្តកំពង់ ឆ្នាំងគិតរហូតមក ទល់នឹង បច្ចុប្បន្ន មានអ្នកឆ្លងជំងឺកូវីដ១៩ សរុបចំនួន២ពាន់៤៤៩នាក់ ,មានអ្នកជាសះស្បើយ ចំនួន ២ពាន់៣នាក់ និង មានអ្នកស្លាប់ មានចំនួន ៦៣នាក់ ៕

ខេត្តកំពង់ធំ បានប្រកាសរកឃើញវីរុសកូវីដ១៩ប្រភេទបំប្លែងថ្មី Delta ឆ្លងលើពលរដ្ឋចំនួន១៧នាក់ នៅទន្ទឹម នឹងសេចក្តីរាយការណ៍រកឃើញការឆ្លងថ្មីនៃវីរុសកូវីដ១៩ធម្មតាចំនួន៤៩នាក់រយៈពេល២៤ម៉ោងចុងក្រោយនេះ។ ខេត្តកំពង់មានអ្នកស្លាប់ ៤នាក់ ថែមទៀតនៅថ្ងៃនេះ ។ សេចក្តីរាយការណ៍បញ្ជាក់ថាការរកឃើញវីរុសបំប្លែងថ្មី Delta ទាំង១៧ នាក់នោះ បានកើតលើពលរដ្ឋក្នុងស្រុកស្ទឹងសែន១៥នាក់ និងនៅស្រុកតាំងគោក២នាក់។ ចំណែក ការឆ្លងវិរុសកូវីដ១៩ថ្មីធម្មតាចំនួន៤៩នាក់នោះវិញ បានកើតឡើងលើពលរដ្ឋនៅក្នុង ក្រុងស្ទឹងសែន ចំនួន៧នាក់, ស្រុកសន្ទុក ៤នាក់, ស្រុកបារាយណ៍ ២៣នាក់, ស្រុកកំពង់ស្វាយ៤នាក់, ស្រុកស្ទោង ៥នាក់, ស្រុកប្រាសាទបល្ល័ង្គ ម្នាក់, ស្រុកប្រាសាទសំបូរ ២នាក់ និងបានឆ្លងលើអ្នកដំណើរមកពីខេត្តបាត់ដំបង ម្នាក់ និងខេត្តកំពងចាម ២នាក់ ។ ខេត្តកំពង់ធំ គិតរហូតមកទល់នឹងពេលនេះ មានអ្នកឆ្លងជំងឺកូវីដ១៩ សរុប ចំនួន ២ពាន់ ៩១៧នាក់ ក្នុងនោះមានអ្នកជាសះស្បើយចំនួន ១ពាន់ ៩១៤នាក់ និងមានអ្នកស្លាប់បានកើនដល់ ចំនួន ៨៩នាក់ ៕

ខេត្តព្រះវិហារ បានរកឃើញការឆ្លងថ្មីចំនួន៥នាក់ដែលជាតួលេខថយចុះ៨នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្ងៃនេះបានកើតឡើងលើពលរដ្ឋក្នុងស្រុកជាំក្សាន្តចំនួន២នាក់, ស្រុកគូលែន២ នាក់និងស្រុកឆែបម្នាក់។ ខេត្តព្រះវិហារ គិត រហូតមកទល់នឹងពេលនេះ មានអ្នកឆ្លងជំងឺកូវីដ១៩ សរុបចំនួន ៨៤២នាក់, ជាសះស្បើយឡើង វិញចំនួន ៥០០នាក់ និងមានអ្នកស្លាប់ចំនួន ៣នាក់ ដដែល៕

ខេត្តសៀមរាបរកឃើញឆ្លងជំងឺកូវីដ-១៩ ចំនួន៩៣នាក់ និងស្លាប់២នាក់ ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើនឡើង៤នាក់, ចំណែកតួលេខស្លាប់ថយចុះម្នាក់ប្រៀបធៀបនឹងម្សិលមិញ។​ យោងតាមរដ្ឋ បាលខេត្ត អ្នកឆ្លងថ្មីទាំងនោះគឺរួមមានពលរដ្ឋក្នុងស្រុកពួក៧៥នាក់, ស្រុកសូទ្រនិគម៦នាក់, ក្រុងសៀមរាបម្នាក់ និងស្រុកប្រាសាទបាគង១១នាក់។ ចំណែកអ្នកស្លាប់ទាំង២នាក់រួមមានបុរសអាយុ៧៥ឆ្នាំ នៃស្រុកក្រឡាញ់ និង ស្ត្រីអាយុ៦០ឆ្នាំ នៃក្រុងសៀមរាប។  ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន៦ពាន់២៩៥នាក់, ព្យាបាលជាសះស្បើយចំនួន៤ពាន់៦៣៧នាក់និងចំនួនអ្នកស្លាប់កើនដល់៧៥នាក់។