ជនជាតិវៀតណាម៣នាក់ត្រូវសមត្ថកិច្ចកម្ពុជាបណ្ដេញចេញទៅប្រទេសដើមវិញ ពីបទឆ្លងដែនចូលធ្វើការ និង ស្នាក់នៅខុសច្បាប់នៅកម្ពុជា។ យោងតាមអគ្គនាយកដ្ឋានអន្តោប្រវេសន៍ ការបណ្តេញបានធ្វើ នៅព្រឹកថ្ងៃទី២០ កក្កដាឆ្នាំ២០២១ នៅចំណុចប៉ុស្តិ៍នគរបាលច្រកទ្វារព្រំដែនអន្តរជាតិបាវិត។ ជនវៀតណាមខុសច្បាប់ទាំងនោះ ត្រូវបានប្រគល់ជូនប៉ុស្តិ៍កងទ័ពការពារព្រំដែនអន្តរជាតិម៉ុកបាយ នៃប្រទេសវៀតណាម ដើម្បីការអនុវត្តតាម វិធានការណ៍ច្បាប់របស់ប្រទេសវៀតណាម។

មនុស្សជាច្រើននាក់រួមទាំងជនបរទេសត្រូវបានឃាត់ខ្លួនក្នុងក្លឹបកំសាន្តមួយយីហោ Love នៅខណ្ឌដូនពេញ។ ក្លឹបកំសាន្តក្នុងរាជធានីនៅមិនទាន់អនុញ្ញាតឲ្យដំណើរការសាឡើងវិញទេជាពិសេសក្នុងពេលដែលរាជធានីភ្នំ ពេញកំពុងបន្តការផ្ទុះឆ្លងគ្រាដែលការមិនអនុវត្តតាមវិធានការអនាម័យរបស់រាជរដ្ឋាភិបាល។

នគរខេត្តប៉ៃលិនបានបង្ក្រាបករណីចោរប្លន់ប្រដាប់អាវុធដោយមានការបាញ់តទល់គ្នារវាងសមត្ថកិច្ចនិងក្រុម ចោរប្លន់នោះថែមទៀត។ ក្រុមចោរប្លន់ទាំងនោះ ត្រូវបានចាប់ខ្លួននៅថ្ងៃទី១៩កក្កដាក្រោយការរត់គេចខ្លួនរយៈ ពេល៤៨ម៉ោងបន្ទាប់អំពើប្លន់ម៉ួតូមួយគ្រឿងរួចមកនេះ។

ខេត្តប៉ៃលិន បានរកឃើញអ្នកឆ្លងជំងឺកូវីដ១៩ ចំនួន ១២នាក់ថែមទៀត ក្នុងរយៈពេល ២៤ម៉ោង ចុងក្រោយនេះ ដែលជាតួលេខឆ្លងខ្ពស់ជាងម្សិលមិញចំនួន៧នាក់ ។ យោងតាមរដ្ឋបាលខេត្ត អ្នកជំងឺកូវីដ១៩ ទាំង១២នាក់នោះ រួមមាន ការឆ្លងលើពលករដែលទើបត្រឡប់មកពីប្រទេសថៃចំនួន ៤នាក់ និងការឆ្លងនៅក្នុងសហគមន៍ចំនួន ៨នាក់ ។ អ្នកជំងឺថ្មីទាំងនោះ ជាពលរដ្ឋមកពីខេត្តបាត់ដំបង និងខេត្តកំពង់ស្ពឺ ៕

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ ចំនួន១៥នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខថយចុះជាងម្សិលមិញចំនួន ២នាក់ ។ យោងតាមរដ្ឋបាលខេត្ត អ្នកឆ្លងថ្មីទាំងនោះ មានទីលំ នៅក្នុងក្រុងព្រះវិហារចំនួន ១៣នាក់ ស្រុកគូលែន ម្នាក់ និងស្រុកជ័យសែន ម្នាក់ ។ ខេត្តព្រះវិហារ រហូតមកទល់ នឹងពេលនេះមានអ្នកឆ្លងជំងឺកូវីដ១៩ សរុបចំនួន ៣៦៤នាក់ ក្នុងនោះមានអ្នកជាសះស្បើយចំនួន ១៦៣នាក់ ក្រោយការព្យាបាលជាសះស្បើយនៅថ្ងៃនេះចំនួន ១១នាក់ និងមានអ្នកស្លាប់ ម្នាក់ ៕

ខេត្តឧត្តរមានជ័យ បានបន្តរកឃើញអ្នកឆ្លងជំងឺកូវីដ១៩ ច្រើនរហូតដល់ទៅ ២១២នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងខ្ពស់រហូតដល់ទៅ ១៣៨នាក់ ធៀបនឹងម្សិលមិញ ដែលបានរក ឃើញអ្នកឆ្លងចំនួន៧៤នាក់ ។ យោងតាមរដ្ឋបាលខេត្ត អ្នកឆ្លងថ្មីទាំងនោះ រួមមានជាករណីឆ្លងនៅក្នុងសហ គមន៍ចំនួនតែ៩នាក់នោះទេ និង ២០៣នាក់ ទៀត ជាករណីឆ្លងលើពលករដែលទើបត្រឡប់មកពីប្រទេសថៃ និង ឆ្លងលើពលករដែលកំពង់ធ្វើចតា្តឡីស័ក ។ គិតរហូតមកទល់នឹងពេលនេះ ខេត្តឧត្តរមានជ័យ បានរកឃើញអ្នក ឆ្លងជំងឺកូវីដ១៩ចំនួន ២ពាន់ ៩៨៨នាក់ ក្នុងនោះមានអ្នកជាសះស្បើយចំនួន ៥៤៤នាក់ ដោយបូកបញ្ចូលទាំង អ្នកជាសះស្បើយនៅថ្ងៃ១៦នាក់ និងមានអ្នកស្លាប់ចំនួន ៦នាក់ ៕

ខេត្តត្បូងឃ្មុំ បានរកឃើញអ្នកឆ្លងជំងឺកូវីដ១៩ ចំនួន ៤០នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងខ្ពស់ជាងម្សិលមិញចំនួន១៩នាក់ ។ យោងតាមរដ្ឋបាលខេត្ត អ្នកឆ្លងថ្មីនៅថ្ងៃនេះ គឺជាពលរដ្ឋ មានអាស័យដ្ឋាននៅក្នុងក្រុងសួង ៥នាក់, ស្រុកត្បូងឃ្មុំ ៥នាក់, ស្រុកក្រូចឆ្មា ៥នាក់, ស្រុកពញាក្រែក ១២នាក់, ស្រុកអូររាំងឪ ៤នាក់, ស្រុកតំបែរ ២នាក់ និងស្រុកមេមត់ចំនួន ៧នាក់ ។ ខេត្តត្បូងឃ្មុំ ក្នុងរយៈពេល ២៤ម៉ោង ចុងក្រោយនេះ បានព្យាបាលអ្នកជំងឺកូវីដ១៩ ៦៨នាក់ ផងដែរ ៕

ខេត្តស្វាយរៀងបានរកឃើញអ្នកឆ្លងជំងឺកូវីដ-១៩ថ្មីចំនួន៨៣នាក់ និងស្លាប់ម្នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ៩នាក់ បើប្រៀបធៀបនឹងការឆ្លងម្សិលមិញ។  យោងតាមរដ្ឋបាលខេត្ត ការឆ្លងថ្មី ទាំង៨៣នាក់នោះ រួមមាន២០នាក់ជាកម្មកររោងចក្រ, ៣៤នាក់រកឃើញវិជ្ជ មាននៅផ្សារកំពង់ត្រាចនៃស្រុករមាសហែក, ៨នាក់ជាអ្នកប៉ះពាល់នឹងអ្នកជំងឺកូវីដ១៩, និង២១នាក់ទៀតបានឆ្លង លើពលរដ្ឋក្នុងក្រុងនិងស្រុកមួយចំនួនក្នុងខេត្ត។ ចំណែកអ្នកស្លាប់ គឺជាបុរសអាយុ៦៥ឆ្នាំនៅក្រុងស្វាយរៀង។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៣ពាន់៩៦៥នាក់, ព្យាបាលជាសះស្បើយចំនួន៣ពាន់១៥៣ នាក់ និងមានអ្នកស្លាប់សរុបចំនួ៦៣នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន១០៨នាក់ ក្នុងរយៈពេល២៤ម៉ោងចុង ក្រោយនេះ ក្នុងនោះ រួមមានសេចក្តីរាយការណ៍បញ្ជាក់ការឆ្លងកូវីដ១៩បានរាលដាលមកដល់ក្រុមគ្រួពេទ្យថែមទៀត។ សេចក្តីរាយ ការណ៍បញ្ជាក់ថាគ្រូពេទ្យ២នាក់ត្រូវបានគេរកឃើញមានកូវីដ១៩, និង៨នាក់ទៀតកំពុងស្ថិតក្រោមការតាមដាន សុខភាពបន្ទាប់ពីពួកគេរងអការៈក្អក, ឈឺក, ហៀរសំបោរ, និងក្តៅខ្លួន។ តួលេខឆ្លង១០៨នាក់ថ្ងៃនេះ គឺធ្លាក់ចុះ ៤៧នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មី ទាំង១០៨នាក់ថ្ងៃនេះ រួមមាននៅក្រុងព្រៃវែង៥នាក់, ស្រុកកំចាយមារ៥៥នាក់, ស្រុកពាមរក៍១០នាក់, ស្រុកពារាំង៧នាក់, ស្រុកកំពង់ត្របែក៦នាក់, ស្រុកមេសាង៥នាក់, ស្រុកបាភ្នំ៥នាក់, ស្រុកព្រះសេ្តច៣នាក់, ស្រុកស៊ីធរកណ្ដាល៣នាក់, ស្រុកពាមជរ២នាក់, ស្រុកស្វាយអន្ទរ២នាក់, ស្រុកពោធិ៍ រៀង២នាក់, មកពីរាជធានីភ្នំពេញម្នាក់ និង មកពីខេត្តកណ្ដាល២នាក់។ ខេត្តព្រៃវែង មានអ្នកឆ្លងជំងឺកូវីដ-១៩ សរុប៣ពាន់២៨៥នាក់, ព្យាបាលជាសះស្បើយ១ពាន់៨៨៧១នាក់ និងស្លាប់៥១នាក់។