ខេត្តប៉ៃលិនមានអ្នកឆ្លងថ្មីចំនួន៧នាក់ក្នុងរយៈពេល២៤ម៉ោងចុងក្រោយ។ នេះគឺជាតួលេខឆ្លងថយចុះម្នាក់បើ ប្រៀបធៀបនឹងការឆ្លងម្សិលមិញ។

ខេត្តបន្ទាយមានជ័យ បានរកឃើញអ្នកឆ្លងកូវីដ១៩ចំនួន ៤៨នាក់ ក្នុងរយៈពេល ២៤ម៉ោង ចុងក្រោយនេះ ។ យោងតាមរដ្ឋបាលខេត្ត ការរកឃើញឆ្លងថ្មីនៅថ្ងៃនេះ ជាករណីឆ្លងនៅក្នុងសហគមន៍ ដែលឆ្លងលើពលរដ្ឋនៅ ក្នុង ក្រុងប៉ោយប៉ែត ស្រុកថ្មីពួក និងស្រុកមង្គលបុរី ។

ខេត្តបាត់ដំបងមានការឆ្លងថ្មីចំនួន៣២នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋបាលខេត្តអ្នក ឆ្លងថ្មីទាំងនេះ រួមមាននៅស្រុកសង្កែ, ក្រុងបាត់ដំបង, ស្រុកថ្មគោល, ស្រុកមោងឫស្សី, ស្រុកសំពៅលូន, ស្រុក ភ្នំព្រឹក, ស្រុកកំរៀង, និងការឆ្លងមកពីពលរដ្ឋធ្វើដំណើរពីបន្ទាយមានជ័យ, និងខេត្តប៉ៃលិនផងដែរ។

ខេត្តកំពង់ឆ្នាំងមានករណីឆ្លង១០នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយនេះ។ យោងតាមរដ្ឋ បាលខេត្ត អ្នកឆ្លងថ្មីទាំងនោះ គឺជាពលរដ្ឋរស់នៅក្នុងស្រុកកំពង់ត្រឡាច, នៅក្រុងកំពង់ឆ្នាំង, និងស្រុករលា ប្អៀរ។

ខេត្តកំពង់ធំបានរកឃើញ អ្នកឆ្លងកូវីដ១៩ថ្មី ចំនួន ៧នាក់ ក្នុងរយៈពេល២៤ម៉ោងចុងក្រោយនេះ ដែលជាតួ លេខថយចុះច្រើនរហូតដល់ ៤២នាក់ បើធៀបនឹងម្សិលម៉ិញ ដែលបានរកឃើញអ្នកឆ្លងចំនួន ៤៧នាក់ ។

ខេត្តកំពង់ឆ្នាំង ទើបបានតែងតាំងអភិបាលខេត្តថ្មី យោងតាមព្រះរាជក្រឹត្យត្រាស់បង្គាប់របស់ព្រះមហាក្សត្រ ខ្មែរ នៅថ្ងៃទី២៥មិថុនា។ លោក ឈួរ ច័ន្ទឌឿន ត្រូវបានបញ្ចប់តួនាទីជាតំណែងអភិបាលខេត្ត និងផ្លាស់ជំនួសវិញ ដោយលោក ស៊ុន សុវណ្ណារិទ្ធិ ដែលធ្លាប់កាន់តំណែងជាអភិបាលរងខេត្តកំពង់ឆ្នាំងកន្លងមកនេះ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៣ម៉ឺន៦ពាន់ ៧៣៧ករណី និងការស្លាប់ថ្មីមានចំនួន៦៨៥នាក់។ កម្ពុជាក្នុងរយៈពេល២៤ម៉ោងចុងក្រោយនេះ មានការឆ្លងថ្មី សរុបចំនួន៦៩៩ករណី ក្នុងនោះ៥៨៦ករណីជាការឆ្លងក្នុងសហគមន៍, និង១១៣ករណីទៀតជាការនាំចូល ពីក្រៅប្រទេស។

ការឆ្លងកូវីដ១៩ថ្មីចូលក្នុងសហគមន៍ក្នុងរយៈពេល២៤ម៉ោងកន្លងមកនេះមានការកើនឡើង៣ករណី បើប្រៀប ធៀបនឹងម្សិលមិញ។ ការឆ្លងចូលក្នុងសហគមន៍នៅថ្ងៃនេះមានចំនួន៥៨៦ករណី, ចំណែកការឆ្លងចូលក្នុង សហគមន៍កាលពីម្សិលមិញមានចំនូន៥៨៣ករណី។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ រយៈពេល១២៥ថ្ងៃកន្លងមកនេះ បានកើនឡើងដល់៤ម៉ឺន៤ពាន់២៧នាក់ ហើយ ។

កំណើនការចាក់វ៉ាក់សាំងបង្កាជម្ងឺកូវីដ១៩ បានបន្តកើនឡើងថែមទៀតនៅថ្ងៃនេះ ដែលតួលេខបង្ហាញថានៅ ទូទាំងប្រទេសចំនួនប្រជាពលរដ្ឋដែលបានចាក់វ៉ាក់សាំងបានកើនពីជាង៣លាន៦សែនឡើងដល់ជាង៣លាន៧សែននាក់ហើយក្នុងរយៈពេល២៤ម៉ោងចុងក្រោយនេះ។

ប្រធានគណៈកម្មាធិការសិទ្ធិមនុស្សកម្ពុជាលោក កែវ រ៉េមី បានទទួលជួបពិភាក្សាតាមប្រព័ន្ធ Online ពីចម្ងាយ ជាមួយនឹងអ្នករាយការណ៍ពិសេសថ្មីរបស់អង្គការសហប្រជាជាតិទទួលបន្ទុកសិទ្ធិមនុស្សនៅកម្ពុជា លោកវិទិត មុនតាផន។ ជំនួបពិភាក្សាតាមប្រព័ន្ធ Zoom បានធ្វើនារសៀលថ្ងៃទី២៤មិថុនា។