ខេត្តកំពង់ចាម បានរកឃើញអ្នកឆ្លងជំងឺកូវីដ-១៩ថ្មីចំនួន៧២នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយ។ យោងតាមរដ្ឋបាលខេត្ត ការឆ្លងថ្មីទាំង៧២នាក់ថ្ងៃនេះ រួមមាននៅក្រុងកំពង់ចាម១២នាក់, ស្រុកកំពង់ សៀម៥នាក់, ស្រុកបាធាយ៥នាក់, ស្រុកចំការលើ៨នាក់, ស្រុកកងមាស៣នាក់, ស្រុកស្រីសន្ធរ៦នាក់, ស្រុកព្រៃ ឈរ៥នាក់, ស្រុកស្ទឹងត្រង់១០នាក់, ស្រុកកោះសូទិនម្នាក់, ស្រុកជើងព្រៃ១៣នាក់, មកពីខេត្តកំពង់ធំម្នាក់, មកពី ខេត្តត្បូងឃ្មុំម្នាក់ និងមកពីខេត្តកណ្ដាល៣នាក់។ ចំណែកអ្នកស្លាប់ដោយសារ ជំងឺកូវីដ-១៩នោះ គឺជាស្ត្រីអាយុ ៦០ឆ្នាំនៃស្រុកកំពង់សៀម និងម្នាក់ទៀតជាបុរសអាយុ៦៩ឆ្នាំ មកពីខេត្តកំង់ចាម ។

ខេត្តកំពង់ធំ បានរកឃើញអ្នកឆ្លងជំងឺកូវីដ១៩ ចំនួន ២៦នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ។ តួលេខឆ្លងថ្មីនៅថ្ងៃនេះ គឺមានការថយចុះចំនួន ៣នាក់ ធៀបនឹងការឆ្លងកាលពីថ្ងៃម្សិលមិញ ។ យោងតាមរដ្ឋ បាលខេត្ត អ្នកឆ្លងថ្មីនៅថ្ងៃនេះគឺជាពលរដ្ឋជាអ្នកក្រុងស្ទឹងសែន៣នាក់, ស្រុកបារាយណ៍៣នាក់, ស្រុកស្ទោង ៥នាក់, ស្រុកសន្ទុក១៣នាក់ និងស្រុកតាំងគោក ចំនួន ២នាក់ ។ ខេត្តកំពង់ធំគិតត្រឹមថ្ងៃនេះ មានអ្នកឆ្លងជំងឺ កូវីដ១៩ សរុបចំនួន ១ពាន់ ២៧៦នាក់ ក្នុងនោះមានអ្នកជាសះស្បើយចំនួន ៧៦៧នាក់ និងមានអ្នកស្លាប់ចំនួន ២០នាក់ ហើយ ៕

ខេត្តបន្ទាយមានជ័យ បានបន្តរកឃើញអ្នកឆ្លងជំងឺកូវីដ១៩ ចំនួន ៨០នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះដែលជាចំនួនឆ្លងកើនឡើងចំនួន ១៣នាក់ ធៀបនឹងការឆ្លងនៅថ្ងៃអង្គារម្សិលមិញ ។ យោងតាម រដ្ឋបាលខេត្ត ការរកឃើញឆ្លងថ្មីនៅថ្ងៃនេះ បានឆ្លងលើពលរដ្ឋជាអ្នកក្រុងប៉ោយប៉ែតចំនួន ៥១នាក់, ក្រុងសិរីសោ ភ័ណ១៣នាក់, ស្រុកអូរជ្រៅ ៧នាក់, ស្រុកមង្គលបុរី ៦នាក់, ស្រុកព្រះនេត្រព្រះ ២នាក់ និងបានឆ្លងលើពលរដ្ឋធ្វើ ដំណើរមកពីខេត្តត្បូងឃ្មុំ ចំនួនម្នាក់ ។ ក្នុងខេត្តបន្ទាយមានជ័យនៅថ្ងៃនេះ មិនមានអ្នកជាសះស្បើយពីជំងឺកូវីដ ១៩ នោះទេ ៕

ខេត្តសៀមរាបមានការឆ្លងកូវីដថ្មីចំនួន៨៥នាក់ និងស្លាប់ម្នាក់ក្នុងរយៈពេល២៤ម៉ោងចុងក្រោយ។ នេះជាតួលេខ ឆ្លងថយចុះ២១នាក់ប្រៀបធៀបនឹងការឆ្លងម្សិលមិញ។ យោងតាមរដ្ឋបាលខេត្ត អ្នកឆ្លងថ្មីទាំងនោះ គឺរួមមានពល រដ្ឋក្នុងក្រុងសៀមរាប៧២នាក់, ស្រុកប្រាសាទបាគងម្នាក់, ស្រុកសូទ្រនិគម២នាក់, មកពីខេត្តបាត់ដំបងម្នាក់, មក ពីខេត្តបន្ទាយមានជ័យម្នាក់, មកពីរាជធានីភ្នំពេញម្នាក់ និងឆ្លងលើពលករមកពីប្រ ទេសថៃចំនួន៧នាក់។ ចំណែកអ្នកស្លាប់ជាស្ត្រីអាយុ៧៤ឆ្នាំ នៃក្រុងសៀមរាប។ ខេត្តសៀមរាប មានអ្នកឆ្លងជំងឺកូវីដ-១៩សរុបចំនួន ២ពាន់៦៣៩នាក់, ព្យាបាលជាសះ ស្បើយចំនួន៩៨១នាក់និងស្លាប់២៦នាក់។

ខេត្តស្វាយរៀងបានរកឃើញអ្នកឆ្លងជំងឺកូវីដ-១៩ថ្មីចំនួន៤៨នាក់ និងស្លាប់៣នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងថយចុះ១៤នាក់ប្រៀបធៀបនឹងម្សិលមិញ។ យោងតាមរដ្ឋបាលខេត្ត ការឆ្លងថ្មី ទាំង ៤៨នាក់នោះ រួមមាន២២នាក់ជាកម្មកររោងចក្រ, ៥នាក់ជាអ្នកប៉ះពាល់នឹងអ្នកជំងឺកូវីដ១៩, និងអ្នកឆ្លងមួយចំនួន ទៀតនៅតាមបណ្តាស្រុកនិងក្រុងរបស់ខេត្តស្វាយរៀង។ ចំណែកអ្នកស្លាប់ទាំង៣នាក់នោះវិញ គឺរួមមានស្ត្រី អាយុ៥៤ឆ្នាំម្នាក់នៅស្រុកកំពង់រោទិ៍, ស្ត្រីអាយុ៧៥ឆ្នាំនៅក្រុងបាវិត និងបុរសអាយុ៥៧ឆ្នាំនៅស្រុកស្វាយជ្រំ។ ខេត្តស្វាយរៀង មានអ្នកឆ្លងជំងឺកូវីដ-១៩សរុបចំនួន៣ពាន់៥៤៦នាក់, ព្យាបាលជាសះ ស្បើយចំនួន២ពាន់៤៩៩ នាក់ និងមានអ្នកស្លាប់សរុបចំនួន៥១នាក់។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន១៧៩នាក់និងស្លាប់ម្នាក់ ក្នុងរយៈពេល២៤ម៉ោងចុង     ក្រោយ។ នេះជាតួលេខឆ្លងកើនលើស២នាក់បើប្រៀបធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មី ទាំង១៧៩នាក់ថ្ងៃនេះ រួមមាននៅក្រុងព្រៃវែង៧នាក់, ស្រុកកំចាយមារ៦៨នាក់, ស្រុកបាភ្នំ៣៣នាក់, ស្រុកព្រះ សេ្ដច១៧នាក់, ស្រុកមេសាង១១នាក់, ស្រុកពាមរក៍៦នាក់, ស្រុកស្វាយអន្ទរ៤នាក់, ស្រុកពោធិ៍រៀង៣នាក់,  ស្រុកពារាំង៣នាក់, ស្រុកកញ្ច្រៀច៣នាក់, ស្រុកពាមជរ២នាក់, ស្រុកកំពង់ត្របែក២នាក់, ស្រុកស៊ីធរកណ្ដាល ម្នាក់, មកពីខេត្តស្វាយរៀង១៤នាក់, មកពីខេត្តតាកែវ២នាក់, មកពីខេត្តកណ្ដាលម្នាក់, មកពីខេត្តត្បូងឃ្មុំម្នាក់ និង មកពីខេត្តកំពង់ធំម្នាក់។ ចំណែកអ្នកស្លាប់ដោយសារជំងឺកូវីដ-១៩នោះ គឺជាបុរសអាយុ៥១ឆ្នាំ នៃស្រុកព្រះ សេ្ដច ។ ខេត្តព្រៃវែង មានអ្នកឆ្លងជំងឺកូវីដ-១៩ ចំនួន២ពាន់៦៥៧នាក់, ព្យាបាលជាសះស្បើយចំនួន១ពាន់៤៩៩នាក់ និងមានអ្នកស្លាប់ សរុបចំនួន៣៩នាក់។

កំណើននៃការឆ្លងកូវីដ១៩ក្នុងប្រទេសកម្ពុជា បានកើនលើសប្រទេសសឹង្ហបុរីហើយគិតត្រឹមថ្ងៃនេះ ដោយការ ឆ្លងសរុបរបស់កម្ពុជាមានចំនួន៦ម៉ឺន៣ពាន់៦១៥ករណី, ចំណែកការឆ្លងក្នុងប្រទេសសឹង្ហបុរី មានចំនួន៦ម៉ឺន២ ពាន់៨០៤ករណី ។ ការស្លាប់ក្នុងប្រទេសសឹង្ហបុរី ចាប់តាំងពីមានការឆ្លងលើកដំបូងដើមឆ្នាំ២០២០នោះមក មាន មនុស្សស្លាប់តែចំនួន៣៦នាក់ទេ។ បើគិតលំដាប់ក្នុងអាស៊ាននេះវិញ,​ ការឆ្លងក្នុងប្រទេសកម្ពុជាបានស្ថិតក្នុង លំដាប់ទី៦, បន្ទាប់ពីប្រទេសមីយ៉ាន់ម៉ា, រីឯសឹង្ហបុរីលំដាប់ទី៧ នៅលើប្រទេសវៀតណាម, ឡាវនិងប្រទេសប្រុយ ណេ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៨ម៉ឺន៧ពាន់១០៤ករណី និងការ ស្លាប់ថ្មីមានចំនួន១៤៨៥នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មានប្រ ទេសចំនួន១០។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៧ប្រទេស ។

ការឆ្លងជំងឺកូវីដ១៩ នៅថ្ងៃនេះ មានចំនួន៩១៥ករណី ដែលជាការកើនឡើង៨៥ករណីបើប្រៀបធៀបនឹងការ ឆ្លងម្សិលមិញ។ កម្ពុជាចាប់តាំងពីដើមខែកក្កដានេះមក ការឆ្លងជាង៩០០ករណីមាន១២លើកនិងការឆ្លងខ្ទង់ ជាង៨០០ករណី មាន២លើកដែលមិនមានសញ្ញាបង្ហាញភាពធូរស្រាលសោះឡើយ។ ចំណែកការស្លាប់ថ្មីក្នុង រយៈពេល២៤ ម៉ោងចុងក្រោយនេះ មានចំនួន៣៣នាក់ដែលកើនឡើង៥នាក់បើប្រៀបធៀបនឹងម្សិលមិញ។ ក្នុងចំណោមការឆ្លងថ្មី៩១៥ករណីថ្ងៃនេះ, ការឆ្លងចូលក្នុងសហ គមន៍រយៈពេល២៤ម៉ោងកន្លងមកនេះ មានចំនួន៦៥៨ករណីដែលកើនឡើង៤៥ករណីបើប្រៀបធៀបនឹងម្សិល មិញ។ ការឆ្លងមកពីក្រៅប្រទេសថ្ងៃនេះ មានចំនួន២៥៧ករណីដែលកើនឡើង៤០ករណីប្រៀបធៀបនឹងម្សិលមិញ។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍២០កុម្ភៈ រយៈពេល១៤៤ថ្ងៃកន្លងមកនេះ បានកើន ឡើង ដល់៥ម៉ឺន៨ពាន់២៦៨នាក់ហើយ ។ កម្ពុជាគិតត្រឹមថ្ងៃទី១៤ខែកក្កដា ឆ្នាំ២០២១ ការឆ្លង សរុបទូទាំងប្រ ទេស មានចំនួន៦ម៉ឺន៣ពាន់៦១៥នាក់, ការស្លាប់សរុបមានចំនួន៩៨៦នាក់ និងការព្យាបាលជាសះស្បើយ សរុប មានចំនួន៥ម៉ឺន៥ពាន់៣៦៥នាក់ ក្រោយការព្យាបាលជាសះស្បើយ ចំនួន៨៧៦នាក់ក្នុងរយ: ពេល ២៤ ម៉ោង កន្លងមកនេះ។

ចំនួនមនុស្សទទួលការចាក់វ៉ាក់សាំងបានកើ​នលើស៥១ភាគរយហើយនៃចំនួនចាក់១០លាននាក់ទូទាំងប្រទេស ។ យោងតាមក្រសួងសុខាភិបាល គិតត្រឹមថ្ងៃទី១៣កក្កដាឆ្នាំ២០២១ កម្ពុជាបានចាក់វ៉ាក់សាំងជូនប្រជាពលរដ្ឋ បានចំនួន៥លាន១សែន៤ពាន់៨៤៦នាក់ហើយ ក្នុងនោះអ្នកបានចាក់វ៉ាក់សាំងទី២ដូសរួចមានចំនួន៣លាន៩ សែន៤ម៉ឺន៨ពាន់១១នាក់។ យុទ្ធនាការចាក់វ៉ាក់សាំង បានធ្វើកន្លងមកនេះនៅក្នុងរាជធានីភ្នំពេញ និងខេត្ត កណ្តាល ហើយបានបន្តតាមគោលដៅដទៃទៀតលើខេត្តមួយចំនួន។ របាយការណ៍ក្រសួង ការពារជាតិថ្ងៃ១៣ កក្កដា បានឲ្យដឹង ថាការចាក់ដោយក្រុមគ្រួពេទ្យយោធានៅក្នុងខេត្តគោលដៅចំនួន៨គឺសៀមរាប, បន្ទាយមាន ជ័យ,ខេត្តតាកែវ, កំពង់ស្ពឺ, ខេត្តព្រះសីហនុ, ខេត្តកោះកុង, កំពង់ចាម និងស្វាយរៀង បានចំនួនមនុស្ស៨០ម៉ឺន ៣ពាន់៣៣៤នាក់ ក្នុងនោះចាក់លើកទី២រួចចំនួន៣៩ម៉ឺន៣ពាន់៧៩នាក់។