សម្តេចនាយករដ្ឋមន្ត្រី ហ៊ុន សែន បានរំលឹកថ្ងៃ «រុក្ខទិវា» ៩កក្កដា និងអំពាវនាវប្រជាពលរដ្ឋទូទាំងប្រទេស ចូល រួមស្រឡាញ់, ថែរក្សាការពារព្រៃឈើ។ បុណ្យ«រុក្ខទិវា»ត្រូវបានបង្កើតឡើងនៅក្នុងឆ្នាំ ១៩៥២ ក្រោមព្រះរាជកិច្ច ដឹកនាំរបស់ព្រះបរមរតនកោដ ព្រះបាទសម្តេចព្រះ នរោត្តម សីហនុ ក្នុងគោលបំណងបំផុសចលនាដាំដើមឈើ និងអោយប្រជាពលរដ្ឋចូលរួមថែរក្សាសម្បត្ដិព្រៃឈើ ជាពិសេស ដើម្បីបណ្តុះគំនិតថែរក្សា ការពារ និងគំនិត ស្រលាញ់ព្រៃឈើ និងបរិស្ថានធម្មជាតិរបស់ប្រទេស។ សម្ដេចតេជោ ហ៊ុន សែន បានសរសេរក្នុងបណ្តាញ សង្គមហ្វេសប៊ុកថ្ងៃនេះ អំពាវនាវឲ្យប្រជាពលរដ្ឋខ្មែរទូទាំងប្រទេស ចូលរួមស្រឡាញ់ថែរក្សាការពារព្រៃឈើ នឹងចូលរួមដាំដុះកូនឈើ ថែរក្សាការពារបរិស្ថានធម្មជាតិ ឲ្យបានគង់វង្សនៅគ្រប់ទីកន្លែង ដើម្បីជាប្រយោជន៍ ដល់ការរស់នៅរបស់ខ្លូនឯងផង សហគមន៍ផង និងជីវិតសត្វព្រៃគ្រប់ប្រភេទផង ព្រមទាំងប្រព័ន្ធជីវៈចម្រុះជា ច្រើនផងដែលជាសម្បត្តិរបស់មនុស្សជាតិនៅគ្រប់ជំនាន់។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៦ម៉ឺន៥ពាន់ ១០១ ករណី និងការស្លាប់ថ្មីមានចំនួន១ពាន់៣៤២នាក់។ ប្រទេសដែលមានការឆ្លងថ្មីក្នុងរយៈពេល២៤ម៉ោងចុង ក្រោយនេះនៅអាស៊ាន មានប្រទេសចំនួន៩, ចំណែកប្រទេសដែលមានការស្លាប់ថ្មីរយៈពេល២៤ម៉ោងចុង ក្រោយនេះ មានចំនួន៧ប្រទេស។