ភ្នំពេញ៖ក្រសួងបរិស្ថានបានចេញសេចក្តីជូនដំណឹងអំពីស្ថានភាពគុណភាព ខ្យល់នៅក្នុងប្រទេសកម្ពុជាសម្រាប់ថ្ងៃទី៣ ខែកុម្ភៈឆ្នាំ២០២៥ ចាប់ពីម៉ោង ៦ ព្រឹក ដល់ម៉ោង ៦ ល្ងាច ដែលមានកំហាប់ភាគល្អិតនិចលគិតជាមធ្យមស្មើនឹង ៤៧.៤៥ µg/m3 ធៀបនឹងស្តង់ដា ៥០ ug/m3 និងគិតជាសន្ទស្សន៍ គុណភាព ខ្យល់ (Air Quality Index) គឺ “ល្អ”។ *ពណ៌ខៀវៈ គុណភាពខ្យល់ល្អណាស់ មាន៖ខេត្តកំពង់ឆ្នាំង ខេត្តកំពត ខេត្តមណ្ឌលគីរី ខេត្តស្វាយរៀង ខេត្តក្រចេះ ខេត្តតាកែវ និងខេត្តត្បូងឃ្មុំ*ពណ៌បៃតងៈ គុណភាពខ្យល់ល្អមានខេត្តបាត់ដំបង ខេត្តកំពង់ចាម រាជធានីភ្នំពេញ ខេត្តកំពង់ស្ពឺ ខេត្តព្រៃវែង ខេត្តរតនគិរី ខេត្តកែប ខេត្តព្រះសីហនុ និងខេត្តព្រះវិហារ*ពណ៌លឿងៈ ខេត្តបន្ទាយមានជ័យ ខេត្តកណ្តាល ខេត្តពោធិ័សាត់ ខេត្តកំពង់ធំ ខេត្តសៀមរាប ខេត្តស្ទឹងត្រែង ខេត្តកោះកុង ខេត្តប៉ៃលិន និងខេត្តឧត្តរមានជ័យ៕ដោយ៖ម៉ាដេប៉ូ

បន្ទាយមានជ័យ៖ប្អូនៗកូនក្មួយ សិស្សានុសិស្សទាំងអស់ ត្រូវមានចំណង់​ផ្ទាល់ខ្លួន ទើបការជ្រើសរើសយក​ជំនាញបាន​ចំ​គោលដៅនិងត្រឹមត្រូវ។នេះជាប្រសាសន៍របស់លោក យឹម សំណាង អភិបាលរងខេត្តតំណាង​ឱ្យឯកឧត្តម អ៊ុំ រាត្រី អភិបា​លខេត្តបន្ទាយមានជ័យ ខណៈចុះពិនិត្យការ​បង្រៀនជំនាញអគ្គិសនី នៅវិទ្យាល័យជប់វ៉ារី នៅភូមិជប់វ៉ារី ឃុំជប់វ៉ារី ស្រុក​ព្រះនេត្រព្រះ ខេត្តបន្ទាយមានជ័យ កាលពីរសៀលថ្ងៃទី២ ខែកុម្ភៈ ឆ្នាំ២០២៥។ សិក្ខាកាមដែលចូលរួមរៀនវគ្គបណ្ដុះបណ្ដាលនាពេលនេះមានជាង ៦០នាក់ ដោយសិក្សាលើមេរៀនចំនួន៤។ទី ១.សុវត្ថិ​ភាពការងារ ,២.ការសង្គ្រោះបឋម ,៣.សិក្សាអំពីឧបករណ៍ និងសម្ភារៈអគ្គិសនី និងទី៤.ការប្រមូលផ្ដុំមេរៀនទាំង​អស់។ ទាក់ទងនឹងការចាប់យកជំនាញផ្នែកអគ្គិសនី លោក អភិបាលរងខេត្តបាន​លើកទឹកចិត្តថា នេះពិតជាមានអត្ថ​ប្រយោជន៍​ច្រើនសម្រាប់ប្អូនៗក្មួយៗ​សិស្សានុសិស្ស ។ដូច្នេះសូមព្យាយាមយកចិត្តទុកដាក់ស្ដាប់ និងខិតខំរៀន​សូត្រចាប់​យកនូវមុខជំ​នាញឱ្យបានច្បាស់លាស់។ ជាពិសេស ត្រូវស្គាល់ឱ្យ​ច្បាស់​ពីសម្ភារៈប្រើប្រាស់ផ្នែកអគ្គិសនី និងដើម្បីពង្រីកចំណេះដឹង​របស់ខ្លួន។ សូមជម្រាបថា ការបណ្ដុះបណ្ដាលជំនាញអគ្គិសនីនេះ មានការផ្ដួចផ្ដើមគាំទ្រ​ឧបត្ថម្ភពីឯកឧត្តម កែ គឹមយ៉ាន និងលោក​ជំទាវ ទើបអគារពហុបច្ចេកទេស​បានចាប់ផ្ដើមបើកវគ្គបណ្ដុះបណ្ដាលជំនាញអគ្គិសនីដល់យុវជនក្រៅសាលា និងសិស្សក្នុង​សាលារយៈពេលសិក្សា ៣ខែ លើផ្នែកជំនាញអគ្គិសនីនេះ។ ដោយ៖ឃិន គន្ធា

ភ្នំពេញ៖អាជ្ញាធរជាតិអប្សរានៅរសៀលថ្ងៃទី៣ ខែកុម្ភៈ ឆ្នាំ២០២៥ បានឱ្យ​ដឹងថា ប្រាសាទឥដ្ឋ ដែលស្ថិតនៅជ្រុងខាង​ជើង​ប្រាសាទភ្នំក្រោម ដែលស្ថិត​នៅខេត្តសៀមរាប បានលេចចេញជារូបរាងដ៏ស្រស់ស្អាត ឡើងវិញ ក្រោយអ្នក​ជំនាញការរបស់​អាជ្ញាធរជាតិអប្សរាបាន​អភិរក្ស និងជួសជុលយ៉ាងយកចិត្តទុក​ដាក់។ បើតាម លោក រស់ វិសុទ្ធ មន្រ្តីអភិរក្សប្រាសាទនៃនាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បញ្ជាក់ថា ប្រាសាទឥដ្ឋជ្រុងខាងជើង​នៃក្រុមប្រាសាទភ្នំក្រោមនេះ បានចាប់ផ្តើមជួសជុលនៅ​អំឡុងខែ មិថុនា និងបញ្ចប់​ទាំងស្រុងនៅចុងខែ ធ្នូ ឆ្នាំ២០២៤។ លោកបន្តថា ប្រាសាទនេះ​មានទំហំប្រមាណ៦ម៉ែត្រ និងកម្ពស់ជាង៧ម៉ែត្រ។ចំពោះស្ថានភាពមុនជួសជុល អ្នកជំនាញបានពន្យល់ថា ដំបូល និងតួជញ្ជាំង​របស់ប្រាសាទ​មានសភាពពុកផុយ ហើយ​រដូវវស្សាមានទឹកភ្លៀងហូរច្រោះតាម​ថ្នេរឥដ្ឋ ដែលមូលហេតុបណ្ដាល​មកពីអាយុកាល អាកាសធាតុ និងរុក្ខជាតិដុះ​ចាក់​ហែកឥដ្ឋជាដើម។ល។ ចំពោះបច្ចេកទេសជួសជុលវិញ លោក រស់ វិសុទ្ធ ពន្យល់ថា ក្រុមការងារ​បានព្យាយាមរក្សាឥដ្ឋចាស់ ដោយក្នុងនោះ​ប្រមូលឥដ្ឋ​ដែលនៅសេសសល់ បន្ទាប់មកកាត់ឥដ្ឋថ្មីបិទភ្ជាប់​នៅទីតាំងដែលបាត់ឥដ្ឋ និងរៀបជញ្ជាំងយក​លំនាំ​តាមរចនា​សម្ព័ន្ធចាស់។ ក្រោយជួសជុលបានស្អាតវិញហើយ ប្រាសាទនេះ​មានភាពទាក់ទាញខ្លាំង និងគួរជាទីទស្សនា។ សូមជម្រា​បថា ប្រាសាទភ្នំក្រោមមានជម្រើសច្រើនឱ្យភ្ញៀវទស្សនា ក្នុងនោះ​អាចទស្សនាផ្ទៃទឹកបឹងទន្លេសាប បរិស្ថានដ៏ស្រស់បំព្រង សម្រស់វាលស្រែខៀវ និងពណ៌មាស ទស្សនាថ្ងៃរះ ថ្ងៃលិច…

កំពង់ឆ្នាំង៖ នៅក្នុងកិច្ចប្រជុំ ត្រួតពិនិត្យនិងវាយតម្លៃផលប៉ះពាល់លើហេដ្ឋារចនាសម្ព័ន្ធក្នុងស្រុក​កំពង់លែង​កាលពី​ព្រឹកថ្ងៃទី ៣ ខែកុម្ភៈ ឆ្នាំ២០២៥  ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងបានណែនាំដល់អភិបាលរងខេត្ត មន្ទីរជំនាញ​ពាក់ព័ន្ធ អាជ្ញាធរស្រុក និងភូមិឃុំ ត្រូវសិក្សាស្វែងយល់ និងវាយតម្លៃ ផលប៉ះពាល់ឱ្យបានច្បាស់លាស់ ដើម្បីស្នើសុំទៅ​ក្រសួងពិនិត្យសម្រេច។ ឯកឧត្តមអភិបាលខេត្តកំពង់ឆ្នាំងប្រាប់ដល់អាជ្ញាធរមូលដ្ឋាន ផ្អាកចុះហត្ថលេខាលើការ ស្នើសុំសាងសង់សំណង់រឹង ដែល​ប៉ះពាល់លើដីចំណីផ្លូវ ជាបណ្ដោះអាសន្ន ព្រោះនៅពេលដែលក្រសួងសម្រេច នឹងងាយស្រួលមិនប៉ះពាល់​ដល់សំណង់រឹង​របស់ពួកគាត់។ នៅក្នុងកិច្ចប្រជុំនោះដែរឯកឧត្តមអភិបាលខេត្ត ក៏បានស្នើឱ្យរដ្ឋបាលស្រុកជួសជុលកែលម្អអគារសាលាស្រុកឡើងវិញ ។ឯកឧត្តម ក៏បានអនុញ្ញាតឱ្យមានការកសាង អគារការិយាល័យច្រកចេញចូលមួយមួយខ្នងដល់សាលាស្រុក​ផង​ដែរ៕ ដោយ៖សុខ គឹមសៀន

កំពង់ចាម​៖ចង្ក្រានសន្សំសំចៃថាមពល​ ត្រូវបានចែកជូនប្រជាពលរដ្ឋចំនួន​ ១ ១៧៧គ្រួសារ នៅឃុំទួលសំបួរ ស្រុកស្ទឹងត្រង់ ខេត្តកំពង់ចាមកាលពីថ្ងៃទី២ ខែកុម្ភៈដោយមានការអញ្ជើញចូលរួមនិងចែកជូនដោយ ឯកឧត្ដម​​ ហួត ហាក់ សមាជិក​គណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារ​គណបក្ស​ចុះមូលដ្ឋាន​ស្រុកស្ទឹងត្រង់​ និងឯក​ឧត្តម អ៊ុន ចាន់ដា សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានគណបក្សខេត្តកំពង់ចាម​ ។ ថ្លែង​ក្នុងឱកាសនោះ​ ឯកឧត្ដម​ អ៊ុន​ ចាន់ដា​ បានលើកឡើងថា រាជរដ្ឋាភិបាល​កម្ពុជា​បាន​នាំមក​នូវ​ការ​អភិវឌ្ឍ​ ការលើក​ស្ទួយ​កម្រិត​ជីវភាព​ បូករួម​ទាំង​សមិទ្ធផល​ដែល​បងប្អូន​ បាន​ប្រើប្រាស់​ជាក់ស្ដែង​រួច​ហើយ​ ។យើង​មាន​ផ្លូវ​កៅស៊ូ​មួយ​ខ្សែ​ពី​ខ្ពបតាងួន មក​ដល់​ទួលសំបួរ​ ដែលផ្សាភ្ជាប់​ពីតំបន់​នេះ​ទៅ​ទីប្រជុំជន​ នៅ​តាម​មាត់​ទន្លេ​ និង​តភ្ជាប់​ជាមួយ​ផ្លូវ​បេតុង​មួយចំនួន​ទៀត​​ ហើយ​នឹង​កសាង​ផ្លូវ​ក្រួស​ក្រហម​ ពី​អារក្ស​ត្នោត​ តភ្ជាប់​មក​ទួល​សំបួរ​ បូករួម​ទាំង​ការ​កសាង​ស្ពាន​បេតុង​មួយ​កន្លែង​ទៀត​ផង​ ។ ​ ឯកឧត្ដម​ អ៊ុន​ ចាន់ដា​ បានបន្តថា គម្រោង​យើងបាន​លើក​រួចហើយ​ នឹង​មាន​ការ​ស្ថាបនា​ឆាប់ៗខាងមុខនេះ​ នូវ​ផ្លូវ​កៅស៊ូ​ និង​ផ្លូវ​បេតុង​ តភ្ជាប់ពីតំបន់​អារក្ស​ត្នោត​ មក​ដល់​ទីតាំង​​ទួល​សំបួរ​ ហើយ​នឹង​ការ​រៀបចំបន្ថែម​នូវប្រព័ន្ធ​ផ្លូវ​ ទាំង​ផ្លូវ​បេតុង​ និង​ផ្លូវ​កៅស៊ូ​ នៅក្នុង​បរិវេណ​ទីប្រជុំជន​ ដែល​នៅ​សេសសល់​ផងដែរ​ ។…

កំពង់ចាម​៖លោក​ គន់​ សុភា​ អភិបាលរងខេត្តកំពង់ចាម​ តំណាង​ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​កាលពីព្រឹកថ្ងៃទី២៧ ខែមករា បាន​អញ្ជើញ​ចូលរួមក្នុង​ពិធីប្រគល់-ទទួល​គ្រឿងចក្រពីរគ្រឿង​ និងរថយន្តដឹកសំរាម​មួយគ្រឿង​ ពីគម្រោង​អភិវឌ្ឍន៍ក្រុងរបៀងមហាអនុតំបន់មេគង្គជំហានទី៤ ក្រោមកម្ចីឥណទានសម្បទាន ពីធនាគារអភិវឌ្ឍន៍អាស៊ី​តាមរយៈ​ ក្រសួង​សាធារណការ​ និង​ដឹក​ជញ្ជូន​។ តំណាងក្រសួង​សាធារណការ​ និង​ដឹក​ជញ្ជូន​ លោក​ នុប​ រ៉ូបឺត ប្រធាន​គ្រប់គ្រងគម្រោងប្រតិបត្តិការថែ​ទាំនៃគម្រោង​អភិវឌ្ឍន៍ក្រុងរបៀងមហា​អនុតំបន់មេគង្គជំហានទី៤​ បានឱ្យដឹងថា​ គ្រឿងចក្រ​និងរថយន្ត​ទាំងបីគ្រឿងនេះ​ ស្ថិតក្នុងរង្វង់​ប្រតិបត្តិការ​ក្រុមហ៊ុនBM ដែលជាក្រុមហ៊ុនសាង​សង់ទីលានទុកដាក់សំរាមក្រុងកំពង់ចាម​ ក្នុងរយៈពេល​ពេញ១ឆ្នាំ​។ សូមជម្រាបថា ទីលានទុកដាក់សំរាមក្រុងកំពង់ចាម ត្រូវបានសម្ពោធដាក់ឱ្យដំណើរការជាផ្លូវការនៅថ្ងៃទី២៤ ខែធ្នូ ឆ្នាំ​២០២៤កន្លងទៅ។ ទីលានទុកដាក់សំរាមក្រុងកំពង់ចាមស្ថិត​ក្នុងគម្រោងអភិវឌ្ឍន៍ក្រុងរបៀងមហា​អនុតំបន់មេគង្គ​ជំហានទី៤ ក្រោមកម្ចីឥណទានសម្បទាន ពីធនាគារអភិវឌ្ឍន៍អាស៊ី ត្រូវបានសាងសង់រយៈពេល១៧ខែ ដោយគិតចាប់ពី ថ្ងៃទី៥ ខែមករា ឆ្នាំ២០២៤ ។ទីលានទុកដាក់សំរាមត្រូវបានសាងសង់លើផ្ទៃដីទំហំ ១៨,៦៨ហិកតា ស្ថិតនៅក្នុងភូមិ​កោះរកា ឃុំកោះរកា ស្រុកកំពង់សៀមដែលមានចម្ងាយប្រហែល២៥គីឡូម៉ែត្រ ពីក្រុងកំពង់ចាម៕ដោយ៖លី ពៅ

(ភ្នំពេញ)៖ គណបក្សប្រជាជនកម្ពុជា បានកត់សំគាល់ថា ឆ្នាំ២០២៥ សេដ្ឋកិច្ចកម្ពុជា ត្រូវបានរំពឹងថា នឹងបន្តងើបក្នុងអត្រាកំណើន ៦,៣% ខណៈឆ្នាំ២០២៤ សេដ្ឋកិច្ចកម្ពុជាងើបឡើងក្នុងអត្រាកំណើន ៦,០%, អតិផរណាមានអត្រាទាប ០,៨%, ឯទុនបម្រុង អន្តរជាតិបានកើនឡើងដល់ ២២ ៥១១អាម៉េរិក ។ នេះបើតាមសេចក្តីជូនដំណឹង ស្តីពីលទ្ធផលនៃសន្និបាតគណៈកម្មាធិការកណ្តាល លើកទី៤៥ អាណត្តិទី៥ របស់គណបក្សប្រជាជនកម្ពុជា ប្រព្រឹត្តទៅនៅថ្ងៃទី ២៥ និងថ្ងៃទី ២៦ ខែមករា ឆ្នាំ ២០២៥ នៅវិមាន៧មករា ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន ប្រធានគណបក្ស, សម្តេចអគ្គមហាពញាចក្រី ហេង សំរិន ប្រធានកិត្តិយសគណបក្ស, អមដោយអនុប្រធានទាំង៥រូប គណៈអចិន្ត្រៃយ៍នៃគណៈកម្មាធិការកណ្តាល សមាជិក សមាជិកានៃគណៈកម្មាធិការកណ្តាល មន្ត្រីគណបក្ស ព្រមទាំងអង្គការយុវជន បណ្តាអង្គការមហាជនរបស់គណបក្ស ដែលមានចំនួនសរុប ៣៥៥៥រូប ។ អង្គសន្និបាតបានកត់សម្គាល់ប្រកបដោយមោទនភាពចំពោះសមិទ្ធផលនៃការអភិវឌ្ឍសេដ្ឋកិច្ច សង្គម ដែល បានឆ្លុះបញ្ចាំងនូវភាពធន់នៃសេដ្ឋកិច្ចកម្ពុជា ក្នុងបរិការណ៍ដែលត្រូវប្រឈមនឹងការវិវត្តដ៏ស្មុគស្មាញនៃសភាពការណ៍…