(ភ្នំពេញ)៖ គុណភាព សុវត្ថិភាព និងប្រសិទ្ធភាព នៃផលិតផលឱសថ និងវ៉ាក់សាំង គឺមានសារៈសំខាន់ណាស់ ដើម្បីចូលរួមការ អភិវឌ្ឍប្រព័ន្ធសុខាភិបាលកម្ពុជាឱ្យកាន់តែមានភាពប្រសើរឡើង សំដៅជំរុញការអនុវត្តគោលនយោបាយ អាទិភាពទី១ របស់រាជរដ្ឋាភិបាល អាណត្តិទី៧ នៃរដ្ឋសភា ដោយផ្តោតលើការពង្រីកសេវាសុខាភិបាល ឆ្ពោះទៅកាន់ការគ្របដណ្តប់សុខភាពជាសកល និងការអនុវត្តវិធានការគន្លឹះក្នុងវិស័យសុខាភិបាល ឱ្យទទួលបានលទ្ធផលល្អប្រសើរ ស្របតាមសេចក្តីត្រូវការរបស់ប្រជាជនក្នុងការទទួលបាននូវ សេវាថែទាំសុខភាព ដែលមានគុណភាព សុវត្ថិភាព ប្រសិទ្ធភាពប្រកបដោយសមធម៌ ចាប់ពីមណ្ឌល សុខភាព រហូតដល់មន្ទីរពេទ្យគ្រប់កម្រិត ។ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានបញ្ជាក់បែបនេះ នាព្រឹកថ្ងៃទី២៨ ខែមេសា ឆ្នាំ២០២៥ ក្នុងឱកាសអញ្ជើញជាអធិបតីក្នុងពិធីបើកសិក្ខាសាលា ស្តីពីការវាយតម្លៃខ្លួនឯង នៃប្រព័ន្ធនិយ័តកម្មឱសថ និងវ៉ាក់សាំង នៅសណ្ឋាគារ ហ្វ៊ែរហ្វៀល បាយ ម៉ារៀត ភ្នំពេញ។ សិក្ខាសាលានេះ រៀបចំឡើងដើម្បីវាយតម្លៃ នៃប្រព័ន្ធនិយ័តកម្មឱសថ និងវ៉ាក់សាំង ជាសូចនាករមួយសម្រាប់វាស់វែង នូវសមត្ថភាពរបស់អង្គភាពពាក់ព័ន្ធ ដែលបំពេញមុខងារទាក់ទងនឹងការងារគ្រប់គ្រងផលិតផលឱសថ និងវ៉ាក់សាំង ដោយប្រើប្រាស់ឧបករណ៍វាយតម្លៃ របស់អង្គការសុខភាពពិភពលោក (Global…

(ភ្នំពេញ)៖ ក្រុមមន្រ្តី និង អ្នកជំនាញបានរួមគ្នាធ្វើការចែករំលែកនូវបទពិសោធន៍ក៏ដូចជារួមគ្នារកដំណោះស្រាយក្នុង ការរៀបចំ សុសវែរ ពិនិត្យ អក្ខរាវិរុទ្ធភាសាខ្មែរ សំដៅយ៉ាងណារក្សាអត្តសញ្ញាណជាតិរបស់ខ្មែរ ក៏ដូចជាឈានដល់ការផលិតសុសវែរ ពិនិត្យអក្ខរាវិរុទ្ធភាសាខ្មែរ សម្រាប់ប្រើប្រាស់ទូទៅ។ ថ្លែងក្នុងសិក្ខាសាលា ស្តីពី “បទពិសោធនៃការរៀបចំសុសវែរពិនិត្យអក្ខរាវិរុទ្ធភាសាខ្មែរ” នៅរាជបណ្ឌិត្យសភាកម្ពុជានាថ្ងៃទី២៤ ខែមេសា ឆ្នាំ ២០២៥ គេឃើញមានការចូលរួមពីសំណាក់វាគ្មិនមានបទពិសោធន៍ខ្ពស់ ចំនួន ៤រូប ដូចជា លោក កែ ជាប៉ូ ប្រធានផ្នែកស្រាវជ្រាវនៃក្រុមហ៊ុន ខូតាហ្វឺ ឯ.ក បានធ្វើបទបង្ហាញពី បទពិសោធនៃការរៀបចំសុសវែរពិនិត្យអក្ខរាវិរុទ្ធភាសាខ្មែរ។ លោក ដាញ់ ហុង អ្នកបង្កើតកម្មវិធីអក្ខរាវិរុទ្ធខ្មែរនៃសមាគមអ្នកនិពន្ធខ្មែរ ដែលធ្វើបទបង្ហាញលើប្រធានបទ NextSpell : A Machine Learning Model for Khmer Spellchecking។លោកបណ្ឌិត ប៊ួយ រីណា អ្នកស្រាវជ្រាវបញ្ញាសិប្បនិម្មិតនៃមជ្ឈមណ្ឌលបណ្តុះធុរកិច្ចថ្មី តេជោ ធ្វើបទបង្ហាញពី ការពិនិត្យអក្ខរាវិរុទ្ធខ្មែរ៖ បទពិសោធ បញ្ហាប្រឈម និងជំហានបន្ទាប់។ លោក…

(កំពង់ចាម)៖ លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន លើកឡើងថា ដោយបានទទួលបន្តនូវមរតកនៃអរិយធម៌អេកូឡូស៊ី តាមរយៈការអប់រំ ផ្សព្វផ្សាយ បង្កើតកម្មវិធីចែករំលែកពីទ្រឹស្តីនិងអនុវត្តដោយផ្ទាល់លើការការពារបរិស្ថាន ជីវចម្រុះ សុវត្ថិភាពចំណីអាហារ សន្តិសុខស្បៀង និង អនាម័យសាធារណ:។ ដោយឡែកឆ្នាំនេះ កាលពីថ្ងៃទី៣១ ខែមីនា ឆ្នាំ២០២៥ សមាគមអ្នកស្រាវជ្រាវវឌ្ឍនភាពកម្ពុជា-ចិន មានរៀបចំកម្មវិធីនៃការយល់ដឹងពីអរិយធម៌អេកូឡូស៊ី នៅវិទ្យាល័យ ហ៊ុន សែន ស្គន់ ស្ថិតនៅក្នុងស្រុកជើងព្រៃ ខេត្តកំពង់ចាម ។ លោក ង៉ូវរីន ហាប៉ូនីកា អភិបាលរងស្រុកជើងព្រៃ និងជាអតីតនាយកវិទ្យាល័យ ហ៊ុន សែន ស្គន់ បានឱ្យដឹងថា តាមរយៈបទបង្ហាញនាថ្ងៃនេះ គណៈគ្រប់គ្រង សិស្សានុសិស្ស និងអាណាព្យាបាលបានយល់កាន់តែច្រើនពីកិច្ចការពារបរិស្ថាន និងសមិទ្ធផលជាច្រើនដែលប្រទេសចិនសម្រេចបានក្រោមស្លាក នៃទិវាជាតិអរិយធម៌អេកូឡូស៊ី ។ លោកក៏បានសាទរនឹងផលិតផលរថយន្តអគ្គិសនីBYDដែលបានលក់ក្នុងបរិមាណដ៏ច្រើនលើសលុប ជួយយ៉ាងច្រើនដល់ចំណែកនៃកិច្ចបង្កើនសម្រស់បៃតងភាពដល់ផែនដីដែលជាផ្ទះរួមរបស់យើងទាំងអស់គ្នា។ លោកក៏បានថ្លែងអំណរគុណដល់លោក Liu Wenzhi ប្រធានការិយាល័យមូលនិធិចិនPEACELANDប្រចាំកម្ពុជាដែលបានផ្តល់ដបទឹកអ៊ីណុកចំនួន២០រួមចំណែកដល់ការកាត់បន្ថយការប្រើប្រាស់ប្លាស្ទិកនៅក្នុងវិទ្យាល័យ ។លោក Liu Zhanguo ប្រធានការិយាល័យមូលនិធិចិនដើម្បីសន្តិភាពនិងការអភិវឌ្ឍប្រចាំកម្ពុជា បានថ្លែងថា…

កំពង់ចាម៖ វិធានការចំពោះលោក ហែម គីមសាធ ប្រធានការិយាល័យរដ្ឋបាល និងហិរិញ្ញវត្ថុ និងការពង្រឹងតួនាទីភារកិច្ចរបស់រដ្ឋបាលស្រុកកងមាស ត្រូវបានអភិបាលខេត្តកំពង់ចាម ខណៈមហាជនប្តឹងលើមន្ត្រីរូបនេះ ថាបានយកលុយលើសេវាសាធារណៈខុសគោលការណ៍។ បន្ទាប់ពីអាជ្ញាធរទទួលបានពាក្យបណ្តឹងតាមបណ្តាញសង្គមហ្វេសប៊ុកពីគណនីឈ្មោះ Chheng Sokly ដែលចុះផ្សាយពីឈ្មោះ ហែម គឹមសាធ ទទួលប្រាក់ចំនួន៣៦០ ដុល្លារ ដើម្បីកែតម្រូវសំបុត្រកំណើតរបស់ពលរដ្ឋឈ្មោះ ឆេង សុខលី រស់នៅភូមិអូរពពេល ឃុំខ្ចៅ ស្រុកកងមាស ខេត្តកំពង់ចាម និងក្រុមការងារចុះ ស្រាវជ្រាវ បានរកឃើញថា គឺពិតជាមានរឿងខាងលើប្រាកដមែន។ រដ្ឋបាលខេត្តកំពង់ចាមបានសម្រេចរៀបចំបែបបទបញ្ចប់មុខតំណែងលោក ហែម គឹមសាធពីប្រធានការិយាល័យរដ្ឋបាល និងហិរញ្ញវត្ថុឲ្យមកនៅត្រឹមជាមន្ត្រីសាលាស្រុកកងមាសធម្មតា។ ករណីខាងលើនេះ មន្ត្រី ACU ប្រាប់ថា មន្រ្តីរដ្ឋបាលស្រុកកងមាសឈ្មោះ ហែម គឹមសាធ បានទទួលរងទណ្ឌកម្មខាងវិន័យរួចរាល់ហើយ ដោយមានការផ្លាស់ប្តូរតំណែងភារកិច្ច ហើយវាជាកិច្ចការផ្ទៃក្នុងដែលត្រូវរក្សាការសម្ងាត់របស់អង្គភាព។ ចំណាត់ការរដ្ឋបាលខេត្តកំពង់ចាម ចាត់ទុកថាជាការពិន័យ និងបង្ហាញចំពោះមន្ត្រីផ្សេងទៀតកុំអោយប្រព្រឹត្តខុស៕

អ្នកទេសចរយ៉ាងច្រើនកុះករមកពីគ្រប់ទិសទី នាំគ្នាមក ដើម្បីរង់ចាំទស្សនាថ្ងៃរះចំកំពូលកណ្តាលប្រាសាទអង្គរវត្ត។ អាជ្ញាធរជាតិអប្សរាបានឱ្យដឹងនៅថ្ងៃទី២១ ខែ មីនា ឆ្នាំ ២០២៥នេះថាក្នុងព្រឹត្តិការណ៍ដ៏អស្ចារ្យនៃ ថ្ងៃរះចំកំពូលកណ្តាលប្រាសាទអង្គរវត្ត នេះគេឃើញបណ្តាភ្ញៀវទេសចរជាតិ និងអន្តរជាតិយ៉ាងច្រើនកុះករ បានស្កាត់មកពីទីជិតឆ្ងាយ ដោយ រូតរះក្រោកតាំងពីព្រលឹមស្រាងៗ ដើម្បីរង់ចាំទស្សនាទិដ្ឋភាពដ៏កម្រ នៃថ្ងៃរះចំកំពូលកណ្តាលប្រាសាទអង្គរ និងឆ្លៀតចូលទស្សនាសម្រស់ប្រាសាទអង្គរវត្ត នាពេលព្រឹកផងដែរ។ ប្រភពខាងលើនេះបានឱ្យដឹងដែរថាសម្រាប់នៅព្រឹកថ្ងៃទី២១ ខែមីនា ឆ្នាំ២០២៥នេះ ចាប់តាំងពីម៉ោង៥ព្រឹកមកម្ល៉េះ ភ្ញៀវទេសចរជាតិ និងអន្តរជាតិចំនួនប្រមាណជាង២០,០០០នាក់ បានមករង់ចាំទស្សនាទិដ្ឋភាពដ៏ស្រស់ស្អាតនេះ នៅខាងមុខប្រាសាទអង្គរវត្ត៕ ដោយ ៖ ម៉ាដេប៉ូ

(ភ្នំពេញ)៖ ក្រសួងប្រៃសណីយ៍និងទូរគមនាគមន៍ (ក.ប.ទ.) នៅថ្ងៃទី១៣ ខែមីនា ឆ្នាំ២០២៤៥នេះ បានចេញសេចក្តីជូន ដំណឹងឱ្យដឹងថា កន្លងមកក្រសួងប្រៃសណីយ៍និងទូរគមនា គមន៍ បានដាក់ឱ្យប្រើប្រាស់ ថ្នាលសហគមន៍ឌីជីថលកម្ពុជា – ស.ឌ.ក. (Digital Community of Cambodia – DCC) ជាថ្នាលសម្រាប់ប្រមូលផ្តុំធនធានមនុស្សឌីជីថលនៅកម្ពុជា ជាអាទិ៍ អ្នកអភិវឌ្ឍន៍សុសវែរ សហគ្រិនឌីជីថល បុគ្គលពាក់ព័ន្ធ ដែលមានគុណវុឌ្ឍបច្ចេកវិទ្យាឌីជីថល និងនិស្សិត ក្នុងទម្រង់ជា ការចូលរួមដោយស្ម័គ្រចិត្ត ដែលបច្ចុប្បន្ន មានអ្នកចុះឈ្មោះ ប្រមាណ ៥ ០០០ នាក់ ដើម្បី៖ ដោយមានការឯកភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក.ប.ទ. និងក្រសួងអប់រំ យុវជន និងកីឡា នឹងរៀបចំ សមាគមអ្នកវិជ្ជាជីវៈវិស័យឌីជីថល (Digital Professionals Association) ដោយបែង ចែក ជាសហគមន៍ (Community) ទៅតាមជំនាញ…

(ភ្នំពេញ)៖ ក្រសួងវប្បធម៌ និងវិចិត្រសិល្បៈបានឱ្យដឹងថា គណៈប្រតិភូក្រសួងការបរទេសឥណ្ឌាបានចុះមកទស្សនកិច្ចប្រាសាទព្រៈវិហារ ដើម្បីពិនិត្យមើលវឌ្ឍនភាពការងារអភិរក្ស និងជួសជុលប្រាសាទព្រះវិហារ ដែលជាគម្រោងកិច្ចសហ​ប្រតិ​បត្តិការរវាងរដ្ឋាភិបាលប្រទេសឥណ្ឌា និងកម្ពុជា ដែលបាន​ចុះអនុស្សារណៈ តាំងពីឆ្នាំ២០១៨។ គួរបញ្ជាក់ថា គម្រោងនេះសម្រេចបានការងារមួយចំនួនដូចជា បានរៀបចំការដ្ឋានរួចរាល់ តម្លើងជើងគ្រែន សាងសង់ផ្លូវវាង ការដ្ឋាន សិក្សាប្រព័ន្ធផ្លូវទឹក ភូគព្ភសាស្ត្រ បរិស្ថាន និងផែនការ ជួសជុលជណ្តើរខាងជើងថ្នាក់ទី១ ជាប់ក្បាលស្ពាននាគ។ក្នុងដំណើរទស្សនកិច្ចដែលធ្វើឡើងកាលពីថ្ងៃទី៩ ខែមិនា ឆ្នាំ២០២៥ គណៈប្រតិភូមួយនេះបានវាយតម្លៃខ្ពស់អំពី លទ្ធផលការងារដែលសម្រេចបានរួមគ្នា និងលើកទឹក អោយបន្តកិច្ចសហប្រតិបត្តិការបន្តទៀត៕ ដោយ ៖ ម៉ាដេប៉ូ

(ខេត្តកណ្តាល)៖ នៅថ្ងៃទី៤ ខែមីនា ឆ្នាំ២០២៥ ឯកឧត្តម ឧត្តមសេនីយ៍ឯក ពូ សាប៊ុតឌី មេបញ្ជាការរងកងទ័ពជើងគោក មេបញ្ជាការយោធភូមិភាគពិសេស និងជាប្រធានអនុគណៈ​កម្មការជ្រើសរើសយុវជនស្ម័គ្រចិត្ត បំពេញក្រប​ខណ្ឌឲ្យ​កងទ័ព​ជើងគោក ក្នុងភូមិសាស្ត្រយោធភូមិភាគពិសេស បានអញ្ជើញ​ចុះ​ត្រួតពិនិត្យការងារចុះឈ្មោះ និងចែកពាក្យជ្រើសរើសយុវជន​ស្ម័គ្រចិត្តចូលបម្រើកងយោធពលខេមរភូមិន្ទ បំពេញក្របខ័ណ្ឌ​ឱ្យយោធភូមិភាគពិសេសកងទ័ពជើងគោក ។ ឧត្តមសេនីយ៍ឯក ពូ សាប៊ុតឌី  បានថ្លែងការកោតសរសើរ​ដល់​ក្រុមការងារអនុគណៈកម្មការជ្រើសរើសយុវជនស្ម័គ្រចិត្តចូលបម្រើកងយោធពលខេមរភូមិន្ទ បំពេញក្របខ័ណ្ឌឱ្យយោធភូមិ​ភាគ​ពិសេសកងទ័ពជើងគោក បានរៀបចំ និងបែងចែកកម្លាំង​អនុវត្តន៍ភារកិច្ចតាមតួនាទីភារកិច្ចប្រគល់ជូន ។ ឧត្តមសេនីយ៍ឯក ពូ សាប៊ុតឌី បានផ្តាំផ្ញើដល់អនុគណៈកម្មការ​ជ្រើសរើសយុវជនស្ម័គ្រចិត្តចូលបម្រើកងយោធពលខេមរភូមិន្ទ បំពេញក្របខ័ណ្ឌឱ្យយោធភូមិភាគពិសេសកងទ័ពជើងគោក  ត្រូវជួយសម្រួលដល់យុវជនទាំងអស់ ចូលរួមចុះឈ្មោះ និងដាក់ពាក្យឲ្យដំណើរការដោយរលូនតាមការរំពឹងទុក ។ សូមបញ្ជាក់ថា៖ កងទ័ពជើងគោកនៃកងយោធពលខេមរភូមិន្ទ នាពេលថ្មីៗកន្លងទៅនេះ បានប្រកាសជូនដំណឹងដល់​សាធា​រណជន​មានបំណងចូលបម្រើការងារកងយោធពលខេមរភូមិន្ទ បំពេញក្របខ័ណ្ឌឱ្យកងទ័ពជើងគោក ដែលមានទីកន្លែងចុះ​ឈ្មោះ ចែកពាក្យ និងទទួលពាក្យស្នើសុំរួមមាន៖ ១. យោធភូមិភាគទី១ចំនួន ១១៨នាក់-តំបន់ប្រតិបត្តិការសឹករងរតនគិរី-តំបន់ប្រតិបត្តិការសឹករងមណ្ឌលគិរី-តំបន់ប្រតិបត្តិ ការសឹករងស្ទឹងត្រែង ។ ២. យោធភូមិភាគទី២ ចំនួន ៥៣នាក់-តំបន់ប្រតិបត្តិការសឹករងស្វាយរៀង-តំបន់ប្រតិបត្តិការសឹករងព្រៃវែង-តំបន់ប្រតិបត្តិ ការសឹករងត្បូងឃ្មុំ-តំបន់ប្រតិបត្តិការសឹករងក្រចេះ ៣. យោធភូមិភាគទី៣ ចំនួន…

(ភ្នំពេញ)៖ ឯកឧត្តមរដ្ឋមន្រ្តី ហេង សួរ បានគូសបញ្ជាក់ថា គណៈកម្មាធិការជាតិបណ្តុះបណ្តាលបានដាក់ចេញនូវទិសដៅការងារឆ្នាំ២០២៥ ដោយទី១. បន្តកែសម្រួលសមាសភាពគណៈកម្មការចំណុះ និងលេខាធិការដ្ឋាន, ទី២. ជំរុញឱ្យមានផែនការប្រតិបត្តិ និងផែនការថវិកាសម្រាប់ដំណើរការ និងរបបប្រជុំជាក់លាក់ទាំងគណៈកម្មាធិការជាតិ គណៈកម្មការចំណុះ និងលេខាធិការដ្ឋាន និងមានការគាំទ្រថវិកាសម្រាប់ដំណើរការ, ទី៣. បន្តរៀបចំប្រជុំពិនិត្យ និងអនុម័តឯកសារគតិយុត្តតាមការស្នើសុំរបស់គណៈកម្មការចំណុះ, និងទី៤. បន្តចូលរួមផ្តល់ធាតុចូល និងពិនិត្យសម្រេចលើរបាយការណ៍វឌ្ឍនភាពនៃការអនុវត្ត គោលនយោបាយជាតិ អ.ប.វ. ឆ្នាំ២០២៥-២០២៧។ ប្រសាសាសន៍ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ លើកឡើងកាលពីថ្ងៃ ទី១២ ខែកុម្ភៈ ឆ្នាំ២០២៥ បានអញ្ជើញដឹកនាំកិច្ចប្រជុំគណៈកម្មាធិការជាតិបណ្តុះបណ្តាល ដោយមានការចូលរួមពីសំណាក់ថ្នាក់ដឹកនាំ មន្រ្តីរាជការតំណាងក្រសួងស្ថាប័ននានា, តំណាងវិស័យឯកជន, នាយកនៃវិទ្យាស្ថានបណ្តុះបណ្តាលបច្ចេកទេស, និងបណ្តាថ្នាក់ដឹកនាំសហជីព ផងដែរ។ កិច្ចប្រជុំគណៈកម្មាធិការជាតិបណ្តុះបណ្តាល ធ្វើឡើងក្នុងគោលបំណង ក្នុងគោលបំណងណែនាំសមាសភាពថ្មី, បង្ហាញពីតួនាទីភារកិច្ចរបស់គណៈកម្មាធិការជាតិបណ្តុះបណ្តាល, រៀបចំកែសម្រួលគណៈកម្មការប្រតិបត្តិ, បង្ហាញពីយន្តការអនុវត្តការវាយតម្លៃផ្អែកលើសមត្ថភាពទទួលស្គាល់ការសិក្សាដែលមានពីមុន និងការទទួលស្គាល់សមត្ថភាពបច្ចុប្បន្ន (RPL/RCC) និងពិភាក្សាពីយន្តការពង្រឹងគណៈកម្មាធិការជាតិបណ្តុះបណ្តាល (NTB)។ ឯកឧត្តមរដ្ឋមន្រ្តីបានគូសបញ្ជាក់បន្ថែមទៀតថា នៅក្នុងអាណត្តិទី៧នេះ កម្មវិធីបណ្តុះបណ្តាលវិជ្ជាជីវៈ…

កំពង់ធំ៖លោកវរសេនីយ៍ទោ សេង សំអុល នាយសេនាធិការរង និងជាប្រធានក្រុមទីបញ្ជាការស្រាលប្រចាំការ បង្រ្កាប​បទល្មើស​នេសាទនៅតំបន់ឃុំផាត់សណ្តាយ កាលពីព្រឹកថ្ងៃទី១២ ខែកុម្ភៈបានដឹកនាំកម្លាំងចម្រុះចុះល្បាត​នៅ​តំបន់​ព្រែកតាសោម ឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ ។ លោក សេង សំអុល បានបញ្ជាក់ថា ក្នុងសកម្មភាពល្បាតកងកម្លាំងចម្រុះបានប្រទះឃើញឧបករណ៍ល្មើសច្បាប់ជាច្រើន។ សមត្ថិកច្ចបានបំផ្លាញឧបករណ៍នេសាទល្មើសច្បាប់នៅនឹងកន្លែងរួមមាន របាំងសាច់អួនចំនួន១១ ជាប់ៗគ្នាប្រវែង ៣ ៣០០ម៉ែត្រ,ឡុកចំនួន២២ឡុក ,លបចំនួន២២លប និងបង្គោលចំនួន៤ ៥០០ដើម ។ ឧត្តមសេនីយ៍ទោ សោម ស៊ុន មេបញ្ជាការតំបន់សឹករងកំពង់ធំបានកោតសរសើរចំពោះកងកម្លាំងចម្រុះទាំងអស់ ដែលបានខិតខំបំពេញភារកិច្ចដោយមិនខ្លាចនឿយហត់ និងបានណែនាំ ប្រគល់ភារកិច្ចបន្ថែមដល់កងកម្លាំងចម្រុះ ទាំងអស់ ពិសេសកងកម្លាំងនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ត្រូវសហការឱ្យបានល្អ ក្នុងការបន្តធ្វើសកម្មភាព​បង្ក្រាបបទល្មើសនេសាទខុសច្បាប់៕ដោយ៖ប៊ុន រដ្ឋា