សៀមរាប ៖ ថ្លែងក្នុងពិធីបើកអង្គរសង្ក្រាន្ត នាព្រឹកថ្ងៃទី១៤ ខែមេសា ឆ្នាំ២០២៣ នៅប្រាសាទបាយ័ន ខេត្តសៀមរាប សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងពីកត្តាចំនួន៦ ដែលធ្វើឱ្យប្រជាជនប្រារព្ធពិធីចូលឆ្នាំខ្មែរ បានដោយសប្បាយរីករាយក្នុងឆ្នាំ២០២៣នេះ ។ សម្ដេចតេជោ បានបន្តថា កត្តាទាំង៦នោះ មានដូចជា៖ សុខសន្ដិភាព, ការគ្រប់គ្រងកូវីដបានល្អ , ការតភ្ជាប់ហេដ្ឋារចនាសម្ព័ន្ធបានពេញផ្ទៃប្រទេស, មធ្យោបាយធ្វើដំណើរកាន់តែងាយស្រួល, ប្រជាពលរដ្ឋមានចំណូលគ្រប់គ្រាន់ និងការរៀបចំបានល្អរបស់រាជរដ្ឋាភិបាល និងសហភាពសហព័ន្ធយុវជនកម្ពុជា ។ សម្ដេចតេជោ ហ៊ុន សែន បញ្ជាក់ថា៖ វាមិនមែនជាការចៃដន្យទេ ដែលធ្វើព្រឹត្តិការណ៍ធំមួយនេះបាន ។ សូមជម្រាបថា ពិធីចូលឆ្នាំប្រពៃណីជាតិខ្មែរ គឺជាឱកាសដែលប្រជាពលរដ្ឋខ្មែរទូទាំងប្រទេសអបអរសាទរ និងជួបជុំក្រុមគ្រួសារ។ ក្រោមដំបូលសន្ដិភាពដែលកម្ពុជាមានបច្ចុប្បន្ន បានធ្វើឱ្យប្រជាពលរដ្ឋ ចូលរួមរៀបចំពិធីជាតិដ៏ធំនេះបានដោយសេរី និងភាពរីករាយ ៕ អត្ថបទ៖ ស៊ូ វណ្ណលុក, រូបភាព៖ វ៉េង លីមហួត និង សួង ពិសិដ្ឋ

សៀមរាប ៖ ព្រឹត្តិការណ៍អង្គរសង្ក្រាន្ត ក្រៅពីជំនួបរវាងមនុស្សជាមួយវប្បធម៌រូបបិយ និងអរូបិយ ក៏នូវមានជំនួបរវាងបុរស និងស្រ្តី ដែលអាចក្លាយទៅជាគូភរិយាស្វាមីនាពេលខាងមុខ។ នេះជាការបញ្ជាក់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីបើកព្រឹត្តិការណ៍អង្គរសង្ក្រាន្ត លើកទី១០ ឆ្នាំ២០២៣ ថ្ងៃទី១៤ ខែមេសា ឆ្នាំ២០២៣ ។ សម្តេចតេជោ ហ៊ុន សែន បានអបអរសាទរដល់កីឡាល្បុក្កតោ ដែលបានចូលជាបេតិកភណ្ឌភិភពលោកនាពេលថ្មីៗកន្លងទៅនេះ ហើយក្នុងព្រឹត្តិការណ៍អង្គរសង្ក្រាន្តនេះ ល្បុក្កតោ នឹងមានសម្ដែងបង្ហាញនូវទស្សនីយភាពជាច្រើនផងដែរ។ សម្តេច បញ្ជាក់ថា ព្រឹត្តិការណ៍អង្គរសង្ក្រាន្ត ក្រៅពីជំនួបត្រីកោណរវាងមនុស្សជាមួយវប្បធម៌រូបបិយ និងអរូបិយ ក៏នៅមានជំនួបទី៤ទៀត គឺជំនួបរវាងស្រ្ដីនិងបុរសដែលអាចចាប់ផ្ដើមនៅទីនេះ នឹងអាចក្លាយជាអនាគតភរិយា និងស្វាមីនាពេលខាងមុខ។ សម្តេចតេជោ ហ៊ុន សែន ក៏បានជូនពរ ចំពោះការជួបគ្នារវាងបុរស និងស្រ្តីនៅក្នុងព្រឹត្តិការណ៍អង្គរសង្រ្កាន្ត នៅឆ្នាំ២០២៣នេះ សូមឲ្យក្លាយទៅជាប្តីប្រពន្ធស្រលាញ់គ្នារហូតតទៅ ៕ អត្ថបទ៖ វណ្ណលុក, រូបភាព៖ វ៉េង លីមហួត និង សួង ពិសិដ្ឋ

សៀមរាប៖ សម្ដេចតេជោ ហ៊ុន សែន បានលើកឡើងថា អង្គរសង្រ្កាន្ត បានបង្កើតឱកាសសម្រាប់មនុស្សគ្រប់វ័យទាំងអស់។ សម្ដេចតេជោនាយករដ្ឋមន្ត្រីកម្ពុជាបានលើកឡើងដូច្នេះតាមរយៈបណ្ដាញសង្គមតេឡេក្រាមនៅយប់ថ្ងៃទី១៣ ខែមេសា ឆ្នាំ២០២៣។ សម្ដេចតេជោហ៊ុនសែនបានបង្ហាញរូបភាពអមជាមួយខ្លឹមសារដូច្នេះថា៖ យាយៗក្នុងឆ្នាំខ្លា មុនពេលឆ្លងចូលឆ្នាំទន្សាយ។ សម្ដេចបញ្ជាក់ថា អង្គរសង្រ្កាន្ត បង្កើតឱកាសមិនគ្រាន់តែសម្រាប់យុវជនទេ តែសម្រាប់មនុស្សគ្រប់វ័យទាំងអស់ ។ ព្រឹត្តិការណ៍អង្គរសង្ក្រាន្តដែលប្រព្រឹត្តទៅចាប់ពីថ្ងៃទី១៤-១៦ ខែមេសា ក្រោមប្រធានបទ «ក្តីស្រមៃ និងក្តីសង្ឃឹម» នឹងផ្តល់ឱកាសដល់ប្រជាជនកម្ពុជាទាំងអស់ ក៏ដូចជាមិត្តភ័ក្តិអន្តរជាតិទាំងអស់បានជួបជុំគ្នារីករាយ និងទទួលបានបទពិសោធន៍មិនអាចបំភ្លេចបាន ក្នុងឆ្នាំថ្មីប្រពៃណីជាតិខ្មែរ។ ពិធីបើកព្រឹត្តិការណ៍អង្គរសង្រ្កាន្តឆ្នាំ២០២៣នេះ នឹងធ្វើឡើងក្រោមអធិបតីភាពដ៏ខ្ពង់ខ្ពស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅព្រឹកថ្ងៃទី១៤ ខែមេសា ឆ្នាំ២០២៣ ៕ ដោយ វណ្ណលុក

ខេត្តបាត់ដំបង ៖ ដោយសារតែប្រទេសជាតិមានសុខសន្តិភាពពេញលេញ និងបន្ទាប់ពីរាជរដ្ឋាភិបាលកម្ពុជាធ្វើការគ្រប់គ្រងជំងឺកូវីដ19បានដោយជោគជ័យ បានផ្ដល់ឱកាសឱ្យប្រជាជននៅទូទាំងប្រទេស មានការជួបជុំបានដើរលេងកម្សាន្តសប្បាយឡើងវិញ នៅគ្រប់ទីកន្លែង ។ ជាក់ស្ដែង ស,ស,យ,ក ខេត្តបាត់ដំបង បង្កើតនូវព្រឹត្តិការណ៍”សង្រ្កាន្តបាត់ដំបង” ក្នុងលក្ខណៈទ្រង់ទ្រាយធំ ដើម្បីទាក់ទាញដល់ការកម្សាន្ត ជាងឆ្នាំមុន ៗ ក្នុងឱកាស នៃពិធីបុណ្យចូលឆ្នាំថ្មីប្រពៃណីជាតិខ្មែរមកដល់ឆាប់ៗនេះ ។ ឯកឧត្តម ស រដ្ឋា ប្រធានសហភាពសហព័ន្ធយុវជនកម្ពុជាខេត្តបាត់ដំបង ឱ្យដឹងថា៖សហភាពសហព័ន្ធយុវជនកម្ពុជាខេត្ត បានសហការជាមួយរដ្ឋបាលខេត្តបាត់ដំបង ក្នុងការរៀបចំឲ្យមានព្រឹត្តិការណ៍សង្ក្រាន្តបាត់ដំបងចាប់ពីថ្ងៃទី ១២ ដល់ថ្ងៃទី ១៦ ខែមេសាឆ្នាំ២០២៣ នៅក្នុងបរិវេណវិទ្យាល័យ នេត យ៉ង់ ទីប្រជុំជនខេត្តបាត់ដំបង នៅជិតរង្វង់មូលលោកតាដំបងក្រញូង។ ឯកឧត្តម ស រដ្ឋា ក៏បានបង្ហាញនូវក្ដីសង្ឃឹមយ៉ាងមុតមាំថា ព្រឹត្តិការណ៍សង្ក្រាន្ត នៅក្នុងខេត្តបាត់ដំបង អាចនឹងមានប្រជាពលរដ្ឋ និងយុវជនចូលរួមយ៉ាងច្រើនកុះករដើម្បីមកចូលរួមលេងកម្សាន្តសប្បាយនូវក្នុងព្រឹត្តិការណ៍សង្រ្កាន្តបាត់ដំបងនាឆ្នាំនេះ ខណៈដែលព្រឹត្តិការណ៍សង្រ្កានកាលពីឆ្នាំ២០១៩ មុនការរាតត្បាតពីជំងឺកូវីដ-19ទទួលបានភ្ញៀវទេសចរប្រមាណជិត១លាននាក់ផងដែនោះ។ សូមបញ្ជាក់ថា៖ នៅក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរនេះ មានកម្មវិធីការរាំលេងកំសាន្តតាមបទភ្លេងចង្វាក់ប្រពៃណីខ្មែរ តំបន់ត្រជាក់ចិត្ត លេងល្បែងប្រជាប្រិយខ្មែរ ដែលជាកេរតំណែលដ៏ល្អផូរផង់បន្សល់ពីដូនតា ។ មានការសម្តែងសិល្បៈចម្រុះគ្រប់ទម្រង់ និងជួបជាមួយតារាចម្រៀងល្បីៗ ប្រចាំព្រះរាជាណាចក្រកម្ពុជា…

ភ្នំពេញ៖ ការតុបតែងរៀបចំសង្ក្រាន្តវត្តភ្នំ បានត្រៀមរួចរាល់ហើយ ដើម្បីទទួលប្រជាពលរដ្ឋ រយៈពេល ៣ថ្ងៃ ក្នុងអំឡុង ពេលពិធីបុណ្យចូលឆ្នាំថ្មី ប្រពៃណីជាតិ នាថ្ងៃទី១៤-១៦ ខែមេសា ឆ្នាំ២០២៣ ។ ដោយមានការណែនាំពី ឯកឧត្តម ឃួង ស្រេង អភិបាលរាជធានីភ្នំពេញ ក្រុមការងារជំនាញ បានរៀបចំតុបតែង នៅក្នុងបរិវេណ រមណីយដ្ឋាន វប្បធម៌ ប្រវត្តិសាស្ត្រ វត្តភ្នំ ដើម្បីទទួលប្រជាពលរដ្ឋចូលរួមសង្ក្រាន្ត វត្តភ្នំ ក្នុងអំឡុងពេលចូលឆ្នាំថ្មី ប្រពៃណីជាតិ ។ សង្ក្រាន្តវត្តភ្នំ ឆ្នាំនេះ ប្រព្រឹត្តិទៅនៅថ្ងៃទី ១៤.១៥.១៦ ខែមេសា។ សង្ក្រាន្តវត្តភ្នំ នៅឆ្នាំនេះ មានរៀបចំ «ភូមិ ខ្ញុំ» ឬ «ភូមិខ្មែរយើង» ដែលរៀបចំជាផ្នែកៗ ក្នុងនោះមានការតាំង បង្ហាញ ភូមិមួយ ផលិតផលមួយ ជារបស់ខ្មែរយើង រៀបចំកន្លែងប្រគុំតន្ត្រីសម័យ កន្លែងរាំវង់ កន្លែងស្រង់ព្រះ និងពូនភ្នំខ្សាច់ ជាដើម ៕ ដោយ…