ខេត្តបាត់ដំបង ៖ ព្រះវិហារ រួមនិងសមិទ្ធផលនានាជាច្រើនទៀតស្ថិតនៅក្នុង “វត្តព្រះពុទ្ធពោធិញាណ” ហៅ(វត្តអាងពោធិ៍)ដែលមានតម្លៃជាង ១០ម៉ឺនដុល្លារអាមេរិក ត្រូវបានសម្ពោធដាក់ឲ្យប្រើប្រាស់ជាផ្លូវការ នៅព្រឹកថ្ងៃទី២៥ ខែមេសា ឆ្នាំ២០២៣ ក្រោមអធិបតីភាពសម្ដេចចៅហ្វាវាំង វរៈវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្រ្ដី រដ្ឋមន្រ្ដីក្រសួងព្រះបរមរាជវាំង ។ ឯកឧត្តម សុខ លូ អភិបាលខេត្តបាត់ដំបង បានបញ្ជាក់ថា ៖ “វត្តព្រះពុទ្ធពោធិញាណ”ហៅ វត្តអាងពោធិ៍ ដែលកំពុងប្រាព្ធពិធបញ្ចុះខណ្ឌសីមានេះ បានចាប់ផ្តើកសាងក្នុងអំឡុងខែមីនាឆ្នាំ២០០៤ លើផ្ទៃដីទំហំប្រមាណ ៧.២៦៩,២០ម៉ែត្រក្រឡាក្រោមគំនិតផ្តួចផ្តើម និងការជួយឧបត្ថម្ភគាំទ្រ ពីពុទ្ធបរិស័ទទាំងក្នុងនិងក្រៅប្រទេស ហើយសំណង់ព្រះវិហារថ្មីនេះបានចាប់ផ្តើមសាងសង់ នៅដើមខែមេសា ឆ្នាំ២០១៤ ដែលមានទំហំ(១៦មx១០មនិងកំពស់៨ម)ប្រក់ក្បឿង មានរចនាបទខ្មែរ ហើយត្រូវបានកសាងរួចរាល់ជាស្ថាពរនៅខែកុម្ភៈឆ្នាំ២០២៣ ដោយចំណាយថវិកាសរុបចំនួន ១០៥ ០០០ដុល្លារ ។ ក្នុងនាមជាព្រះរាជតំណាងដ៏ខ្ពង់ខ្ពស់របស់ព្រះករុណាជាអម្ចាស់ជីវិតលើត្បូងព្រះមហាក្សត្រ នៃកម្ពុជា សម្ដេចចៅហ្វាវាំងវរៈវៀងជ័យ អធិបតីស្រឹង្គារ គង់ សំអុល ក៏បានថ្លែងនាំមកនូវព្រះរាជបណ្តាំផ្ញើនិការសួរសុខទុក្ខ ដោយសេចក្ដីនឹករលឹក និងការជូនពរជ័យសិរីមង្គលដ៏មហាប្រសើរ របស់អង្គព្រះករុណាជាអម្ចាស់ជីវិតតម្កល់លើត្បូង ព្រះមហាក្សត្រនៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត និងសម្ដេចព្រះមហាក្សត្រី…

ខេត្តកំពង់ស្ពឺ ៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចបានអញ្ជើញជាអធិបតីក្នុងពិធីបញ្ចុះខណ្ឌសីមាព្រះវិហារ និងសម្ពោធសមិទ្ធិផលនៅក្នុងវត្តស្វាយទាប ស្ថិតនៅ ឃុំស្នំក្រពើ ស្រុកគងពិសី ខេត្តកំពង់ស្ពឺ នាព្រឹកថ្ងៃទី២០ ខែមេសា ឆ្នាំ២០២៣ ។ សម្តេចកិត្តិសង្គហបណ្ឌិត មានប្រសាសន៍ថា «ក្រោមការដឹកនាំប្រកបដោយកិត្តិបណ្ឌិតរបស់ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា បានដឹកនាំកម្ពុជាឆ្ពោះទៅរកការអភិវឌ្ឍន៍លើគ្រប់វិស័យ ក្រោមម្លប់នៃសុខសន្ដិភាព ដែលបានផ្តល់ឱកាសឲ្យបងប្អូនទាំងអស់គ្នា អាចប្រារព្ធពិធីព្រះពុទ្ធសាសនា តាមទំនៀមទម្លាប់បែបប្រពៃណីសាសនារបស់ជាតិ និងធ្វើឲ្យមានសុខុដុមនីយកម្មសាសនា បានចូលរួមចំណែកដល់កិច្ចអភិវឌ្ឍន៍ជាតិ តាមរយៈ ការផ្សារភ្ជាប់រវាងអាណចក្រ និងពុទ្ធចក្រ ។ សម្តេចកិត្តិសង្គហបណ្ឌិត បានថ្លែងអំណរព្រះគុណចំពោះ ព្រះធម្មជោត្តោ ម៉ៅ ង៉ែត ព្រះចៅអធិការវត្តស្វាយទាប អតីតគណៈកម្មការ និងព្រះចៅអធិការវត្តគ្រប់ជំនាន់ ព្រមទាំងសប្បុរសជនជាច្រើនទៀត រួមជាមួយ នឹងថ្នាក់ដឹកនាំខេត្តគ្រប់លំដាប់ថ្នាក់ និងអង្គភាពជុំវិញខេត្តកំពង់ស្ពឺ ដែលបានរួមសាមគ្គីគ្នាដោយបានចលនាគៀងគរថវិកាមកកសាង ព្រះវិហារ បង្កាន់ដៃជុំវិញសាលាធម្មសភា សាលាទទួលភ្ញៀវ កុដិ ខ្លោងទ្វារ ជីកស្រះទឹក និងជួសជុលហេដ្ឋារចនាសម្ព័ន្ធ…

ភ្នំពេញ៖ ឯកឧត្តម ឈិន កេតនា បានលើកឡើងថា ពិធីបុណ្យវិសាខបូជា នឹងប្រារព្ធធ្វើឡើងនៅព្រះមហាសក្យមុនីចេតិយ ភ្នំព្រះរាជទ្រព្យឧដុង្គ នាដើមខែឧសភា ទៅតាមកាលវេលានៃការកំណត់ ។ ការលើកឡើងនេះធ្វើឡើង នៅសាលប្រជុំអគ្គលេខាធិការដ្ឋានគណៈកម្មាធិការជាតិរៀបចំបុណ្យជាតិ-អន្តរជាតិ ក្នុងឱកាស ឯកឧត្តម ឈិន កេតនា ទីប្រឹក្សារាជរដ្ឋាភិបាលអនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ ក្នុងឱកាសអញ្ជើញដឹកនាំកិច្ចប្រជុំដើម្បីពិភាក្សាអំពីភារកិច្ចត្រូវត្រៀមលក្ខណៈរៀបចំពិធីបុណ្យវិសាខបូជានាពេលខាងមុខ។ ឯកឧត្តម ឈិន កេតនា បានបញ្ជាក់ថា កាលបរិច្ឆេទ និងទីតាំង ប្រារព្ធពិធីបុណ្យវិសាខបូជាត្រូវប្រារព្ធពិធីជាផ្លូវការនៅថ្ងៃទី ០៤ ខែឧសភា ឆ្នាំ ២០២៣ ស្ថិតនៅព្រះមហាសក្យមុនីចេតិយ ភ្នំព្រះរាជទ្រព្យឧដុង្គ ស្រុកពញាឮ ខេត្តកណ្ដាល ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ ។ ឯកឧត្តម ឈិន កេតនា ប្រធានអង្គប្រជុំបានទូលប្រគេន និងជម្រាបជូនផងដែរអំពីភារកិច្ចត្រូវរៀបចំពិធីបុណ្យវិសាខបូជាឆ្នាំនេះ ឱ្យដំណើរការ និងប្រព្រឹត្តិទៅស្របតាមប្រពៃណីព្រះពុទ្ធសាសនាដ៏ថ្កើងថ្កាននៃយើង។ ឯកឧត្តម បន្តថា ក្រោមការដឹកនាំដ៏ឈ្លាសវៃ និងប៉ិនប្រសប់បំផុតរបស់រាជរដ្ឋាភិបាលកម្ពុជា ដែលមានសម្ដេចអគ្គមហាសេនាបតីតេជោ…

ភ្នំពេញ ៖ ជាថ្ងៃចុងក្រោយនៃពិធីបុណ្យចូលឆ្នាំថ្មីប្រពៃណីជាតិខ្មែរ ថ្ងៃទី១៦ មេសា ឆ្នាំ២០២៣ សម្រាប់នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ ដែលអាជ្ញាធររាជធានីភ្នំពេញ បានរៀបចំសង្ក្រាន្តវត្តភ្នំនោះ គេសង្កេតឃើញមានបងប្អូនប្រជាពលរដ្ឋ ចូលលេងកម្សាន្តយ៉ាងសប្បាយរីករាយយ៉ាងច្រើនកុះកររហូតដល់រាប់ពាន់នាក់ ប្រកបដោយភាពស្និទ្ធស្នាល និងស្នាមញញឹម។ ការចូលរួមកម្សាន្តយ៉ាងសប្បាយរីករាយនេះ ក៏បានសបញ្ជាក់យ៉ាងច្បាស់ថា ប្រជាពលរដ្ឋខ្មែរមានឱកាសគ្រប់គ្រាន់ក្នុងការជួបជុំសប្បាយរីករាយ ក្រោមម្លប់សន្តិភាពរបស់រាជរដ្ឋាភិបាល ដែលមានសម្តេចតេជោជាប្រមុខ។ ជាមួយគ្នានោះដែរគេបានសង្កេតឃើញមានវត្តមាន ឯកឧត្តម ឃួង ស្រេង អភិបាលរាជធានីភ្នំពេញ និងលោកជំទាវ ព្រមទាំងក្រុមគ្រួសារ ព្រមទាំងថ្នាក់ដឹកនាំ និងអាជ្ញាធរគ្រប់លំដាប់ថ្នាក់ក៏បានចូលរួមលេងក្នុងកម្មវិធីសង្ក្រាន្តវត្តភ្នំនេះយ៉ាងសប្បាយរីករាយ ជាមួយប្រជាពលរដ្ឋ ប្រកបដោយស្នាមញញឹម ភាពស្និតស្នាល និងការយោគយល់អធ្យាស្រ័យគ្នាទៅវិញទៅមកផងដែរ៕ ដោយ ៖ ភារ៉ា និងប៊ុនធី

ភ្នំពេញ៖ ព្រឹត្តិការណ៍អង្គរសង្ក្រាន្ត និងតំបន់ទេសចរណ៍ផ្សេងៗទៀត នៅក្នុងខេត្តសៀមរាប នាថ្ងៃទី១៦មេសា ទទួលបានអ្នកដើរលេងកម្សាន្តប្រមាណ ១លាន៣០ម៉ឺននាក់ ខណៈរយៈពេល ៣ថ្ងៃ នៃពិធីបុណ្យចូលឆ្នាំខ្មែរ មានអ្នកដើរកម្សាន្តមានចំនួនប្រមាណ ២.១២០.៣៧៣នាក់ ។ នេះបើតាមរបាយការណ៍របស់មន្ទីរទេសចរណ៍ខេត្តសៀមរាប បានឱ្យដឹងនៅថ្ងៃទី១៧ ខែមេសា ឆ្នាំ២០២៣ ។ របាយការណ៍ដដែលបានឱ្យដឹងថា៖ ភ្ញៀវទេសចរជាតិ-អន្តរជាតិ និងបងប្អូនប្រជាពលរដ្ឋដើរលេងកម្សាន្តក្នុងព្រឹត្តិការណ៍អង្គរសង្ក្រាន្ត នៅថ្ងៃទី១៦ ខែមេសា ឆ្នាំ២០២៣ មានចំនួនប្រមាណ ១.០៣០.០២៤ នាក់ក្នុងនោះមានទេសចរជាតិ និងបងប្អូនប្រជាពលរដ្ឋ ចំនួន ១.០២៧.០០០ នាក់ ដោយក្នុងព្រឹត្តិការណ៍អង្គរសង្ក្រាន្តក្នុងតំបន់អង្គរ និងក្នុងក្រុងសៀមរាប មានចំនួនប្រមាណ ៨៥០.០០០ នាក់, រមណីយដ្ឋានឧទ្យានជាតិភ្នំគូលែន មានចំនួប្រមាណ ១៥.០០០ នាក់, តំបន់ទន្លេសាបមានចំនួនប្រមាណ ១២.០០០ នាក់, សហគមន៍ទេសចរណ៍ និងតំបន់រមណីយដ្ឋានផ្សេងៗមានចំនួនប្រមាណ ១៥០.០០០ នាក់ ។ ចំពោះភ្ញៀវទេសចរបរទេស មានចំនួន ៣.០២៤ នាក់ ។ ដោយឡែកសម្រាប់រយៈពេល ០៣ថ្ងៃ…