ភ្នំពេញ៖ ឯកឧត្តម ឈិន កេតនា ទីប្រឹក្សារាជរដ្ឋាភិបាល អនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិរៀបចំបុណ្យជាតិ-អន្តរជាតិ បើកកិច្ចប្រជុំដើម្បីពិភាក្សាអំពីភារកិច្ចត្រូវត្រៀមលក្ខណៈរៀបចំព្រះរាជពិធីបុណ្យចម្រើនព្រះជន្ម ព្រះករុណា ព្រះបាទសម្ដេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាគម្រប់ព្រះជន្ម ៧០ យាងចូល ៧១ ព្រះវស្សាដែលប្រព្រឹត្តិទៅនៅថ្ងៃទី១៤ ខែឧសភា ឆ្នាំ២០២៣ អោយស្របតាមព្រះរាជបវេណីដ៏ថ្កើនថ្កាន។ កិច្ចប្រជុំនេះធ្វើឡើងនៅថ្ងៃទី១១ ខែឧសភា ឆ្នាំ២០២៣ នាទីស្នាក់ការគណៈកម្មាធិការជាតិរៀបចំបុណ្យជាតិ-អន្តរជាតិ ដោយមានការចូលរួមពី តំណាងក្រសួង រដ្ឋលេខាធិការដ្ឋាន ស្ថាប័ន រដ្ឋបាលរាជធានីភ្នំពេញ ពាក់ព័ន្ធជាច្រើនរូប។ មានប្រសាសន៍លើកឡើងនៅក្នុងអង្គប្រជុំនេះ ឯកឧត្តម ឈិន កេតនា បានលើកឡើងពីភារកិច្ច តួនាទី ទទួលខុសត្រូវ ទៅលើការដាក់តាំង នូវព្រះឆាយាលក្ខណ៍ និងព្រះរាជសកម្មភាពរបស់ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ត្រូវបានដាក់តាំង នៅតាមទីសាធារណៈ និងមហាវិថីសំខាន់ៗ ព្រមទាំងតាមក្រសួង-ស្ថាប័ននានា ជាពិសេសនៅមុខព្រះបរមរាជវាំង ដើម្បីអបអរព្រះរាជពិធីចម្រើនព្រះជន្មរបស់ព្រះអង្គ គម្រប់…

ខេត្តស្វាយរៀង ៖ សម្តេចកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច បានអញ្ជើញសម្ពោធ ឧបដ្ឋានសាលា និងសមិទ្ធផលនានា នៅវត្តលក្ខរាជា ស្ថិតនៅ ស្ថិតនៅ ឃុំកំពងចក ស្រុករំដួល ខេត្តស្វាយរៀង ដែលមានអ្នកចូលរួមប្រមាណជាង ១.៥០០នាក់ នាព្រឹកថ្ងៃទី១១ ខែឧសភា ឆ្នាំ២០២៣ ។ សម្តេចកិត្តិសង្គហបណ្ឌិតក៏បាន បានថ្លែងនូវការផ្ដាំផ្ញើសួរសុខទុក្ខនិងក្ដីនឹករលឹកពី សម្ដេចតេជោនាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិតជូនដល់បងប្អូនប្រជាពលរដ្ឋទាំងអស់នៅឃុំកំពង់ចក ក៏ដូចជានៅទូទាំងស្រុករំដួល។ សម្តេចកិត្តិសង្គហបណ្ឌិត បានលើកឡើងថា សមិទ្ធផលដែលកើតឡើងនៅទីវត្តលក្ខរាជានេះ គឺមិនមែនកើតឡើងដោយចៃដន្យនោះទេ នេះក៏ព្រោះតែស្ថានភាពនៃប្រទេសជាតិរបស់យើងទទួលផលពីផ្លែផ្កានៃសុខសន្តិភាព និង ការអភិវឌ្ឍជាតិលើគ្រប់វិស័យ ក្រោមការដឹកនាំប្រកបដោយគតិបណ្ឌិតរបស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ។ សម្តេចបានបន្តទៀតថា កត្តាសុខសន្តិភាព និង ការអភិវឌ្ឍជាតិនេះហើយ ដែលបានផ្ដល់ឲ្យប្រជាពលរដ្ឋយើងមានជីវភាពធូរធារឡើងពីមួយថ្ងៃ ទៅមួយថ្ងៃ នឹងមានលទ្ធភាពកាន់តែខ្ពស់នៅក្នុងការចូលរួម ចំណែកកសាងសមិទ្ធផលនានាទាំងក្នុងវិស័យពុទ្ធចក្រ និងអាណាចក្រ និងបានធ្វើឲ្យមានសុខុដុមនីយកម្មសាសនា ជាក់ស្ដែងសមិទ្ធផល ដែលបានសម្ពោធដាក់ឲ្យប្រើប្រាស់ក្នុងថ្ងៃនេះរួមមាន ៖ ឧបដ្ឋានសាលា…

សៀមរាប៖ នៅព្រឹកថ្ងៃទី០៤ ខែឧសភា ឆ្នាំ២០២៣នេះ ព្រះសង្ឃក្នុងក្រុងសៀមរាប ដែលដឹកនាំដោយព្រះវិជ័យរង្សី ព្រះរាជាគណកិត្តិយស និងជាព្រះគ្រូ ប្រាសារង្សី អនុគណក្រុងសៀមរាប បានរៀបចំពិធីដង្ហែបុណ្យវិសាខបូជា ប្រទក្សិណជុំវិញក្រុងសៀមរាប ដើម្បីរំលឹកដល់ថ្ងៃដែលព្រះអង្គ ទ្រង់ប្រសូត ទ្រង់ត្រាស់ដឹង និងទ្រង់បរិនិព្វានជាដើម ដែលមានន័យថាការបូជានៅក្នុងថ្ងៃពេញបូណ៌ខែពិសាខ។ ការប្រារព្ធធ្វើបុណ្យវិសាខបូជានេះ មិនមែនធ្វើតែក្នុងប្រទេសកម្ពុជាយើងនោះឡើយ ប្រទេសជាច្រើននៅលើពិភពលោកក៏ប្រារព្ធធ្វើបុណ្យវិសាខបូជានេះដូចគ្នាផងដែរ ឲ្យតែប្រទេសដែលគោរព និងកាន់ព្រះពុទ្ទសាសនា គេបានចាត់ទុកបុណ្យវិសាខបូជានេះជាបុណ្យដ៏សំខាន់បំផុតក្នុងព្រះពុទ្ទសាសនា។ ការប្រារព្ធនូវបុណ្យវិសាខបូជាមានគោលសំខាន់ដោយពិស្តារ ៧យ៉ាងគឺ ៖ ១.ថ្ងៃព្រះសុមេធបណ្ឌិតបានទទួលព្យាករណ៍ ២.ថ្ងៃដែលទ្រង់ប្រសូត ៣.ថ្ងៃកំណើតរបស់ពោធិ៍ព្រឹក្ស ៤.ថ្ងៃព្រះពុទ្ធត្រាស់ដឹង ៥.ថ្ងៃព្រះអង្គទ្រង់បរិនិព្វាន ៦.ថ្ងៃប្រល័យព្រះធាតុ ៧.ថ្ងៃព្រះអង្គទ្រង់ផ្ចាញ់មារហើយបានត្រាស់។ ហេតុដ៏អស្ចារ្យទាំងប្រាំពីរខាងលើនេះ បានកើតឡើងនៅក្នុងថ្ងៃពេញបូរមីណ៌ខែពិសាខដូចគ្នាទាំងអស់។ ហើយបើពោលមកដោយសង្ខេបខ្លីគឺមានហេតុ ៣យ៉ាងសំខាន់ៗក្នុងការប្រារព្ធពិធីបុណ្យវិសាខបូជានេះឡើងគឺ៖១.ថ្ងៃព្រះអង្គប្រសូត្រ ២.ថ្ងៃព្រះអង្គត្រាស់ដឹង ៣.និងថ្ងៃដែលព្រះអង្គយាងចូលបរិពាន្វ។ សាធុសប្បុរសទាំងឡាយ! សូមអ្នកទាំងឡាយបង្អោនចិត្តគិតរឮកដល់ព្រះគុណរបស់ព្រះសម្មាសម្ពុទ្ធនៃយើងក្នុងថ្ងៃដែលព្រះអង្គទ្រង់ប្រសូតឡើង ។ ព្រះសម្មាសម្ពុទ្ធនៃយើងទ្រង់បានប្រសូតនៅថ្ងៃសុក្រ ទី១៥កើត ខែពិសាខ ឆ្នាំច មុនពុទ្ធសករាជ៨០ឆ្នាំ នៅឯឧទ្យានលុម្ពិនីដែលស្ថិតនៅចន្លោះព្រំប្រទល់នគរកបិលភស្ត និងនគរទេវទហៈ។ នៅក្នុងឧទ្យាននេះទៀតសោតមានផ្ការីកស្គុះស្គាយយ៉ាងល្អ និងមានហ្វូងបក្សី៥ពណ៌ល្អល្អះនៅទីនោះផងដែរ។ ការប្រសូតរបស់ព្រះអង្គអស្ចារ្យខ្លាំងណាស់ អស្ចារ្យរហូតដល់រកបុគ្គលណាមួយក្នុងលោកមកប្រៀបប្រដូចពុំមានឡើយ។ ពេលដែលទ្រង់ប្រសូតមកភ្លាម ទ្រង់…

ព្រះសីហនុ៖ អភិបាល​ខេត្តព្រះសីហនុឯកឧត្តម គួច ចំរើន បានជំរុញនិងលើកទឹកចិត្តឱ្យវត្តអារាម និងវិហារសាសនាផ្សេ​ង​ៗ ធ្វើជាមជ្ឈមណ្ឌលអប់រំប្រជាពលរដ្ឋឱ្យមានស្មារតី និងទឹកចិត្តប្រកបដោយធម៌ ដើម្បីបញ្ចៀសអំពើហិ​ង្សានានា សំដៅជំរុញអភិវឌ្ឍសង្គមជាតិលើគ្រប់វិស័យ។ ​ឯកឧត្តមមានប្រសាសន៍ដូចនេះកាលពី​ថ្ងៃទី​២ ខែឧសភា ឆ្នាំ​២០២៣ក្នុង​ពិធី​សម្ពោធឆ្លងសមិទ្ធផលនានាក្នុងវត្តមុនីសាលព្រឹក្ស ស្ថិតនៅ​ឃុំអណ្តូងថ្ម ស្រុកព្រៃនប់​ ។ ឯកឧត្តមបាន​បន្តថា កម្ពុជាបានផ្តល់តម្លៃខ្ពស់លើការអភិវឌ្ឍវិស័យសាសនា ក្នុងនោះមានការគោរពសេរីភាពខា​ងជំនឿសាសនា ការលើកស្ទួយព្រះពុទ្ធសាសនា ដែលជាសាសនារបស់រដ្ឋ និងគាំទ្រការគោរពប្រតិបត្តិសាសនាដទៃទៀត ដើម្បីសាមគ្គីភាព និងសុខដុមរមនានៃសង្គមជាតិ។ ជាមួយគ្នានេះ លោក ក៏បានជំរុញឱ្យវត្តអារាម និងវិហារសាសនាផ្សេងៗ ជាមជ្ឈមណ្ឌលអប់រំពលរដ្ឋឱ្យមានទឹកចិត្តប្រកបដោយធម៌។ តាមរយៈរដ្ឋបាលខេត្តព្រះសីហនុ ឯកឧត្តម គួច ចំរើន បានបញ្ជាក់​ថា ៖ «ក្នុងនាមរដ្ឋបាលខេត្ត សូមលើកទឹកចិត្តឱ្យវត្តអារាម និងវិហារសាសនាផ្សេងៗទៀត ជាមជ្ឈមណ្ឌលអប់រំប្រជាពលរដ្ឋឱ្យមានស្មារតី និងទឹកចិត្តប្រកបដោយធម៌ មិនប្រកាន់អំពើហិង្សា មិនរើសអើងពណ៌សម្បុរ មានស្មារតីសាមគ្គីរាប់អានគ្នាយ៉ាងទូលំទូលាយក្នុងសង្គម មានសកម្មភាពយ៉ាងសកម្មចូលរួមអភិរក្ស និងអភិវឌ្ឍសង្គមជាតិលើគ្រប់វិស័យ»។​ ឆ្លៀតឱកាសនោះដែរលោកក៏បានធ្វើការអំពាវនាវឱ្យ​ប្រជាពលរដ្ឋចូលរួមគោរពច្បាប់ចរាចរណ៍ផ្លូវគោកឱ្យបា​នគ្រប់គ្នា ដើម្បីទបស្កាត់ និងបញ្ចៀសបញ្ហាគ្រោះថ្នាក់ចរាចរណ៍ នៅក្នុងខេត្តព្រះសីហនុផងដែរ។​  លោក អ៊ី ធារិន អភិបាលស្រុកព្រៃនប់បានប្រាប់ឱ្យដឹងនៅថ្ងៃទី​៣ខែឧសភាថា សមិទ្ធផលនានាក្នុងវត្តមុនីសាលព្រឹក ដែលមានអាយុកាល…

កំពង់ធំ៖ អភិបាលខេត្តកំពង់ធំ បានលើកឡើងថា វត្តអារាម នៅតែដើរតួនាទីសំខាន់ក្នុងវិស័យអប់រំ។ ឯកឧត្តមអភិបាលខេត្ត ងួន រតនៈ បានថ្លែងដូច្នេះក្នុងពិធីបុណ្យសម្ភោធ សាលាពុទ្ធិកបឋមសិក្សា វត្តទេពនិម្មិត នៅក្នុងវត្តទេនិម្មិត ភូមិកំពង់រទេះ សង្កាត់កំពង់រទេះ ក្រុងស្ទឹងសែន ខេត្តកំពង់ធំ នៅថ្ងៃទី២៦ មេសា ដោយមានការនិមន្តចូលរួមពី ព្រះមេគណខេត្ត, ព្រះវិន័យធរគណខេត្ត, ព្រះអនុគណក្រុងស្ទឹងសែន ជាព្រះចៅអធិការវត្តទេពនិមិត្ត (ហៅវត្តធម្មយុទ្ធ) ចាស់ព្រឹទ្ឋាចារ្យ តាជី យាយជី ព្រមទាំងលោកគ្រូ អ្នកគ្រូ និងសិស្សានុសិស្ស ផងដែរ ។ ឯកឧត្តម ងួន រតនៈ បានលើកឡើងថា ជាការពិតណាស់ វត្តអារាម គឺជាទីស្នាក់អាស្រ័យ និងសិក្សារៀនសូត្ររបស់កូនខ្មែរ ស្ទើរគ្រប់សម័យកាលពីបុរាណ នៅពេលដែលកូនមានអាយុ ៨ទៅ១០ឆ្នាំ មាតាបិតា តែងនាំទៅវត្ត ដើម្បីអប់រំផង និងសិក្សារៀនសូត្រវិជ្ជាផ្សេងៗផង ។ លុះមកដល់បច្ចុប្បន្ន ប្រទេសមានសុខសន្តិភាពពេញលេញ ជាពិសេស ក្រោមគោលនយោបាយបង្កៀកសាលា ឲ្យនៅជិតផ្ទះ និងគោលនយោបាយឃុំមួយ អនុវិទ្យាល័យមួយ…