(ភ្នំពេញ)៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បានបញ្ជាក់ថា រយៈពេល៥ខែដើមឆ្នាំ២០២៣ មានភ្ញៀវទេសចរអន្តរជាតិជាង២.១៦លាននាក់បានមកទស្សនាកម្ពុជា ហើយលោកក៏បានបង្ហាញការរំពឹងទុកថា ពេញមួយឆ្នាំ២០២៣នេះនឹងទទួលទេសចរអន្តរជាតិប្រមាណ៤.៥លាននាក់ និងទេសចរក្នុងស្រុកប្រមាណ១៦លាននាក់។ការថ្លែងបែបនេះរបស់ឯកឧត្តមរដ្ឋមន្ត្រី ថោង ខុន ត្រូវបានធ្វើឡើងក្នុងសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជាក្នុងនិងក្រោយវិបត្តិជំងឺកូវីដ-១៩ ឆមាសទី២ ឆ្នាំ២០២២ ឆមាសទី១ ឆ្នាំ២០២៣ និងលើកទិសដៅអនុវត្តបន្ត ឆ្នាំ២០២៣-២០២៤ នាថ្ងៃទី២១ ខែមិថុនា ឆ្នាំ២០២៣ នៅសណ្ឋាគារសុខារ៉េស៊ីដង់ភ្នំពេញ។ នាឱកាសនោះ ឯកឧត្តម ថោង ខុន បានបញ្ជាក់ថា នៅឆ្នាំ២០២២ កម្ពុជាទទួលបានភ្ញៀវទេសចរអន្តរជាតិចំនួនជាង២.២លាននាក់ កើនឡើង១,០៥៩% ធៀបនឹងឆ្នាំ២០២១ និងភ្ញៀវទេសចរជាតិបានកើនឡើងលឿន និងកើនលើសចំនួនមុនពេលវិបត្តិជំងឺកូវីដ-១៩ ដោយមានចំនួនប្រមាណ១៣.៩លាននាក់ កើនឡើង១៩៩% ធៀបនឹងឆ្នាំ២០២១។ឯកឧត្តមបានបន្តថា សម្រាប់រយៈពេល៥ខែដើមឆ្នាំ២០២៣នេះ មានភ្ញៀវទេសចរអន្តរជាតិជាង២.១៦លាននាក់បានមកទស្សនាកម្ពុជា ក្នុងអត្រាកំណើន៥៣០% ធៀបរយៈពេលដូចគ្នាឆ្នាំ២០២២ និងភ្ញៀវទេសចរជាតិប្រមាណ១០លាននាក់ កើនឡើង៧៦.៤% ធៀបរយៈពេលដូចគ្នាឆ្នាំ២០២២។ឯកឧត្តមបន្តទៀតថា «ពេញមួយឆ្នាំ២០២៣នេះ យើងរំពឹងថានឹងទទួលទេសចរអន្តរជាតិប្រមាណ៤.៥លាននាក់ និងទេសចរក្នុងស្រុកប្រមាណ១៦លាននាក់ ដែលប្រហាក់ប្រហែលនឹងការព្យាករនៅក្នុងផែនទីចង្អុលផ្លូវ»។ ឯកឧត្តម ថោង ខុន បានបញ្ជាក់ថា…

(ភ្នំពេញ)៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ បង្ហាញពីសុទិដ្ឋិនិយមថា ជោគជ័យនៃការរៀបចំព្រឹត្តិការណ៍ជាប្រវត្តិសាស្ត្រស៉ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ឆ្នាំ២០២៣នេះ នឹងជួយជំរុញដល់ការផ្សព្វផ្សាយពីរូបភាពវិជ្ជមានរបស់កម្ពុជាជាគោលដៅទេសចរណ៍ដ៏ទាក់ទាញ ទាំងពេលបច្ចុប្បន្ន និងទៅអនាគត ក្នុងរយៈពេលមធ្យម និងវែង។ការថ្លែងបែបនេះរបស់ឯកឧត្តម ថោង ខុន ត្រូវបានធ្វើឡើងក្នុងសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជាក្នុងនិងក្រោយវិបត្តិជំងឺកូវីដ-១៩ ឆមាសទី២ ឆ្នាំ២០២២ ឆមាសទី១ ឆ្នាំ២០២៣ និងលើកទិសដៅអនុវត្តបន្ត ឆ្នាំ២០២៣-២០២៤ នាថ្ងៃទី២១ ខែមិថុនា ឆ្នាំ២០២៣ នៅសណ្ឋាគារសុខារ៉េស៊ីដង់ភ្នំពេញ។ នាឱកាសនោះ ឯកឧត្តមរដ្ឋមន្ត្រីបានលើកឡើងថា ឆ្នាំ២០២៣នេះ គឺជាឆ្នាំដ៏វិសេសមួយសម្រាប់កម្ពុជា ក្រោយរង់ចាំអស់រយៈពេល៦៤ឆ្នាំ ក្នុងការរៀបចំជាម្ចាស់ផ្ទះនៃព្រឹត្តិការណ៍កីឡាស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ ដែលបានបិទបញ្ចប់ប្រកបដោយភាពជោគជ័យជាប្រវត្តិសាស្ត្រដ៏ត្រចះត្រចង់។ឯកឧត្តមបានបន្តថា ព្រឹត្តិការណ៍នេះពិតជាបានចូលរួមយ៉ាងសំខាន់ដល់ការពង្រឹងកិត្យានុភាពរបស់កម្ពុជាក្នុងនាមជា «ប្រទេសតូច បេះដូងធំទូលាយ» ជាគោលដៅទេសចរណ៍ដ៏ទាក់ទាញ និងជំរុញរំហូរភ្ញៀវទេសចរនៅក្នុងស្រុក និងពីអន្តរជាតិបន្ថែមទៀត។ ទន្ទឹមនេះ រាជរដ្ឋាភិបាលបានដាក់ចេញនូវយុទ្ធនាការ «ឆ្នាំទស្សនាកម្ពុជា ២០២៣» ក្នុងគោលបំណងលើកកម្ពស់កិត្តិនាមទេសចរណ៍ «កម្ពុជា៖ ព្រះរាជាណាចក្រអច្ឆរិយៈ» នៅលើទីផ្សារទេសចរណ៍ឱ្យកាន់តែខ្លាំងក្លា តាមរយៈការផ្សារភ្ជាប់ជាមួយព្រឹត្តិការណ៍កីឡាស៊ីហ្គេមលើកទី៣២…

ខេត្តពោធិ៍សាត់៖ទឹកធ្លាក់ថ្មដាតូច ឬអ្នកខ្លះនិយមហៅទឹកធ្លាក់ភ្នំ១៥០០ កំពុងទទួលបាន ការចាប់អារម្មណ៍ពីភ្ញៀវទេសចរ ដែលធ្វើដំណើរឆ្លងកាត់តំបន់ព្រៃភ្នំ ឆ្ពោះទៅកាន់ច្រក ព្រំដែនថ្មដា ស្រុកវាលវែង ខេត្តពោធិ៍សាត់ ជាប់នឹងព្រំប្រទល់ខេត្ដត្រាត ប្រទេសថៃ។ ទឹកធ្លាក់ថ្មដាតូច គឺជាទីកន្លែងកម្សាន្តជាមួយ រ៉បនឹងសម្រស់ព្រៃភ្នំធម្មជាតិដ៏ល្អប្លែក ស្ថិតនៅមិនឆ្ងាយប៉ុន្មានពីផ្លូវជាតិលេខ៥៥ ដែលទើបកសាងថ្មី។ ភ្ញៀវទេសចរ នឹងបាន ឃើញ ទឹកហូរលើជម្រាលថ្ម ជាដំណាក់ៗដូចកាំជណ្ដើរ ដែលផ្ដល់ភាពងាយស្រួលងូតទឹកកម្សាន្ដ ដល់ភ្ញៀវទេសចរ អមដោយទេសភាពព្រៃព្រឹក្សា ។លោក កែវ សុផាន់ណារិទ្ធ ប្រធានការិយាល័យអភិវឌ្ឍមូលដ្ឋាននៃមន្ទីរបរិស្ថានខេត្ត ពោធិ៍សាត់បានបញ្ជាក់ប្រាប់ឱ្យដឹងថា៖ពេលបច្ចុ្បន្នប្រជាសហគមន៍មូលដ្ឋានមានការយល់ដឹងខ្ពស់ទៅលើធនធានធម្មជាតិក្នុងនេះពិសេសពួកគាត់ដែលធ្លាប់តែចូលព្រៃកាត់ឈើបរបាញ់សត្វ នោះបានងាកមកចូលរួមអភិរក្សដើម្បីបង្កើតជាតំបន់អេកូទេសចរណ៍ ដែលជាប្រភពរកចំណូលមិនចេះរីងស្ងួតរបស់ប្រជាសហគមន៍។ លោកបានថ្លែងដោយបញ្ជាក់ដែរថា ទន្ទឹមជាមួយការចូលរួមអភិរក្សធនធានធម្មជាតិ ព្រៃឈើ សត្វព្រៃពួកគាត់ក៏បាននាំគ្នាចូលរួមថែរក្សាអនាម័យដើម្បីវិស័យទេសចរណ៍យ៉ាងសំខាន់របស់ពួកគាត់ទៀតផង។ប្រជាហគមន៍ក្រៅពីទុកដាក់សំរាមយ៉ាងមានរបៀបរៀបរយហើយ ក៏នាំគ្នាសម្អាតអនាម័យទាំងតាមមូលដ្ឋានរស់នៅ និងពិសេសតំបន់ទេសចរណ៍តែម្តង។ ដោយឡែក កញ្ញា កែម ម៉ានីត អ្នកទេសចរណ៍មួយរូបមកពីរាជធានីភ្នំពេញដែលបានមកកម្សាន្ត រមណីយដ្ឋានទឹកធ្លាក់ថ្មដាតូចឱ្យដឹងថាទីកម្សាន្តមួយកន្លែងនេះពិតជាអស្ចារ្យជាមួយនឹងទឹកធ្លាក់បែបធម្មជាតិដែលអ្នកទេសចរបានមកកម្សាន្តដោយផ្ទាល់ហើយតែងមានក្តីរំភើបជាមួយទស្សនីយភាពគ្មានពីរក្នុងទឹកដីភ្នំ១៥០០មួយកន្លែងនេះ ។ ក្រៅពីនេះវាក៏ជាទីកន្លែងសម្រាកលំហែកាយមួយដែលមិនចេះនឿយណាយ និងប្រកបដោយភាពសុខដុមរមនាគ្មានគូប្រៀប។ជាមួយគ្នានេះកញ្ញាក៏បានសំណូមពរឱ្យក្រុមអ្នកទេសចរដែលចូលមកកម្សាន្តរមណីយមួយកន្លែងនេះរួមគ្នាថែរក្សាអនាម័យ ដើម្បីប្រែក្លាយទីកន្លែងនេះក្រៅពីមានសម្រស់ធម្មជាតិដែលមានស្រាប់ទាំងនេះនៅជាទីស្អាតល្អគួរជាទីមនោរម្យថែមទៀត។ ដោយឡែកអ្នកស្រី រស់ ផារី អ្នកលក់ចំណីអាហារនៅរមណីយដ្ខានទឹកធ្លាក់ថ្មដាតូចបានឱ្យដឹងថាបន្ទាប់ពីរមណីយដ្ឋានកន្លែងនេះមានការរីកចម្រើន និងមានភ្ញៀវទេសចរចូលកម្សាន្ត ហូរហែមកធ្វើឱ្យប្រជាសហគមន៍អាចរកចំណូលពីការលក់ចំណីអាហារសម្រាប់ផ្គត់ផ្គត់ជីវភាពបានល្អប្រសើរជាងមុន។ពួកគាត់អាចរកចំណូលស្ទើររៀងរាល់ថ្ងៃពិសេសថ្ងៃ សៅរ៍ អាទិត្យនិងពិធីបុណ្យធំៗ។នៅទីកន្លែងនេះពួកគាត់មានលក់ចំណីអាហារមូួលដ្ឋានដែលអ្នកទេសចរអាចភ្លក្ស…

ភ្នំពេញ៖ ក្រុមហ៊ុន Japan Dream Tours ដែលជាក្រុមហ៊ុនទេសចរណ៍មួយដ៏ធំនៅក្នុងប្រទេសជប៉ុន មានបំណងចង់បង្កើតការិយាល័យរបស់ខ្លួននៅខេត្តសៀមរាប ដើម្បីជួយសម្រួលធ្វើយ៉ាងណាឱ្យមានភ្ញៀវទេសចរជប៉ុន មកទស្សនានៅកម្ពុជា និងភ្ញៀវទេសចរកម្ពុជាបានទៅទស្សនានៅប្រទេសជប៉ុនផងដែរ។គោលបំណងនេះ ត្រូវបានលើកឡើងតាមរយៈជំនួបពិភាក្សាការងាររវាងឯកឧត្តម ថោង ខុន រដ្ឋមន្ត្រីក្រសួងទេសចរណ៍ ជាមួយលោក អ៊ីយូជី គូម៉ាម៉ារ៉ូ(Yuji Kumamaru )អតីតឯកអគ្គតរាជទូតជប៉ុនប្រចាំកម្ពុជា ដែលបានដឹកនាំគណៈប្រតិភូមកធ្វើទស្សនកិច្ចនៅកម្ពុជា។ នេះបើតាមក្រសួងទេសចរណ៍ បានឱ្យដឹងនៅថ្ងៃទី១៤ ខែមិថុនា ឆ្នាំ២០២៣។ ក្នុងជំនួបនោះលោក Yuji Kumamaru បានលើកឡើងថា ក្រុមហ៊ុនទេសចរណ៍មួយដ៏ធំនៅក្នុងប្រទេសជប៉ុន មានការចាប់អារម្មណ៍បង្កើតការិយាល័យ នៅខេត្តសៀមរាប និងរាជធានីភ្នំពេញរបស់កម្ពុជា ដើម្បីជួយសម្រួលធ្វើយ៉ាងណាឱ្យមានភ្ញៀវទេសចរជប៉ុន មកទស្សនានៅកម្ពុជា និងភ្ញៀវទេសចរកម្ពុជាបានទៅទស្សនានៅប្រទេសជប៉ុនផងដែរ»។ តាមរយៈការលើកឡើងខាងលើនេះ ឯកឧត្តម ថោង ខុន ក៏ថ្លែងអរគុណ និងបានបន្តស្នើឱ្យអតីតទូតជប៉ុនជួយជំរុញជើងហោះហើរ ANA ឡើងវិញ ខណៈដែលក្រុមហ៊ុន ANA នេះបានផ្អាកជើងហោះហើរដោយសារមានភាពរាំងស្ទះដោយសារការផ្ទុះឡើងនៃជំងឺកូវីដ១៩ និងក៏បានស្នើឱ្យអតីតរាជទូតជប៉ុនជួយជំរុញភ្ញៀវទេសចរជប៉ុនឱ្យមកកម្ពុជាឱ្យបានកាន់តែច្រើនផងដែរ។ ជាការឆ្លើយតប លោក Yuji Kumamaru ក៏បានទទួលយកនូវសំណើរបស់រដ្ឋមន្ត្រីក្រសួងទេសចរណ៍ និងសន្យាជួយផ្សព្វផ្សាយពីតំបន់ទេសចរណ៍កម្ពុជា និងជួយជំរុញឱ្យមានភ្ញៀវទេសចរជប៉ុនឱ្យមកកម្ពុជាកាន់តែច្រើនបន្ថែមទៀត ក៏ដូចជាការជួយឱ្យមានការជួបពិភាក្សាគ្នាជាបន្តបន្ទាប់ទៅទៀត…

ភ្នំពេញ៖កម្ពុជា ជាប្រទេសទីមួយដែលបានចុះហត្ថលេខាទទួលស្គាល់ និងអនុវត្ត «ក្រមអន្តរជាតិស្ដីពីការការពារទេសចរ» ដែលផ្តួចផ្តើមដោយអង្គការទេសចរណ៍ពិភពលោក ដែលក្រមអន្តរជាតិនេះមានគោលបំ​ណង​ បង្កើនទំនុកចិត្តចំពោះភ្ញៀវទេសចរ និងជំរុញការធ្វើដំណើររបស់ទេសចរនៅទូទាំងពិភពលោក។ ការចុះហត្ថលេខាទទួលស្គាល់នេះត្រូវបានធ្វើឡើងក្រោមអធិបតីភាពឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី​ រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ តំណាងសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីកម្ពុជានាថ្ងៃទី១៥ ខែមិថុនា ឆ្នាំ២០២៣ នៅសណ្ឋាគារសុខាភ្នំពេញ។ ក្រោយពីកម្ពុជាបានចុះហត្ថលេខាទទួលស្គាល់ក៏មានប្រទេសជាសមាជិកផ្សេងទៀត បានចុះហត្ថលេខាទទួលស្គាល់ជាបន្តបន្ទាប់ផងដែរ។ នេះបើតាមប្រភពក្រសួងទេសចរណ៍។ សូមរំឮកថា បន្ទាប់ពីកើតមានករណីប្រទេសមួយចំនួនមិនព្រមទទួលសង្គ្រោះភ្ញៀវទេសចរលើនាវាទេសចរណ៍ MS WESTERDAM ដែលជាប់នៅលើមហាសាគរកាលពីអំឡុងឆ្នាំ២០២០ អង្គការទេសចរណ៍ពិភពលោក (UNWTO) ក៏បានសម្រេចរៀបចំបង្កើតនិងអនុម័ត «ក្រមអន្តរជាតិស្ដីពីការការពារទេសចរ ឬ International Code for Protection of Tourists» ដើម្បីឱ្យប្រទេសជាសមាជិកបង្កើនទំនុកចិត្តចំពោះភ្ញៀវទេសចរ។ នៅក្នុងកិច្ចប្រជុំរួមនៃគណៈកម្មការតំបន់អាស៊ីខាងកើត និងប៉ាស៊ីហ្វិក និងកិច្ចប្រជុំគណៈកម្មការតំបន់អាស៊ីខាងត្បូង នៃអង្គការទេសចរណ៍ពិភពលោកលើកទី៣៥ អង្គការពិភពលោកនេះបានប្រកាសអនុម័តលើក្រមអន្តរជាតិស្ដីពីការការពារទេសចរជាធរមាន ។ ក្នុងនោះលោក ហ្សូរ៉ាប ប៉ូឡូលីកាស្វីលី (Zurab Pololikashivili) អគ្គលេខាធិការអង្គការទេសចរណ៍ពិភពលោក បានបញ្ជាក់ថា ការរៀបចំបង្កើតនិងអនុម័តក្រមអន្តរជាតិស្ដីពីការការពារទេសចរនេះ…