ភ្នំពេញ៖ព្រឹត្តិការណ៍ពិព័រណ៍ពាណិជ្ជកម្មកម្ពុជា ឬ Cambodia’s Biz Fair ជាព្រឹត្តិការណ៍ដែលមានការប្រមូលផ្ដុំនូវស្តង់ពាណិជ្ជកម្ម សម្រាប់ដាក់តាំងលក់ផលិតផលនានា និងជាវេទិកាបង្កើតទំនាក់ ទំនងរវាងអ្នកជំនួញផងដែរ។ នៅឆ្នាំ២០២២នេះ ព្រឹត្តិការណ៍ ពាណិជ្ជកម្មកម្ពុជា នឹងត្រូវរៀបចំធ្វើចាប់ពីថ្ងៃទី៥ ដល់ថ្ងៃទី៩ ខែវិច្ឆិកា នៅខេត្តព្រះសីហនុ ក្រោមប្រធានបទ៖ «ម្ហូបអាហារ ភេសជ្ជៈ ទេសចរណ៍ និងសម្ភារចម្រុះ» ដោយវេទិកាមួយនេះ នឹងនាំយក ម្ហូបអាហារ និងភេសជ្ជៈពី២៥ខេត្តក្រុងមកដាក់តាំងប្រកួតប្រជែង។ ខេត្តមួយអាចនាំយកម្ហូបមកប្រកួតប្រាំមុខ និងបង្អែមពីរមុខ។នេះជាអ្វីដែលសមាគមទេសចរណ៍អាស៊ីប៉ាស៊ីហ្វិក (PATA) បាន កំណត់។ តាមរយៈការកំណត់នេះ លោក ធួន ស៊ីណាន ប្រធាន សមាគមទេសចរណ៍អាស៊ីប៉ាស៊ីហ្វិករំពឹងថា កម្ពុជានឹងអាច នាំយក ម្ហូបដែលជាអត្តសញ្ញាណរបស់ខេត្តនីមួយៗមកដាក់តាំង និង ធ្វើឱ្យអ្នក ចូលរួមស្គាល់កាន់តែច្រើន ។លោកបញ្ជាក់ថា កម្ពុជា មានម្ហូបដល់ទៅរាប់ពាន់មុខឯណោះ។ ប្រធានសមាគមរូបនេះសម្លឹងឃើញពីសក្កានុពលនៃវិស័យម្ហូបអាហារទៅលើគោលដៅទេសចរណ៍ ដោយលោកលើកយកករណី របស់ ប្រទេសថៃជាគំរូ។ លោកមានប្រសាសន៍ថា ទេសចរជាច្រើនបាន តម្រង់ទៅប្រទេសថៃ ដើរហូបអាហារតាមផ្លូវដ៏សម្បូរបែប ដែលមាន តម្លៃធូរថ្លៃនឹងមានអនាម័យល្អ។…

ភ្នំពេញ៖មន្រ្តីនៃនាយកដ្ឋានស្ថិតិទេសចរណ៍ នៃវិទ្យាស្ថានជាតិទេសចរណ៍ នាព្រឹកថ្ងៃទី៣០ ខែកញ្ញានេះ បានបញ្ជាក់អំពីរបៀបដែលនាយកដ្ឋានបំពេញការងាររាប់ចំនួនភ្ញៀវទេសចរដែលបានទៅទស្សនាតាមគោលដៅទេសចរណ៍នានា និងសង្កត់ធ្ងន់ថា ទិន្នន័យទាំងនោះធ្វើឡើងដោយមិនមានការបំប៉ោងនោះទេ។ ការស្រាយបំភ្លឺនេះផងដែរ ធ្វើឡើងនាឱកាសសន្និសីទសារព័ត៌មានស្ដីពីសមិទ្ធផលប្រាំឆ្នាំរបស់ក្រសួងទេសចរណ៍។ លោក គង់ សុភារៈ ដែលជាប្រធាននាយកដ្ឋានស្តិតិនៃវិទ្យាស្ថានជាតិទេសចរណ៍ បានមានប្រសាសន៍ពន្យល់អំពីការកំណត់និយមន័យរបស់ទេសចរដោយថាក្នុងបរិបទកម្ពុជាគឺសំដៅលើអ្នកដំណើរទាំងឡាយណាដែលចំណាយ​លើសកម្មភាពសេដ្ឋកិច្ចដែលរួមមានបួនចំនុចគឺ ស្នាក់នៅ ហូបចុក ធ្វើដំណើរ និងការចំណាយផ្សេងៗទៀត។ រីឯទេសចរអន្តរជាតិ នឹងត្រូវបានរាប់ថាជាភ្ញៀវ លុះត្រាតែបានស្នាក់នៅកម្ពុជាលើសពី២៤ម៉ោង។ ដោយឡែក ដំណើរនៃការរាប់ចំនួនទេសចរទាំងជាតិ និងអន្តរជាតិគឺធ្វើឡើងតាមរយៈវិធីដូចជា៖ សម្រាប់ទេសចរអន្តរជាតិ គឺនាយកដ្ឋានស្ថិតិមានការសហការជាមួយនាយកដ្ឋានអន្តោប្រវេសន៍ លើរបាយការណ៍ជាប្រចាំខែនៃភ្ញៀវទេសចរចេញពីច្រកទ្វារអន្តរជាតិ និងជាតិទាំង២៦ទីតាំង។ នេះជាចំនុចសំខាន់មួយដែលទិន្នន័យមិនអាចបំប៉ោងបាន ព្រោះថាទិន្នន័យដែលទទួលបាននឹងរាប់បញ្ចូលទៅក្នុងចំណូលរដ្ឋតាមរយៈថ្លៃវីសារបស់ភ្ញៀវ។ សម្រាប់ការរាប់ចំនួនទេសចរក្នុងស្រុកវិញ ប្រធាននាយកដ្ឋានរូបនេះបានរៀបរាប់ថា៖ «របាយការណ៍ពីទេសចរជាតិ គឺត្រូវបានប្រមូលពីគ្រប់រាជធានីខេត្តដែលមានមន្ទីរទេសចរណ៍ ក៏ដូចជាមន្ត្រីស្ថិតិយើងនៅតាមមន្ទីរ (២ទៅ៣នាក់ក្នុងមួយមន្ទីរ) នឹងធ្វើការប្រមូលពីគ្រប់គោលដៅទេសចរណ៍ទាំងអស់ ដែលចេញពីរបាយការស្នាក់នៅ…ហើយខេត្តនីមួយៗ គាត់មានរបាយការណ៍ពីសេវាកម្មស្នាក់នៅ ដែលយើងប្រមូលយកមកចងក្រងជាទិន្នន័យទេសចរជាតិ និងទេសចរអន្តរជាតិផ្ទៃក្នុង»។ យ៉ាងណាមិញ សម្រាប់ពេលបុណ្យទាន នាយកដ្ឋានស្ថិតិនឹងប្រើប្រាស់ការស្ទង់ ដើម្បីរាប់ចំនួនទេសចរតែម្ដង។ ជាឧទាហរណ៍ជាក់ស្ដែង ដូចជាពិធីបុណ្យសមុទ្រ ដែលក្រុមការងារនាយកដ្ឋាននឹងមានទិន្នន័យអំពីទំហំដីដែលពិធីបុណ្យនឹងប្រារព្ធឡើង ហើយគណនាជាចំនួនមនុស្សតែម្ដង។ ដល់ថ្ងៃពិធីបុណ្យជាក់ស្ដែង នឹងមានក្រុមការងារចុះអង្កេតពីស្ថានភាពទេសចរ ប្រសិនបើចង្អៀតគេនឹងវាតម្លៃថាមានមនុស្ស៤នាក់ក្នុងមួយការ៉េដី បើមិនសូវចង្អៀតចំនួនមនុស្សនឹងថយតាមនោះ។ លោកក៏បានគូសបញ្ជាក់ផងដែរអំពីការគណនាលើការចំណាយមធ្យមរបស់ទេសចរអន្តរជាតិ ដោយមានអង្កេតទេសចរណ៍អន្តរជាតិ…

ភ្នំពេញ៖សហគមន៍អេកូទេសចរណ៍មួយចំនួនដែលមានទីតាំងនៅតាមដងទន្លេមេគង្គបានដាក់ការព្រួយបារម្ភពីសុវត្ថិភាពប្រជាសហគមន៍ និងខាតបង់ផ្នែកសេវាកម្មទេសចរណ៍ក្នុងរយៈពេលចុងក្រោយនេះ។ ការព្រួយបារម្ភប្រជាសហគមន៍ទាំងនោះ ដោយសារតែបញ្ហាអាកាសធាតុមិនអំណោយផល បណ្ដាលមកពីការជះឥទ្ធិពលពីព្យុះណូរុមកលើអាងទន្លេមេគង្គកម្ពុជា។ សហគមន៍អេកូទេសចរណ៍កោះសាមសិប ដែលស្ថិតនៅក្នុងខេត្តក្រចេះ និងជាសហគមន៍ដែលស្ថិតនៅតាមដងទន្លេមេគង្គផង បានរងនូវឥទ្ធិពលភ្លៀងធ្លាក់ជាប់គ្នាដែលធ្វើឱ្យកម្ពស់ទឹកមានការកើនឡើង។ លោក ឃុត សំអុល ដែលជាប្រធានសហគមន៍អេកូទេសចរណ៍កោះសាមសិបបានថ្លែងថាលោកបារម្ភ ជាខ្លាំងទៅលើសុវត្ថិភាពនៃការធ្វើដំណើរលើផ្ទៃទឹកទន្លេរបស់ប្រជាជនក្នុងតំបន់ និងទេសចរដែលទៅលេងតំបន់នោះ។លោកបញ្ជាក់ថា «តាំងពីភ្ជុំមក នៅទីនេះគឺមានភ្លៀងធ្លាក់មិនលោះមួយថ្ងៃសោះ រីឯទឹកក៏ដូចជាឡើងជាងឆ្នាំមុនៗដែរ»។ ប្រធានសហគមន៍រូបនេះបានបន្តរៀបរាប់ថា៖ «ដោយសារភ្លៀងច្រើន វាអាចនឹងធ្វើឱ្យចរាចរណ៍ពីខេត្តក្រចេះ ចូលមកកោះមានការរអាក់រអួលឬអាចផ្អាកតែម្ដង មួយផ្នែកទៀតធ្វើឱ្យខ្សាច់ជាំទឹក ដែលនាំឱ្យបាត់បង់សម្រស់កោះមួយជ្រុង។» ទោះជាយ៉ាងណា លោកថាដោយសារនេះជាខែវស្សាស្រាប់ ជាខែដែលមិនសូវមានភ្ញៀវមកលេង ដូច្នេះការប៉ះពាល់ដល់ចំនូលពីទេសចរគឺមិនខ្លាំងពេកទេ។ ប៉ុន្តែបើសិនជាស្ថានភាពនេះមិនបានធូរស្បើយក្នុងពេលឆាប់ៗខាងមុខទេ ចង់មិនចង់វានឹងប៉ះទៅដល់សេវាកម្មទេសចរណ៍នៅចុងឆ្នាំមិនខាន។ មិនខុសគ្នាប៉ុន្មានពីសហគម៍ទេសចរណ៍កោះសាមសិប សហគមន៍ទេសចរណ៍សម្រស់កោះហានឯណោះវិញក៏ព្រួយបារម្ភដែរពីសុវត្ថិភាពប្រជាសហគមន៍។ ប៉ុន្តែយ៉ាងណា មកទល់ពេលនេះស្ថានភាពទឹកភ្លៀងមិនទាន់ជាឡើងដល់កម្រិតប្រកាសអាសន្ននៅឡើយទេ។ លោកស្រី ប៊ុន សំផាន ប្រធានសហគមន៍អេកូទេសចរណ៍សម្រស់កោះហានបានរៀបរាប់ថា៖ «ដោយសារយើងរស់នៅជាប់នឹងដងទន្លេមេគង្គ ដូច្នេះស្ថានការណ៍អាចនឹងពិបាកគ្រប់គ្រងប្រសិនបើភ្លៀងនៅតែបន្តធ្លាក់ ប៉ុន្តែសម្រាប់ពេលនេះខាងសហគមន៍រង់ចាំការជូនដំណឹងពីអាជ្ញាធរក្នុងតំបន់ដូចគ្នា។» លោកស្រីបន្ថែមថា សហគមន៍មិនទាន់ចេញជាវិធានការណាមួយទេ ជៀសវាងការបង្ករចលាចលនៅក្នុងភូមិ ដូច្នេះហើយគឺត្រូវរង់ចាំអាជ្ញាធរក្នុងតំបន់ជូនជាដំណឹងឬដាក់ចេញជាវិធានការការពារ ប្រសិនបើទឹកពិតជាឡើងខ្ពស់មែន។ ក្រសួងធនធានទឹកនិងឧតុនិយម នាថ្ងៃទី២៩កញ្ញានេះបានចេញសេចក្ដីជូនដំណឹងមួយស្ដីអំពីស្ថានភាពទឹកជំនន់ទន្លេមេគង្គ ដែលកើតចេញពីឥទ្ធិពលព្យុះទី ១៦ ឈោ្មះ ណូរុ “NORU” មកលើអាងទន្លេមេគង្គក្នុងប្រទេសថៃ ឡាវ…

ភ្នំពេញ៖អ្នកនាំពាក្យអាជ្ញាធរជាតិអប្សារានាព្រឹកថ្ងៃទី២៨ខែកញ្ញានេះបានគូសបញ្ជាក់ពីការព្រួយបារម្ភដែលថាអាចប៉ះពាល់ដល់វិស័យទេសចរណ៍ចេញពីសកម្មភាពរំដោះទឹកចេញពីប្រាសាទ។ លោក​បានពន្យល់ថាមិនប៉ះពាល់នោះទេដោយសារតែក្រុមការងារអាជ្ញាធរជាតិអប្សារាកំពុងយកចិត្តទុកដាក់លើបញ្ហានេះខណៈដែលប្រព័ន្ធបង្ហូរទឹករបស់ប្រាសាទនានាគឺមានស្រាប់ដែលសម្រួលឱ្យកិច្ចការនេះ​កាន់​តែងាយ​ស្រួល។ ឆ្លើយតបទៅនឹងការរងឥទ្ធិពលព្យុះណូរុពីប្រទេសហ្វីលីពីន ក្រុមការងារអាជ្ញាធរបានចេញធ្វើសកម្ម ភាពរំដោះទឹកចេញពីប្រាសាទមួយចំនួនដូចជា ប្រាសាទអង្គរវត្ត ព្រះខ័ន តាព្រហ្ម និងបាយ័ន ជាដើម ដែលការបញ្ចៀសទឹកត្រូវបានធ្វើឡើងតាមប្រព័ន្ធប្រឡាយបុរាណទៅតាមស្ទឹងនានា ដូចជា​ស្ទឹងសៀមរាប ស្ទឹងរលួស ស្ទឹងពួក និងស្ទឹងព្រះស្រុក ដើម្បីកុំឱ្យមានផលប៉ះពាល់ជាអវិជ្ជមានដល់​តំបន់ប្រាសាទ និងក្រុងសៀមរាប។ លោក ឡុង កុសល អ្នកនាំពាក្យអាជ្ញាធរជាតិអប្សារាមានប្រសាសន៍ថា៖ «សកម្មភាពការងារដែល បញ្ចៀសទឹកកុំឱ្យមានទឹកច្រើនពេក ក្រែងប៉ះពាល់ដល់ប្រាសាទ ក៏ប៉ុន្តែមិនមានប្រាសាទណាមួយ ដែលរងការលិចលង់នោះទេ! គ្រាន់តែយើងធ្វើការងារដើម្បីបង្វែរផ្លូវទឹកចេញតែប៉ុណ្ណោះ។» លោកបន្តដោយបញ្ជាក់ទៀតថា៖ «សកម្មភាពនេះមិនមានបញ្ហារំខានទៅដល់ទេសចរណ៍ក៏ដូចជា ប៉ះពាល់ទៅដល់ហេដ្ឋារចនាសម្ព័ន្ធដែរ គឺយើងមានវិធីសាស្ត្រក្នុងការគ្រប់គ្រងប្រព័ន្ធទឹកទាំង នោះ។» បញ្ហាគឺអាចមាននៅត្រង់ការមានភ្លៀងធ្លាក់ច្រើនពេកនេះនឹងអាចធ្វើឱ្យដីមាន​សភាព​ជ្រាយ និងអាចបង្កជាការដួលរលំដើមឈើ ប៉ុន្តែខាងអាជ្ញាធរកំពុងធ្វើការយ៉ាងយកចិត្តទុក ដាក់​មិនឱ្យ​មានបញ្ហាដោយប្រការណាមួយអាចបង្កជាគ្រោះថ្នាក់ទៅដល់ភ្ញៀវទេសចរនោះទេ។ លោក ឡុង កុសល ពន្យល់បន្ថែម៖«សកម្មភាពរំដោះទឹកចេញនេះទៀតសោតប្រព្រឹត្តិទៅដោយ​លក្ខណៈស្មុគស្មាញព្រោះត្រូវការកម្លាំងច្រើនដើម្បីបន្តធ្វើការងារនេះសម្រាប់ទប់ទល់ទៅនឹង​ស្ថាន​ភាព​ទឹកដែលមិនអាចធ្វេសប្រហែសបានដូចជាពេលនេះ។អាជ្ញាធរក៏នឹងបន្ត​ធ្វើកិច្ច​ការងារនេះដោយ​មិនមានការកំណត់ពេលវេលាបញ្ឈប់នោះទេ។ពោលគឺរហូតទាល់តែស្ថានភាពទឹកភ្លៀងនៅកម្ពុជាបាន​​ធូរស្បើយ»។ នាយដ្ឋានគ្រប់គ្រងទឹក ព្រៃឈើនិងហេដ្ឋារចនាសម្ព័ន្ធនៃអាជ្ញាធរជាតិអប្សរាបានរំដោះទឹក​តាម​ទ្វារ​ទឹក​​និងតំបន់ប្រាសាទមួយចំនួនបង្ការកុំឱ្យជន់លិចប្រាសាទ។ក្រុមការងារអាជ្ញាធរជាតិ​អប្សរា​កំពុង​​រំដោះទឹកចេញពីប្រាសាទដើម្បីបញ្ចៀសពីការជន់លិច។ អាជ្ញាធរជាតិអប្សារាក្រៅពីការងាររំដោះទឹកចេញ ក្រុមការងារក៏បានប្រមូលទឹកដើម្បីបំពេញក្នុង ប្រព័ន្ធគ្រប់គ្រងបុរាណដើម្បីធានាដល់តុល្យភាពនៃការប្រើប្រាស់ទឹកក្នុងតំបន់អង្គរមានដូចជា បារាយ​ណ៍ខាងលិច បារាយណ៍ខាងជើង កសិន្ធុអង្គរធំ កសិន្ធុអង្គរវត្ត ស្រះស្រង់ រួមនិងកសិន្ធុ​ព្រះខ័នជាដើម។ គួរបញ្ជាក់ផងដែរថា ឥទ្ធិពលនៃព្យុះណូរុ ពីប្រទេសហ្វីលីពីន បានបណ្ដាលឱ្យកម្ពុជារងសម្ពាធទាប…