(ឥណ្ឌូណេស៊ី)៖ ឯកឧត្តម ថោង ខុន រដ្ឋមន្ត្រីក្រសួងទេសចរណ៍កម្ពុជា បានជួបពិភាក្សាទ្វេភាគីជាមួយលោក Sandiaga Salahudin Uno រដ្ឋមន្ត្រីទេសចរណ៍និងសេដ្ឋកិច្ចច្នៃប្រឌិតឥណ្ឌូណេស៊ី។ កិច្ចពិភាក្សានេះធ្វើឡើងនាល្ងាចថ្ងៃទី២៧ ខែកញ្ញា ឆ្នាំ២០២២ នាអំឡុងនៃការចូលរួមកិច្ចប្រជុំថ្នាក់រដ្ឋមន្ត្រីទេសចរណ៍ប្រទេស G20 (G20 Tourism Ministerial Meeting) និងទិវាទេសចរណ៍ពិភពលោក ឆ្នាំ២០២២ នៅទីក្រុងបាលី ប្រទេសឥណ្ឌូណេស៊ី ចាប់ពីថ្ងៃទី២៦-២៧ ខែកញ្ញា ឆ្នាំ២០២២។ ក្នុងជំនួបនោះ ឯកឧត្តម រដ្ឋមន្ត្រី ថោង ខុន បានសម្ដែងការកោតសរសើរអបអរសាទរដល់ឥណ្ឌូណេស៊ី ដែលបានរៀបចំកិច្ចប្រជុំថ្នាក់រដ្ឋមន្ត្រីទេសចរណ៍ប្រទេស G20 (G20 Tourism Ministerial Meeting) និងទិវាទេសចរណ៍ពិភពលោកឆ្នាំ២០២២ ប្រកបដោយភាពជោគជ័យ និងមានលទ្ធផលខ្ពស់។ ឯកឧត្តម រដ្ឋមន្ត្រីក៏បានសម្ដែងអំណរគុណដល់ឥណ្ឌូណេស៊ីដោយផ្ទាល់សាជាថ្មីចំពោះការគាំទ្រដល់កម្ពុជាឲ្យលើកពេលរៀបចំវេទិកាទេសចរណ៍អាស៊ាន ២០២១ មកធ្វើនៅឆ្នាំ២០២២ នៅក្រុងព្រះសីហនុ ដើមឆ្នាំកន្លងទៅ។ ឯកឧត្តម ក៏បានបញ្ជាក់ការគាំទ្រ និងត្រៀមខ្លួនចូលរួមការរៀបចំវេទិកាទេសចរណ៍អាស៊ាន ២០២៣ (ASEAN Tourism Forum 2023)។…

ខេត្តកំពត ៖ ភ្ញៀវទេសចរណ៍ជាតិ និងឣន្តរជាតិ ដែលបានមកលេងកំសាន្តនៅតាមរមណីយដ្ឋាន នានា ក្នុងខេត្ត កំពត រយ:ពេលបីថ្ងៃ គិតចាប់ពីថ្ងៃទី ២៤ ខែកញ្ញា ឆ្នាំ២០២២ ដល់ថ្ងៃទី ២៦ ខែកញ្ញា ឆ្នាំ២០២២ ក្នុង ពិធីបុណ្យ កាន់បិណ្ឌ ភ្ជុំបិណ្ឌ មានចំនួនសរុប ៧៧៥៤៨នាក់ ក្នុងនោះភ្ញៀវទេសចរណ៍ជាតិមានចំនួន ៧៦ ២៩៦នាក់ និងភ្ញៀវ អន្តរជាតិផ្ទៃក្នុងមានចំនួន ១២៥២នាក់ ។ មន្ទីរទេសចរណ៍ខេត្ត បានបង្កើតក្រុមការងារមន្ទីរចំនួន ៣ ចុះតាមសេវាកម្មនិងរមនីយដ្ឋានសហគមន៍ គោលដៅទេសចរណ៍រយៈពេល ៣ថ្ងៃ ដើម្បីជម្រុញ ការអនុវត្តវិធាន សុវត្ចិភាព ទេសចរ ការគ្រប់គ្រង ចរន្តន៍ភ្ញៀវទេសចរណ៍ ការពង្រឹងបដិសណ្ឋារកិច្ច តម្លៃ សេវាកម្ម និងសុវត្ថិភាពភ្ញៀវ ដោយការឣនុវត្តន៍ តាមសារាចរណ៍ណែនាំ របស់ក្រសួងទេសចរណ៍នេះបើតាម ការបញ្ជាក់ឱ្យដឹងពីលោក សយ សុី ណុល ប្រធានមន្ទីរទេសចរណ៍ខេត្តកំពត ។…

កែប ៖ ភ្ញៀវទេសចរណ៍ ជាតិ និងឣន្តរជាតិ មកលេងកំសាន្ត នៅតាមរមនីយដ្ឋាននានាក្នុងខេត្តកែប រយ:ពេល ៣ថ្ងៃ គឹតពីថ្ងៃទី ២៤ ខែកញ្ញា ឆ្នាំ២០២២ ដល់ថ្ងៃទី ២៦ ខែកញ្ញា ឆ្នាំ២០២២ ក្នុងពិធីបុណ្យភ្ជុំបិណ្ណ ប្រពៃណីជាតិខ្មែរ .២០២២នេះ មានភ្ញៀវទេសចរណ៍ ចំនួន ១១៦,៧៧៦នាក់ (មួយសែន មួយមុឺន ប្រាំមួយពាន់ប្រាំពីរយ ចិតសិបប្រាំមួយនាក់) ក្នុងនោះភ្ញៀវជាតិមានចំនួន ១១៥,៧១៤នាក់ (មួយសែន មួយមុឺន ប្រាំពាន់ប្រាំពីរយដប់បួននាក់)ភ្ញៀវឣន្តរជាតិ មានចំនួន ១,០៦២នាក់ (មួយពាន់សូនរយហុកសិបពីរនាក់) បើប្រៀបធៀប និងឆ្នាំ២០២១ នៃពិធីបុណ្យបិណដូចគ្នា មានការកើនឡើងខ្លាំង គឺកំណើន ភ្ញៀវសត្វមាន ២១.៤៩ % ភ្ញៀវជាតិកើនបាន ២០.២៨% និងភ្ញៀវអន្តរជាតិកើនបាន ២១៣.៣១% នេះបើតាមការបញ្ជាក់ឱ្យដឹងឣំពី លោក សោម ជឹន្តា ប្រធានមន្ទីរទេសចរណ៍ ខេត្តកែប ។ លោកប្រធានក៍បានឱ្យដឹងដែរថា…

កំពង់ឆ្នាំង ៖ ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ រយៈពេល ៣ថ្ងៃ ដោយរាប់ចាប់ពីថ្ងៃទី២៤ ដល់ថ្ងៃទី២៦ ខែកញ្ញា ឆ្នាំ២០២២ ពិធីប្រណាំងទូកង នៅវត្តកោះថ្កូវ ស្ថិតក្នុងភូមិកោះថ្កូវ ឃុំកោះថ្កូវ ស្រុកជលគីរី មានភ្ញៀវទេសចរណ៍ ដែលអញ្ជើញមកទស្សនាកម្សាន្ត នៅតាមកន្លែងកម្សាន្ត និងរមណីយដ្ឋាននានា នៅក្នុងខេត្តកំពង់ឆ្នាំង សរុបមានចំនួន ៥៤៧០១នាក់ ក្នុងនោះ ភ្ញៀវបរទេសមានចំនួន ៣៧នាក់ ។ នេះបើតាម ការបញ្ជាក់ឲ្យដឹង ពីលោក សេង សាលី ប្រធានមន្ទីរទេសចរណ៍ខេត្តកំពង់ឆ្នាំង នៅល្ងាចថ្ងៃទី២៦ ខែកញ្ញា ឆ្នាំ២០២២នេះ ។ នៅក្នុងឱកាសនោះផងដែរ ឯកឧត្តមស៊ុន សុវណ្ណារិទ្ធិ អភិបាលខេត្តកំពង់ឆ្នាំង ក៏បានចាត់ចែងកងកម្លាំងដើម្បីការពារសន្តិសុខ សុវត្ថិភាព សណ្ដាប់ធ្នាប់សាធារណៈតាមគោលដៅសំខាន់ៗ បានយ៉ាងល្អប្រសើរជូនបងប្អូនប្រជាពលរដ្ឋដែលមកលេងកម្សាន្តនៅក្នុងតំបន់ទេសចរណ៍នានាក្នុងខេត្តកំពង់ឆ្នាំងបានយ៉ាងសប្បាយរីករាយ៕ សុខ គឹមសៀន

ខេត្តកំពង់ចាម ៖ ក្នុងឱកាសពិធីបុណ្យភ្ជុំបិណ្ឌ ប្រពៃណីជាតិខ្មែរ រយៈពេល ៣ថ្ងៃ ដោយរាប់ចាប់ពីថ្ងៃទី២៤ ដល់ថ្ងៃទី២៦ ខែកញ្ញា ឆ្នាំ២០២២ និងពិធីប្រណាំងទូក នៅស្រុកស្ទឹងត្រង់ ភ្ញៀវទេសចរ ដែលអញ្ជើញមកទស្សនាកំសាន្ត នៅតាមកន្លែងកម្សាន្ត និងរមណីយដ្ឋាននានា នៅខេត្តកំពង់ចាម សរុបមានចំនួន ៧៩.៥៧៤នាក់ ក្នុងនោះភ្ញៀវជាតិ មានចំនួន ៧៩.៣២៨នាក់ និងភ្ញៀវបរទេស មានចំនួន ២៤៦នាក់ ។ នេះបើតាមការគូបញ្ជាក់ឲ្យដឹង ពីលោក ស៊ាន សុគុន ប្រធានមន្ទីរទេសចរណ៍ ខេត្តកំពង់ចាម នៅល្ងាចថ្ងៃទី២៦ ខែកញ្ញា ឆ្នាំ២០២២ នេះ ។ ឯកឧត្ដម អ៊ុន ចាន់ដា អភិបាលខេត្តកំពង់ចាមមានប្រសាសន៍ថា កត្តាដែលភ្ញៀវមកដើរលេងកំសាន្តបានដោយសេរី និងសប្បាយរីករាយ ដោយសារតែប្រទេសជាតិមានសុខសន្តិភាពពេញលេញ ពុំមានការរំខានពីជនខិលខូច ឬភាគីបក្សណាមួយឡើយ ៕ លី ពៅ