ប្រាសាទព្រះថ្កោល ឬ ព្រះបុណ្យ មានទីតាំងស្ថិតនៅភូមិតាសែង ឃុំរណសិរ្ស ស្រុកសង្គមថ្មី ខេត្តព្រះវិហារ ដោយមានចម្ងាយប្រមាណជាង១គីឡូម៉ែត្រ ពីភូមិអ្នកស្រុក និង ចម្ងាយ ១០៥ គីឡូម៉ែត្រ ពីទីរួមខេត្តព្រះវិហារ ។

ប្រាសាទឯកភ្នំ ជារមណីយដ្ឋានទេសចរណ៍វប្បធម៌ដែលមានប្រាង្គប្រាសាទបុរាណមួយ មានទីតាំងនៅភូមិតាគម ឃុំពាមឯក ស្រុកឯកភ្នំ ខេត្តបាត់ដំបង ចំងាយ៧គ.ម បែកចេញពីផ្លូវខេត្តលេខ P156 ត្រង់ម្ដុំភូមិថ្កូវ ឃុំក្ដុលដូនទាវ ស្រុកឯកភ្នំ ខេត្តបាត់ដំបង និងចម្ងាយ១២.២៩គម ពីទីរួមខេត្តបាត់ដំបង។ អ្នកទេសចរអាចធ្វើដំណើដោយមធ្យោបាយ រថយន្ត ម៉ូតូ ប្រើរយៈពេលប្រមាណ២០នាទី។

រមណីយដ្ឋានប្រាសាទភ្នំឈ្ងោក ស្ថិតនៅភូមិបុស្សត្របែក ឃុំត្រពាំងព្រីង ស្រុកទឹកឈូ ខេត្តកំពត។ ដើម្បីបានទៅដល់រមណីយដ្ឋាននេះ ភ្ញៀវទេសចរទាំងឡាយអាចធ្វើដំណើរដោយទោចក្រយានយន្តគ្រប់ប្រភេទ តាមផ្លូវជាតិលេខ៣ ដល់ចំណុចខ្លោងទ្វារសាលាស្រុកទឹកឈូ ត្រូវបត់ចុះតាមផ្លូវលំអភិវឌ្ឍន៍ ឆ្ពោះទៅផ្នែកខាងជើង ក្នុងចម្ងាយ៦គីឡូម៉ែត្រនឹងប្រទះឃើញភ្នំមួយកម្ពស់ប្រហែល៤០ម៉ែត្រ មានឈ្មោះថា«ភ្នំឈ្ងោក» ដែលជារមណីយដ្ឋានមានប្រាសាទសាងសង់នាសតវត្សរ៍ទី៦ ក្នុងរូងភ្នំតែម្តង។

ប្រាសាទ បន្ទាយឆ្មារ មានទីតាំងស្ថិតនៅ ឃុំឆ្មារ ស្រុកថ្មពួក ខេត្តបន្ទាយមានជ័យ ។ ប្រាសាទមួយនេះ សាងសង់ដោយព្រះបាទ ជ័យវរ្ម័នទី៧ នៅសតវត្សទី ១២ ដល់ ដើមសតវត្ស ទី១៣ នៃគ្រិស្តសករាជ ដោយគោលបំណងដើម្បីឧទ្ទិសដល់ព្រះរាជបុត្រ របស់ព្រះអង្គ ព្រះនាម រាជកុមារ និង មេទ័ពទាំង៤។

ប្រាសាទនាងខ្មៅ ជាប្រាសាទបុរាណសាងសង់ឡើងអំពីថ្មភក់ និងឥដ្ឋ ក្នុងរចនាប័ទ្ម កោះកែ សម័យអង្គរ សតវត្សទី១០ ក្នុងរាជព្រះបាទ ជ័យវរ្ម័នទី ៤ នៃគ្រឹស្តសករាជ ដើម្បីឧទ្ទិសថ្វាយដល់ព្រះឥសូរ ក្នុងព្រហ្មញ្ញសាសនា ។

បឹងព្រះពន្លៃ គឺជាជំរំសត្វស្លាប ធម្មជាតិមួយកន្លែង ស្ថិតនៅភូមិផ្ទះរុង ឃុំផ្ទះរុង ស្រុកភ្នំក្រវាញ ខេត្តពោធិ៍សាត់ ។ បឹងព្រះពន្លៃ មានចម្ងាយប្រហែល ៣០ គ.ម ពីក្រុងពោធិ៍សាត់ ដែលអ្នកទេសចរអាចធ្វើដំណើរទៅបានយ៉ាងស្រួល ដោយមិនមានការធ្វើដំណើរ ដោយថ្មើរជើង រឺឆ្លងទឹកឡើយ ។