ភ្នំពេញ៖ នៅក្នុងកិច្ចប្រជុំក្រុមការងារទំនាក់ទំនងវិបត្តិទេសចរណ៍អាស៊ាន លើកទី៣ ដើម្បីវាយតម្លៃផលប៉ះពាល់នៃវិបត្តិកូវីដ-១៩ លើវិស័យទេសចរណ៍អាស៊ាន និងស្ដាប់ផែនការអនាគតនៃប្រទេសនីមួយៗ ភាគីកម្ពុជា និងប្រទេសដទៃទៀតបានបង្ហាញការគាំទ្រឱ្យអាស៊ានពិនិត្យលទ្ធភាពបើកទេសចរណ៍អន្តរជាតិឡើងវិញ ដោយធានាបាននូវសុវត្ថិភាព ទំនុកចិត្ត និងភាពជឿជាក់ដល់ភ្ញៀវទេសចរ និងប្រជាជនក្នុងប្រទេសរៀងៗខ្លួន។ កិច្ចប្រជុំនេះធ្វើឡើងតាមប្រព័ន្ធវីដេអូខនហ្វើរិន នាថ្ងៃទី២៤ ខែមិថុនា ឆ្នាំ២០២១ ដឹកនាំដោយឯកឧត្តម ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ នៃក្រសួងទេសចរណ៍កម្ពុជា និងជាប្រធានកិច្ចប្រជុំស្ថាប័នទេសចរណ៍ជាតិអាស៊ាន អាណត្តិឆ្នាំ២០២១ (ASEAN NTOs) និងដោយមានការចូលរួមពីតំណាងស្ថាប័នជាតិទេសចរណ៍អាស៊ាន (ASEAN NTOs) នៃប្រទេសសមាជិកទាំង ១០ លេខាធិការដ្ឋានអាស៊ាន សាមគមន៍ទេសចរណ៍អាស៊ាន (ASEANTA) សមាគមធ្វើដំណើរអាស៊ីប៉ាស៊ីហ្វីក (PATA) ក្រុមប្រឹក្សាធុរកិច្ចអាស៊ាន-អាមេរិក (US-ABC) និងក្រុមប្រឹក្សាធ្វើដំណើរពិភពលោក (WTTC) ដែលមានសមាសភាពចូលរួម ៧៤ រូប។ កិច្ចប្រជុំនេះបានពិភាក្សា និងវាយតម្លៃលើផលប៉ះពាល់នៃវិបត្តិជំងឺកូវីដ -១៩ លើវិស័យទេសចរណ៍អាស៊ាន ផែនការស្ដារវិស័យទេសចរណ៍អាស៊ានឡើងវិញ និងលទ្ធផលការងារទេសចរណ៍អាស៊ានផ្សេងៗទៀត ដូចជា៖ ១៖ ប្រទេសអាស៊ានទាំង ១០ បានគិតគូរអំពីការបើកទេសចរណ៍អន្តរជាតិឡើងវិញ និងបង្ហាញពីគំនិតផ្តួចផ្តើមបន្ត…

វគ្គសិក្សាខ្លី “កម្មវិធីបណ្ដុះបណ្ដាលអក្ខរកម្មឌីជីថលសម្រាប់វិស័យទេសចរណ៍កម្ពុជា” សម្រាប់បុគ្គលិកបម្រើការងារក្នុងឧស្សាហកម្មទេសចរណ៍ សហគ្រិន/ម្ចាស់អាជីវកម្ម និងមន្ត្រីរាជការក្នុងវិស័យទេសចរណ៍។ -សិក្សាផ្ទាល់តាមប្រព័ន្ធ Live Online-ថ្ងៃផុតកំណត់ចុះឈ្មោះ ថ្ងៃទី២៩ ខែមិថុនា ឆ្នាំ២០២១-ថ្ងៃចាប់ផ្ដើមចូលរៀនៈ ថ្ងៃទី០៣ ខែកក្កដា ឆ្នាំ២០២១-សិក្សាដោយឥតគិតថ្លៃ-ចំនួនមានកំណត់ ចុះឈ្មោះតាមរយៈតំណរភ្ជាប់នេះ៖https://urlkh.com/TuDP1 ព័ត៌មានបន្ថែម៖-ទូរស័ព្ទៈ ០១២ ៦២៨ ៦៦៥-អ៊ីម៉ែលៈ info@cambodia4point0.org Cambodia4point0 #DigitalLiteracy #DigitalTourism

ភ្នំពេញ៖ ក្រសួងទេសចរណ៍ ក្រសួងការងារ និងបណ្ដុះបណ្ដាលវិជ្ជាជីវៈ អង្គការស្វីសខន់ថាក់ (Swiss Contact) ព្រមទាំងដៃគូពាក់ព័ន្ធដទៃទៀត កំពុងសហការគ្នារៀបចំបច្ចេកទេសនានា ដើម្បីកំណត់ស្ដង់ដាគុណវុឌ្ឍិជាតិវិជ្ជាជីវៈទេសចរណ៍ និងវិញ្ញាបនបត្រវិជ្ជាជីវៈកម្រិតមូលដ្ឋាន លើជំនាញសេវាកម្មម្ហូបអាហារ និងភេសជ្ជៈ និងជំនាញការិយាល័យជួរមុខ និងគេហកិច្ច សម្រាប់ផ្ដល់ឱ្យគ្រូបង្គោលទាំងឡាយ យកទៅបណ្ដុះបណ្ដាលបន្តដល់សិក្ខាកាម ឬបុគ្គលិកដែលបម្រើការងារ ក្នុងវិស័យទេសចរណ៍ នៅតាមខេត្តភាគឦសាន។ កិច្ចសហការគ្នារវាងក្រសួងទាំងពីរ និងអង្គការដៃគូខាងលើនេះ បានឈានដល់កិច្ចប្រជុំបច្ចេកទេសស្តីពីការរៀបចំគុណវុឌ្ឍិជាតិវិជ្ជាជីវៈទេសចរណ៍ វិញ្ញាបនបត្រវិជ្ជាជីវៈ ១ លើជំនាញសេវាកម្មម្ហូបអាហារ និងភេសជ្ជៈ និងជំនាញការិយាល័យជួរមុខ និងគេហកិច្ច ដែលប្រារព្ធឡើងកាលពីរសៀលថ្ងៃទី២១ ខែមិថុនា ឆ្នាំ២០២១ ក្រោមអធិបតីភាពឯឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ ក្នុងនាមតំណាងឯកឧត្តមរដ្ឋមន្ត្រី ថោង ខុន និងដោយមានការចូលរួមពីឯឧត្តម ថោង រដ្ឋសក្តិ អគ្គនាយកនៃអគ្គនាយកដ្ឋានអភិវឌ្ឍន៍ផលិផលទេសចរណ៍ និងសហប្រត្តិការអន្តរជាតិ នៃក្រសួងទេសចរណ៍ លោក Christian Volker Ide ប្រធានកម្មវិធីអភិវឌ្ឍន៍ជំនាញនៃអង្គការស្វីសខន់ថាក់ លោក ជួប រតនា ប្រធាននាយកដ្ឋានផែនការអភិវឌ្ឍន៍ទេសចរណ៍ នៃក្រសួងទេសចរណ៍…

រាជធានីភ្នំពេញ ៖ដើម្បីសម្រួលដល់ការស្នើសុំចុះបញ្ជីសាលាវិជ្ជាជីវៈទេសចរណ៍និងក៏ដូចជាចូលរួមដល់ការអនុវត្តវិធានការ ៣ ការពារ និង៣ កុំ របស់រាជរដ្ឋាភិបាលកម្ពុជា ក្នុងការប្រយុទ្ធប្រឆាំងជំងឺឆ្លងកូវីដ-១៩ ក្រសួងទេសចរណ៍បានរៀបចំ “ប្រព័ន្ធចុះបញ្ជីការសាលាវិជ្ជាជីវៈទេសចរណ៍តាមប្រព័ន្ធអនឡាញដែលអនុញ្ញាតឲ្យសាលាវិជ្ជាជីវៈទេសចរណ៍ គ្រឹះស្ថានបណ្តុះបណ្តាល ដែលទទួលស្គាល់ ឬចុះបញ្ជីដោយក្រសួងទេសចរណ៍អាចស្នើសុំការចុះបញ្ជីការទទួលស្គាល់ពីក្រសួងទេសចរណ៍តាមរយៈគេហទំព័រ https://bit.ly/3imFIjZ ” ឬ ស្កេន QR Code ដើម្បីធ្វើការស្នើសុំថ្មី ឬបន្តអាជ្ញាបណ្ណ។ ខាងក្រោមនេះ ជាខ្លឹមសារសេចក្តីជូនដំណឹងរបស់ក្រសួងទេសចរណ៍។

យោងតាមរដ្ឋមន្ត្រីក្រសួងទេសចរណ៍លោក ថោង ខុន បានឲ្យដឹងថា ក្នុងរយៈពេល២ថ្ងៃចុងសប្ដាហ៏កន្លងទៅ ពោលគឺនៅថ្ងៃទី១៩ និងថ្ងៃទី២០មិថុនា ឆ្នាំ២០២១ មានភ្ញៀវទេសចរជាតិ-អន្តរជាតិប្រមាណជាង១០ម៉ឺន៩ពាន់៩៥នាក់ បានចេញដើរទស្សនាកម្សាន្តនៅទូទាំងប្រទេសកម្ពុជា។ ក្នុងនោះ មានភ្ញៀវជាតិចំនួន ១០ម៉ឺន៧ពាន់៧៦២ នាក់ និងភ្ញៀវបរទេសផ្ទៃក្នុងមានចំនួន ១ពាន់៣៣៣ នាក់។ គោលដៅទេសចរណ៍សំខាន់ៗដែលមានភ្ញៀវទៅលេងច្រើនជាងគេ គឺតំបន់ឆ្នេរ គោលដៅអេកូទេសចរណ៍ ទេសចរណ៍ផ្សងព្រេង និងរមណីយដ្ឋានឯកជនកែច្នៃបែបទេសចរណ៍ធម្មជាតិ ។ គោលដៅទេសចរណ៍សំខាន់ៗ ដែលមានភ្លៀងច្រើនជាងគេរួមមាន រាជធានីភ្នំពេញទទួលបានភ្ញៀវ២ម៉ឺន៧១៦នាក់, ខេត្តកំពតទទួលបាន ១ម៉ឺន៩ពាន់៤១៦នាក់, ខេត្តកំពង់ស្ពឺទទួលបាន១ម៉ឺន២ពាន់៣២០នាក់, ខេត្តបាត់ដំបងទទួលបាន៩ពាន់៦៨៨ នាក់, ខេត្តព្រះសីហនុទទួលបាន៨ពាន់៧៩៣នាក់ និងខេត្តកែបទទួលបាន៨ពាន់៣៤០នាក់។ លោករដ្ឋមន្ត្រីក្រសួងទេសចរណ៍ បានបង្ហាញការកត់សម្គាល់ថា ចំនួនភ្ញៀវមានការកើនឡើងប្រមាណ ៥៣.៩៣% ធៀបនឹងសប្តាហ៍កន្លងមក ប៉ុន្តែបើធៀបនឹងរយៈពេលដូចគ្នានៃខែមិថុនាឆ្នាំ២០២០ គឺថយចុះ ២៨.៧២%។