ប្រាសាទវិហារចន្ទ ស្ថិតនៅភូមិរោងដំរី ឃុំជើងភ្នំ ស្រុកបាភ្នំ ខេត្តព្រៃវែង។ ប្រាសាទនេះស្ថិតនៅជើងភ្នំបាភ្នំ ហើយមានរឿងរ៉ាវប្រវត្តិសាស្ត្រទាក់ទងទៅនឹងរជ្ជកាលអាណាចក្រនគរភ្នំ ក្នុងសតវត្យទី១ដល់ទី៦។ ប្រាសាទបុរាណនេះបានកសាងឡើងមុនសម័យអង្គរ(ក្នុងស.វទី៦ និងដើមស.វទី៧) អំពីថ្មភក់ និងថ្មបាយក្រៀម។ លោកតាបសភ្នំតូច(លោកឃុត ច័ន្ទប៊ុនធឿន)បានប្រាប់ថា បាភ្នំ/ភ្នំធំគឺជាបណ្តុំភ្នំច្រើរួមមានៈ ភ្នំសំពៅ ភ្នំដើមជ្រៃ ភ្នំបញ្ចា ភ្នំខ្ចងសាំង ភ្នំអាង(ទឹក) ភ្នំយាយទូលកញ្ច្រែង-លោកតាទូលឈ្នាង និងភ្នំផែនដី(ភ្នំចេតិយ)ដែលខ្ពស់ជាងគេដែលមានរូង២ ទៅ៣ជាន់។ ស្តេចព្រះហ្លួងកនបានធ្លាប់មករៀនវិជ្ញាគុណពូកែៗនៅទីនេះ (បាភ្នំ)។ ភ្នំទាំងអស់សុទ្ធតែមានរូង (រូងខ្លះជារូងអាថ៌កំបាំង ឬរូងអ្នសច្ចំ)។ រូងភ្នំនាគនៅបាភ្នំផុសនៅរូងភ្នំមេដែង ដែលស្តេចនាគនោះ គេហៅថាព្រះមាតាលីវយី។ លោកតាផ្តាំថា សូមប្រយ័ត្ន កុំឱ្យខុសមាត់ ខុស.ក ពេលដើរព្រៃភ្នំ។ បារមីភ្នំតាមថែគ្រោងមនុស្សដែលគិតផលប្រយោជន៍រួមជាធំ។ សូមបន់ស្រន់ដល់វត្ថុស័ក្តិសិទ្ធិក្នុងលោក ទេវតាឆ្នាំថ្មី និងបារមីទឹកដីនគរភ្នំជួយតាមថែរក្សាពលរដ្ឋកម្ពុជាគ្រប់រូបឱ្យជួបតែអាយុយឺនយូរ មានលាភ និងមានជ័យ កុំបីឃ្លាងឃ្លាតឡើយ ប្រភព៖ Heritages Diary ‐ បេតិកភណ្ឌប្រចាំថ្ងៃ

ក្នុងរយៈពេល៦ខែ​ នៃ​ការអនុវត្តគម្រោង​អភិរក្ស និងជួសជុលជណ្ដើរបុរាណខាងជើងដំណាក់កាលទី២​ ក្រោមមូលនិធិ​ស្ថានទូតអាមេរិកដេីម្បីអភិរក្សវប្បធម៌​ (២០២០-២០២១) ក្រុមការងារបច្ចេកទេសរបស់នាយដ្ឋានរមណីយដ្ឋាន និងបុរាណវិទ្យានៃអាជ្ញាធរជាតិព្រះវិហារ បានសម្រេចការងារមួយចំនួនដូចខាងក្រោម៖ ស្ដារប្រព័ន្ធផ្លូវទឹក និងលើកតម្លៃតួនាទីប្រព័ន្ធផ្លូវទឹកបុរាណឡើងវិញចំនួន២ កន្លែង មួយកន្លែងស្ថិតនៅខាងលិចក្បាលនាគ គោបុរៈទី៥ ដោយរៀបចំជាប្រឡាយឥដ្ឋ មានទំហំទទឹង ១មែត្រ បណ្ដោយ ២៨ម៉ែត្រ ជម្រៅ៨០សង់ទីម៉ែត្រ និងរៀបចំដាំស្មៅហើយរួចរាល់​ និងមួយកន្លែងទៀតនៅទីតាំងចុងខាងជើងឈាងខាងលិចជណ្តើរបុរាណ មានទំហំទទឹង ១ម៉ែត្រ បណ្ដោយ ២៣ម៉ែត្រ ជម្រៅ៨០សង់ទីម៉ែត្រ ក្នុងនោះដែរក្រុមការងារបានរៀបចំប្រឡាយឥដ្ឋប្រវែង២៨ ម៉ែត្រ និងរៀបប្រព័ន្ធស្ទាក់សម្រាមបន្តពីប្រឡាយឥដ្ឋ ១កន្លែង និងមួយកន្លែងទៀតនៅផ្នែកខាងលិចជណ្ដើរថ្នាក់ទី២៦ ដើម្បីប្រមូលទឹកភ្លៀងដែលហូរពីផ្នែកខាងលើជណ្តើរអោយហូរទៅប្រឡាយដែលបានរៀបចំនៅផ្នែកខាងក្រោម ជីកប្រឡាយថ្មីមួយកន្លែងមានប្រវែង៥៦ ម៉ែត្រនៅទិសខាងជើងជណ្តើរបុរាណជើង ដើម្បីរំដោះ និងប្រមូលទឹកភ្លៀងពីផ្នែកខាងក្រោមជណ្តើរអោយហូរទៅកាន់ប្រឡាយធម្មជាតិ ជួសជុលចម្លាក់តោចំនួន១ និងចម្លាក់គុជសីហ៍ ចំនួន១បានរួចរាល់ ជួសជុលបង្កាន់ដៃជណ្ដើរនៅថ្នាក់ទី៥បានរួចរាល់ ជួសជុល និងពង្រឹងគ្រឹះជណ្តើរបុរាណថ្នាក់ទី៤រួចរាល់ អភិរក្ស និងជួសជុល ជណ្តើរថ្នាក់ទី៣ រួចរាល់ កំពុងបន្ដការងារជួសជុលនៅថ្នាក់ទី២,ទី៣,ទី៤ បន្ដទៀត។ ប្រភព៖ ក្រសួងវប្បធម៌ និងវិចិត្រសិល្ប:

យើងនៅញញឹមចាំស្វាគមន៍អ្នកគ្រប់ពេលវេលា ខ្ញុំនៅបង្ហាញស្នាមញញឹមជាប់ជានិច្ច និងរង់ចាំអ្នកមកទស្សនាខ្ញុំគ្រប់ពេលវេលា។ ក្រោមការមើលថែទាំអភិរក្សយ៉ាងល្អប្រពៃពីអាជ្ញាធរជាតិអប្សរា ធ្វើឲ្យខ្ញុំនៅតែរឹងមាំ ស្រស់ស្អាត ស័ក្ដិសមនូវគុណតម្លៃនៃប្រាង្គប្រាសាទដ៏អច្ឆរិយជាសាកលសម្រាប់មនុស្សជាតិ។ សូមកូនខ្មែរគ្រប់រូប ចូលរួមថែរក្សាគុណតម្លៃបេតិកភណ្ឌនេះជាដរាបតរៀងទៅ។ កិច្ចការអភិរក្សបេតិកភណ្ឌ ជាភារកិច្ចកូនខ្មែរគ្រប់ៗរូប៕ សូមអញ្ជើញទស្សនាទិដ្ឋភាពដ៏ត្រកាលនៃប្រាង្គប្រាសាទអង្គរវត្ត និងប្រាសាទបាយ័ន នៃរមណីយដ្ឋានអង្គរ ដូចខាងក្រោមនេះ ប្រភព៖ ក្រសួងវប្បធម៌ និងវិចិត្រសិល្ប:

ភ្នំឧត្តុង្គ គឺជារមណីយដ្ឋានទេសចរណ៍ ​វប្បធម៌ និងប្រវត្តិសាស្រ្ដ នៅស្រុកពញាឮ ខេត្តកណ្ដាល។